ARYNews.tv | Urdu – Har Lamha Bakhabar

Tag: مراد علی شاہ

  • کرونا وائرس: سندھ میں 2 ہزار سے زائد نئے کیسز کی تصدیق

    کرونا وائرس: سندھ میں 2 ہزار سے زائد نئے کیسز کی تصدیق

    کراچی: صوبہ سندھ میں گزشتہ 24 گھنٹوں کے دوران کرونا وائرس کے 2 ہزار سے زائد نئے کیسز سامنے آئے جبکہ 26 مریض جاں بحق ہوگئے۔

    تفصیلات کے مطابق وزیر اعلیٰ سندھ مراد علی شاہ کا کہنا ہے کہ گزشتہ 24 گھنٹے کے دوران 9 ہزار 244 ٹیسٹ کیے گئے، جن میں سے 2 ہزار 179 مثبت آئے۔ صرف کراچی سے 14 سو 6 کیسز سامنے آئے۔

    وزیر اعلیٰ کا کہنا ہے کہ اب تک صوبے میں 4 لاکھ 35 ہزار 393 ٹیسٹ کیے جا چکے ہیں۔

    انہوں نے کہا کہ صوبے میں مجموعی کیسز کی تعداد 80 ہزار 446 ہوچکی ہے، کرونا وائرس سے آج مزید 26 مریض جاں بحق ہو گئے جس کے بعد صوبے میں مجموعی اموات 12 سو 69 ہوگئی ہیں۔

    وزیر اعلیٰ کا کہنا تھا کہ اس وقت 34 ہزار 654 مریض زیر علاج ہیں جن میں سے 33 ہزار 110 گھروں میں قرنطینہ اور 88 آئسولیشن سینٹرز میں ہیں۔ مختلف اسپتالوں میں 14 سو 56 مریض زیر علاج ہیں۔

    انہوں نے کہا کہ 655 مریضوں کی حالت تشویشناک ہے جبکہ 94 مریض وینٹی لیٹرز پر ہیں۔

    وزیر اعلیٰ کے مطابق گزشتہ 24 گھنٹوں میں 1 ہزار 79 مریض صحتیاب ہوئے جس کے بعد صحتیاب مریضوں کی مجموعی تعداد 44 ہزار 523 ہوگئی ہے۔

    خیال رہے کہ سندھ سمیت ملک بھر میں کرونا وائرس کیسز میں اضافہ ہورہا ہے، کیسز کی تعداد کے لحاظ سے 213 ممالک میں پاکستان دنیا کا 12 واں ملک بن گیا ہے۔

    گزشتہ 24 گھنٹوں کے دوران ملک میں 4 ہزار 72 نئے کیسز سامنے آئے جس کے بعد ملک میں مجموعی کیسز کی تعداد 2 لاکھ 3 ہزار ہوگئی۔

    اس عرصے میں کرونا کے مزید 83 مریض جاں بحق ہوگئے جس کے بعد ہلاکتوں کی مجموعی تعداد بھی 4 ہزار سے تجاوز کر گئی۔

    گزشتہ چند دنوں میں 10 لاکھ آبادی میں اموات کی شرح 18 سے بڑھ کر 19 فیصد ہو گئی ہے، جبکہ 10 لاکھ آبادی میں کیسز کی تعداد بھی بڑھ کر 919 ہو گئی۔

  • این ڈی ایم اے نے وزیر اعلیٰ سندھ کے بیان کی تردید کر دی

    این ڈی ایم اے نے وزیر اعلیٰ سندھ کے بیان کی تردید کر دی

    اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے وزیر اعلیٰ سندھ مراد علی شاہ کے بیان کی تردید کر دی ہے۔

    اے آر وائی نیوز کے مطابق وزیر اعلیٰ سندھ مراد علی شاہ کا ٹڈی دل آپریشن کے لیے گاڑیوں کی خریداری کے حوالے سے بیان متنازع ہو گیا، این ڈی ایم اے کے ترجمان نے وضاحت کی ہے کہ حکومت سندھ کو گاڑیوں کی خریداری کے لیے کوئی لسٹ نہیں دی گئی۔

    این ڈی ایم اے کا کہنا ہے کہ وزیر اعلیٰ سندھ کا صوبائی اسمبلی میں دیا گیا بیان حقیت کے برعکس ہے، سندھ سمیت تمام صوبوں کو این ایل سی سی (نیشنل لوکسٹ کنٹرول سینٹر) کے تعاون سے گاڑیاں دی گئی ہیں، صوبوں کو دیگر وسائل بھی این ایل سی سی کی وساطت سے مہیا کیے گئے۔

