Tag: مردم شماری

کراچی : وفاقی ادارہ شماریات کا کہنا ہے کہ سندھ کی آبادی ساڑھے 5 کروڑ سے تجاوز کر گئی، صوبےکی آبادی 5کروڑ 50 لاکھ 85 ہزار تک پہنچ گئی ہے۔

تفصیلات کے مطابق وفاقی ادارہ شماریات کی جانب سے ساتویں ڈیجیٹل خانہ و مردم شماری 2023 کے نئے اعداد و شمار جاری کردیئے۔

ادارہ شماریات نے بتایا کہ سندھ کی آبادی ساڑھے5کروڑسےتجاوزکرگئی، صوبےکی آبادی 5کروڑ 50 لاکھ 85 ہزار تک پہنچ گئی ہے۔

ادارہ شماریات کا کہنا تھا کہ سندھ میں آبادی کی شرح اضافہ15.15فیصدتک ہے جبکہ کراچی کی آبادی ایک کروڑ 79 لاکھ 65 ہزار سے زائد ہوگئی۔

کراچی میں آبادی کی شرح اضافہ12.11فیصد رہا، حیدرآباد میں ایک کروڑ 19 لاکھ 78 ہزار 208 افراد کی گنتی ہوئی جبکہ لاڑکانہ میں 79 لاکھ 90 ہزار 96 افراد کی مردم شماری ہوئی ہے۔

اس کے علاوہ سکھر میں 62 لاکھ14 ہزار 842افراد کو گنا گیا، شہید بے نظیرآباد ڈویژن میں 59 لاکھ 78 ہزار 147 افراد کی مردم شماری ہوئی ہے اور میر پور خاص ڈویژن کی آبادی میں49 لاکھ 58 ہزار 562 افراد تک پہنچ گئی۔

متحدہ قومی موومنٹ پاکستان کا وفد وزیراعظم سے ملاقات کے لیے پارلیمنٹ ہاؤس پہنچ گیا۔

تفصیلات کے مطابق وزیر اعظم شہباز شریف سے ایم کیوایم پاکستان کے وفد نے ملاقات کی، ملاقات میں ملک کی مجموعی سیاسی صورتحال اورجاری مردم شماری پربات چیت کی گئی۔

ایم کیو ایم کے وفد میں فاروق ستار، امین الحق اور دیگر رہنما شامل ہیں۔

ذرائع نے بتایا کہ وزیر اعظم سے ملاقات میں ایم کیو ایم وفد نے مردم شماری سے متعلق اپنے تحفظات سے آگاہ کیا، ایم کیو ایم نے وزیر اعظم سے مردم شماری میں خامیوں کی درستگی کی یقین دہانی پر عملدرآمد نہ ہونے کا بھی شکوہ کیا۔

ڈاکٹر فاروق ستار کی جانب سے مردم شماری کے عمل میں خامیوں پر تفصیلی بریفنگ دیتے ہوئے وزیر اعظم کو بتایا کہ مردم شماری میں پھر کراچی سے نا انصافی ہونے جارہی ہے۔

ڈاکٹر فاروق ستار نے کہا کہ کئی جگہوں پر عملہ نہیں تو کہیں بلڈنگ کے مکینوں کو ایک شمار کیا جارہا ہے، مردم شماری صحیح نہ ہوئی تو کراچی کو حق، وسائل کیسے ملیں گے۔