ARYNews.tv | Urdu – Har Lamha Bakhabar

Tag: مردم شماری

  • فوج کی زیر نگرانی مردم شماری کا عمل آخری مرحلے میں داخل

    فوج کی زیر نگرانی مردم شماری کا عمل آخری مرحلے میں داخل

    راولپنڈی : آئی ایس پی آر نے کہا ہے کہ مردم شماری کا پہلا مرحلہ مکمل کرلیا گیا ہے جب کہ دوسرے مرحلے کا پہلا فیز بھی پایہ تکمیل کو پہنچ گیا ہے امید ہے 25 مئی تک دوسرا مرحلہ بھی مکمل ہو جائے گا۔

    ترجمان آئی ایس پی آر کا کہنا ہے کہ ملک بھر میں مردم شماری کے دوسرے مرحلے میں پاک فوج کی زیر نگرانی بھر پور طریقے سے جاری و ساری ہے جسے 25 مئی تک مکمل کر لیا جائے گا۔

    *ملک بھر میں19سال بعد مردم شماری کا آغاز

    آئی ایس پی آر کے مطابق 15 امارچ شروع ہونے والی مردم شماری کے پہلے مرحلے میں 63 اضلاع سے اکٹھا کیا گیا مواد فوج کے زیر نگرانی اسلام آباد پہنچا دیا گیا ہے جہاں اسے ادارہ شماریات کے حوالے کردیا جائے گا۔

    *مردم شماری کا دوسرا مرحلہ، آرمی ہاؤس پر نمبر لگایا دیا گیا

    آئی ایس پی آر کا مزید کہنا تھا کہ 25 اپریل سے شروع ہونے والے دوسرے مرحلے کا کام تیزی سے جارہ ہے جس کا پہلا فیز مکمل کر لیا گیا ہے جب کہ باقی ماندہ کام بھی 25 مئی تک پایہ تکمیل کو پہنچ جائے جائے گا۔

     واضح رہے کہ ملک بھر میں مردم شماری 19 سال کے بعد ہونے جا رہی ہے جس کا آغاز 15 مارچ کو ہوا جس میں پہلے فیز میں خانہ شماری کی گئی جب کہ دوسرے فیز میں مردم شماری سرانجام دی گئی جس کے بعد ملک کے فیگر حصوں میں اسی مرحلے کا 15 اپریل سے کیا گیا۔

    جنرل زبیر محمود حیات کا دورہ آسٹریلیا 

    دریں اثناء چیئرمین جوائنٹ چیفس آف اسٹاف کمیٹی جنرل زبیرمحمودحیات آسٹریلیا پہنچ گئے ہیں جہاں انہوں نے آسٹریلین چیف آف ڈیفنس فورسزسے ملاقات کی اور عالمی اورعلاقائی سیکیورٹی صورت حال اور باہمی تعاون پرتبادلہ خیال کیا۔

    ترجمان آئی ایس پی آر کے مطابق آسٹریلین چیف آف ڈیفنس فورسز نے علاقے میں امن واستحکام کے لیے پاک افواج کے کردارکی تعریف کی اور دہشت گردی کے خلاف جنگ میں کستانی عوام اور پاک فوج کے جوانوں کی قربانیوں کو سراہا۔

  • مردم شماری کو بروقت مکمل کیا جائے گا، جنرل قمرجاوید باجوہ

    راولپنڈی : آرمی چیف جنرل قمرجاوید باجوہ نے کہا ہے کہ ملک بھر میں مردم شماری کو ہر قیمت پر اور بروقت مکمل کیا جائے گا، پاک فوج مردم شماری کی مثبت اندازمیں تکمیل قومی فریضہ سمجھتی ہے۔

    ان خیالات کا اظہار انہوں نے راولپنڈی میں آرمی شماریات سینٹر کے دورے کے موقع پر کیا، پاک فوج کے شعبہ تعلقات عامہ آئی ایس پی آر کے مطابق آرمی چیف جب آرمی شماریات سینٹر راولپنڈی پہنچے تو لیفٹیننٹ جنرل زاہد لطیف مرزا نےان کا پرتپاک استقبال کیا۔