    ترجمان نے کہا کہ این ڈی ایم اے پہلے بھی اس حوالے سے اپنا مؤقف دے چکا ہے، لوکسٹ کے خلاف نیشنل ایکشن پلان وزارتِ خوراک کی جانب سے جاری کیا گیا ہے۔

    انسدادٹڈی دل آپریشن، تازہ ترین صورتحال سامنے آگئی

    واضح رہے کہ پورے ملک میں ٹڈی دل کے حملوں سے فصلوں کو شدید خطرات لاحق ہیں، بڑے پیمانے پر اس خطرے سے نمٹنے کے لیے حکومت کی جانب سے اقدامات کیے گئے، چین سے بھی اس سلسلے میں درکار سامان منگوایا جا چکا ہے۔

    دو دن قبل بھی اندرون سندھ دادو میں شہر اور گرد و نواح میں ٹڈی دل نے حملہ کر کے گھاس اور کپاس کی فصلوں کو نقصان پہنچایا تھا، ٹڈی دل کے حملوں سے کاشت کار اور کسان سخت پریشان ہو چکے ہیں۔

    جمعرات کو قومی اسمبلی اجلاس میں پاکستان پیپلز پارٹی کے چیئرمین نے بھی حکومت پر تنقید کرتے ہوئے کہا تھا کہ ٹڈی دل کے مسئلے پر حکومت نے کوئی توجہ نہیں دی، ہر کسی کو نظر آ رہا ہے کہ حکومت کے پاس جہاز نہیں، وہ ٹڈی دل کو ختم نہیں کر سکتی۔

    یکم جون کو وزیر اعلیٰ سندھ نے وزیر اعظم عمران خان کو خط لکھ کر مطالبہ کیا تھا کہ وفاق ٹڈی دل روکنے کے لیے طیارے، 110 ڈبل کیبن گاڑیاں اور سپرے فراہم کرے۔

  • سندھ میں کرونا کے 1414 نئے کیسز رپورٹ، مزید 37 افراد کی موت

    سندھ میں کرونا کے 1414 نئے کیسز رپورٹ، مزید 37 افراد کی موت

    کراچی: وزیراعلیٰ سندھ سید مراد علی شاہ نے کہا ہے کہ صوبے میں گزشتہ 24 گھنٹوں کے دوران مزید 1414 نئے کیسز رپورٹ ہوئے اور 37 مریض جان کی بازی ہار گئے۔

    تفصیلات کے مطابق وزیراعلیٰ سندھ مراد علی شاہ نے کرونا وائرس کی تازہ صورت حال سے متعلق اپنے بیان میں کہا کہ گزشتہ 24 گھنٹے کے دوران 7400 نئے ٹیسٹ کیے گئے جس میں سے 1414 نئے کرونا کیسز سامنے آئے۔

    مراد علی شاہ کا کہنا تھا کہ 4 لاکھ 2 ہزار 687 ٹیسٹ کے نتیجے میں 74 ہزار 70 کیسز رپورٹ ہوئے۔انہوں نے بتایا کہ گزشتہ 24 گھنٹے میں 37 کرونا کے مریض انتقال کرگئے،اب تک1161 کرونا کے مریض انتقال کرچکے ہیں۔

    وزیراعلیٰ سندھ کا مزید کہنا تھا کہ آج 1376 مریض صحت یاب ہوکر گھروں کو چلے گئے،اب تک صحت یاب ہونے والے مریضوں کی تعداد 39473 ہے۔

    پاکستان میں کرونا سے ہلاکتوں میں کمی آ گئی، گزشتہ 24 گھنٹوں میں 60 افراد کا انتقال

    واضح رہے کہ گزشتہ چوبیس گھنٹوں کے دوران ملک میں 3,892 نئے کیسز سامنے آئے، جبکہ مزید 60 مریض جاں بحق ہوگئے، نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 188,926 افراد متاثر ہو چکے ہیں، جبکہ اموات کی تعداد 3,755 ہو گئی ہے۔

    ملک کے مختلف شہروں میں اس وقت کرونا کے زیر علاج مریضوں کی تعداد 1 لاکھ 7 ہزار 417 ہے، اب تک 77,754 مریض وائرس سے لاحق ہونے والی بیماری سے صحت یاب ہو چکے ہیں، جبکہ 3,337 مریضوں کی حالت تشویش ناک ہے۔

