Tag: مراد علی شاہ

کراچی: سندھ حکومت نے جیلوں سے سزا یافتہ قیدیوں کو عارضی رہائی دینے کا فیصلہ کر لیا۔

تفصیلات کے مطابق محکمہ داخلہ سندھ کی تمام تجاویز وزیراعلیٰ سندھ مراد علی شاہ نے منظور کرلیں، صوبے کی جیلوں سے سزا یافتہ قیدیوں کو 4 ماہ کے لیے عارضی رہا کیا جائے گا۔

محکمہ داخلہ سندھ کی سمری کے مطابق سزا یافتہ قیدیوں کو ضمانتی بانڈ پر رہا کیا جائے گا، قیدیوں کو پینل کوڈ کی مختلف دفعات کے تحت عارضی طور پر رہا کیاجائے گا۔

سمری میں کہا گیا ہے کہ سندھ کابینہ کی منظوری کے بعد فیصلے پر عملدرآمد شروع ہوگا، فیصلے کا اطلاق منشیات ،نیب،معمولی جرائم میں ملوث سزا یافتہ قیدیوں پر ہوگا،فیصلے کا اطلاق بغاوت،قتل وغارت گری، دہشت گردی میں ملوث قیدیوں پر نہیں ہوگا۔

محکمہ داخلہ سندھ کا کہنا ہے کہ سندھ کی جیلوں میں گنجائش سے زیادہ قیدی موجود ہیں، سندھ کی جیلوں میں 16 ہزار 24 قیدی موجود ہیں۔

وزیراعلیٰ خیبرپختونخوا کا قیدیوں کے لیے بڑا اعلان

اس سے قبل گزشتہ ہفتے 16 مارچ کو وزیراعلیٰ خیبرپختونخوا محمود خان نے قیدیوں کی سزاؤں میں 2 ماہ کی کمی کی ہدایت کرتے ہوئے کہا تھا کہ کرونا وبا کی شکل اختیار کرگیا، قیدیوں کو بھی ریلیف دیں گے۔

واضح رہے کہ پاکستان میں بھی کرونا وائرس کی وبا تیزی سے پھیل رہی ہے اور متاثر افراد کی تعداد 1420 تک جا پہنچی ہے ، وائرس سے اب تک 12 افراد جاں بحق اور 29 مریض صحت یاب ہوچکے ہیں۔

کراچی: وزیراعلیٰ سندھ مراد علی شاہ کا کہنا ہے کہ کرونا وائرس سے بچنے کے لیے عوام نے میرا ساتھ دینا ہے۔

تفصیلات کے مطابق کراچی میں وزیراعلیٰ سندھ کی زیر صدارت کرونا ٹاسک فورس کا اجلاس ہوا جس میں بریفنگ کے دوران بتایا گیا کہ سندھ میں کروناوائرس کے 469 کیسز رپورٹ ہوچکے ہیں۔

وزیراعلیٰ سندھ کو بریفنگ کے دوران بتایا گیا کہ سکھر میں265، کراچی میں 189، دادو1، لاڑکانہ میں7 کیسز ہیں،حیدرآباد میں بھی کروناوائرس کے 7 کیسز ہیں،آج کراچی میں 17 نئے کرونا کیسز آئے ہیں جبکہ لوکل ٹرانسمیشن کیسزکی تعداد 132ہوگئی ہے۔

اس موقع پر وزیراعلیٰ سندھ کا کہنا تھا کہ کوشش ہے سندھ کے عوام کو کرونا وائرس سے بچاؤں،کرونا وائرس سے بچنے کے لیے عوام نے میرا ساتھ دینا ہے۔

مراد علی شاہ کا کہنا تھا کہ لاک ڈاؤن میں عوام کے تعاون کی ضرورت ہے، لاک ڈاؤن میں اپنی ہیلتھ سروسز پر توجہ دے رہے ہیں۔

واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1415 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 12 افراد جاں بحق اور 29 مریض صحت یاب ہوچکے ہیں۔

کراچی: وزیراعلیٰ سندھ مراد علی شاہ کا کہنا ہے کہ کرونا وائرس کے خلاف عوام کا ساتھ ہی سب سے بڑی نعمت اور دولت ہے۔

