کراچی: وزیر اعلیٰ سندھ نے اپیکس کمیٹی کی سفارشات پر مزید 10 مقدمات فوجی عدالتوں کو منتقل کرنے کی منظوری دے دی۔
اے آر وائی نیوز کے نمائندہ کراچی ارباب چانڈیو کے مطابق وزیراعلی سندھ سید مراد علی شاہ نے محکمہ داخلہ سندھ کی جانب سے وصول کردہ اس سمری پر دستخط کردیے ہیں جس میں مزید دس مقدمات فوجی عدالتوں کو بھیجنے کی سفارش کی گئی تھی۔
رپورٹر کے مطابق یہ فیصلہ اپیکس کمیٹی کے اجلاس میں کیا گیا تھا بعدازاں کمیٹی کی سفارش پر محمکہ داخلہ سندھ یہ سمری ارسال کرکے وزیراعلیٰ سندھ کو ارسال کی تھی جسے وزیراعلیٰ نے منظور کرلیا۔
رپورٹر کے مطابق ان دس مقدمات میں امجد صابری قتل کیس، ایئرپورٹ حملہ کیس اور دیگر شامل ہیں۔
اطلاعات ہیں کہ آئندہ 24 گھنٹوں میں محکمہ داخلہ سندھ کی جانب سے ایک خط وفاق کو بھی بھیج دیا جائے گا جس کے بعد مقدمے فوجی عدالت کو منتقل ہوجائیں گے۔
کراچی: وزیر اعلیٰ سندھ سید مراد علی شاہ نے کہا ہے کہ نیب غیر قانونی کام کرے گی تو آئینی طور پر جواب دیں گے۔ مجھ سمیت کوئی بھی ادارہ قانون کی خلاف ورزی نہیں کر سکتا۔
تفصیلات کے مطابقاقلیتوں کے عالمی دنکے موقع پر وزیر اعلیٰ سندھ سید مراد علی شاہ نے سوامی نارائن مندر ایم اے جناح روڈ اور سینٹ پیٹرکس چرچ کا دورہ کیا۔
اس موقع پر صوبائی وزیر مکیش چاولہ، رکن اسمبلی سعید غنی و دیگر افراد بھی وزیر اعلیٰ کے ساتھ تھے۔ سوامی نارائن مندر میں آمد کے موقع پر اقلیتی برادری کے رہنماؤں نے وزیر اعلیٰ سندھ اور مہمانوں کا استقبال کیا۔
بعد ازاں وزیر اعلیٰ سندھ سینٹ پیٹرکس چرچ پہنچے۔
میڈیا سے گفتگو کرتے ہوئے وزیر اعلیٰ سندھ کا کہنا تھا کہ امن و امان بحال رکھنا ہمارا کام ہے۔ نیشنل ایکشن پلان پر ایپکس کمیٹی عملدر آمد کے لیے بنائی گئی ہے۔
نیب قانون کے خاتمے کے معاملے پر وزیر اعلیٰ کا کہنا تھا کہ نیب غیر قانونی کام کرے گی تو آئینی طور پر جواب دیں گے۔
انہوں نے کہا کہ گورنر کے پاس جتنا اختیار ہے وہ استعمال کریں۔ گورنر اختیارات سے تجاوز کریں گے تو اس طریقے سے کنٹرول کریں گے۔ انہیں خصوصی طور پر ایپکس کمیٹی میں بلایا جاتا ہے۔
وزیر اعلیٰ کا کہنا تھا کہ مجھ سمیت کوئی بھی ادارہ قانون کی خلاف ورزی نہیں کرے گا۔ قانون پورے صوبے میں ایک ہی ہوگا۔
ان کا کہنا تھا کہ پیپلز پارٹی کو ڈکٹیٹر کی آئین میں ترامیم ختم کرنے کا موقع نہیں ملا۔
آئی جی سندھ کے کیس کے حوالے سے ان کا کہنا تھا کہ کیس میں میرے ہاتھ بندھے ہوئے ہیں۔ عدالت نے آئی جی سندھ کیس میں اسٹے آرڈر دے رکھا ہے۔
کراچی: وزیر اعلیٰ سندھ سید مراد علی شاہ کا کہنا ہے کہ بدقسمتی ہے کہ وزیر اعظم کو سپریم کورٹ نے معطل کردیا ہے۔ آئین میں وزیر اعظم، وزار اور وزرائے اعلیٰ کو تحفظ حاصل ہے۔ مراد علی شاہ کو سندھ میں نیب کی کارروائیوں میں سازش کی بو آنے لگی۔