  • سندھ میں کرونا کا وار تیزی سے جاری، مزید 21 افراد انتقال کر گئے

    سندھ میں کرونا کا وار تیزی سے جاری، مزید 21 افراد انتقال کر گئے

    کراچی: صوبہ سندھ میں کرونا وائرس کے وار تیزی سے جاری ہیں، صوبے میں مہلک وائرس سے مزید 41 افراد جان کی بازی ہار گئے۔

    تفصیلات کے مطابق وزیر اعلیٰ سندھ مراد علی شاہ نے کرونا وائرس سے متعلق اپنے پیغام میں بتایا ہے کہ سندھ بھر میں کرونا کے مزید 1564 کیسز رپورٹ ہوئے ہیں جبکہ اب تک کرونا وائرس سے انتقال کرنے والوں کی تعداد 1124 ہوچکی ہے۔

    انہوں نے کہا کہ گزشتہ 24 گھنٹے میں 6597 ٹیسٹ کئے گئے ہیں جبکہ اب تک 395287 ٹیسٹ کیے جاچکے ہیں جس میں سے 72656 پازیٹو آئے۔

    مراد علی شاہ کا کہنا تھا کہ صوبے میں اس وقت 33131 مریض زیر علاج ہیں جبکہ ان میں سے کرونا کے 614 مریضوں کی حالت تشویش ناک ہے، جن میں سے 118 مریضوں کو وینٹی لیٹر پر منتقل کر دیا گیا ہے۔

    وزیراعلیٰ سندھ کا مزید کہنا تھا کہ آج 1357 مریض صحت یاب ہو کر گھروں کو چلے گئے، صوبے میں اب تک صحت یاب ہونے والے مریضوں کی تعداد 38401 ہوچکی ہے۔

    ملک میں کرونا سے مزید 105 مریض جاں بحق، تعداد 3,695 ہو گئی

    واضح رہے کہ گزشتہ چوبیس گھنٹوں کے دوران ملک میں 3,946 نئے کیسز سامنے آئے، جبکہ مزید 105 مریض جاں بحق ہو گئے، نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 185,034 افراد متاثر ہو چکے ہیں، جبکہ اموات کی تعداد 3,695 ہو گئی ہے۔

  • سندھ میں کرونا کے مزید 2190 کیسز رپورٹ

    سندھ میں کرونا کے مزید 2190 کیسز رپورٹ

    کراچی: وزیر اعلیٰ مراد علی شاہ نے کہا ہے کہ گزشتہ چوبیس گھنٹوں کے دوران سندھ میں کرونا سے متاثرہ مزید 35 مریض انتقال کرگئے۔

    تفصیلات کے مطابق وزیر اعلیٰ سندھ سید مراد علی شاہ نے کرونا وائرس سے متعلق اپنے پیغام میں بتایا ہے کہ سندھ بھر میں کرونا کے مزید 2190 کیسز رپورٹ ہوئے ہیں جبکہ اب تک کرونا وائرس سے انتقال کرنے والوں کی تعداد 1048 ہوچکی ہے۔

    مراد علی شاہ کا کہنا تھا کہ گزشتہ 24 گھنٹے میں 10830 ٹیسٹ کئے گئے ہیں جبکہ اب تک 364959 ٹیسٹ کیے جاچکے ہیں جس میں سے 67353 پازیٹو آئے۔

    انہوں نے بتایا کہ اس وقت 32193 مریض زیر علاج ہیں جبکہ ان میں سے کرونا کے 700 مریضوں کی حالت تشویش ناک ہے، جن میں سے 116 مریضوں کو وینٹی لیٹر پر منتقل کر دیا گیا ہے۔

    پاکستان میں کرونا سے مزید 153 اموات

    واضح رہے کہ گزشتہ چوبیس گھنٹوں کے دوران ملک میں 6,604 نئے کیسز سامنے آئے، نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 171,666 افراد متاثر ہو چکے ہیں، جبکہ اموات کی تعداد 3,382 ہو گئی ہے۔

    ملک کے مختلف شہروں میں اس وقت کرونا کے زیر علاج مریضوں کی تعداد 1 لاکھ 4 ہزار 780 ہے، جبکہ اب تک 63,504 مریض وائرس سے لاحق ہونے والی بیماری سے صحت یاب ہو چکے ہیں۔

