سری نگر: جموں اور کشمیر لائن آف کنٹرول پربھارتی فورسز کی بلا اشتعال فائرنگ کی شدید مذمت کرتے ہوئےحریت رہنماؤں نے اسے بھارت کی جانب سے کشمیریوں پر جاری مظالم سے توجہ ہٹانے کی کوشش قراردیا۔

تفصیلات کےمطابق آل پارٹیز حریت کانفرنس کے ترجمان،سینئر رہنما شبیر احمد شاہ اور آغا سید حسن الموسوی نےعالمی برادری سے اپیل کی ہے کہ وہ بھارتی فورسز کی جانب سے کشمیریوں پر ڈھائے جانے والے مظالم کا نوٹس لیں۔

دوسری جانب حریت رہنما میر واعظ عمر فاروق نے ایل او سی پر بھارتی فورسز کی بلا اشتعال فائرنگ پر اپنے تحفظات کا اظہار کرتے ہوئے کہا کہ فوجی جارحیت سے مسائل کا حل ممکن نہیں ہے۔

میر واعظ عمر فاروق نے پاکستان اور بھارتی عوام کے درمیان جنگی جنون کے جذبات ابھارنے پر ہندوستانی میڈیا کے کردار کو تنقید کا نشانہ بنایا۔

ادھرجموں اور کشمیر کے مختلف علاقوں میں کشمیریوں نے ایل او سی پر بھارتی کارروائی کا نشانہ بننے والے 2 پاکستانی فوجیوں کی غائبانہ نماز جنازہ ادا کی۔

اس موقع پر ہزاروں کشمیری مظاہرین نے ہندوستانی جارحیت کے خلاف سری نگر کے لال چوک پر مظاہرہ کیا جنہیں منتشر کرنے کیلئے بھارتی فورسز نے آنسو گیس کا استعمال کیا، بھارتی فورسز کی فائرنگ سے سیکٹروں کشمیری زخمی ہوگئے۔

مزید پڑھیں:بھارت 18فوجیوں کی ہلاکت نہیں بھولتا،ہم6لاکھ شہادتیں کیسے بھول جائیں،علی گیلانی

یاد رہے کہ جموں اور کشمیر میں 84 روز سے کرفیو جاری ہے جبکہ وادی کی مساجد میں 12 ہفتے ہونے کو ہیں کہ مساجد میں نماز جمعہ کی ادائیگی ممکن نہ ہوسکی ہے۔

مزید پڑھیں: ہماری چوتھی نسل خونریزی کےماحول میں رہ رہی ہے،علی گیلانی

واضح رہے کہ دو روز قبل حریت کانفرنس کے چیئرمین سید علی گیلانی کا کہنا تھا کہ ’’ہماری چوتھی نسل خونریزی،جبر اور سیاسی غیر یقینی کے ماحول میں رہ رہی ہے‘‘۔

واشنگٹن : امریکی محکمہ خارجہ اور اقوام متحدہ کے سیکرٹری جنرل بان کی مون نےکوئٹہ میں ہونے والےخودکش حملے اور سینئر وکیل ایڈوکیٹ بلال انور کاسی کے قتل کی شدید مذمت کی.

تفصیلات کے مطابق محکمہ خارجہ کی ترجمان الیزبتھ ٹروڈو کا کہنا تھا کہ اس ہولناک واقعے کی تحقیقات کےلیے نواز حکومت کو اپنے بھرپور تعاون کا یقین دلاتے ہیں.

انہوں نے مزید کہا کہ کوئٹہ خودکش حملے میں عدلیہ اور میڈیا کو بھی نشانہ بنایا گیا جو کسی بھی جمہوریت کے دو اہم ستون ہیں.

دوسری جانب اقوام متحدہ کے سیکرٹری جنرل بان کی مون نے کوئٹہ خودکش حملے کی شدید مذمت کی اور پاکستانی عوام سے یکجہتی کا اظہار کیا۔

*کوئٹہ: سول اسپتال میں دھماکا، 70افراد جاں بحق، 112 زخمی

امریکی محکمہ خارجہ کی ترجمان نے اس موقع پر پاکستان کی فوجی امداد روکے جانے پر تبصرہ کرنے سے معذرت کرتے ہوئے کہا کہ یہ موقع امداد پر بات کرنے کےلیے مناسب نہیں ہے،دہشت گردی کے اس واقعے کو سیاسی رنگ نہیں دینا چاہتی.

*اسلام آباد سےامریکی شہری گرفتار

پاکستان میں امریکی شہری میتھیو بیرٹ کی گرفتاری کے حوالے سے ترجمان کا کہنا تھا کہ امریکا اپنے شہری کی پاکستان میں گرفتاری کے حوالے سے مکمل طور پر آگاہ ہے تاہم شہریوں کی پرائیویسی ایکٹ کے تحت اس معاملے پر کوئی بات نہیں کر سکتے.

واضح رہے کہ گزشتہ روز کوئٹہ خودکش حملے میں 70افراد جان کی بازی ہار گئے تھے۔