تفصیلات کے مطابق وزیر اعلیٰ سندھ نے سابق وزیر اعظم نواز شریف کی نا اہلی کو بدقسمتی قرار دے دیا۔
اپنے بیان میں ان کا کہنا تھا کہ یہ بدقسمتی ہے کہ وزیر اعظم کو ملک کی اعلیٰ عدلیہ ہٹاتی ہے۔ آئین کے آرٹیکل 248 کے تحت وزیر اعظم، وزرا اور وزرائے اعلیٰ کو ان کے آفیشل کام کرنے میں تحفظ حاصل ہے۔ اصل ایکشن نیب کے خلاف ہونا چاہیئے تھا۔
مراد علی شاہ سندھ میں نیب کی کارروائیوں پر بھی برس پڑے۔
انہوں نے انکشاف کیا کہ نیب کی وجہ سے افسران نے کام چھوڑ دیا ہے۔ ان کا کہنا تھا کہ 12 وزرا اس وقت نیب کے مقدمات کا سامنا کر رہے ہیں جبکہ متعدد افسران پر بھی مقدمات بنائے گئے ہیں جس کی وجہ سے سرکاری امور متاثر ہو رہے ہیں۔
مراد علی شاہ کو سندھ میں نیب کی کارروائیوں میں سازش کی بو آنے لگی۔ اپنے بیان میں انہوں نے کہا کہ سندھ کو مفلوج کرنے کی سازش ہے۔ قومی احتساب بیورو سندھ میں کسی اور کے ایجنڈے پر تھی۔
وزیر اعلیٰ سندھ نے نیب کو ناکام ادارہ قرار دیتے ہوئے کہا کہ نیب کرپشن روکنے میں ناکام ہوگئی۔ صوبے میں مجبوراً نئے قوانین بنانے پڑے۔
کراچی: وزیر اعلیٰ سندھ سید مراد علی شاہ نے کراچی میں بچوں کے لیے ملک کے سب سے بڑے ایمرجنسی سینٹر کا افتتاح کر دیا۔ اس موقعے پر انہوں نے کے الیکٹرک کو آڑے ہاتھوں لیتے ہوئے کہا کہ سندھ کے لوگ 21، 21 گھنٹے بجلی سے محروم رہتے ہیں۔
تفصیلات کے مطابق وزیر اعلیٰ سندھ مراد علی شاہ نے کراچی کے علاقے کورنگی کے سندھ گورنمنٹ اسپتال میں بچوں کے ایمرجنسی سینٹر کا افتتاح کیا۔
یہ ملک بھر میں بچوں کے لیے اپنی نوعیت کا سب سے بڑا مرکز ہے۔ نئے ایمرجنسی سینٹر سے سالانہ ڈیڑھ لاکھ بچوں کو علاج کی سہولت میسر آئے گی۔
افتتاح کے موقع پر وزیر اعلیٰ سندھ کا کہنا تھا کہ بچوں کے علاج کے لیے مزید 2 سینٹر قائم کیے جائیں گے۔ انہوں نے کہا کہ کوشش ہے کہ شہریوں کو ان کے گھروں کے قریب علاج کی سہولت فراہم ہو سکے۔
سندھ کے لوگ بجلی سے محروم
میڈیا سے گفتگو کے دوران وزیر اعلیٰ کے الیکٹرک پر برس پڑے۔ انہوں نے کہا کہ سندھ میں لوگ 21، 21 گھنٹے تک بجلی سے محروم ہیں۔ کے الیکٹرک میں حکومت سندھ کا ایک بھی ڈائریکٹر نہیں۔
وزیر اعلیٰ نے بتایا کہ رمضان سے پہلے کے الیکٹرک حکام سے ملاقات ہوئی تھی۔ بعد ازاں وفاقی وزرا سے گزشتہ 15 دن میں کئی بار بات ہوئی۔ ’میں نے ان کو خط بھی لکھے اور بجلی کی صورتحال پوری طرح بتائی‘۔
انہوں نے کہا کہ میری دعا ہے کہ وفاقی حکمرانوں نے جو وعدے کیے ہیں وہ پورے کریں۔ کے الیکٹرک کو اپناسسٹم بہتر کرنا چاہیئے۔ ماتلی کا فیڈر 21 گھنٹے بند رہنا ظلم ہے۔
واضح رہے کہ کے الیکٹرک کی انتظامی غفلت اور نا اہلی کے سبب ماہ رمضان کے آغاز کے ساتھ ہی بجلی کے طویل بریک ڈاؤن کا سلسلہ جاری ہے اور گزشتہ 3 دن سے رات اور سحری کے اوقات میں بجلی غائب ہونا معمول بن گیا ہے۔