  • بجٹ میں 15 ارب روپے نئی اسکیموں کے لیے رکھے ہیں: وزیر اعلیٰ سندھ

    بجٹ میں 15 ارب روپے نئی اسکیموں کے لیے رکھے ہیں: وزیر اعلیٰ سندھ

    کراچی: وزیر اعلیٰ سندھ مراد علی شاہ کا کہنا ہے کہ بجٹ میں گزشتہ سال ساڑھے 6 سو کے قریب نئی اسکیموں سے کوئی بھی اسکیم نہیں نکالی گئی، 15 ارب روپے نئی اسکیموں کے لیے رکھے ہیں۔

    تفصیلات کے مطابق وزیر اعلیٰ سندھ مراد علی شاہ کا کہنا تھا کہ گزشتہ سال ہم نے ایک بیلنس بجٹ دیا تھا، کرونا وائرس کی وجہ سے اگر نقصان ہوا ہے تو 4 یا 5 ارب کا ہوگا۔

    وزیر اعلیٰ کا کہنا تھا کہ کہا گیا کہ وفاق کی جانب سے 6 سو ارب سے زائد ملیں گے، ایف بی آر سے 761 ارب ملنے تھے اس کی جگہ کہا گیا 535 ارب ملیں گے۔ ایف بی آر کی جانب سے ہر چیز کرونا وائرس پر ڈالنا ٹھیک نہیں۔ اگر 606 کا ٹارگٹ پورا کرنا ہے تو 53 ارب انہوں نے مزید دینے ہیں۔

    انہوں نے کہا کہ جب تحریک انصاف کی حکومت آئی تو گروتھ 6.2 پر تھی، اب حکومت منفی 4 فیصد گروتھ پر چلی گئی۔ ورلڈ بینک نے کہا کہ اس سال گروتھ منفی 2.6 فیصد ہوگی، اگلے سال کے لیے حکومت نے 2.1 فیصد گروتھ رکھی ہے۔

    وزیر اعلیٰ کا کہنا تھا کہ تاریخ میں پہلی بار ایف بی آر نے گزشتہ سال سے کم کمایا، 232.9 ارب کا اگلے سال کے لیے ڈویلپمنٹ بجٹ رکھا گیا ہے، اگلے سال کے لیے 8.3 ارب کی فیڈرل گرانٹ ہے۔ اس سال 284 ارب کا ڈویلپمنٹ بجٹ تھا اگلے سال کے لیے کم کرنا پڑا۔

    انہوں نے کہا کہ گزشتہ سال ساڑھے 6 سو کے قریب نئی اسکیمیں تھیں، ان میں سے کوئی بھی اسکیم نہیں نکالی گئی، ہماری بجٹ سے زیادہ کورونا آزمائش پر توجہ ہے۔ ہم نے 15 ارب روپے نئی اسکیموں کے لیے رکھے ہیں، 3 ماہ بعد ریویو کر کے کیبنٹ سے منظور کروا کر پھر شروع کریں گے۔

    وزیر اعلیٰ کا کہنا تھا کہ 1 سے لے کر 16 گریڈ ملازمین کی تنخواہ میں 10 فیصد اضافہ کیا ہے، 17 سے لے کر 22 گریڈ تک کے ملازمین کی تنخواہ میں 5 فیصد اضافہ کیا۔

  • سندھ میں 24 گھنٹے کے دوران 2287 نئے کرونا کیسز سامنے آئے: وزیراعلیٰ

    سندھ میں 24 گھنٹے کے دوران 2287 نئے کرونا کیسز سامنے آئے: وزیراعلیٰ

    کراچی: وزیراعلیٰ سندھ سید مراد علی شاہ نے کہا ہے کہ صوبے میں 2287 نئے کرونا کیسز سامنے آئے، سندھ میں 24 گھنٹے کے دوران 11819 ٹیسٹ کیے گئے۔

    تفصیلات کے مطابق کرونا صورت حال سے متعلق اپنے تازہ بیان میں وزیراعلیٰ سندھ کا کہنا تھا کہ 319231ٹیسٹوں میں سے 57868 کیسز سامنے آئے، آج کرونا کے مزید 33 مریض انتقال کرگئے، انتقال کرنے والے مریضوں کی تعداد 886 ہوگئی، اس وقت 27737مریض زیرعلاج ہیں۔

