Tag: مراکش کشتی حادثہ

گوجرانوالہ(29 اگست 2025): ایف آئی اے نے مراکش کشتی حادثہ اور شہریوں کو بیرون ملک تشدد اور یرغمال بنانے میں ملوث 4 ملزمان گرفتار کرلئے۔

تفصیلات کے مطابق ایف آئی اے گوجرانوالہ زون نے بڑی کاروائی کرتے ہوئے مراکش کشتی حادثہ اور شہریوں کو بیرون ملک تشدد اور یرغمال بنانے میں ملوث 3 انسانی ٹریفکرز سمیت 4 ملزمان کو گرفتار کرلئے۔

ایف آئی اے کے مطابق گرفتار  ملزمان میں عمر حیات، محمد سفیان، محمد نعمان اور محمد عثمان شامل ہیں، ملزمان کو حافظ آباد اور گجرات کے مختلف علاقوں سے گرفتار کیا گیا، ملزمان شہریوں کو بیرون ملک ملازمت کا جھانسہ دے کر کروڑوں روپے بٹورنے میں ملوث پائے گئے ہیں۔

ترجمان کا کہنا ہے کہ گرفتار ملزم عمر حیات مراکش کشتی حادثے میں ملوث ہے ملزم نے علی حسن نامی شہری کو فرانس ملازمت کے نام پر 80 لاکھ روپے بٹورے، ملزم نے شہری کو سمندر کے راستے یورپ بھجوانے کی کوشش کی جو حادثے کا شکار ہوگئی کشتی حادثے میں شہری لاپتہ ہو گیا تھا۔

ایف آئی اے کا کہنا ہے کہ گرفتار ملزم محمد سفیان اور محمد نعمان نے شہری کو کینیڈا ملازمت کا جھانسہ دے کر 87 لاکھ 50 ہزار روپے ہتھیائے، ملزم نے متاثرہ شہری کو کینیڈا کے بجائے انڈونیشیا بھیجوا دیا، انڈونیشیا میں ملزمان کے ساتھیوں نے متاثرہ کو یرغمال بنا کر تاوان وصول کیا ملزمان دیگر ساتھیوں کی ملی بھگت سے انڈونیشیا میں شہری پر تشدد کرتے رہے، شہری بھاری رقم ادا کرنے کے بعد پاکستان واپس آگیا۔

ایف آئی اے حکام کا کہنا ہے کہ گرفتار ملزم محمد عثمان نے شہری کو کینیڈا ملازمت کا جھانسہ دے کر 11 لاکھ روپے بٹورے ہیں، ملزم بھاری رقوم وصول کرنے کے بعد بھی شہری کو بیرون ملک بھجوانے میں ناکام رہا، ملزم رقوم وصول کر کے روپوش ہو گیا تھا، تمام ملزمان کو گرفتار کر کے تفتیش کا آغاز کر دیا گیا ہے۔

اسلام آباد : مراکش کشتی حادثے اسپین سے واپس آنے والوں کے بیانات کی روشنی میں تحقیقات میں اہم پیش رفت ہوئی ، پاکستانیوں نے اپنے ایجنٹس کے نام اور ثبوت فراہم کیے۔

تفصیلات کے مطابق مراکش کشتی حادثے کے بعد انسانی اسمگلنگ میں ملوث عناصرکے خلاف تحقیقات جاری ہے۔

ایف آئی اے نے ہر زون کیلئے مختلف ٹیمیں تشکیل دیتے ہوئے ایجنٹس کیخلاف کارروائی کی ہدایات دے دیں، تحقیقاتی ٹیمیں اعلیٰ سطح انکوائری کمیٹی کی سفارشات پر ترتیب دیں

اسپین سے واپس آنے والوں کے بیانات کی روشنی میں تحقیقات میں بھی اہم پیش رفت ہوئی، ڈی پورٹ ہونے والے پاکستانیوں نے اپنے ایجنٹس کے نام اور ثبوت فراہم کیے۔

ذرائع نے کہا ہے کہ اینٹی ہیومن ٹریفکنگ سرکل نےبیانات متعلقہ سرکلز کو بھجوائے، اب تک22پاکستانی ڈی پورٹ ہو کر واپس آئے ہیں جبکہ بیانات کی روشنی میں ایک ایجنٹ گرفتار ہوا۔

مزید پڑھیں : مراکش کشتی حادثہ: بچ جانے والے 7 پاکستانیوں کو وطن واپس پہنچا دیا گیا

یاد رہے مراکش کشتی حادثہ میں بچ جانے والے 7 پاکستانیوں کو اسپین اور اٹلی سے ڈی پورٹ کروا کے وطن واپس پہنچایا گیا تھا۔

تفتیشی افسر نے واپس آنے والوں پاکستانیوں کے بیانات قلمبند کئے تھے ، جس میں ان کا کہنا تھا کہ انسانی اسمگلرز نے تشدد کا نشانہ بنایا۔

ابتدائی تفتیش میں یہ بات سامنے آئی تھی کہ ایجنٹوں کا تعلق وزیر آباد، لاہور، گجرات اور سیالکوٹ سے ہے۔ واپس آنے والوں کا تعلق گجرات، حافظ آباد، سیالکوٹ، منڈی بہاءالدین اور گجرانوالہ سے ہے۔

