Tag: مراد علی شاہ

کراچی : وزیراعلیٰ سندھ مراد علی شاہ گورنر سندھ کے معاملے پر لاعلم نکلے اور کہا چارسے 5 گورنر آچکے، مجھ سے کبھی تقرری پرمشورہ نہیں کیا گیا۔

تفصیلات کے مطابق وزیراعلیٰ سندھ مرادعلی شاہ نے تقریب سے خطاب کرتے ہوئے کہا کہ پی ٹی آئی نے مسائل پیدا کئےہیں، پی ٹی آئی گزشتہ 8 ماہ سے بھی وہی کردار ادا کررہی ہے۔

وزیراعلیٰ سندھ کا کہنا تھا کہ حکومت کا پہلا کام اپنے صوبے کے لوگوں کی خدمت کرنا ہے، کسی ایک شخص کیلئے پورے صوبے کے مستقبل کو داؤ پر نہیں لگانا چاہئے، این ایف سی کے حوالے سے آئین بڑا واضح رہے۔

گورنرسندھ سے متعلق خبروں پر انھوں نے کہا کہ 4 سے 5 گورنر آچکے ہیں ، مجھ سے کبھی مشورہ نہیں کیا گیا، گورنرسندھ کامعاملہ اخباروں میں دیکھ رہاہوں مجھےنہیں پتا۔

وزیراعلیٰ نے بتایا کہ گھوٹکی میں حالات بہترہوئےہیں ، لااینڈفورسمنٹ ایجنسیزکام کررہی ہیں، جوعلاقےڈاکوؤں سےپاک ہوئےوہاں ڈیولپمنٹ کی جائے۔

ان کا کہنا تھا کہ 1980 کی دہائی میں ملک میں شدید قسم کا مارشل لا تھا، سیہون سے آنے کیلئے آرمی کے کانوائے میں آنا پڑتا تھا۔

وزیراعلیٰ سندھ نے مزید بتایا کہ عدالت کے احکامات کےبعدجناح اسپتال بحران کا شکارہوا اور اب وہ کرائسزہمارے گلے پڑگیا ہے ، ایک حکم کے تحت سب سے بڑےاسپتال کا کوئی ایڈمنسٹریٹرنہیں۔

کراچی : وزیراعلیٰ سندھ مراد علی شاہ نے پی ٹی آئی پرپابندی کی مخالفت کردی اور کہا پیپلزپارٹی کسی جماعت پرپابندی کی حمایت نہیں کرے گی۔

تفصیلات کے مطابق وزیراعلیٰ سندھ مراد علی شاہ نے میڈیا سے گفتگو کرتے ہوئے کہا کہ پیپلزپارٹی کسی جماعت پرپابندی کی حمایت نہیں کرے گی۔

گورنر راج کے حوالے سے وزیراعلیٰ سندھ کا کہنا تھا کہ گورنر راج لگانا بہت مشکل ہوگیا ہے، سندھ میں سابقہ حکومت میں روزانہ گورنر راج کی باتیں ہو رہی تھیں ، اسلام آباد میں ایک جماعت نے سر کس لگایا ہوا تھا، جس میں ایک شخص کی آزادی کا مطالبہ غلط تھا۔

انھوں نے بتایا کہ مشترکہ مفادات کونسل کا اجلاس بلانے کیلئے وفاق نےکوئی جواب نہیں دیا، سی سی آئی کا اجلاس بلانا ضروری ہے، یہ صرف میرا نہیں پورے ملک کا مسئلہ ہے، سی سی آئی اجلاس آئینی ضرورت ہے،9 ماہ سے نہیں ہوا۔

وزیراعلیٰ سندھ نے واضح کیا کہ کوئی کینال تعمیر نہیں ہورہا، پانی کامسئلہ سی سی آئی کے بغیر حل نہیں ہو گا، کچھ قوم پرست پیپلزپارٹی کوبلانےپرجےیو آئی کانفرنس میں نہیں آئے، بے نظیر بھٹو نے کالاباغ ڈیم کیخلاف کموں شہید پر دھرنا دیا تھا۔

ان کا کہنا تھا کہ حکومت میں موجود کچھ لوگ کالا باغ ڈیم کیخلاف قرارداد پر کرسی چھوڑ جاتے تھے لیکن ہم کسی بھی فورم پر بات کرنے سے نہیں گھبراتے، سندھ کے پانی کا ایک قطرہ بھی کسی کو نہیں دیں گے۔

دوسری جانب صوبائی وزیر شرجیل میمن نے بھی پاکستان تحریک انصاف پر تنقید کرتے ہوئے کہا کہ پی ٹی آئی لاشوں کی سیاست چاہتی تھی،حکومت نےحکمت عملی سےناکام بنایا، لاشیں صرف سوشل میڈیاپر نظر آر ہی ہیں،اگرہوتیں توکسی کاجنازہ بھی نظرآتا۔

