Tag: مرتضیٰ وہاب

کراچی: میئر کراچی بیرسٹر مرتضیٰ وہاب نے کے ایم سی ملازمین کو الیکٹرک بائیکس دینے کا اعلان کردیا اور کہا ہلے مرحلے میں ڈسپیچ رائیڈرز کو بائیکس دیں گے۔

تفصیلات کے مطابق میئر کراچی مرتضیٰ وہاب نے میڈیا سے گفتگو کرتے ہوئے کہا کہ بلدیہ عظمیٰ کراچی نے اخراجات کم کرنے اور ماحول دوست اقدامات کے تحت مرحلہ وار اپنی موٹربائیکس کو بجلی پر منتقل کرنے کا فیصلہ کیا ہے۔

انہوں نے بتایا کہ پہلے مرحلے میں ڈسپیچ رائیڈرز کو الیکٹرک بائیکس فراہم کی جائیں گی جبکہ خواتین ملازمین میں بھی یہ بائیکس تقسیم کی جائیں گی۔

میئر کراچی کا کہنا تھا کہ ایک بائیک کی قیمت 2 لاکھ 40 ہزار روپے تھی لیکن 2 لاکھ 15 ہزار روپے میں خریدی گئی ہے، پہلے مرحلے میں 20 الیکٹرک بائیکس خریدی گئی ہیں جو بلدیہ عظمیٰ کے ورکرز میں تقسیم ہوں گی۔

انھوں نے مزید بتایا کہ اس مقصد کے لیے بلدیہ عظمیٰ کی عمارت میں چارجنگ اسٹیشن بھی قائم کیا گیا ہے جبکہ مستقبل میں کراچی کے مختلف مقامات پر مزید چارجنگ اسٹیشنز بنانے کا منصوبہ ہے، ان اسٹیشنز کو موبائل ایپ کے ذریعے مانیٹر کیا جائے گا۔

انھوں نے کہا کہ یہ منصوبہ ماحول دوست، بچت اور اسمارٹ ٹیکنالوجی کی جانب ایک اہم قدم ہے، کے ایم سی پاکستان کی واحد کاؤنسل ہے جو مکمل طور پر سولر انرجی پر چل رہی ہے اور اخراجات کے ساتھ ساتھ کاربن فٹ پرنٹ کم کرنے کے لیے حکمت عملی اپنائی جا رہی ہے۔

انہوں نے بتایا کہ شارع فیصل، شاہراہ ایران اور شاہراہ غالب کو بھی شمسی توانائی پر منتقل کیا جا رہا ہے۔

بارشوں کے حوالے سے میئر کراچی نے کہا کہ 30 اگست سے 2 ستمبر تک بارشوں کی پیشگوئی ہے، اس دوران نکاسی آب کے لیے چوکنگ پوائنٹس پر مشینری موجود ہوگی جبکہ ٹریفک پولیس اور وارڈنز بھی سڑکوں پر تعینات ہوں گے اور مختلف مقامات پر کیمپس قائم کیے جائیں گے تاکہ اگر کوئی فیملی پھنس جائے تو انہیں فوری سہولت فراہم کی جا سکے۔

مرتضیٰ وہاب نے شہریوں سے اپیل کی کہ بارش کے دوران افراتفری سے گریز کریں کیونکہ ایسی صورتحال میں سڑکیں بلاک ہو جاتی ہیں۔

Nadra- CNIC, B-Form, FRC, NICOP and other Information

کراچی : میئر کراچی مرتضیٰ وہاب کا کہنا ہے کہ اللہ سے دعا کروں گا تھوڑی سی بارش بھیج دیں گرمی میں کمی آئے۔

تفصیلات کے مطابق میئر کراچی مرتضیٰ وہاب نے میڈیا سے گفتگو کرتے ہوئے کہا کہ بلدیہ عظمیٰ شہرمیں کام کررہی ہے، کراچی کے ہر ضلع اور ٹاؤن میں کے ایم سی عملہ کام کرتےنظرآرہاہے، عید کیلئے صفائی ستھرائی کے انتظامات مکمل کرلئے ہیں۔

میئر کراچی کا کہنا تھا کہ للہ سے دعا کروں گاتھوڑی سی بارش بھیج دیں گرمی میں کمی آئے۔

انھوں نے بتایا کہ عیدالاضحیٰ پلان کے تحت گلی محلوں سے الائشیں اٹھائی جائیں گی، الائشوں کو ٹھکانے لگانے سے پہلے ڈمپنگ پوائنٹس پر پہنچایا جائے گا۔

