Tag: مراد علی شاہ

کراچی: پاکستان پیپلز پارٹی کی قیادت نے سندھ کی وزارت اعلیٰ سے متعلق اہم فیصلہ کرلیا، باضابطہ نام کا اعلان کچھ دنوں میں ہوگا۔

تفصیلات کے مطابق پی پی پی ذرائع کا کہنا ہے کہ مراد علی شاہ ایک بار پھر سندھ کے وزیراعلیٰ بنیں گے۔ نومنتخب اراکین سندھ اسمبلی کو جلد کراچی پہنچنے کی ہدایت کی گئی ہے۔

ذرائع پیپلز پارٹی نے کہا کہ مراد علی شاہ کو وزیراعلیٰ نامزد کرنے کا باضابطہ اعلان کچھ دنوں میں ہوگا۔

واضح رہے کہ پاکستان پیپلز پارٹی نے عام انتخابات 2024 میں سندھ اسمبلی کی 130 نشستوں میں سے 84 پر کامیاب حاصل کی تھی۔

الیکشن کمیشن نے سندھ اسمبلی کی تمام ایک سو تیس نشستوں کے نتائج کا اعلان کیا تھا، صوبہ سندھ میں سامنے آنے والے انتخابی نتائج کے مطابق پیپلز پارٹی نے تاریخ ساز فتح حاصل کی تھی۔

سندھ اسمبلی میں پاکستان پیپلز پارٹی 84 نشستوں کے ساتھ سرفہرست رہی، جس کے بعد پاکستان پیپلز پارٹی سندھ اسمبلی میں پہلی مرتبہ سنچری کرے گی۔

پی پی کو بیس خواتین اور اقلیتوں کی چھ مخصوص نشستیں ملیں گی، جس کے بعد سندھ اسمبلی کے ایک سو اڑسٹھ کے ایوان میں پیپلز پارٹی کے پاس ارکان کی تعداد ایک سو دس ہوجائے گی۔

الیکشن کمیشن کے نتائج کے مطابق ایم کیو ایم پاکستان 28 نشستوں کے ساتھ دوسرے نمبر پر رہی۔ 14 آزادامیدوار کامیاب ہوئے جبکہ جی ڈی اے اور جماعت اسلامی کو دو دو نشستیں ملیں۔

چوبارہ: آٹھویں تھل جیپ ریلی میں مراد علی شاہ کے بیٹے کی گاڑی کو حادثہ پیش آگیا جس میں وہ زخمی ہوگئے۔

تفصیلات کے مطابق سابق وزیراعلیٰ سندھ مراد علی شاہ کے بیٹے کی گاڑی آٹھویں تھل جیپ ریلی کے دوران حادثے کا شکار ہوگئی جس میں انھیں چوٹیں آئی ہیں۔

چوبارہ سے آنی والی اطلاعات کے مطابق ٹریک جائزے کے دوران چوبارہ سے 10 کلومیٹر دوران کی جیپ الٹ گئی۔

ذرائع کا کہنا ہے کہ حادثے میں مراد علی شاہ کے بیٹے ظہیر شیراز شاہ اور ان کے ساتھی علی حسین شاہ زخمی ہوگئے ہیں۔

کراچی : وزیراعلی سندھ مراد علی شاہ کا کہنا ہے کہ حکومتی مدت مکمل کرکے عزت سے اپنی عوام کے پاس جارہے ہیں، تین ماہ کے بعد واپس آئیں گے اور پھر خدمت کاسلسلہ شروع کریں گے۔

تفصیلات کے مطابق وزیراعلیٰ سندھ مراد علی شاہ نے سندھ کابینہ کے الوداعی اجلاس سے خطاب کرتے ہوئے کہا آصف زرداری اور بلاول بھٹو کا شکرگزار ہوں جنھوں نے میری رہنمائی کی۔

وزیراعلیٰ سندھ کا کہنا تھا کہ سندھ میں 2022 کے سیلاب کی تباہی دیکھ کر ہمت ہار چکا تھا، سیلاب سے نمٹنے کیلئے سندھ کابینہ کی محنت سے سب ممکن ہوا، ہم نے ریکارڈ ترقیاتی کام کرائے ہیں۔

مراد علی شاہ نے کہا کہ ہم نے سیلاب متاثرین کی دل سے بھرپور خدمت کی ہے، چیئرمین پی پی کی ہدایات پر سیلاب متاثرین کو گھر بنا کر دے رہے ہیں اور گھروں کے مالکان کو ٹائٹل بھی دے رہے ہیں۔

انھوں نے تھر میں کوئلے اور بجلی کی پیداوار کا بھی ذکر کرتے ہوئے کہا کہ حکومتی مدت مکمل کرکےعزت سےاپنی عوام کے پاس جارہے ہیں، ووٹرز ہمارےصرف سپورٹرزنہیں بلکہ وہ ہمارے بھائی بہن ہیں، ہم 3ماہ کے بعد واپس آئیں گے اور پھر خدمت کاسلسلہ شروع کریں گے۔