ان کا کہنا تھا کہ پی ٹی آئی ڈائیلاگ سمجھتی ہےنہ مانتی ہے، بشریٰ بی بی نےکہابانی کولیکرجائیں گے لیکن کارکنوں کوچھوڑکربھاگ گئے، پی ٹی آئی کی لیڈرشپ چھپی رہی ،عام شہریوں کواستعمال کیاگیا، کے پی حکومت نےسرکاری مشینری کووفاق کےخلاف استعمال کیا لیکن پی ٹی آئی کوسندھ،پنجاب سمیت پورےملک نےمستردکردیا۔

کراچی : وزیراعلیٰ سندھ مراد علی شاہ کا کہنا ہے کہ بانی پی ٹی آئی ہو یا شہباز شریف سندھ کے لوگوں سے نا انصافی برداشت نہیں کریں گے۔

تفصیلات کے مطابق وزیراعلیٰ سندھ مراد علی شاہ نے میڈیا سے گفتگو کرتے ہوئے کہا کہ وزیر اعظم شہباز شریف نے متنازع شخص کو چیئرمین ارسا تعینات کیا ہے، ارسا چیئرمین کی تعیناتی کانوٹیفکیشن واپس کرائیں گے۔

وزیراعلیٰ سندھ کا کہنا تھا کہ ظفر محمود نے پانی تقسیم کے حوالے سے 2متنازع کتابیں لکھیں، ایسے شخص کی بطور چیئرمین ارسا تعیناتی برداشت نہیں کی جائے گی۔

مراد علی شاہ نے کہا کہ بانی پی ٹی آئی ہو یا شہباز شریف سندھ کے لوگوں سے ناانصافی برداشت نہیں کریں گے ، سندھ کے حقوق کی بات کریں گے۔

انھوں نے بتایا کہ جی ڈی اے اورآزاد کے پورے سندھ میں امیدوار بھی کھڑے نہیں تھے کیونکہ جی ڈی اے کو علم تھا کہ وہ الیکشن ہارےگا۔

فارم 45 کے حوالے سے وزیراعلیٰ سندھ نے کہا کہ میں اپنے ایم پی اے کے فارم 45کی گارنٹی لیتا ہوں، میرے حلقے میں جی ڈی اے کے بیشتر پولنگ ایجنٹ ہی موجود نہیں تھے۔

امن و امان کی صورتحال پر مراد علی شاہ کا کہنا تھا کہ سندھ میں امن و امان کی صورتحال تسلی بخش ہے، نگراں دور میں امن و امان کی صورتحال زیادہ خراب ہوئی، امن و امان کی صورتحال ہماری پہلی ترجیح ہے۔

نئے وزیر خزانہ سے متعلق انھوں نے کہا کہ امید ہےملک کو مشکلات سے نکالنے کیلئےنئےوزیر خزانہ کردارادا کریں گے۔

وزیراعلیٰ سندھ نے بتایا کہ انٹربورڈچیئرمین نسیم میمن کےمعاملے کو دیکھ رہا ہوں، ابھی محکمہ یونیورسٹی اینڈ بورڈ کا ابھی کوئی وزیر نہیں۔

کراچی: مراد علی شاہ نے وزیراعلیٰ سندھ کے عہدے کا حلف اٹھالیا،پی پی رینما مسلسل تیسری بار اس منصب پر فائز ہوگئے۔

گورنر سندھ کامران ٹیسوری نے نومنتخب وزیراعلیٰ سندھ سے ان کے عہدے کا حلف لیا۔ مرادعلی شاہ مسلسل تیسری بار وزیراعلیٰ سندھ بن گئے۔ مرادعلی شاہ نے سندھ کے 25ویں وزیراعلیٰ کا حلف اٹھایا۔

تقریب حلف برداری کی نظامت چیف سیکریٹری فخرعالم نے کی۔ وزیراعلیٰ مرادعلی شاہ نے حلف اٹھانے کے بعد بلاول بھٹو سے ملاقات کی۔

چیئرمین پاکستان پیپلزپارٹی بلاول بھٹو زرداری نے مراد علی شاہ کو وزیراعلیٰ کا حلف اٹھانے پر مبارکباد بھی دی۔

تقریب میں بلاول بھٹو کے علاوہ فریال تالپور، قائم علی شاہ، آغا سراج، سعید غنی، عذرا پیچوہو، امتیاز شیخ اور ڈاکٹرسہراب سرکی بھی موجود تھے۔

نو منتخب اراکین سندھ اسمبلی ناصرشاہ، شرجیل میمن، مکیش چاؤلہ اور آئی جی سندھ نے بھی تقریب میں شرکت کی۔

نگراں وزیراعلیٰ سندھ مقبول باقربھی تقریب میں موجود رہے جبکہ حلف برداری میں سفارتکار، تاجر اور شہر کی اہم شخصیات بھی شریک ہوئیں۔