Tag: مرتضیٰ وہاب

کراچی: ترجمان سندھ حکومت مرتضیٰ وہاب کا کہنا ہے کہ بلا ضرورت گھروں سے نکلنے سے وبا کے پھیلاؤ کا خطرہ ہے۔

تفصیلات کے مطابق سندھ حکومت کے ترجمان مرتضیٰ وہاب کی جانب سے ویڈیو بیان جاری کیا گیا ہے جس میں انہوں نے عوام سے ایک مرتبہ پھر سخت احتیاط برتنے کی اپیل کی ہے۔

مرتضیٰ وہاب کا کہنا تھا کہ کورونا وائرس نے دنیا بھر میں تباہی مچائی ہے،اس خطرناک وبا کا تاحال کوئی علاج دریافت نہیں ہوا، ہمیں اس سے بچاؤ کے لیے صرف احتیاط برتنی ہے۔

ترجمان سندھ حکومت نے کہا کہ حکومت سندھ کی ہدایات پر ہر صورت عمل کریں،بلا ضرورت گھروں سے نکلنے سے وبا کے پھیلاؤ کاخطرہ ہے۔انہوں نے کہا کہ سندھ حکومت این جی اوز کی مدد سے راشن تقسیم کر رہی ہے، صبر سے کام لیں تمام مستحقین تک راشن پہنچائیں گے۔

کرونا وائرس: سندھ میں کیسز کی تعداد 627 ہو گئی

دوسری جانب وزیر صحت سندھ ڈاکٹر عذرا پیچوہو کا کہنا ہے کہ سندھ میں 61 نئے کیسز رپورٹ ہونے کے بعد کرونا وائرس سے متاثرہ کیسز کی تعداد 627 ہو گئی ہے، وائرس سے 7 مریض انتقال کر چکے ہیں جب کہ 42 مریض بیماری سے صحت یاب ہو چکے ہیں۔

محکمہ صحت سندھ کے مطابق کراچی میں 45 نئے کیسز کی تصدیق کے بعد تعداد 294 ہو گئی ہے، حیدرآباد میں 14 نئے کیس رپورٹ ہوئے ہیں، جس کے بعد تعداد 57 ہوگئی ہے، جامشورو میں 2 اور جیکب آباد میں ایک کیس سامنے آیا ہے۔

کراچی:ترجمان سندھ حکومت مرتضیٰ وہاب کا کہنا ہے کہ ہم درست سمت میں جا رہے ہیں، خاطر خواہ نتائج ملیں گے۔

تفصیلات کے مطابق اے آروائی نیوز کے پروگرام آف دی ریکارڈ میں بات چیت کرتے ہوئے ترجمان سندھ حکومت مرتضی وہاب نے کہا کہ جنگ میں بھی لوگوں کی آمدورفت پر پابندی لگائی جاتی ہے،اس وقت ہم بھی جنگ جیسی صورت حال میں ہیں۔

انہوں نے کہا کہ وبا کی صورت میں ریاست کو سخت فیصلے کرنا ہوتے ہیں، ہمیں سپلائی چین کو بہتر کرنا ہوگا تاکہ لوگوں کو سامان مل سکے، حالات کنٹرول میں رہیں گے تو ہم کیوں کرفیو کی طرف جائیں گے۔

ترجمان سندھ حکومت کا کہنا تھا کہ آج وزیراعظم کےساتھ جو میٹنگ ہوئی وہ بہت مثبت تھی، ہم درست ڈائریکشن میں جا رہے ہیں، خاطر خواہ نتائج ملیں گے۔

مرتضیٰ وہاب نے کہا کہ طبی ماہرین کے مطابق کرونا علامات 14 دن میں ظاہر ہوتی ہیں،14دن تک لوگ گھروں میں رہیں تو وائرس کے بڑے حملے کو روکا جاسکتا ہے۔

واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1179 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 9 افراد جاں بحق اور 21 مریض صحت یاب ہوچکے ہیں۔

کراچی: ترجمان سندھ حکومت مرتضیٰ وہاب کا کہنا ہے کہ سندھ میں کرونا وائرس سے متاثرہ 10مریض صحت یاب ہوگئے۔

تفصیلات کے مطابق ترجمان سندھ حکومت مرتضیٰ وہاب نے سماجی رابطے کی ویب سائٹ ٹویٹر پر اپنے پیغام میں کہا کہ سندھ میں کرونا وائرس سے متاثرہ 10مریض صحت یاب ہوگئے۔

ترجمان سندھ حکومت کا کہنا تھا کہ الحمد اللہ سندھ میں کرونا وائرس سے صحت یاب ہونے والے افراد کی تعداد 14 ہوگئی ہے۔

Another 10 patients of #COVIDー19 in #Sindh have recovered and their tests have come negative. Total number of patients who have recovered in Sindh are now 14. Alhamdolillah

— SenatorMurtaza Wahab (@murtazawahab1) March 24, 2020

دوسری جانب محکمہ سندھ کے مطابق کراچی میں کروناوائرس کے 10 نئے کیس رپورٹ ہوئے ہیں جس کے بعد کراچی میں کرونا وائرس کے کیسز کی تعداد 144 اور سندھ بھر 410 ہوگئی۔