مرتضیٰ وہاب کا کہنا تھا کہ ٹاؤنز کے ساتھ ملکر سالڈویسٹ مینجمنٹ بورڈ عید الاضحیٰ آپریشن مکمل کریں گے، جیسے ہی الائشیں اٹھائی جائیں وہاں چونا ڈالا جائے۔

انھوں نے کہا کہ قانون کے مطابق نالوں کی صفائی کے لیے ٹھیکے دے دیے ہیں، عید کے بعد نالوں کی صفائی کا کام بھی شروع کردیا جائے گا۔

میئر کراچی نے شہریوں سے درخواست کی الائشیں نالوں میں نہ پھینکیں، سالڈویسٹ مینجمنٹ بورڈکاعملہ الائش اٹھانے پہنچے گا۔

پلاسٹک کی تھیلیوں پرپابندی کے حوالے سے انھوں نے کہا کہ پلاسٹک کی تھیلیوں پر پابندی عائد کردی ہے، 17 جون سے پلاسٹک کی تھیلیوں پر پابندی پرعملدرآمد کرایا جائے گا ، تھیلیوں کے استعمال سے نالوں اور سیوریج کا نظام تباہ ہوتا ہے۔

ان کا مزید کہنا تھا کہ کراچی میں بڑے نالوں کیلئے بھی بلدیہ عظمیٰ نے ٹینڈر کرلیا ہے، مجھ سمیت سب اپنی ذمہ داری نبھا رہے ہیں۔

ہم نے شہر کے لیے مشکل اور سخت فیصلے کئے، ہمارے فیصلوں کے نتیجے میں شہر ترقی کی جانب گامزن ہے، جیسے کے ایم سی نے خود کو بہتر بنایا،25 ٹاؤن بھی خود کو بہتر بنائیں۔

میئر کراچی مرتضیٰ وہاب کا کہنا ہے کہ وزیراعظم خزانہ کھولیں کراچی کو 15 نہیں 1500 ارب چاہئیں۔

اے آر وائی نیوز کے مطابق کراچی میں میڈیا سے گفتگو کرتے ہوئے میئر مرتضیٰ وہاب نے ایم کیو ایم کو پیشکش کی کہ وفاق سے کراچی کے لیے پیسے لائیں اور میرے ساتھ بیٹھیں۔

انہوں نے کہا کہ شہر کے مسائل باتوں اور پریس کانفرنس سے حل نہیں ہوں گے۔

مرتضیٰ وہاب نے کہا کہ کراچی کا سب سے بڑا مسئلہ پینے کے پانی کا ہے، فاروق ستار پانی کہاں سے لے کر آئیں گے؟

انہوں نے کہا کہ لاہور میں زیرِ زمین میٹھا پانی موجود ہے، مگر یہاں نہیں ہے، پانی کے مسئلے پر لاہور کی مثال کراچی میں نہیں دے سکتے، بحثیت شہری ہم اپنا فرض نہیں ادا کرتے، جب سب اپنے فرائض نبھانے لگیں گے تو مسائل حال ہو جائیں گے۔

مرتضیٰ وہاب کا کہنا ہے کہ کے ایم سی کی 106 سڑکوں کے علاوہ اندرونی سڑکوں پر بھی کام ہو رہا ہے، سیاسی جماعتیں آتی اور چلی جاتی ہیں، وہی سیاسی جماعتیں رہتی ہیں جو عوام کے حقوق پر بات کرتی ہیں، ہم کام کرنا چاہتے ہیں۔

میئر کراچی نے کہا ہے کہ ایم کیو ایم وزیرِ اعظم کو کہے کہ وفاق کراچی کی مدد کرے، ہر سیاسی جماعت کو کہتا ہوں کہ ہمارے دروازے کھلے ہیں، ڈیولپمنٹ کسی اور شہر کو زیادہ ملتی ہے کراچی کو نہیں ملتی۔

انہوں نے کہا کہ اسلام باد میں بیٹھے ہوئےحضرات کراچی کے لیے اپنا دل بڑا کریں، ملک بھر میں وفاقی حکومت موٹر وے بنا رہی ہے، وفاق، سکھر، حیدرآباد موٹر وے کیوں نہیں بنا رہی؟ پورے ملک کا موٹر وے وفاق بنا دیتی ہے، سکھر حیدرآباد موٹر وے نہیں بناتی۔

کراچی : میئر کراچی مرتضیٰ وہاب نے تاجروں کےخلاف محاذکھول دیا اور کہا تاجروں کی بلیک میلنگ میں نہیں آؤں گا، پانی مافیا کے خلاف تھا ہوں اور رہوں گا۔