تفصیلات کے مطابق وزیراعلیٰ سندھ نے آج شام 6 بجے کرونا وائرس پر اجلاس طلب کر لیا جس میں کرونا وائرس کے پھیلائو،ٹرینڈ اور مقامی منتقلی کا جائزہ لیا جائے گا۔اجلاس میں لاک ڈاؤن پر عملدرآمد کا بھی جائزہ لیا جائے گا۔

وزیراعلیٰ سندھ آج سے دکانیں شام 5 بجے سے بند رکھنے کے احکامات پہلے ہی دے چکے ہیں۔

مراد علی شاہ کا کہنا ہے کہ عوام کرونا وائرس کے خلاف جنگ میں بھرپور ساتھ دے رہے ہیں، عوام کا ساتھ ہی سب سے بڑی نعمت اور دولت ہے۔

کروناوائرس: ’’حکومت بڑے پیمانے پر آئسولیشن رومز بنارہی ہے‘‘

اس سے قبل گزشتہ روز وزیراطلاعات سندھ ناصر حسین شاہ کا کہنا تھا کہ کرونا کا مریض گھر پر رہتا ہے تو گھر والوں کو بھی متاثر کرسکتا ہے، حکومت بڑے پیمانے پر آئسولیشن رومز بنا رہی ہے تا کہ وائرس کو پھیلنے نہ دیا جائے۔

واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1373 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 11 افراد جاں بحق اور 23 مریض صحت یاب ہوچکے ہیں۔

کراچی: وزیراعلیٰ سندھ مراد علی شاہ نے آئی جی سندھ پولیس مشتاق مہر کو ہدایت کی ہے کہ لاک ڈاؤن میں باہر نکلنے والوں سے سختی سے نمٹا جائے۔

تفصیلات کے مطابق کراچی میں وزیراعلیٰ سندھ مراد علی شاہ کی زیرصدارت اجلاس ہوا جس میں صوبائی وزیر اطلاعات ناصر حسین شاہ نے بتایا کہ سندھ میں کرونا کے 394 کیسز ہیں، کراچی میں 134، سکھر فیز ون میں 151، فیز ٹو میں 109 ہیں۔

ناصر حسین شاہ نے بریفنگ کے دوران بتایا کہ کرونا کے 83 مقامی منتقلی کے کیسز شہر میں رپورٹ ہوئے، ملیر میں 98 زائرین رکھے گئے ہیں، لاک ڈاؤن کی رپورٹس مثبت آئی ہیں۔انہوں نے کہا کہ سندھ سے کسی ریلوے اسٹیشن سے مسافر کو جانے نہ دیا جائے، سندھ میں بذریعہ ریل آنے والوں کا فیصلہ کچھ دیر میں کر لیں گے۔

وزیراعلیٰ سندھ مراد علی شاہ نے آئی جی سندھ پولیس مشتاق مہر کو ہدایت کی ہے کہ لاک ڈاؤن میں باہر نکلنے والوں سے سختی سے نمٹا جائے۔

اجلاس میں فیصلہ کیا گیا کہ کرونا ٹیسٹنگ کی گنجائش مزید بڑھائی جائے گی، گزشتہ ہفتے 10اسپتالوں میں 180ٹیسٹ کرنے کی گنجائش تھی، صوبے بھر کے اسپتالوں میں اس ہفتے 1200 ٹیسٹ کی گنجائش کر دی گئی ہے، آئندہ ہفتے 3400 ٹیسٹ کرنے کی گنجائش کی جائے گی۔

وزیراعلیٰ سندھ کے زیر صدارت اجلاس میں فیصلہ کیا گیا کہ لاڑکانہ میں 83 لوگوں کے ٹیسٹ کروائیں جائیں گے، ملیر میں رکھےگئے 98 افراد کے بھی ٹیسٹ کرانے کا فیصلہ کیاگیا ہے۔

مراد علی شاہ نے صوبے کے تمام اخراجات کنٹرول کرنے اور تنخواہ، پینشن کے علاوہ تمام ادائیگیاں روکنےکی ہدایت کر دی۔ وزیراعلیٰ نے گریجویٹی، ایکیشمینٹ، ایل پی آر وغیرہ کی ادائیگیاں فی الحال روک دیں۔