وزیر صحت سندھ ڈاکٹرعذرا پیچوہو کا کہنا ہے کہ عوام کے تعاون سے2 دن میں متاثرہ افراد میں کمی دیکھنے میں آئی ہے، عوام ہر حال میں گھروں تک محدود رہیں،حکومت کا ساتھ دیں۔ انہوں نے بتایا کہ سکھر قرنطینہ میں 3149 زائرین کے نتائج منفی جبکہ 265 کے مثبت آئے ہیں۔

لاک ڈاؤن میں باہر نکلنے والوں سے سختی سے نمٹا جائے، وزیراعلیٰ سندھ کی پولیس کو ہدایت

اس سے قبل وزیراعلیٰ سندھ مراد علی شاہ نے آئی جی سندھ پولیس مشتاق مہر کو ہدایت کی تھی کہ لاک ڈاؤن میں باہر نکلنے والوں سے سختی سے نمٹا جائے۔

واضح رہے کہ پاکستان میں کرونا وائرس سے 7 افراد جاں بحق ہوگئے جبکہ وائرس سے متاثرہ مریضوں کی تعداد 916 ہوگئی ہے اور 18 مریض صحت یاب ہو چکے ہیں۔

کراچی: ترجمان سندھ حکومت مرتضیٰ وہاب کا کہنا ہے کہ کرونا وائرس کا پھیلاؤ روکنے کے لیے سخت فیصلوں کا وقت آگیا۔

تفصیلات کے مطابق سماجی رابطے کی ویب سائٹ ٹویٹر پر ترجمان سندھ حکومت مرتضیٰ وہاب نے اپنے پیغام میں کہا کہ وزیراعلیٰ سندھ مراد علی شاہ نےگورنرسندھ، کور کمانڈر، ڈی جی رینجرز، آئی جی سندھ پولیس سے تبادلہ خیال کیا۔

انہوں نے بتایا کہ لوگوں کوگھروں میں رہنے کے لیے حکومتی فیصلے پر عمل یقینی بنانے پر بھی غور کیا گیا۔ ترجمان سندھ حکومت مرتضیٰ وہاب کا کہنا تھا کہ کرونا وائرس کا پھیلاؤ روکنے کے لیے سخت فیصلوں کا وقت آگیا۔

مرتضیٰ وہاب نے اپنے پیغام میں مزید کہا کہ سندھ حکومت یقینی بنائےگی راشن،میڈیکل اسٹورز کھلے رہیں۔

Time for some tough decisions. CM Sindh has discussed with Governor Sindh, Corps Commander Khi, DG Rangers & IG Sindh to ensure full implementation of Govt’s decision of keeping people at their homes. #SindhGovt will ensure that grocery & medical shops remain open

— SenatorMurtaza Wahab (@murtazawahab1) March 21, 2020

اس وقت ہم ایک دوسرے کے لیے کلاشنکوف سے بھی زیادہ خطرناک ہیں، مرتضی ٰوہاب

اس سے قبل ترجمان سندھ حکومت مرتضیٰ وہاب کا کہنا تھا کہ اس وقت ہم ایک دوسرے کے لیے کلاشنکوف سے بھی زیادہ خطرناک ہیں۔

واضح رہے کہ پاکستان میں کرونا وائرس کے کیسز کی تعداد 666 ہو گئی ہے، وائرس سے مجموعی طور پر 3 افراد جاں بحق جبکہ 13 مریض صحت یاب ہو چکے ہیں۔

کراچی: ترجمان سندھ حکومت مرتضیٰ وہاب کا کہنا ہے کہ جب تک عوام خود احتیاط نہ کریں کوئی حکومت کامیاب نہیں ہوسکتی۔

تفصیلات کے مطابق اے آروائی نیوز کے پروگرام اعتراض ہے میں گفتگو کرتے ہوئے ترجمان سندھ حکومت مرتضیٰ وہاب نے کہا کہ غیر ضروری چیزوں کے لیے گھر سے باہر نہ نکلیں تو سب کے لیے اچھا ہوگا۔

مرتضیٰ وہاب کا کہنا تھا کہ 3 دن سب بند کرنے کا مقصد بھی لوگوں کوگھروں تک محدود کرنا ہے، جب تک عوام خود احتیاط نہ کریں کوئی حکومت کامیاب نہیں ہوسکتی۔

انہوں نے کہا کہ طبی عملے کو فرنٹ لائن کردار ادا کرنے پر خراج تحسین پیش کرتے ہیں۔ ترجمان نے کہا کہ ہماری ترجیح ہونی چاہیے لوگوں کو سمجھائیں گھروں سے باہر نہ نکلیں، 14دن آئسولیٹ کوئی سیاسی تخلیق نہیں ڈاکٹرز کی رائے ہے، 14 دن کا مقصد ہے وائرس سے متاثر ہیں تو علامات ظاہر ہوجاتی ہیں۔

ترجمان سندھ حکومت کا کہنا تھا کہ ہمیں اپنی حفاظت کے لیے احتیاطی تدابیر اختیار کرنی ہیں، ہمارا مقصد ہے لوگوں کو سمجھائیں غیر ضروری گھر سے نہ نکلیں۔

کرونا وائرس، سندھ حکومت نے ابھی مکمل لاک ڈاؤن کا فیصلہ نہیں کیا، مرتضیٰ وہاب

یاد رہے کہ گزشتہ روز ترجمان سندھ حکومت مرتضیٰ وہاب کا کہنا تھا کہ کرونا وائرس کے پیش نظر سندھ حکومت نے ابھی مکمل لاک ڈاؤن کا فیصلہ نہیں کیا ہے۔