    اس موقع پر سپورٹ سینٹر ونگ کی جانب سے جنرل قمرجاوید باجوہ کو ملک میں جاری مردم شماری سے متعلق بریفنگ بھی دی گئی، اپنی گفتگو میں آرمی چیف نے مردم شماری کے کام میں شماریات سینٹر کی کاوشوں کی تعریف کی اور کہا کہ مردم شماری کے لیے بہترین انداز میں کام جاری ہے۔

    انہوں نے اس عزم کا اعادہ کیا کہ ملک بھر میں جاری مردم شماری کو ہر قیمت پرمکمل کیا جائےگا، آرمی چیف کا کہنا تھا کہ مردم شماری قومی فرض کے طور پر بروقت مکمل کریں گے۔

    پاک فوج مردم شماری کی مثبت اندازمیں تکمیل قومی فریضہ سمجھتی ہے، جنرل قمرجاوید باجوہ نے کہا کہ مردم شماری بہتراندازمیں آگےبڑھنے کاعمل مشترکہ کامیابی ہے۔

  • آئی جی سندھ کی مردم شماری کے عملے کی حفاظت کیلئے اقدامات کرنے کی ہدایت

    آئی جی سندھ کی مردم شماری کے عملے کی حفاظت کیلئے اقدامات کرنے کی ہدایت

    کراچی: آئی جی سندھ اے ڈی خواجہ نے لاہور میں مردم شماری ٹیم پر خود کش حملے کے بعد مردم شماری کے عملے کی حفاظت کیلئے اقدامات کرنے کی ہدایت جاری کردی ہے۔

    تفصیلات کے مطابق آئی جی سندھ اے ڈی خواجہ نے لاہور کے خودکش دھماکے کے بعد ہدایات جاری کی کہ حساس علاقوں میں مردم شماری ٹیم کے حفاظتی اقدامات غیرمعمولی بنائے جائیں۔

    آئی جی سندھ کا کہنا ہے کہ سندھ میں سیکیورٹی اقدامات انتہائی مستعدی سے انجام دیے جائیں،بارڈر ایریاز سمیت داخلی اورخارجی پوائنٹس کی ناکہ بندی کی جائے،مشکوک اشخاص اور گاڑیوں کی نگرانی اورضروری اقدامات کویقینی بنایا جائے۔

    لاہور:بیدیاں روڈپر وین کے قریب دھماکا،4 فوجی اہلکاروں سمیت 6 افراد شہید

    یاد رہے کہ آج صبح لاہور میں بیدیاں روڈ پر مردم شماری ٹیم کی وین کے قریب خود کش دھماکے کے نتیجے میں 4 فوجی اہلکاروں سمیت 6 افراد شہید جبکہ متعدد زخمی ہوگئے، جاں بحق ہونے والوں میں مردم شماری کے ارکان بھی شامل ہیں۔

    .

  • عدالت کا مردم شماری فارم میں کالاش مذہب کا خانہ شامل کرنے کا حکم

    عدالت کا مردم شماری فارم میں کالاش مذہب کا خانہ شامل کرنے کا حکم

    پشاور: پشاور ہائیکورٹ نے مردم شماری کے فارم میں کالاش برادری کے مذہب کا خانہ شامل کرنے کا حکم دے دیا۔

    تفصیلات کے مطابق پشاور ہائی کورٹ نے حکم دیا ہے کہ صوبہ خیبر پختونخواہ کے ضلع چترال میں آباد کالاش برادری کے مذہب کا خانہ مردم شماری کے فارم میں شامل کیا جائے۔

    پشاور ہائی کورٹ کے دو رکنی بنچ نے کالاش برادری کے ارکان یوک رحمت اور وزیر دارہ کی درخواست پر سماعت کے بعد محکمہ شماریات کو حکم جاری کیا کہ چترال کے ان علاقوں میں ابھی مردم شماری نہیں ہوئی اس لیے یہاں مردم شماری کے آغاز سے قبل ہی فارم میں کالاش مذہب کو شامل کرنے کو یقینی بنایا جائے۔

