Tag: مرتضی وہاب

کراچی : مئیر کراچی مرتضی وہاب بزنس کمیونٹی کو بلیک میلرکہنے کے اپنے بیان پرڈٹ گئے اور جو اچھا کام کرنا چاہتا ہے اس کی راہ میں رکاوٹ ڈالی جاتی ہے۔

تفصیلات کے مطابق کاٹی میں بزنس کمیونٹی نے مئیر کراچی مرتضی وہاب کے سامنے شکایتوں کے انبار لگا دئیے۔

کاٹی کے سابق صدر مسعود نقی نے کہا کہ مئیر کراچی کے بزنس کمیوٹی کے خلاف شعلہ بیانی کے بعد انتطامیہ کی جانب سے فیکٹری مالکان کو حراساں کرنے کے لئے نوٹسز کے انبار لگا دئیے گئے۔

مئیر کراچی نے خطاب میں اپنی کارکردگی پر تنقید کے جواب میں کہا کہ دن رات کام کرنے کے بعد بھی بڑے فورم پر شکایت لگائی جاتی ہے کہ وہ دو دو مہینے افس نہیں جاتے ہیں۔

انہوں نے کہا کہ کچھ لوگوں نے جان بوجھ کر یہ شرارت کی ہے، جس کا ان کو دکھ ہے۔

مزید پڑھیں : میئر کراچی مرتضیٰ وہاب نے تاجروں کے خلاف محاذ کھول دیا

کراچی کے میئر نے کہا کہ کراچی کی بزنس کمیونٹی وفاقی حکومت ،ایف بی ار سے ڈرتی ہے اس لئے شکایت نہیں کرتی ہے۔

انہوں نے وفاقی حکومت سے مطالبہ کیا کہ وہ اربوں روپے ٹیکس دینے والے کراچی کے انفراسٹرکچر کے لئے فنڈز ادا کرے۔

ان کا اپنے خطاب میں کہنا تھا کہ بزنس کمیونٹی نے ایکسپورٹ ڈیولیپمنٹ فنڈ کے حصول کے لئے مرتضی وہاب کو کردار ادا کرنے کا مطالبہ کیا.

مسلم لیگ ن کے رہنما طلال چوہدری کے کراچی اور لاہور کے موازنے کے بیان نے نئی بحث چھیڑ دی، مسلم لیگ ن اور پیپلز پارٹی کھل کر آمنے سامنے آگئے۔

تفصیلات کے مطابق اقتدار گیا ساتھ ساری محبتیں اور پیار بھی لے گیا، سیاسی حلیفوں نے دوبارہ حریفوں کا روپ دھار لیا۔

مسلم لیگ ن اور پیپلز پارٹی کھل کر آمنے سامنے آگئے ہیں، کون سا شہر بہتر کراچی یا لاہور؟ طلال چوہدری کے بیان نے نئی بحث چھیڑ دی۔

طلال چوہدری نے پیپلز پارٹی پر تنقید کرتے ہوئے کہا کہ کما کر دینے والے شہر سے کچراتک نہیں اٹھایاجاتا، لاہور چل کردیکھیں وہاں کی تو سڑکیں بھی دھلتی ہیں، شہرقائد کو بھی ایک شہباز شریف چاہیے۔

کراچی اور لاہور کے موازنے پر جیالے میئر مرتضی وہاب چپ نہ رہ سکے اور نون لیگ کےکراچی مخالف اقدامات کی نشاندہی کر ڈالی۔

مرتضی وہاب نے کہا الیکشن سرپر ہیں تو انہیں کراچی یادآگیا، ہم کام کرتےہیں دوسرے صرف باتیں ۔

کراچی : مشیر قانون و ترجمان سندھ حکومت بیرسٹر مرتضی وہاب کا کہنا ہے کہ ویلکم، گڈ ٹو سی یو اور تھینک یو ویری مچ صرف عمران خان کے لئے نہیں سب کیلئے ہونا چاہئے۔

تفصیلات کے مطابق مشیر قانون و ترجمان سندھ حکومت بیرسٹر مرتضی وہاب نے پریس کانفرنس کرتے ہوئے کہا کہ پی ٹی آئی کےشرپسندعناصرنےجوکیاوہ احتجاج نہیں دہشت گردی تھی، قوم کا شکر گزار ہوں، 9 مئی کو دہشت گردوں کی کارروائی کو مسترد اور مذمت کی۔

ترجمان سندھ حکومت کا کہنا تھا کہ دنیا بھر میں سیاسی قیادت اپنےعمل سےثابت کرتی ہےکہ آپ کالیڈرہوں، مثال نہیں ملتی کہ لیڈرخودکوچھڑاکرمرسڈیزمیں بیٹھ کرگھرچلاجاتاہے، خود پروٹوکول میں پولیس لائنز کے گھر میں رہتا ہے اور کارکنان سے کہتا ہے گرفتارہو۔

انھوں نے کہا کہ میں لوگوں کو ان کا آئینہ دکھانا چاہتا ہوں، شاہ محمودقریشی اور فواد چوہدری کو بھی سوچنے کی ضرورت ہے، ایک شخص کی انا کی خاطر پاکستان کونقصان پہنچانے نکلے تھے۔

عمران خان پر تنقید کرتے ہوئے مرتضی وہاب کا مزید کہنا تھا کہ عمران خان کواپنی ذات سےاتناعشق ہےکہ خود کو چھڑوا لیتا ہے، اتنا بہادر تھا تو کہتا تب تک گھر نہیں جاؤں گا، جب تک کارکنان کو نہیں چھوڑیں گے، جو شخص اپنے لوگوں کا نہیں وہ 22کروڑعوام کا کیسے ہوگا۔

ترجمان نے کہا کہ ویلکم، گڈ ٹو سی یو اور تھینک یوویری مچ صرف عمران خان نہیں سب کیلئےہوناچاہئے، جس نے 60 ارب کی کرپشن کی اسےان الفاظ سے نوازا جاتا ہے۔

انھوں نے پی ٹی آئی چیئرمین کو مشورہ دیا کہ عمران خان نادراکودرخواست دیں انکانام وزیراعظم عمران خان لکھ دیں، شناختی کارڈ میں نام کیساتھ وزیراعظم لکھوادیں پھرعمران خان خوش ہوجائے گا۔