وزیراعلیٰ سندھ کی ہدایت پر محکمہ خزانہ نے اکاؤنٹنٹ جنرل کو خط لکھ دیا گیا۔ وزیراعلیٰ سندھ نے صوبے کے ریٹائرڈڈ ملازمین کو جلد پینشن دینے کا فیصلہ کیا ہے۔ مراد علی شاہ نے محکمہ فنانس کو 25 مارچ سے پینشن دینے کی ہدایت کر دی۔

کراچی: وزیراعلیٰ سندھ مراد علی شاہ نے عوام سے اپیل کرتے ہوئے کہا کہ خدارا گھروں میں رہیں، عوام کو نہ صرف خود کو اپنے بچوں کو اور دوستوں کو بچانا ہے۔

تفصیلات کے مطابق وزیراعلیٰ سندھ مراد علی شاہ کی زیرصدارت کرونا ٹاسک فورس کا 23 واں اجلاس ہوا جس میں صوبائی وزرا، چیف سیکریٹری، آئی جی، کور 5، رینجرز، ڈبلیو ایچ کے نمائندے شریک تھے۔ اجلاس میں ایئرپورٹ، سول ایوی ایشن اور دیگر اداروں کے نمائندوں نے بھی شرکت کی۔

سیکریٹری ہیلتھ نے بریفنگ کے دوران بتایا کہ صوبے میں کل 87 کیسز ہیں، سکھرمیں 151 کیسز ہیں، سکھر فیز 2 کے 402 ٹیسٹ کے نتائج زیر التوا ہیں، لاڑکانہ کے 83 ٹیسٹ ابھی آنا باقی ہیں۔

اجلاس میں بریفنگ کے دوران وزیراعلیٰ سندھ کو بتایا گیا کہ 31 پروازیں شیڈول تھیں 3710 مسافر آئے، تمام مسافروں کی اسکریننگ کی گئی،4مشتبہ افراد کے ٹیسٹ لیےگئے۔

وزیراعلیٰ سندھ کا کہنا تھا کہ لوکل ٹرانس میشن کے کیسز 51 ہوگئے ہیں، اصل پریشانی کی بات لوکل ٹرانس میشن کے بڑھتے کیسز ہیں۔انہوں نے عوام سے اپیل کرتے ہوئے کہا کہ خدارا گھروں میں رہیں، عوام کو نہ صرف خود کو اپنے بچوں کو اور دوستوں کو بچانا ہے۔

مراد علی شاہ نے کہا کہ سرکاری اسپتالوں میں آج 1874مشتبہ افراد آئے،21 کے ٹیسٹ کیے، نجی اسپتالوں نے 702مشتبہ رپورٹ کیے،5 ٹیسٹ کیے ہیں۔

پاکستان میں کرونا وائرس کے کیسز کی تعداد 458 ہو گئی

واضح رہے کہ پاکستان میں کرونا وائرس کے کیسز کی تعداد 458 ہو گئی ہے، وائرس سے مجموعی طور پر 3 افراد جاں بحق جبکہ 5 مریض صحت یاب ہو چکے ہیں۔

کراچی: وزیراعلیٰ سندھ مراد علی شاہ کا کہنا ہے کہ شہری رات دیر تک گھومتے رہیں گے تو ہوٹلز اور ریسٹورینٹس مکمل بند کر دیں گے۔

تفصیلات کے مطابق سندھ حکومت نے ریسٹورینٹس اور چائے خانوں کو رات 9 بجے تک بند کرنے پر غور شروع کر دیا ہے۔ وزیراعلیٰ سندھ نے کہا کہ کریانے کی دکانیں کسی بھی صورت بند نہیں ہوں گی۔

مراد علی شاہ نے آئی جی سندھ پولیس کو مختلف اسٹورز پر چھاپے مارنے کی ہدایت کرتے ہوئے کہا کہ سینیٹائزر، ٹشو پیپرز مہنگے بیچنے والوں کو گرفتار کیا جائے۔

وزیراعلیٰ سندھ نے کہا کہ اب میں زیرو ٹالرینس کی پالیسی پر جا رہا ہوں، دیر تک ہوٹلنگ اور گھومنا پھرنا جاری رہا تو ہوٹلز اور ریسٹورینٹس مکمل بند کر دوں گا۔

