Tag: مراد علی شاہ

گھوٹکی: وزیراعلیٰ سندھ سید مراد علی شاہ نے کہا ہے کہ کراچی سے اغوا ہونے والی دعامنگی کےمعاملے پر پولیس کام کررہی ہے،کوشش ہےکوئی نقصان نہ ہو۔

تفصیلات کے مطابق وزیراعلیٰ سندھ مرادعلی شاہ جام ہاؤس عادلپور پہنچے جہاں انہوں نے جام سیف اللہ اورجام اکرام اللہ دھاریجوسےوالدہ کےانتقال پراظہارتعزیت کیا۔

اس موقع پر میڈیا سے بات کرتے ہوئے وزیراعلیٰ نے کہا کہ دعامنگی کے معاملے پرپولیس کام کررہی ہے،کوشش ہےکوئی نقصان نہ ہو، دعامنگی کوتمام ترٹیکنالوجی بروئے کار لاکر بازیاب کروایا جائےگا۔

مراد علی شاہ نے کہا کہ ٹڈی دل کاخاتمہ وفاقی ادارےپلانٹ پروٹیکشن کی ذمہ داری ہے، وفاق کےپاس اسپرے کرنے والے3 جہازوں میں سے2خراب ہیں ہم نے ٹڈی دل کےحملے پر وفاقی وزیرسےبات کی مگر وفاقی وزیرنےبتایاکہ پیسٹی سائیڈتیل کی رقم نہیں ہے۔

انہوں نے بتایا کہ کراچی سیف سٹی کامنصوبہ التواکاشکارہے جب کہ تمام مراعات ملائیں توسندھ پولیس کی تنخواہ دیگرصوبوں سےزیادہ ہے۔

کراچی: وزیراعلیٰ سندھ مراد علی شاہ کا کہنا ہے کہ سندھ میں سرمایہ کاری کے بہترین ریٹرن ہیں، سرمایہ کاروں کو بہترین سہولتیں اورمراعات فراہم کر رہے ہیں۔

تفصیلات کے مطابق وزیراعلیٰ سندھ سید مراد علی شاہ سے چین کے سابق سفیر شا زوکانگ کی سربراہی میں 40 رکنی وفد نے ملاقات کی۔

وزیراعلیٰ سندھ نے کہا کہ سندھ براہ راست سرمایہ کاری اور پبلک پرائیوٹ پارٹنرشپ کے لیے بہترین ہے، سندھ میں سرمایہ کاری کے بہترین ریٹرن ہیں، سرمایہ کاروں کو بہترین سہولتیں اورمراعات فراہم کر رہے ہیں۔

ترجمان وزیراعلیٰ سندھ نے کہا کہ وفد نے ہاؤسنگ، زراعت، پانی، ہائیڈرو پاور میں دلچسپی ظاہر کی، اجلاس میں مختلف گروپس بنائے گئے جو متعلقہ شعبوں میں کام کریں گے۔

25ونڈ پاورکے پروجیکٹس منظوری کے مراحل میں ہیں، وزیراعلیٰ سندھ

یاد رہے کہ گزشتہ ہفتے وزیراعلیٰ سندھ مراد علی شاہ کا کہنا تھا کہ اس وقت 14 ونڈ پاورکے پروجیکٹس منظور ہوگئے ہیں، 25 ونڈ پاورکے پروجیکٹس منظوری کے مراحل میں ہیں۔

مراد علی شاہ کا کہنا تھا کہ سندھ گورنمنٹ ڈینش گورنمنٹ براہ راست معاہدہ کریں، سندھ حکومت اور ڈینش حکومت بہتر اندازمیں کام کرسکتے ہیں۔

کراچی: وزیراعلیٰ سندھ مراد علی شاہ نے پولیس پر برہمی کا اظہار کرتے ہوئے کہا کہ کیا میرے خلاف کوئی سازش تیار کی گئی ہے، لگتا ہے متعلقہ ایس ایس پی میرے خلاف سازش میں ملوث ہے۔

تفصیلات کے مطابق وزیراعلیٰ سندھ مراد علی شاہ نے آئی جی سندھ کلیم امام اور اے آئی جی غلام نبی میمن کی سرزنش کرتے ہوئے کہا کہ کیا میرے خلاف کوئی سازش تیار کی گئی ہے۔

مراد علی شاہ نے کہا کہ ایک دہشتگرد سے یہ کہلوایا گیا کہ میں نے ان سے ملاقات کی، کسی سے ملنا ہوتا تو کیا میں ہاؤس طلب نہیں کرسکتا تھا، ملنے کیوں جاتا، لگتا ہے متعلقہ ایس ایس پی میرے خلاف سازش میں ملوث ہے۔ انہوں نے آئی جی سندھ پولیس سے کہا کہ آپ اس سے پوچھیں اور بتائیں، ایسا کیوں اور کس کے کہنے پر کیا؟

وزیراعلیٰ سندھ نے کہا کہ کل میڈیا پر میرا نام دہشت گرد سے ملاقات سے منسوب ہوتا رہا، آئی جی صاحب آپ بتائیں ایسا کیوں ہو رہا ہے، میں اس دہشت گرد کو جانتا بھی نہیں، نہ کبھی ملا ہوں۔ انہوں نے آئی جی سندھ پولیس کو ہدایت کی کہ ایس ایس پی کے خلاف ایکشن نظرآنا چاہیے۔