ترجمان ایف آئی اے کے مطابق مسافروں نے غیر قانونی طریقے سے اسپین براستہ سینیگال جانے کی کوشش کی، انہوں نے ایجنٹوں سے 16 لاکھ سے 25 لاکھ روپے فی کس میں معاملات طے کیے۔

اسلام آباد : مراکش کشتی حادثے میں لاشوں کی شناخت کے لیے نادرا کی خدمات حاصل کرنے کا فیصلہ کرلیا گیا ، شناخت کےبعدلاشوں کوپاکستان منتقل کیا جائے گا۔

تفصیلات کے مطابق مراکش کشتی حادثے میں جاں بحق پاکستانیوں کی حتمی تعدادکی تصدیق تاحال نہ ہو سکی ، حکومت نے لاشوں کی شناخت کے لیے نادرا کی خدمات حاصل کرنے کا فیصلہ کرلیا۔

ذرائع نے بتایا کہ شناخت کےبعدلاشوں کوپاکستان منتقل کیاجائےگا، مراکش حکام نے پاکستانیوں کی لاشوں کے بارے میں آگاہ کردیا۔

ذرائع کا کہنا تھا کہ تصدیق نہ ہونےکےباعث لاشوں کی تعدادنہیں بتائی جارہی اور کچھ لاشوں کی دستاویز نہ ہونے پر شناخت نہیں ہو پا رہی۔

ذرائع نے مزید کہا کہ آن لائن پورٹل کے ذریعے فنگر پرنٹ اور تصاویر نادرا کو بھجوائی جارہی ہیں اور لاشوں کی منتقلی کے بعد تشدد کے معاملے پر متعلقہ ممالک سےرابطہ کیا جائے گا، تشدد میں موریطانیہ کےعلاوہ دیگر ممالک کے شہریوں کےملوث ہونے کا بھی خدشہ ہیں۔

مزید پڑھیں : ’مراکش کشتی حادثہ نہیں قتل عام تھا‘ زندہ بچ جانیوالے پاکستانیوں کا دل دہلا دینے والا ابتدائی بیان

یاد رہے پاکستان کی تحقیقاتی کمیٹی نے مراکش کشتی حادثے میں زندہ بچ جانیوالے پاکستانیوں کے ابتدائی بیان ریکارڈ کئے تھے۔

پاکستانیوں نے ابتدائی بیانات میں کہا تھا کہ مراکش کشتی حادثہ نہیں قتل عام تھا، ملزمان نے کشتی کھلے سمندر میں کھڑی کی اور تاوان مانگا، تاوان دینے والے 21 پاکستانیوں کو چھوڑ دیا گیا جبکہ کشتی میں سوار بیشتر لوگ سرد موسم اور تشدد سے ہلاک ہوگئے۔

ذرائع کا کہنا تھا کہ کشتی انٹرنیشنل ہیومن ٹریفکنگ ریکٹ کی نگرانی میں تھی، اس ریکٹ میں سنیگال، موریطانیہ اور مراکش کے اسمگلر شامل ہیں، واضح رہے کہ پاکستان کی 4 رکنی تحقیقاتی ٹیم اس وقت مراکش میں موجود ہے۔

واضح رہے افریقی ملک موریطانیہ سے غیرقانونی طور پر اسپین جانے والوں کی کشتی کو حادثہ پیش آیا تھا جس کے نتیجے میں 44 پاکستانیوں سمیت 50 تارکین وطن ہلاک ہوگئے تھے۔

وزیرآباد : مراکش کشتی حادثہ میں وزیرآبادکا شہزاد بھی جان سے ہاتھ دھوبیٹھا ، جس نے اسمگلر کو 45 لاکھ دیکرموت خریدی۔

تفصیلات کے مطابق مراکش کشتی حادثے میں جاں بحق افراد میں وزیر آباد کا شہزاد نامی نوجوان بھی شامل ہے۔

غم سے نڈھال اہلخانہ نے بتایا ہے شہزاد کو تشدد کرکے قتل کیا اور سمندر میں پھینک دیا گیا جبکہ مقامی ایجنٹ حادثے کی خبر کے بعد روپوش ہوگئے۔

اہلخانہ کا کہنا تھا کہ شہزادولایت بٹ تین ماہ قبل اسپین جانے کے لیے گھرسےنکلا تھا اور ایجنٹوں سے ہوائی سفر کے معاملات طے کیے۔

مزید پڑھیں : حکومت کا مراکش کشتی حادثے کی اعلیٰ سطح تحقیقات کرانے کا فیصلہ

وزیرآباد کے انسانی اسمگلر عامر اور حافظ عثمان نے 45 لاکھ روپے میں معاملہ طے کیا جبکہ تیسرے ساتھی ایجنٹ رانا لیاقت جس کا تعلق گوجرانوالہ سے ہے کے ہمراہ پاکستان سے ماریطانیہ بھیجا تھا۔

نوجوان ڈھائی ماہ ماریطانیہ سے اسپین جانےکےلیےانتظار کرتا رہا، اہلخانہ سے دس روز پہلے رابطہ ہوا تھا۔

اہلخانہ کا کہنا تھا کہ شہزاد نے بتایا تھا کہ ایجنٹوں نے بھوکا پیاسا رکھا، تشدد کا نشانہ بھی بنایا۔

خیال رہے حادثے میں جاں بحق پندرہ پاکستانیوں کی شناخت ہوگئی ہے، کشتی موریطانیہ سےاسپین جارہی تھی کہ مراکش کےقریب سمندرمیں ڈوب گئی تھی۔