تفصیلات کے مطابق کراچی کے میئر مرتضیٰ وہاب نے گفتگو کرتے ہوئے کہا کہ نام لیے بغیر کہا گیا مرتضیٰ وہاب 3،3 ماہ دفتر نہیں آتے، مرتضیٰ وہاب کا کوئی کیمپ آفس نہیں جو لندن یامنصورہ سے آپریٹ ہوتا ہو۔

میئر کراچی کا کہنا تھا کہ تاجروں کی بلیک میلنگ میں نہیں آؤں گا، پانی مافیا کے خلاف تھا ہوں اور رہوں گا، سیالکوٹ کےبزنس مینوں کوخراج تحسین پیش کرتاہوں، سیالکوٹ کے تاجروں نے اپنے پیسوں سے ہوائی اڈہ اورائیرلائن بنالی اور ہمارے تاجروں سے سےٹیکس لینےجاؤتوالزام لگادیتےہیں سازشیں کرتے ہیں۔

انھوں نے کہا کہ بلدیہ فیکٹری جل گئی زبان نہیں کھلی، بھتے کی پرچیاں ملیں زبان نہیں کھلی، ہم پر الزام وہ لگا رہے ہیں جن کےدورمیں ملیرایکسپریس وے بنا ہی نہیں، ملک ہی نہیں چل رہا تھا، بڑی کوشش کے بعد ملک چلنا شروع ہوا۔

کراچی کے میئر کا کہنا تھا کہ اسٹاک ایکسچینج اچھی چل رہی ہے روپیہ مستحکم ہوگیا ہے، وفاق سے درخواست کروں گا، انٹرنیٹ میں رکاوٹ دور کرے، وسائل بہتر ہونا شروع ہوگئے ہیں، پبلک مقامات پبلک کی امانت ہیں۔

انھوں نے مزید کہا کہ ایک وقت میں پبلک مقامات میں شادی ہال بنا دیے گئےتھے، کوشش ہے مقامی فنکاروں کی حوصلہ افزائی کی جاسکے۔

اسلام آباد : سینیٹر کامران مرتضیٰ اور ترجمان بلاول بھٹو مرتضیٰ وہاب نے معاملات کو باہمی مشاورت سے آگے بڑھانے پر اتفاق کرلیا۔

تفصیلات کے مطابق جے یو آئی ف کے رہنما سینیٹر کامران مرتضیٰ اور ترجمان بلاول بھٹو مرتضیٰ وہاب کے درمیان رابطہ ہوگیا، دونوں رہنماؤں نے معاملات باہمی مشاورت سے آگے بڑھانے پر اتفاق کیا۔

رہنما جے یو آئی ف  نے ترجمان بلاول بھٹو مرتضیٰ وہاب کو فون کال کی اور کہا مصروفیات کے باعث کال بیک نہ کرسکا، مل کر آگے چلیں گے۔

دوسری جانب پروگرام الیونتھ آور میں راشد سومرو نے سینیٹر کامران مرتضیٰ سے رابطہ کرانے کا کہا تھا، پیپلزپارٹی اور جے یو آئی قیادت کا معاملات کو خوش اصلوبی سے آگے بڑھانے پر اتفاق ہوا ہے۔

یاد رہے جے یوآئی ایف کے رہنما کامران اپنے موقف پر قائم ہے اور بلاول بھٹوکی گفتگوکی پھرنفی کرتے ہوئے کہا کہ بلاول نے بالکل کہا تھا مجبوری ہے،بلاول بھٹو کو میں نے کہا تھا اس قسم کی ترمیم کی امید آپ سے نہ تھی، جس پر بلاول نے دوسرےدن ملاقات میں کہا آرٹیکل آٹھ میں ترمیم کو نکلوادیا جبکہ مولانا سے ملاقات میں بلاول بھٹوآرٹیکل آٹھ میں ترمیم کی حمایت کررہےتھے۔

جے یوآئی ایف رہنما کا کہنا تھا کہ بلاول کوسمجھایاآرٹیکل آٹھ میں ترمیم پر لوگ ہمیں نہیں چھوڑیں گے، آئینی ترامیم کراناہمارامسئلہ نہیں کیونکہ ہم حکومتی بینچز پر تو نہیں بیٹھے،پی پی اپنامسودہ پیش کرے گی تو پھر ہم اپنا مسودہ پیش کرینگے تاہم پی پی نےاب تک اپنامسودہ شیئرنہیں کیا۔

انھوں نے بتایا کہ گاڑی چلارہا تھااس لیےمرتضیٰ وہاب کی کال ریسیونہ کرسکا، مرتضیٰ وہاب نےدوبارہ رابطہ نہیں کیا،ورنہ بات ہوجاتی۔