    انہوں نے بتایا کہ صوبے کے مختلف اسپتالوں میں 1498 مریض زیرعلاج ہیں، 633 مریضوں کی حالت تشویش ناک جبکہ 109 وینٹی لیٹرز پر ہیں، آج 1230 مریض صحتیاب ہوکر گھروں کو چلے گئے۔

    مراد علی شاہ کا مزید کہنا تھا کہ صوبے میں صحت یاب مریضوں کی تعداد 29245 ہوگئی ہے۔

    کرونا سے پاکستان میں مزید 111 افراد جاں بحق، اموات کی شرح میں اضافہ جاری

    خیال رہے کہ پاکستان کرونا کیسز کا گراف مزید بلند ہونے کے بعد کیسز کی تعداد کے لحاظ 213 ممالک میں دنیا کا 15 واں ملک بن چکا ہے، اموات اور نئے کیسز کی تعداد میں روز بہ روز اضافہ ہو رہا ہے، گزشتہ چوبیس گھنٹوں کے دوران ملک میں مزید ایک سو گیارہ اموات ہوئیں۔

    گزشتہ چوبیس گھنٹوں کے دوران ملک بھر میں مزید 111 افراد کرونا انفیکشن کا شکار ہو کر جاں بحق ہوگئے جب کہ 4,443 نئے کیسز سامنے آئے۔ نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 148,921 افراد متاثر ہو چکے ہیں، جب کہ اموات کی تعداد 2,839 ہو گئی ہے۔

  • سندھ میں کرونا کا وار تیزی سے جاری، مزید 22 افراد انتقال کر گئے

    سندھ میں کرونا کا وار تیزی سے جاری، مزید 22 افراد انتقال کر گئے

    کراچی: صوبہ سندھ میں کرونا وائرس کے وار تیزی سے جاری ہیں، صوبے میں مہلک وائرس سے مزید 22 افراد جان کی بازی ہار گئے۔

    تفصیلات کے مطابق صوبہ سندھ میں کرونا وائرس کے کیسز میں تیزی سے اضافہ ہوتا جا رہا ہے، 24 گھنٹوں میں 9 ہزار 80 ٹیسٹ کیے گئے، ان ٹیسٹوں کے نتیجے میں 1776 نئے کیسز سامنے آئے۔صوبے میں اب تک 307412 ٹیسٹ کیےگئے،جس میں 55581 کیسز سامنے آئے۔

    وزیراعلیٰ سندھ مراد علی شاہ نے کرونا کی صورت حال پر اپنے بیان میں کہا کہ 24 گھنٹوں میں مہلک وائرس سے مزید 22 افراد جاں بحق ہوگئے جس کے بعد صوبے میں کرونا وبا سے مرنے والوں کی تعداد 853 ہوگئی۔

    مراد علی شاہ نے کرونا وائرس کے حوالے سے اعداد وشمار شیئر کیے، جس کے مطابق اس وقت صوبے میں کرونا سے متاثرہ 26 ہزار 705 مریض زیر علاج ہیں جن میں سے 24 ہزار 789 گھروں پر، 90 آئیسولیشن سینٹرز، 1826 مختلف اسپتالوں میں زیر علاج ہیں۔

    انہوں نے بتایا کہ 627 مریضوں کی حالت تشویش ناک ہے جن میں سے کرونا کے87 مریضوں کو وینٹی لیٹرز پر منتقل کیا گیا ہے۔مہلک وائرس سے صحت یاب ہونے والے افراد سے متعلق ان کا کہنا تھا کہ آج مزید 2417 مریض صحتیاب ہو کر گھروں کو چلے گئے، اب تک 28 ہزار سے زائد مریض اس مہلک وبا سے مکمل طور پر صحت یاب ہوچکے ہیں۔

    وزیراعلیٰ سندھ مراد علی شاہ نے عوام سے ایک بار پھر اپیل کی کہ ایس او پیز کو زندگی کا حصہ بنا کر ہی اپنی اور دوسروں کی زندگیاں بچائی جاسکتی ہیں۔

  • سندھ میں 24 گھنٹوں کے دوران 42 کرونا مریض جاں بحق

    سندھ میں 24 گھنٹوں کے دوران 42 کرونا مریض جاں بحق

    کراچی: صوبہ سندھ میں گزشتہ 24گھنٹوں کے دوران کرونا وائرس کے2487 تصدیق شدہ کیسز رپورٹ ہوگئے، متاثرہ افراد کی مجموعی تعداد 43 ہزار 790ہوگئی۔

