Tag: مراد علی شاہ

کراچی: وزیراعلیٰ سندھ مراد علی شاہ کا کہنا ہے کہ میں ہر حال میں آپ کے ساتھ ہوں، پریشانی کی ضرورت نہیں ہے۔

تفصیلات کے مطابق وزیراعلیٰ سندھ مراد علی شاہ نے کراچی میں بغیر پروٹوکول مختلف علاقوں کا دورہ کیا۔ وزیراعلیٰ سندھ کے ساتھ مشیر قانون مرتضیٰ وہاب بھی تھے۔

وزیر اعلیٰ پنجاب عثمان بزدار نے لاہور میں بغیر پروٹوکول مختلف علاقوں کا دورہ کیا اور شہری سہولیات کو مزید بہتر بنانے کے لیے ہدایات جاری کیں۔

ترجمان وزیراعلیٰ سندھ نے کہا کہ مراد علی شاہ نے شہر کے مختلف علاقوں کا دورہ کیا، شہریوں سے ملیں۔

مراد علی شاہ کا کہنا تھا کہ میں ہر حال میں آپ کے ساتھ ہوں، پریشانی کی ضرورت نہیں ہے، صرف صحت کے اصولوں پر عمل کرنا ہے۔

پاکستان میں‌کرونا کیسز کی تعداد 31 تک پہنچ گئی

وفاقی دارالحکومت میں ایک اور کراچی میں کرونا وائرس کے مزید 2 کیسز سامنے آگئے جس کے بعد ملک میں مریضوں کی مجموعی تعداد 31 تک پہنچ گئی جن میں سے ایک خاتون کی حالت تشویش ناک ہے۔

واضح رہے کہ رواں ماہ 11 مارچ کو عالمی ادارہ صحت نے کرونا وائرس کو عالمگیر وبا قرار دیا تھا، یہ وائرس اب تک 114 ممالک میں پھیل چکا ہے اور اب تک ایک لاکھ سے زائد افراد متاثر جبکہ 5 ہزار سے زائد ہلاک ہوچکے ہیں ۔

کراچی: وزیراعلیٰ سندھ مراد علی شاہ کا کہنا ہے کہ کوئی ایک روڈ ون وے نہ کیاجائے مکمل ٹریفک مینجمنٹ پیکج دیا جائے۔

تفصیلات کے مطابق کراچی میں وزیراعلیٰ سندھ کی زیر صدات ٹریفک مینجمنٹ سے متعلق اہم اجلاس ہوا جس میں بریفنگ کے دوران بتایا گیا کہ اہم ہوٹل اور کراچی جیم خانہ کلب روڈ کو ون وے کیا ہے۔

وزیراعلیٰ سندھ نے کہا کہ کوئی ایک روڈ ون وے نہ کیا جائے مکمل ٹریفک مینجمنٹ پیکج دیا جائے، میٹروپول،شاہین کمپلیکس،آئی آئی چندریگر روڈ، کلفٹن برج پر رش رہتا ہے، مینجمنٹ میں جو سڑکیں ون وے کرنی ہیں وہ کریں۔

پی آئی ڈی سی سے میٹرو پول جانے والی سڑک ون وے کردی گئی

یاد رہے کہ گزشتہ ماہ پی آئی ڈی سی سے میٹرو پول جانے والے کلب روڈ پر دو طرفہ ٹریفک بند کرتے ہوئے اسے یکطرفہ ٹریفک کے لیے کھول دیا گیا تھا۔

نوٹیفکیشن میں کہا گیا تھا کہ میٹرپول سے پی آئی ڈی سی جانے کی اجازت ہوگی جبکہ پی آئی ڈی سی سے میٹروپول جانے کے لیے سڑک بند ہوگی، شہریوں کی جانب سے متبادل کے طور پر ایوان صدر اور ایم آر کیانی روڈ کو استعمال کیا جائے گا۔

کراچی: وزیراعلیٰ سندھ مراد علی شاہ نے سڑکوں پر پارکنگ پر اظہار برہمی کرتے ہوئے ڈی آئی جی ٹریفک کو سڑکوں پر پارکنگ کی اجازت نہ دینے کی ہدایت کر دی۔

تفصیلات کے مطابق وزیراعلیٰ سندھ مراد علی شاہ کی زیر صدارت کراچی کے ترقیاتی امور پر اجلاس ہوا جس میں وزیراعلیٰ سندھ نے ایم ڈی واٹر بورڈ کو کہا کہ جہاں جہاں گٹر ابل رہے ہیں وہ ٹھیک کرنے کی ہدایت بھی کی۔

مراد علی شاہ کا کہنا تھا کہ کراچی میں 449 اسکیموں پر کام چل رہا ہے جن کی مالیت 40.6 بلین روپے ہیں، سندھ حکومت نے ابھی تک 15.14 بلین روپے جاری کیے ہیں۔

انہوں نے کہا کہ کراچی چڑیا گھر کا کام بہت سست روی کا شکار ہونے پر ناراضی کا اظہار کرتے ہوئے کہا کہ چڑیا گھر کے کام کو تیز کریں، میں خود جلد دورہ کروں گا۔