کراچی: سندھ میں جاریانٹر میڈیٹ کے امتحانات میں جب نقل کسی طرح نہ رک سکی تو وزیر اعلیٰ سندھ خود میدان میں اتر آئے۔ وزیر اعلیٰ نے امتحانی مراکز کے دورے کیے اور امتحانی نگرانوں پر برہمی کا اظہار کیا۔
تفصیلات کے مطابق کراچی میں انٹر میڈیٹ کے امتحانات میں نقل روکنے کے احکامات پر جب عمل درآمد نہ ہوا تو وزیر اعلیٰ سندھ نے خود امتحانی مراکز کے دوروں کا فیصلہ کرلیا۔
آج صبح وزیر اعلیٰ مراد علی شاہ اچانک امتحانی مراکز کے دورے کے لیے نکل گئے۔
وزیر اعلیٰ نے اسلامیہ کالج اورعائشہ باوانی کالج میں قائم امتحانی مراکز کا دورہ کیا۔ اس دوران وہ کلاس رومز میں بھی گئے اور بچوں سے بات چیت کی۔
وزیر اعلیٰ ایک کلاس میں پنکھا نہ چلنے پر سخت برہم ہوگئے۔
امتحانی نگرانوں اور اسسٹنٹ کمشنر کے موبائل فونز ساتھ لانے پر وزیر اعلیٰ نے برہمی کا اظہار کرتے ہوئے کہا کہ آپ یہاں کام کرنے آتے ہیں یا فون پر بات کرنے؟ وزیر اعلیٰ نے ممتحن کا فون پرنسپل آفس میں رکھوا دیا۔
اسلامیہ کالج کے باہر میڈیا نمائندوں سے گفتگو کرتے ہوئے وزیر اعلیٰ نے کہا کہ بچوں کے مستقبل کے لیے سخت اقدامات اٹھا رہے ہیں۔
انہوں نے کہا کہ بچوں کے مستقبل سے کھیلنے والوں کے خلاف سخت کارروائی کی جائے گی۔
وزیر اعلیٰ کے دورے کے دوران کمشنر کراچی، سیکریٹری بورڈ کے علاوہ محکمہ تعلیم کے اعلیٰ حکام بھی ان کے ہمراہ تھے۔
نقل کروانے والے گرفتار
وزیر اعلیٰ سندھ کی جانب سے محکمہ انسداد دہشت گردی کو نقل میں ملوث ملزمان کی گرفتاری کا ٹاسک دیے جانے کے بعد سی ٹی ڈی نے مختلف کارروائیاں کیں۔
سی ٹی ڈی نے کراچی اور حیدر آباد کے مختلف علاقوں میں کارروائیاں کر کے متعدد ملزمان گرفتار کر لیے۔ گرفتار ملزمان میں طلبا سمیت دیگر افراد شامل ہیں۔
ملزمان کے قبضے سے ڈیوائسز اور موبائل فونز برآمد کیے گئے۔ پرچے آؤٹ کرنے میں ملوث 2 مرکزی ملزمان بیرون ملک فرار ہوگئے۔
ذرائع کے مطابق پرچے انٹر بورڈ سے امتحانی مراکز تک ترسیل کیے جانے کے دوران آؤٹ ہوتے تھے۔ شہر میں ایسے 15 سے 20 امتحانی مراکز ہیں جہاں سے پرچے آؤٹ ہوتے ہیں۔
تفتیش میں پیشرفت پر ایڈیشنل آئی جی نے سی ٹی ڈی کا اجلاس طلب کرلیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : وزیر اعلیٰ سندھ سید مراد علی شاہ نے کہا ہے کہ رینجرز کے اختیارات کا کوئی مسئلہ نہیں، رینجرز کے معاملات میں ایک دو تین کی تاخیر ہوئی ہے آرٹیکل 147 کے تحت رینجرز کے پاس اب بھی اختیارات ہیں۔
ان خیالات کا اظہار انہوں نے ایکسپوسینٹر کراچی میں ضیاء الدین یونیورسٹی کے سالانہ جلسہ تقسیم اسناد کے بعد میڈیا سے گفتگو کرتے ہوئے کیا۔
وزیراعلی سندھ کا کہنا تھا کہ جو ہمارے آئینی حق ہیں گیس کے سلسلے میں وہ سندھ کے لوگوں کو ملنا چائیے سندھ 70 فیصد گیس فراہم کرتا ہے۔