وزیراعلیٰ سندھ نے کابینہ ، بیوروکریسی اور وزیراعلیٰ ہاؤس کے عملے کا شکریہ ادا کرتے ہوئے کہا کہ چیف سیکریٹری سہیل راجپوت اور سابق چیف سیکریٹری ممتاز شاہ کا شکرگزار ہوں۔

کراچی: وزیر اعلی سندھ سید مراد علی شاہ نے وزیر اعلی ہاؤس خالی کردیا۔

تفصیلات کے مطابق وزیر اعلی سندھ سید مراد علی شاہ نے نے وزیر اعلی ہاؤس سے ذاتی سامان نجی گھر منتقل کردیا گیا۔

وزیر اعلیٰ مراد علی شاہ کو ملنے والے گفٹ بھی وزیر ہاؤس سے منتقل کر دئیے گئے، مراد علی شاہ نے پانچ سال وزیر اعلیٰ ہاؤس میں قیام کیا۔

وزیر اعلیٰ ہاؤس کے رہائشی حصے کا سامان نجی رہائش گاہ منتقل کردیا، وزیر اعلیٰ سندھ مراد علی شاہ کا کل وزیر اعلیٰ ہاؤس میں آخری دن ہوگا۔

حیدرآباد : وزیراعلیٰ سندھ مراد علی شاہ کا کہنا ہے کہ 13 اگست تک سندھ اسمبلی فعال رہے گی، مدت مکمل ہوتےہی اسمبلی تحلیل کردی جائے گی۔

تفصیلات کے مطابق وزیراعلیٰ سندھ مرادعلی شاہ نے میڈیا سے گفتگو کرتے ہوئے کہا کہ نگران وزیر اعلیٰ کیلئےمشاورت جاری ہے، 13 اگست تک سندھ اسمبلی فعال رہے گی، مدت مکمل ہوتےہی اسمبلی تحلیل کردی جائے گی۔

مراد علی شاہ کا کہنا تھا کہ بجلی کی غیر اعلانیہ بندش پر وزیراعظم سےبات ہوئی۔

خیال رہے پیپلزپارٹی نے اسمبلی کی قبل از وقت تحلیل کی تجویز کی مخالفت کی تھی ، ذرائع نے بتایا تھا کہ پیپلزپارٹی چاہتی ہے اسمبلی مدت پوری کرنے کے بعد مقررہ تاریخ کو ہی تحلیل کی جائے۔

جیالی قیادت کا موقف تھا کہ بارہ اگست سے پہلے اسمبلی توڑنےسے مہم کیلئے تیس اضافی دن ملنے کے علاوہ کوئی فائدہ نہیں ہوگا اور قبل ازوقت تحلیل جمہوریت پسندوں کیلئے منفی پیغام ہوگا۔

کراچی : وزیراعلٰی سندھ مراد علی شاہ کا کہنا ہے طوفان کراچی کو براہ راست ہٹ نہیں کررہا لیکن پیشگوئی کی گئی ہے کہ آدھے گھنٹے میں ساٹھ ملی میٹر بارش ہوسکتی ہے جو کلاؤڈ برسٹ جیسی صورتحال ہوگی۔

تفصیلات کے مطابق وزیراعلیٰ سندھ مراد علی شاہ نے پریس کانفرنس کرتے ہوئے کہا اس وقت سمندری طوفان کا سامنا ہے، بلاول بھٹو کی خصوصی ہدایات ہیں ذاتی طور پرمانیٹر کریں۔

مراد علی شاہ نے بتایا کہ سمندری طوفان سےمتعلق انتظامات کا جائزہ لیا گیا ہے، طوفان شمال کی طرف جارہا ہے ، کل سمندری طوفان کا رخ تبدیل ہوسکتا ہے، سمندری طوفان بھارت اور پاکستان کے ساحل سے ٹکرائےگا۔

وزیراعلیٰ سندھ کا کہنا تھا کہ سمندری طوفان کے پیش نظر مشترکہ ٹیمیں تشکیل دی ہیں، آرمی، نیوی، رینجرز اور منتخب نمائندوں کی مشترکہ ٹیم بنائی ہے، اللہ سے دعا ہے اس آ زمائش میں ہماری مدد کرے، طوفان سے نمٹنے کیلئے تیاری کرنی ہے لوگوں کو محفوظ بنانا ہے۔

انھوں نے کہا کہ 1999میں اسی طرح کاسائیکلون آیاتھا700سےزائدجانیں ضائع ہوئی تھیں، سجاول کی3تعلقہ میں53ہزارسےزائدلوگ ہیں جنہیں محفوظ مقام پر پہنچانا ہے ،اس کے علاوہ انتظامیہ نے ساحل سمندر جانے پر دفعہ 144 لگائی ہے، پاک بحریہ اہلکاروں نے متعدد کشتیوں کوساحل پرلنگراندازکردیاہے۔