    مزید پڑھیں: مردم شماری کے بلاک 2 میں خانہ شماری کا مرحلہ مکمل

    یاد رہے کہ کالاش برادری نے مردم شماری کے فارم میں اپنے مذہب کا نام شامل نہ کرنے پر پشاور ہائی کورٹ میں درخواست دائر کی تھی۔

    درخواست گزاروں کا کہنا تھا کہ مردم شماری کے فارم میں پاکستان میں موجود تمام بڑی اقلیتوں کو شامل کیا گیا لیکن کالاش مذہب کو شامل نہیں کیا گیا، حالانکہ اس مذہب کے پیروکار طویل عرصے سے یہاں پر مقیم ہیں۔

    عدالت کے حکم کے بعد حکومت کی جانب سے پیروی کرنے والے ڈپٹی اٹارنی جنرل نے عدالت کو یقین دلایا کہ مردم شماری کے فارم میں کالاش مذہب کے نام کا خانہ شامل کیا جائے گا۔

    درخواست گزاروں کے وکیل کے مطابق کالاش برادری چترال میں آباد ہے جہاں مردم شماری کا آغاز 25 اپریل سے شروع ہونے والے دوسرے مرحلے میں ہوگا۔

  • مردم شماری کے بلاک 2 میں خانہ شماری کا مرحلہ مکمل

    مردم شماری کے بلاک 2 میں خانہ شماری کا مرحلہ مکمل

    اسلام آباد: چیف شماریات آصف باجوہ کا کہنا ہے کہ مردم شماری کے بلاک 2 میں خانہ شماری کا مرحلہ مکمل کرلیا گیا ہے، شکایات کا ازالہ فوری یقینی بنارہے ہیں.

    چیف شماریات کے مطابق مردم شماری کے بلاک 2 میں خانہ شماری کا مرحلہ مکمل کرلیا گیا ہے، آصف باجوہ کا کہنا ہے کہ 3 سے 12 اپریل تک گھر گھر مردم شماری ہوگی، 13 اپریل کوبے گھر افراد کو شمار کیا جائے گا.

    انہوں نے یقین دہانی کرواتے ہوئے کہا کہ مردم چماری کے حوالے سے جو شکایات آرہی ہیں ان کا ازالہ فوری یقینی بنارہے ہیں.

    واضح رہے کہ کراچی،حیدرآباد،لاہور،پشاور اورکوئٹہ سمیت 63 اضلاع پہلے مرحلے میں شامل ہیں۔

    مردم شماری کا پہلا مرحلہ مکمل

    ملک میں 19 سال بعد ہونے والی مردم شماری کے پہلے مرحلے کا کام 30 مارچ کو مکمل ہوا تھا، محکمہ شماریات کے حکام نے اس کی تفصیلات بھی جاری کردی تھیں.

    مکمل شدہ پہلے مرحلے میں 40,226 بلاکوں میں کام مکمل کیا گیا تھا.

    مردم شماری کا دوسرا بلاک مکمل

    دو اپریل کو ملک میں جاری چھٹی مردم شماری کے پہلے مرحلے کے دوسرے بلاک میں ملک میں 63اضلاع میں خانہ شماری کا عمل مکمل ہوا.

    مردم شماری کی تاریخ اور حالیہ مردم شماری

    بد قسمتی سے وطن عزیز میں مردم شماری کا عمل 1998 کے بعد رونما نہیں ہو سکا جبکہ عالمی قوانین کے مطابق پاکستان کے قانون میں بھی ہر دس سال بعد مردم شماری ہونی چاہیئے، تاہم قیام پاکستان سے لیکرتاحال ملک میں پانج بار مردم شماری کا سلسلہ رونما ہوچکا ہے، جبکہ 2017 میں یہ عمل چھٹی مرتبہ یہ سلسلہ وقوع پذیر ہوا.