وزیراعلیٰ سندھ کا کہنا تھا کہ سب میرین چورنگی پر بنے انڈر پاس کے بائیں جانب قائم عمارت کو ایک ماہ میں گرانے اور سڑک کی تعمیر شروع کرنے کی ہدایت کی، اس عمارت نے فیز ٹو کی طرف جانے والی سڑک بلاک کی ہے۔

مراد علی شاہ نے سڑکوں پر پارکنگ پر اظہار برہمی کرتے ہوئے ڈی آئی جی ٹریفک کو سڑکوں پر پارکنگ کی اجازت نہ دینے کی ہدایت کر دی۔

کراچی: سپریم کورٹ نے ڈی جی ایس بی سی اے کو فوری ہٹانے کاحکم دیتے ہوئے ریمارکس دیے کہ وزیراعلیٰ سندھ کسی ایماندار افسر کو ڈی جی ایس بی سی اے تعینات کریں۔

تفصیلات کے مطابق سپریم کورٹ کراچی رجسٹری میں شہر قائد میں غیر قانونی تعمیرات سے متعلق سماعت کے دوران درخواست گزار نے کہا کہ کراچی کے ہر علاقے میں غیر قانونی تعمیرات ہو رہی ہیں، 6 لاکھ روپے فی فلور رشوت لے کرآنکھیں بند کر لی جاتی ہیں۔

جسٹس سجاد علی شاہ نے ریمارکس دیے کہ ناظم آباد میں ہر گلی، محلے میں پیسے لے کر پورشن بن رہے ہیں۔ انہوں نے ڈی جی ایس بی سی اے سے مکالمہ کرتے ہوئے کہا کہ کیا میرے ساتھ ابھی جا کر دیکھیں گے۔ جسٹس سجاد علی شاہ نے ریمارکس دیے کہ سرکاری نمبر پلیٹ والی گاڑیاں کھڑی کر کے تعمیرات کی جا رہی ہیں۔

چیف جسٹس آف پاکستان نے ریمارکس دیے کہ یہ مکمل طور پر کراچی شہر کے لیے تباہی ہے، یہ تاثر ہے ایس بی سی اے پیسے لے کر تعمیرات کراتی ہے، وزیراعلیٰ سندھ خود ذاتی طور پر سنگین معاملے کو دیکھیں۔

عدالت عظمیٰ نے چیف سیکریٹری کو ایس بی سی اے کی ازسرنو ترتیب دینے کا حکم دیتے ہوئے وزیراعلیٰ سندھ کو تمام کرپٹ اور نااہل افسران کو فارغ کرنے کا حکم دے دیا۔

سپریم کورٹ نے ڈی جی ایس بی سی اے کو فوری ہٹانے کاحکم دیتے ہوئے ریمارکس دیے کہ وزیراعلیٰ سندھ کسی ایماندار افسر کو ڈی جی ایس بی سی اے تعینات کریں۔

عدالت عظمیٰ چیف سیکریٹری کو ایس بی سی اے کے معاملات خود ہاتھ میں لینے کا حکم دیتے ہوئے کہا کہ جب تک نیا ڈی جی نہ لگے چیف سیکریٹری خود معاملات کنٹرول کریں۔

کراچی: وزیراعلیٰ سندھ مراد علی شاہ کا کہنا ہے کہ لیاری ایکسپریس وے کے دونوں اطراف ایک ملین درخت لگائیں گے۔

تفصیلات کے مطابق وزیراعلیٰ سندھ مراد علی شاہ نے کراچی میں تقریب سے خطاب کرتے ہوئے کہا کہ لیاری ایکسپریس وے کے اطراف ایک ملین درخت لگائیں گے، یہ ایک ایسا عمل جس کے اثرات مستقبل میں آئیں گے۔

مراد علی شاہ کا کہنا تھا کہ سندھ میں ترقیاتی منصوبوں کو مکمل کر رہے ہیں، سندھ حکومت کے خلاف سازشیں جاری ہیں، ہمارے لیے قبر کھودنے کی کوشش کر رہے تھے خود گر گئے۔

انہوں نے کہا کہ سرکاری افسر کچھ کہے تو ٹھیک ،میں بولوں تو کہتے ہیں آپ نے یہ کہا تھا، کیا الٹی گنگاصرف سندھ کے لیے بہتی ہے۔

یاد رہے کہ گزشتہ ہفتے وزیراعلیٰ سندھ مراد علی شاہ نے سندھ اسمبلی میں اظہار خیال کرتے ہوئے کہا تھا کہ یہ سندھ اسمبلی عوام کے منتخب کردہ لوگوں کی ہے، عوام کے منتخب کردہ ایوان نے آئی جی سندھ کو مسترد کر دیا ہے۔

وزیراعلیٰ سندھ کا کہنا تھا کہ سندھ حکومت قانون کے تحت آگے کام کرتی ہے، اپنی ٹیم کا انتخاب کرنا آئینی طور پر سندھ حکومت کا اختیار ہے۔