مراد علی شاہ نے بتایا کہ سب سے زیادہ خطرہ سجاول کو ہے، تقریباساٹھ ہزار لوگوں کے متاثرہونے کاخدشہ ہے،، کیٹی بندرمیں 14ہزار کی آبادی ہے، گھوڑا باری سے 7750لوگوں کومحفوظ مقامات پرمنتقل کیا ہے۔

وزیراعلیٰ سندھ کا کہنا تھا کہ پی ڈی ایم اے،کمشنرحیدرآبادبھی ٹھٹھہ اورسجاول میں ہوں گے ، اللہ تعالیٰ کرم کریں گے تو ہوسکتا ہے طوفان ختم ہوجائے۔

انھوں نے مزید کہا کہ طوفان کارخ تبدیل ہورہاہےابھی تک کراچی کوبراہ راست ہٹ نہیں کررہا، طوفان کے اثرات سے شدید بارشیں اورہوائیں تیزچلیں گی، جو کلاؤڈ برسٹ جیسی صورتحال ہوگی۔

مراد علی شاہ نے بتایا کہ بل بورڈ کو ہٹانے کا کام شروع ہوچکا ہے، جہاں جہاں تعمیرات ہورہی ہیں 14 جون کے بعد بند کر دیا جائے، تیزہواؤں میں کنسٹرکشن کاکام نہیں کرسکتے جبکہ 70 عمارتیں مکمل مخدوش ڈکلیئرڈہیں ان کاپلان بھی بنارہے ہیں۔

وزیراعلیٰ سندھ نے کہا کہ جاتی اورچوہڑجمالی میں ریلیف کیمپ قائم کئے ہیں، ہیلتھ ،پولیس سمیت متعلقہ محکموں کےملازمین کی چھٹیاں منسوخ کی ہیں، ٹھٹھہ ،بدین میں بھی ہم آرمی کےساتھ ملکرکام کررہے ہیں۔

سجاول : وزیراعلی سندھ مراد علی شاہ نے سمندری طوفان کے پیش نظر انتظامیہ کو حفاظتی اقدامات کی ہدایت کرتے ہوئے لوگوں سے نقل مکانی کی اپیل کردی۔

تفصیلات کے مطابق وزیراعلیٰ سندھ سید مراد علی شاہ کیٹی بندر، شاہ بندر اور جاتی کا دورہ کیا، اس موقع پر وزیراعلیٰ سندھ کیساتھ وزیر بلدیات ناصر شاہ، چیف سیکریٹری سہیل راجپوت بھی موجود تھے۔

ڈی جی رینجرز ، کمشنر حیدرآباد ،منتخب نمائندوں، ڈی آئی جی حیدر آباد،ڈی سی سجاول ، ڈپٹی اسپیکر ریحانہ لغاری، ایم پی ایز محمدعلی ملکانی، ہیر سوہوودیگر منتخب نمائندوں نے ان کا استقبال کیا۔

وزیراعلیٰ سندھ مرادعلی شاہ کو کمشنر حیدر آباد اور میری ٹائم سیکیورٹی کے کموڈور کی جانب سے سمندری طوفان سے متعلق بریفنگ دی گئی۔

جس میں بتایا گیا کہ سمندری طوفان 15 جون کو ٹکرائے گا اور جون 17 تا 18 جون تک اثر کم ہوجائے گا، طوفان کی شدت میں معمولی کمی سے 13جون یا 14 جون کے بجائے 15جون کوٹکرائے گا، طوفان کے ٹکرانے سے سمندر میں 4 تا 5 میٹر طغیانی ہوگی اور پانی بہت آگے آجائے گا۔

بریفنگ میں کہا گیا کہ بدین کے زیرو پوائنٹ کےگاؤں بھگڑا میمن سے لوگوں کا انخلا کیا گیا ہے ،شاہ بندر،جاتی،کیٹی بندر کےقریب دیہات سے50ہزارلوگوں کاانخلا ہو گا تاہم شاہ بندر کے جزیروں سے رات 2ہزار لوگوں کو محفوظ مقام پر منتقل کیا گیا۔

وزیراعلیٰ کو بتایا گیا کہ ساحلی پٹی سے پچاس ہزار لوگوں کو محفوظ مقام پر منتقل کرنے کا منصوبہ ہے، مراد علی شاہ نے لوگوں سے مطالبہ کیا کہ وہ اپنے گاؤں چھوڑ دیں، اس کے سوا کوئی آپشن نہیں ہے، حکومت انہیں ٹرانسپورٹ، رہائش، خوراک اور ادویات فراہم کرے گی۔