    تفصیلات کے مطابق وزیر اعلیٰ سندھ مراد علی شاہ کا کہنا ہے کہ سندھ میں گزشتہ 24 گھنٹے کے دوران 2 ہزار 487 نئے کیسز سامنے آئے ہیں۔صرف کراچی میں 24 گھنٹے میں 1755 نئے کیسز رپورٹ ہوئے۔

    مراد علی شاہ کا کہنا تھا کہ سندھ میں گزشتہ 24 گھنٹے میں 9100 ریکارڈ ٹیسٹ کیے گئے، صوبے میں مجموعی طور پر 2 لاکھ 55 ہزار 617 ٹیسٹ کیے گئے ہیں۔ سندھ میں کرونا وائرس کے کیسز کی مجموعی تعداد 43 ہزار 790 ہوگئی ہے۔

    وزیراعلیٰ سندھ نے بتایا کہ سندھ میں گزشتہ 24 گھنٹے میں مزید 42 مریض انتقال کر گئے جس کے بعد صوبے میں کرونا وائرس سے جاں بحق افراد کی تعداد 738 ہوگئی۔

    مراد علی شاہ کے مطابق سندھ میں اس وقت 22052 مریض زیر علاج ہیں،جن میں سے 20478 مریض گھروں میں آئسولیٹ ہیں،48 مریض آئسولیشن سینٹرز میں زیر علاج ہیں،1526 مریض مختلف اسپتالوں میں داخل ہیں۔انہوں نے بتایا کہ آج 1 ہزار 111 مریض صحت یاب ہو کر گھروں کو چلے گئے، سندھ میں صحت یاب مریضوں کی تعداد 21007 ہوگئی۔

    وزیراعلیٰ سندھ کا کہنا تھا کہ ہم خطرناک صورت حال کی طرف جا رہے ہیں، ایس او پیز پر عمل نہیں ہوگا تو نتائج 27 فیصد سے بھی تجاوز کر جائیں گے۔

  • سندھ میں 24 گھنٹے کے دوران کرونا وائرس کے 14 سو سے زائد کیسز کی تصدیق

    سندھ میں 24 گھنٹے کے دوران کرونا وائرس کے 14 سو سے زائد کیسز کی تصدیق

    کراچی: وزیر اعلیٰ سند مراد علی شاہ کا کہنا ہے کہ سندھ میں گزشتہ 24 گھنٹے کے دوران کرونا وائرس کے 14 سو 47 نئے کیسز سامنے آئے ہیں جس کے بعد صوبے میں مجموعی کیسز کی تعداد 39 ہزار 555 ہوگئی ہے۔

    تفصیلات کے مطابق وزیر اعلیٰ سندھ مراد علی شاہ کا کہنا ہے کہ سندھ میں گزشتہ 24 گھنٹے کے دوران 14 سو 47 نئے کیسز سامنے آئے ہیں۔ صرف کراچی میں 24 گھنٹے میں 963 نئے کیسز رپورٹ ہوئے۔

    وزیر اعلیٰ کا کہنا تھا کہ سندھ میں گزشتہ 24 گھنٹے میں 8 ہزار 513 ریکارڈ ٹیسٹ کیے گئے، صوبے میں مجموعی طور پر 2 لاکھ 39 ہزار 522 ٹیسٹ کیے گئے ہیں۔ سندھ میں کرونا وائرس کے کیسز کی مجموعی تعداد 39 ہزار 555 ہوگئی ہے۔

    انہوں نے بتایا کہ سندھ میں گزشتہ 24 گھنٹے میں مزید 29 مریض انتقال کر گئے جس کے بعد صوبے میں کرونا وائرس سے جاں بحق افراد کی تعداد 679 ہوگئی۔

    وزیر اعلیٰ کا کہنا تھا کہ آج 468 مریض صحت یاب ہو کر گھروں کو چلے گئے، سندھ میں صحتیاب مریضوں کی تعداد 19 ہزار 137 ہوگئی۔

    انہوں نے بتایا کہ سندھ میں اس وقت 19 ہزار 739 مریض زیر علاج ہیں، 18 ہزار 263 ہوم آئسولیشن میں، 60 آئسولیشن سینٹرز میں زیر علاج ہیں۔ 14 سو 16 مریض مختلف اسپتالوں میں زیر علاج ہیں، 435 مریضوں کی حالت تشویشناک ہے جبکہ 83 وینٹی لیٹرز پر ہیں۔