مراد علی شاہ نے مجھ سے کہا تم کو دوبارہ زندہ کیا جارہا ہے، ٹارگٹ کلر کا انکشاف

یاد رہے کہ گزشتہ روز گرفتار ٹارگٹ کلر یوسف عرف ٹھیلے والا نے انکشاف کیا تھا کہ میں دنیا کی نظر میں مردہ ہو چکا تھا، مجھے دوبارہ زندہ کیا گیا۔ ملزم نے بتایا تھا کہ جس دن گرفتاری ظاہر کی گئی اسی دن وزیراعلیٰ سندھ مراد علی شاہ مجھ سے ملنے بھی آئے تھے، مراد علی شاہ نے کہا تھا کہ تم دنیا کی نظر میں مر چکے ہو، اب تمہیں دوبارہ زندہ کیا جا رہا ہے۔

کراچی: وزیراعلیٰ سندھ مراد علی شاہ کا کہنا ہے کہ اس وقت 14 ونڈ پاورکے پروجیکٹس منظور ہوگئے ہیں، 25 ونڈ پاورکے پروجیکٹس منظوری کے مراحل میں ہیں۔

تفصیلات کے مطابق وزیراعلیٰ سندھ مراد اور ڈنمارک کے سفیر کے درمیان ہونے والی ملاقات میں کلین انرجی کے پروجیکٹس پر گفتگو ہوئی۔ وزیراعلیٰ سندھ نے کہا کہ سندھ گورنمنٹ ڈینش گورنمنٹ براہ راست معاہدہ کریں، سندھ حکومت اور ڈینش حکومت بہتر اندازمیں کام کرسکتے ہیں۔

وزیراعلیٰ سندھ نے کہا کہ اس وقت 14 ونڈ پاورکے پروجیکٹس منظور ہوگئے ہیں، 25 ونڈ پاورکے پروجیکٹس منظوری کے مراحل میں ہیں۔ انہوں نے ڈینش کمپنیز کو سندھ میں گرڈ اسٹیشن لگانے کی بھی دعوت دی جسے ڈیشن کمپنیز نے قبول کرلیا۔

دوسری جانب ترجمان وزیراعلیٰ سندھ نے کہا کہ ورلڈ بینک کے تعاون سے سندھ سولر انرجی پروجیکٹ شروع کرنے کے معاہدے پر دستخط کر لیے گئے، ایم او یو پر ورلڈبینک اور پرائیویٹ سیکٹرز کی کمپنیوں نے دستخط کیے۔

ترجمان وزیراعلیٰ سندھ نے بتایا کہ سندھ سولرانرجی پروجیکٹ 105ملین ڈالرسے شروع کیا جا رہا ہے، پروجیکٹ کے لیے سندھ حکومت 5 ملین ڈالر دے گی۔

وزیراعلیٰ سندھ مراد علی شاہ کے مطابق پروجیکٹ کے تحت سولر پارکس قائم کیے جائیں گے، پہلا سولر پارک مانجھند ڈسٹرکٹ دادو میں قائم کیا جائے گا، سولرپارک سے 50 میگا واٹ بجلی پیدا کی جائے گی۔

سیہون : وزیراعلیٰ سندھ مراد علی شاہ نے کہا کہ مولانا فضل الرحمان کے مارچ میں تمام اپوزیشن ساتھ ہے، عوام پی ٹی آئی حکومت سے مایوس ہو چکے ہیں۔

تفصیلات کے مطابق وزیراعلیٰ سندھ مراد علی شاہ نے سیہون میں میڈیا سے گفتگو کرتے ہوئے کہا کہ مہنگائی اور بے روزگاری عروج پر ہے، مہنگائی، بے روزگاری سے تنگ لوگوں نے مارچ میں شرکت کی۔

مراد علی شاہ نے کہا کہ بلاول بھٹو کہہ چکے وزیراعظم کے جانے سے معاملات آگے بڑھیں گے، پی ٹی آئی کو بغیر سوچے سمجھے بیان دینے کا صلہ مل رہا ہے۔

وزیراعلیٰ سندھ مراد علی شاہ نے کہا کہ مولانا فضل الرحمان کے مارچ میں تمام اپوزیشن ساتھ ہے، عوام پی ٹی آئی حکومت سے مایوس ہو چکے ہیں۔

انہوں نے کہا کہ رحیم یار خان ٹرین حادثے کی مکمل تحقیقات ہونی چاہئیں، جاں بحق افراد کے لواحقین کو تاحال لاشیں حوالے نہیں کی گئیں، تحقیقات سے پہلے لواحقین سے کہا جا رہا ہے کے قصوروار ان کےاپنے ہیں۔

لیاقت پور: تیزگام کی 3 بوگیوں میں آگ لگ گئی، 74 افراد جاں بحق

یاد رہے کہ 31 اکتوبر کو کراچی سے راولپنڈی جانے والی تیز گام ایکسپریس میں پنجاب کے علاقے لیاقت پور کے قریب گیس سلینڈر پھٹنے سے آتشزدگی کے باعث 74 افراد جاں بحق اور متعدد مسافر زخمی ہوگئے تھے۔

تیزگام ایکسپریس کو حادثہ صبح چھ بجکر پندرہ منٹ پر پنجاب کے ضلع رحیم یار خان کی تحصیل لیاقت پور میں چنی گوٹھ کے نزدیک چک نمبر 6 کے تانوری اسٹیشن پر پیش آیا تھا۔

وزیراعظم عمران خان نے حادثے پر اپنے دکھ کا اظہار کرتے ہوئے غمزدہ خاندانوں سے تعزیت کا اظہار کیا تھا اور زخمیوں کو بہترین طبی سہولیات فراہم کرنے کی ہدایت کی تھی۔