Tag: مرتضیٰ وہاب

کراچی: پاک فوج کے شعبہ تعلقات عامہ کے ادارے آئی ایس پی آر کے ڈائریکٹر جنرل نے کراچی میں قتل ہونے والے نجی چینل کے اینکر مرید عباس کی موت پر گہرے دکھ کا اظہار کیا ہے۔

تفصیلات کے مطابق کراچی کے علاقے ڈیفنس میں فائرنگ کے ایک واقعے میں جاں بحق ہونے والے ٹی وی اینکر مرید عباس کی موت پر ڈی جی آئی ایس پی آر نے دکھ کا اظہار کرتے ہوئے مرحوم کے اہل خانہ سے اظہار تعزیت کیا اور مغفرت کی دعا کی۔

ادھر مشیر اطلاعات سندھ مرتضیٰ وہاب نے ٹی وی اینکر سمیت دیگر افراد کے قتل کی مذت کرتے ہوئے کہا ہے کہ ٹی وی اینکر کا قتل شہر کا امن خراب کرنے کی کوشش ہے۔

بیرسٹر مرتضیٰ وہاب کا کہنا ہے کہ کراچی کا امن لوٹانے میں پولیس اور رینجرز کی قربانیاں شامل ہیں، شہر کا امن تباہ کرنے کی کسی کو اجازت نہیں دی جائے گی۔

یہ بھی پڑھیں:  کراچی: فائرنگ کے واقعات میں نجی چینل کے اینکر سمیت پانچ افراد جاں بحق

مشیر اطلاعات کا یہ بھی کہنا تھا کہ مرید عباس سمیت دیگر افراد کے قاتلوں کو بے نقاب کیا جائے گا۔

خیال رہے کہ آج کراچی کے مختلف علاقوں میں فائرنگ کے واقعات میں نجی چینل کے اینکر سمیت پانچ افراد جاں بحق ہو گئے ہیں، پولیس کے مطابق اینکر اور خضر کو مارنے والے قاتل عاطف زمان نے خود کشی کی۔

نجی ٹی وی چینل کے اینکر مرید عباس کی اہلیہ نے کہا ہے قاتل عاطف زمان ٹائر کا بزنس کرتا تھا، اس نے لوگوں سے پیسے لے رکھے تھے، ہم نے سرمایہ کاری کر رکھی تھی، وہ پیسے نہیں دے رہا تھا، ڈرامے کر رہا تھا۔

کراچی: مشیر اطلاعات سندھ مرتضیٰ وہاب نے کہا ہے کہ تھر کے کوئلے کی بجلی سندھ کے عوام کے لیے تحفہ ہے، نوری آباد پاور کا منصوبہ کام یابی سے چل رہا ہے۔

ان خیالات کا اظہار وہ میڈیا سے گفتگو کرتے ہوئے کر رہے تھے، مرتضیٰ وہاب نے کہا کہ میڈیا سے سندھ حکومت کو خورشید جمالی کی گرفتاری کا پتا چلا، گرفتاری کا تعلق تھر کول منصوبے سے نہیں، ان پر الزام ہے شاید کوئی کرپشن ہوئی۔

دریں اثنا، ایک ویڈیو بیان میں مشیر اطلاعات سندھ کا کہنا تھا کہ بلاول بھٹو کو ابھی تک نیب کا کوئی باضابطہ نوٹس موصول نہیں ہوا، نیب کا نوٹس بلاول ہاؤس کے عملے نے موصول نہیں کیا، پیپلز پارٹی نے ہمیشہ قانونی راستہ اختیار کیا ہے، جب بھی نوٹس موصول ہوگا، تعمیل کریں گے، نوٹس ہے تو بھلے سوشل میڈیا کے ذریعے مشتہر کیا جائے۔

پریس کانفرنس میں بیرسٹر مرتضیٰ وہاب کا کہنا تھا کہ وہ حقائق پیش کریں گے کہ کس طرح کاروباری افراد سے زیادتی کی جاتی ہے، اتوار کو چیئرمین نیب نے ایک پریس کانفرنس کی، آپ کیا پیغام دے رہے ہیں لوگوں کو کہ سرمایہ کاری نہ کریں، آپ اس طرح کارروائی کریں گے تو کیا سرمایہ کار پاکستان آئیں گے۔

مرتضیٰ وہاب نے کہا کہ احتساب کرنا چاہتے ہیں تو جرم ثابت ہونے کے بعد کریں، ایسے قوانین بنائیں کہ ملک میں معیشت کا پہیا چل سکے۔

مشیر اطلاعات نے کہا کہ کوشش ہے کراچی کے عوام کو سستی اور بغیر تعطل بجلی مل سکے، ہمیں وفاقی حکومت سپورٹ نہیں کر رہی تھی، ہمیں جو منظوری درکار ہے وہ وفاقی حکومت سے لی، آج یہ منصوبہ کام یابی سے چل رہا ہے۔

انھوں نے بتایا کہ اس کمپنی نے 450 ملین روپے کی آمدنی کی ہے، کمپنی کو نیپرا نے اپریل میں صوبائی گرڈ اسٹیشن کا درجہ دیا۔