یونیورسٹی کے چودھویں کانووکیشن کی تقریب میں 383 طلبہ وطالبات کو اسناد تفویض کی گئیں اسناد حاصل کرنے والوں میں ایم فل ایم بی بی ایس بائیو میڈیکل انجینیئرنگ سمیت مختلف شعبہ جات میں ڈپلومہ کرنے والے طلبہ شامل تھے. طلبہ وطالبات کو سونے اور طلائی تمغوں سے بھی نوازا گیا۔
تقریب میں ضیاءالدین یونیورسٹی کے چانسلر ڈاکٹرعاصم کا پیغام بھی پڑھ کر سنایا گیا.ڈاکٹر عاصم کا اپنے پیغام میں کہنا تھا کہ بنیادی اصولوں کی خلاف ورزی ہوتو خراب معاشرہ تشکیل.پاتا ہے، طلبہ ضیاءالدین یونیورسٹی کی وراثت کوآگے لے کر چلیں گے اور مستقبل میں کامیاب ہوں گے۔
سندھ بھر میں نویں و دسویں جماعت کے امتحانات میں نقل اور بوٹی مافیا کا راج جاری ہے۔ مختلف شہروں میں امتحان سے قبل ہی پرچے آؤٹ ہوگئے۔ طلبا نے نقل کے لیے واٹس ایپ کا بھی استعمال کیا۔
سندھ کے طالب علموں نے نقل کی راہ پر ساری عقل لگا دی۔ امتحان شروع ہونے سے قبل امتحانی پرچے آؤٹ ہوگئے۔ طلبا کا مستقبل بگاڑنے کے لیے بوٹی مافیا بھی سرگرم ہوگئی۔
شکار پور میں نقل کے لیے جدید ٹیکنالوجی کا استعمال ہونے لگا۔ اسلامیات کا پرچہ آؤٹ ہوکر واٹس ایپ پر شیئر ہونے لگا۔ واٹس ایپ گروپ کا ایڈمن پچاس روپے کے موبائل بیلنس پر پرچے بانٹنے کے مکروہ کام میں مصروف ہے۔
لاڑکانہ میں بھی طالب علموں نے واٹس ایپ کا خوب استعمال کیا۔ طلبا کھلے عام کتابوں سے بھی نقل کرتے رہے۔
سکھر میں بھی بوٹی مافیا کی بدولت میٹرک کا فزکس کا پرچہ آؤٹ ہو کر فوٹو اسٹیٹ کی دکانوں تک جا پہنچا۔ شاہ کوٹ میں بھی صورتحال کچھ مختلف نہیں۔ یہاں بھی کھلے عام نقل جاری رہی۔
یاد رہے کہ نویں اور دسویں کے امتحانات شروع ہونے کے بعد پیپر آؤٹ ہونے کی خبروں پر وزیر اعلیٰ سندھ مراد علی شاہ نے سخت برہمی کا اظہار کیا تھا۔
انہوں نے پرچہ آؤٹ ہونے کا نوٹس لیتے ہوئے کہا تھا کہ جس نے بھی پرچہ آؤٹ کیا وہ گھر جائے گا، اب معافی کی گنجائش نہیں۔
وزیر اعلیٰ نے اے آر وائی نیوز کی خبر کا بھی نوٹس لیتے ہوئے سیکریٹری یونیورسٹی اور میٹرک بورڈ کو فوری رپورٹ دینے کی ہدایات کی تھی۔
لاڑکانہ: وزیراعلیٰ سندھ سید مراد علی شاہ نے کہا ہے کہ متحدہ پاکستان بانی ایم کیو ایم سے لاتعلقی اختیار کرچکی ہے، لندن کا کوئی بھی رکن ملک کے خلاف سرگرمیوں میں پایا گیا تو سخت کارروائی کی جائے گی۔
لاڑکانہ گڑھی خدابخش میں میڈیا سے گفتگو کرتے ہوئے وزیراعلیٰ سندھ نے کہا کہ سندھ پاکستان کا ہی حصہ ہے، وزیراعظم جب چاہیں سندھ آسکتے ہیں ویسے انہیں سب سے پہلے ہمارے صوبے آنا چاہیے تھا۔
انہوں نے کہا کہ ایم کیو ایم پاکستان کی یقین دہانیوں کے بعد یہ کہا جاسکتا ہے کہ ڈاکٹر فاروق ستار اور اُن کی ٹیم نے بانی ایم کیو ایم سے لاتعلقی اختیار کرلی ہے لہذا اب متحدہ لندن کا کوئی بھی رکن ملک مخالف سرگرمیوں میں پایا گیا تو سخت کارروائی کی جائے گی۔