  • سندھ پولیس نے مردم شماری کے لیے کس زون کو کتنے فنڈ جاری کیے

    سندھ پولیس نے مردم شماری کے لیے کس زون کو کتنے فنڈ جاری کیے

    کراچی: ملک میں جاری چھٹی مردم شماری کے حِوالے سے سندھ پولیس نے اہلکاروں کیلئے کس زون کو کتنے فنڈ جاری کیے، تفصیلات سامنے آگئی ہے۔

    تفصیلات کے مطابق مردم شماری کے حوالے سے سندھ پولیس نے ایک رپورٹ جاری کی ، جس میں بتایا گیا کہ کس زون کو کتنے فنڈ جاری کیے گئے ہیں، اس کی تفصیلات اے آر وائی نیوز نے حاصل کرلی ہیں۔

    رپوررٹ کے مطابق یہ فنڈ پولیس اہلکاروں کے کھانے اور ٹرانسپورٹ کے لیے جاری کیے گئے ہیں، ایسٹ زون میں اہلکاروں کے کھانے کے لیے 2کروڑ 22لاکھ 29ہزار 200 کے فیڈز جبکہ ٹرانسپورٹ کی مد میں 33 لاکھ 44 ہزار روپے جاری کیے گئے ہیں۔

    ویسٹ زون

    ویسٹ زون میں پولیس اہلکاروں کے کھانے کے اخراجات 2 کروڑ 71 لاکھ 64 ہزار 300 روپے جاری کیے گئے ہیں ، جبکہ ٹرانسپورٹ کی مد میں 37 لاکھ 24 ہزار روپے فراہم کیے گئے ہیں.

    ساؤتھ زون

    ساؤتھ زون پولیس اہلکاروں کے لیے ایک کروڑ 15 لاکھ66 ہزار800 جاری کیے ہیں جبکہ ٹرانسپورٹ کی مد میں 15 لاکھ 20 ہزار روپے دیئے گئے ہیں.

    دوسری جانب حیدرآباد میں کھانے کےلیےایک کروڑ 5 لاکھ 60 ہزاراورٹرانسپورٹ کے8 لاکھ جاری کیے گئے ہیں، اس کے علاوہ گھوٹکی میں کھانے کےلیے47 لاکھ 16 ہزار700 اورٹرانسپورٹ کےلیے 2 لاکھ 80 ہزار جاری کیے ہیں۔

    ذرائع کا کہنا ہے کہ ایس ایس پیز کھانے اور ٹرانسپورٹ کے بل ا ےجی سندھ میں جمع کرائیں گے۔

  • مردم شماری کےدوسرے مرحلےکاآج سےآغاز

    مردم شماری کےدوسرے مرحلےکاآج سےآغاز

    اسلام آباد: چھٹی خانہ ومردم شماری کےدوسرے مرحلے میں ملک بھر کے63 اضلاع میں مردم شماری کاآغازآج سے ہورہاہے۔

    تفصیلات کےمطابق مردم شماری کےپہلے مرحلے کا دوسرا بلاک آج سےشروع ہورہاہے۔جو اگلے مہینے کی تیرہ تاریخ کو مکمل ہوگا۔

    اس مرحلے کے دوران صوبہ خیبرپختونخوا کےچھ ہزار چارسوپینتالیس،فاٹا کےایک سو پچیس،پنجاب کےبیس ہزارایک سو اٹھاسی،سندھ کے نوہزار اکیاسی،بلوچستان کےدوہزار آٹھ سوچودہ، آزادکشمیر کےایک ہزاردوسوبائیس اورگلگت بلتستان کےتین سوساٹھ بلاک میں خانہ ومردم شماری ہوگی۔

    خیال رہےکہ گزشتہ روز چیف شماریات آصف باجوہ کاکہناتھا کہ خانہ اور مردم شماری کا پہلا مرحلہ اچھے طریقے سے مکمل ہوچکا،اگر 2 اپریل تک ٹیمیں نہ پہنچیں تو شہری اطلاع دیں۔