دوسری جانب پولیس نے سپرہائی وے کے تمام ہوٹلز کو بند کر دیا، سپرہائی وے پر100 سے زائد بڑے اور 200 کے قریب چھوٹے ہوٹلز ہیں۔

کرونا وائرس کے کیسز بڑھیں گے، وزیر اعلیٰ سندھ نے خدشہ ظاہرکردیا

اس سے قبل وزیراعلیٰ سندھ مراد علی شاہ کا کہنا تھا کہ کرونا وائرس کے کیسز بڑھیں گے ہم سب کو معلوم ہے۔ مراد علی شاہ کا کہنا تھا کہ میری ذاتی رائے ہے چائے خانے اور ریسٹورنٹس بند ہونے چاہئیں۔

اسلام آباد: وزیراعلیٰ سندھ مراد علی شاہ کا کہنا ہے کہ کرونا وائرس کے کیسز بڑھیں گے ہم سب کو معلوم ہے۔

تفصیلات کے مطابق وزیراعلیٰ سندھ مراد علی شاہ نے کراچی میں میڈیا سے گفتگو کرتے ہوئے کہا کہ کرونا وائرس چین سے شروع ہوا،سب سے پہلے چین سے آنے والے 34 لوگوں کو ٹیسٹ کیاگیا تھا، چین سے کوئی بھی کیس پاکستان منتقل نہیں ہوا۔

مراد علی شاہ کا کہنا تھا کہ سب سے پہلے کراچی کے شخص میں کروناوائرس کی تصدیق ہوئی، اب تک سندھ میں 393 ٹیسٹ کیے جاچکے ہیں، اللہ کا شکر ہے کہ اب تک صورت حال قابو میں ہے۔

انہوں نے کہا کہ یہ کرونا وائرس ایک سے دوسرے میں جلدی منتقل ہو جاتا ہے،کرونا وائرس کے کیسز بڑھیں گے ہم سب کو معلوم ہے، ایران کے تین کیسز کی ٹریول ہسٹری ہمارے پاس موجود ہے،سعودی عرب کے 5، شام سے 8 کرونا کیسز پاکستان میں آئے ، قطر سے بھی کرونا وائرس کا ایک کیس کل سامنے آیا ہے، دبئی سے بھی 3 کیس پاکستان آئے ان میں سے ایک لندن سے آیا تھا۔

وزیراعلیٰ سندھ کا کہنا تھا کہ تفتان کے ذریعے ایک بچےمیں کرونا وائرس کیس سامنے آیا، بچے کو تفتان سے کوئٹہ لے گئے جہاں کچھ دن بعد اسے تکلیف ہوئی، بچے کو کراچی لاتے ہوئے راستے میں پتہ چلا کہ کرونا وائرس ہے۔

مراد علی شاہ نے کہا کہ 100 سے زائد کیسز ایسے ہیں جن کی ٹریول ہسٹری ہیں، باقیوں میں اہلخانہ شامل ہیں، جن شہریوں کی ٹریول ہسٹری ہے ان کے ٹیسٹ کیے جا رہے ہیں۔

انہوں نے کہا کہ کروناوائرس کی 10ہزار ٹیسٹ کٹس ہم نے خود منگوالی تھیں، سندھ میں کرونا کا کوئی مریض تشویش ناک حالت میں نہیں، کسی مریض کو اب تک آکسیجن کی ضرورت نہیں پڑی۔

وزیراعلیٰ سندھ کا کہنا تھا کہ کراچی میں 27 اور سکھر میں اس وقت تک کروناوائرس کے 61 کیس ہوگئے، سندھ میں کروناوائرس کے مریضوں کی مجموعی تعداد 88 جبکہ ملک میں متاثرہ افراد کی تعداد 114ہوگئی۔

مراد علی شاہ نے کہا کہ میری ذاتی رائے ہے چائے خانے اور ریسٹورنٹس بند ہونے چاہئیں، لوگ بلا وجہ باہر نہ نکلیں، زیادہ سے زیادہ گھروں میں رہیں۔انہوں نے مزید کہا کہ افواہیں پھیلانے اور ذخیرہ اندوزوں کے خلاف سخت ایکشن لیں گے۔