اس موقع پر نثار کھوڑو نے میڈیا سے گفتگو کرتے ہوئے کہا کہ 4 اپریل کو لاڑکانہ میں ذوالفقار علی بھٹو کی 38 ویں برسی عقیدت و احترام سے منائی جائے گی اور اس موقع پر مشاعرہ بھی منعقد کیا جائے گا۔
سنیئر صوبائی وزیر نے مزید کہا کہ 4 اپریل مرکزی رہنماء جلسے سے خطاب کریں گے اور اس کے بعد نوڈیرو میں سینٹرل ایگزیکٹو کمیٹی کا اجلاس بھی ہوگا جس میں آئندہ کی حکمتِ عملی مرتب کی جائے گی۔
کراچی: وزیر اعلیٰ سندھ سید مراد علی شاہ کی زیر صدارت محکمہ صحت سے متعلق اجلاس منعقد ہوا۔ اجلاس میں سندھ میں 6 ہزار نئے ڈاکٹرز کی تقرری کا فیصلہ کیا گیا۔
تفصیلات کے مطابق علیٰ الصباح وزیر اعلیٰ سندھ سید مراد علی شاہ کی زیر صدارت محکمہ صحت کے اجلاس میں اہم فیصلہ کرتے ہوئے 6 ہزار ڈاکٹرز کو آفر لیٹر جاری کرنے کا حکم دیا گیا۔
وزیر اعلیٰ نے کہا کہ سمری منظور کرلی ہے، اب 100 نہیں 6 ہزار نئے ڈاکٹرز کی پوسٹنگ کا منصوبہ بنائیں۔ نئےڈاکٹرز کو دیہی علاقوں میں بھیجیں۔
وزیر اعلیٰ نے 377 کنٹریکٹ ڈاکٹروں کو مستقل کرنے کا بھی حکم دیا۔ انہوں نے کہا کہ جب نئی بھرتیاں کر رہے ہیں تو پرانے بھی مستقل ہونے چاہئیں۔ لوگوں کو جاب سیکیورٹی دیں اور ان سے کام لیں۔
اجلاس میں وزیر اعلیٰ کو بتایا گیا کہ محکمہ صحت کی 146 اسکیموں میں 89 جاری اور 57 نئی اسکیمیں ہیں۔
انہوں نے کراچی میں سینٹرل بلڈ بینک اسکیم پر سست روی پر برہمی کا اظہار بھی کیا۔ انہیں بتایا گیا کہ اسکیم کے لیے مزید 1 کروڑ 10 لاکھ روپے چاہئیں جس پر وزیر اعلیٰ نے فوری طور پر مزید فنڈز کی منظوری دے دی۔
وزیر اعلیٰ نے کراچی کے تین اربن صحت مراکز ملیر سٹی، اورنگی پندرہ اور کیماڑی میں ایڈیشنل انڈوربلاک بنانے کی اسکیم کو بھی جلد مکمل کرنے کا حکم دیا۔
نوابشاہ : وزیراعلیٰ سندھ سید مراد علی شاہ نے کہا ہے کہ سیہون دھماکے کی تحقیقات جاری ہیں، افغانیوں کو بہت جلد واپس بھیج دیا جائے گا۔
ان خیالات کا اظہار انہوں نے نواب شاہ میں شہید بینظیر بھٹو یونی ورسٹی کے سالانہ کانوکیشن کے بعد میڈیا سے گفتگو کرتے ہوئے کیا۔
سید مراد علی شاہ کا کہنا تھا کہ سیہون دھماکے کی تحقیقات کامیابی سے آگے بڑھ رہی ہے،سی سی ٹی وی فوٹیج سے ملزمان کی شناخت میں مدد ملی۔
دھماکے کےالزام میں متعدد افراد کو گرفتارکیا گیا ہے، ایک سوال کے جواب میں انہوں نے کہا کہ گرفتار ملزمان کی تعداد بتانا ابھی مناسب نہیں ہوگا۔
گرفتار افراد سے تحقیقات کرکے ہی اصل ملزمان تک پہنچا جائے گا،واقعے میں ملوث جو بھی ہوگا اسے کڑی سزا ملے گي انسانیت کے دشمنوں کو کسی صورت معاف نہیں کیا جائے گا۔
وزیراعلیٰ سندھ نے کہا کہ دہشت گردی کےخلاف پوری قوم کو متحد ہونا پڑےگا، سرحد پار سے آنیوالے لوگوں کیلئے سیکیورٹی نہایت سخت کردی گئی ہے، غیر رجسٹرڈ افغانیوں کو بہت جلد واپس بھیج دیا جائے گا۔