    مزید پڑھیں:دو اپریل تک مردم شماری عملہ نہ آئے تو اطلاع دیں، چیف شماریات

    آصف باجوہ کاکہناتھا کہ کہ بے گھر افراد کی شماری بھی کی گئی تاہم بلوچستان کے 2 اضلاع میں کچھ مسائل ہیں جنہیں حل کرنے کی کوشش جاری ہیں،شہریوں نے مردم شماری عملے کے ساتھ مکمل تعاون کیا۔

    واضح رہےکہ چیف شماریات کا کہنا تھا کہ پہلے مرحلے میں مردم شماری کا 15 فیصد کام باقی ہے اُسے بھی جلد مکمل کرلیا جائے گا اور 15 اپریل تک 63 اضلاع کی مردم شماری مکمل کرلی جائے گی۔

  • چھتیس بچے ہیں، خوف زدہ ہوں کوئی اندراج سے نہ رہ جائے

    چھتیس بچے ہیں، خوف زدہ ہوں کوئی اندراج سے نہ رہ جائے

    کوئٹہ : کوئٹہ کے رہائشی جان محمد نے خدشہ ظاہر کیا ہے اس کی تین بیویوں سے 36 بچے ہیں جب کہ مردم شماری کے فارم میں بچوں کے اندراج کے لیے خانے کم ہیں اس لیے کہیں ایسا نہ ہو کہ میرے کچھ بچے اندراج ہونے سے نہ رہ جائیں۔

    اے آر وائی کے نمائندے سے بات کرتے ہوئے کوئٹہ کے رہائشی جان محمد کا کہنا تھا کہ اس کی تین بیویاں ہیں جن سے اس کے 36 بچے ہیں جب کہ مردم شماری کے فارم میں اولاد کے اندراج کے لیے اتنے خانے نہیں ہیں اس لیے انہیں خدشہ ہے کہ کوئی بچہ اندراج سے رہ نہ جائے۔

    جان محمد کا مذید کہنا تھا کہ فی الحال مردم شماری کا عملہ ان کا گھر نہیں آیا ہے تا ہم جو کچھ اس نے لوگوں سے سنا ہے اس سے خوف زدہ ہے کہ کہیں کسی بچے کا اندراج ہونے سے نہ رہ جائے۔

    مردم شماری: کوئٹہ میں ایک ہی والد کے 33 بچے

    دوسری جانب مردم شماری کے عملے کا کہنا ہے کہ عوام الناس کسی بھی قسم کی افواہوں پر کان نہ دھریں اگر کسی خاندان میں بچوں کی تعداد زیادہ ہے تو دوسرے فارم میں باقی بچوں کا اندراج کر کے پہلے فارم سے منسلک کردیا جائے گا۔

  • مردم شماری کا پہلا مرحلہ مکمل‘ تفصیلات جاری

    مردم شماری کا پہلا مرحلہ مکمل‘ تفصیلات جاری

    اسلام آباد:  پاکستان میں 19 سال بعد ہونے والی مردم شماری کے پہلے مرحلے کا کام اختتام پذیر ہوگیا، محکمہ شماریات  کے حکام نے تفصیلات جاری کردی ہیں.

     تفصیلات کے مطابق ملک میں چھٹی مردم شماری کا سلسلہ جاری ہے، پہلے مرحلے میں شامل اضلاع میں مردم شماری کا کام اختتام پذیر ہوگیا ہے، جس کی محکمہ شماریات کے حکام نے تفصیلات جاری کردی ہیں.

    مردم شماری کے عملہ نےکام مقرره مدت میں 28 مارچ کو مکمل کیا، مکمل شدہ مرحلے میں 40,226 بلاکوں میں کام مکمل کیا گیا ہے، مردم شماری  کے لیے مقرر کیے گئے بلاکوں میں سے ایک چوتھائی حصے پر کام مکمل ہوگیا ہے۔

    دوسری جانب کوئٹہ میں مردم شماری کے دوران 22 افغان باشندے گرفتار کیا گیا ہے، پولیس کا کہنا ہے کہ افغان باشندوں کے خلاف فارن ایکٹ کے تحت مقدمات درج کیے گئے ہیں۔

    علاوہ ازیں پشاور میں مردم شماری کا ڈیٹا غیرمتعلقہ افسران کو دینے کی شکایت پرسرکلرجاری کیا گیا ہے ، مراسلہ صوبائی اداروں،پولیٹیکل ایجنٹس اورکنٹونمنٹ بورڈ کو جاری کیا گیا ہے.

    مراسلہ کے مندرجات میں درج ہے کہ مردم شماری کاڈیٹاغیر متعلقہ افراد کو دینا قواعد کے خلاف ہے، محکمہ شماریات کاعملہ ڈیٹا اپنی حد تک رکھنے کاپابند ہے۔

    مردم شماری کےدوسرے فیزکاآغازجمعےسےہوگا

    یاد رہے کہ مردم شماری کے پہلے مرحلے کا دوسرا بلاک جمعے سےشروع ہوگا۔جو اگلے مہینے کی تیرہ تاریخ کو مکمل ہوگا۔

    اس مرحلے کے دوران صوبہ خیبرپختونخواہ کے چھ ہزارچارسوپینتالیس، فاٹا کےایک سو پچیس،پنجاب کےبیس ہزارایک سو اٹھاسی،سندھ کے نوہزار اکیاسی،بلوچستان کےدوہزار آٹھ سوچودہ، آزادکشمیر کےایک ہزاردوسوبائیس اورگلگت بلتستان کےتین سوساٹھ بلاک میں خانہ ومردم شماری ہوگی۔

  • مردم شماری: کالاش مذہب کا خانہ شامل نہ ہونے پر عدالت میں‌ درخواست دائر

    مردم شماری: کالاش مذہب کا خانہ شامل نہ ہونے پر عدالت میں‌ درخواست دائر

    چترال: مردم شماری فارم میں کالاش مذہب کا علیحدہ سے اندراج نہ ہونے پر قبیلے کے عمائدین نے پشاور ہائی کورٹ سے رجوع کرلیا۔

    تفصیلات کے مطابق بین الاقوامی اہمیت کے حامل کالاش قبیلے کے لوگوں نے حالیہ مردم شماری میں کالاش مذہب کا نام فہرست میں شامل نہ ہونے پر عمائدین نے عدالت عالیہ سے رجوع کیا۔

    حالیہ مردم شماری میں اقلیتوں کے خانے میں کالاش لوگوں کو شامل کیا گیا ہے مگر  قبیلے کے لوگوں کا کہنا ہے کہ ان کا مذہب اور ثقافت بالکل علیحدہ ہے اور ابھی تک ان کو کوئی شناحت نہیں دی گئی۔

    پڑھیں: ’’ مردم شماری کےدوسرے فیزکاآغازجمعےسےہوگا ‘‘

    مردم شماری میں مذہب اور ثقافت کا اندارج نہ ہونے پر قیبلے کے سماجی کارکن وزیر زادہ، لوک رحمت، شاہ حسین سمیت کونسلرز نے پشاور ہائی کورٹ میں درخواست دائر کردی جس میں مؤقف اختیار کیا گیا ہے کہ کالاش ایک علیحدہ مذہب ہے اور اس کی مخصوص ثقافت ہے۔

    درخواست میں عدالت سے استدعا کی گئی ہے کہ مردم شماری کے فارم میں اقلیت کے مذاہب میں کالاش کے مذہب کو بھی شامل کرنے کےلیے حکومت کو پابند کیا جائے اور عدالت احکامات جاری کرے۔

    مزید پڑھیں: ’’ مردم شماری: کوئٹہ میں ایک ہی والد کے 33 بچے ‘‘

    واضح رہے کہ کالاش کے لوگ پانچ ہزار سالوں سے چترال کے تین وادیوں بریر، رمبور اور بمبوریت میں آباد ہیں انہوں نے چترال کی آزاد ریاست پر پانچ سو سال حکومت بھی کی تھی اور اب ان کی تعداد صرف تین سے چار ہزار رہ گئی ہے۔