Tag: مردم شماری

اسلام آباد: چیف شماریات آصف باجوہ کاکہناہے کہ ملک میں مردم شماری دومرحلوں میں کی جائے گی،مردم شماری کے لیے45000 سیکورٹی اہلکاروں کی خدمات لیں گے۔

تفصیلات کےمطابق اسلام آباد میں چیف شماریات آصف باجوہ نےمیڈیا کو بریفنگ میں بتایا کہ آرمی، رینجرز، ایف سی اور پولیس مردم شماری کے لیے تعاون کرے گی۔

انہوں نے کہا کہ سیکیورٹی پر تقریباََ 7 ارب روپے خرچ آئےگا۔مردم شماری کے لیےحساس علاقوں کی نشاندہی کے لیے صوبائی حکومتوں کو کہہ دیا ہے۔

آصف باجوہ کا کہناتھا کہ صوبائی حکومتوں کی جانب سے حساس علاقوں کی نشاندہی پرفوج سے تعاون کی درخواست کی جائے گی،جبکہ مردم شماری کا پہلا مرحلہ چاروں صوبوں سے بیک وقت شروع ہو گا۔

انہوں نے بتایا کہ خیبر پختونخواہ میں مردان اور پشاور سے مردم شماری شروع ہو گی،جبکہ پنجاب میں لاہور فیصل آباد ، ڈیرہ غازی خان اورسرگودھا سے شروع ہو گی۔

چیف ادارہ شماریات کا کہناتھاکہ دارلحکومت اسلام آباد مکمل طور پر پہلے مرحلے میں شامل ہو گا۔

بلوچستان میں کوئٹہ زوب، سبی مکران سے مردم شماری کا آغاز کریں گے،جبکہ سندھ میں کراچی اورحیدر آباد سے آغاز ہوگا۔

آصف باجوہ نے بتایا کہ آزاد کشمیر، فاٹا اور بچ جانے والے علاقوں میں مردم شماری دوسرے مرحلے میں ہو گی۔انہوں نے بتایا کہ مردم شماری کے لیےٹریننگ کا آغاز شروع کرنے والے ہیں۔

مزید پڑھیں:سپریم کورٹ کا15مارچ سےمردم شماری کاآغازکرنےکاحکم

واضح رہے کہ گزشتہ سال دسمبر میں سپریم کورٹ آف پاکستان نےحکومت کو 15مارچ 2017 تک مردم شماری کرانےکا حکم دے دیاتھا۔

اسلام آباد:مشترکہ مفادات کونسل نے 15 مارچ 2017 سے پاکستان میں مردم شماری کے آغاز کا اعلان کردیا۔

تفصیلات کےمطابق اسلام آباد میں وزیراعظم نواز شریف نے مشترکہ مفادات کونسل کے اجلاس کی سربراہی کی جس میں تمام صوبوں کے وزرائے اعلیٰ موجود تھے۔

اجلاس میں یہ بھی فیصلہ ہوا کہ مردم اورخانہ شماری اکٹھی کی جائے گی۔اجلاس کے بارے میں وزیر اعظم ہاؤس کی جانب سے جاری مختصر بیان میں کہا گیا ہے کہ مردم شماری دو مرحلوں میں مکمل کی جائے گی۔

یاد رہے کہ پاکستان میں آخری مردم شماری سنہ 1998میں ہوئی تھی۔اس طرح اب یہ عمل 20 سال بعد دوبارہ ہوگا۔

یاد رہے کہ چیف جسٹس انور ظہیر جمالی نے مردم شماری نہ کرانے پر ازخود نوٹس لیتے ہوئے اٹارنی جنرل کو طلبی کا نوٹس جاری کیا تھا جس میں پوچھا گیا تھا کہ کن وجوہات اور حالات کی وجہ سے حکومت نے مردم شماری موخر کی۔

مزید پڑھیں:سپریم کورٹ کا15مارچ سےمردم شماری کاآغازکرنےکاحکم

بعد ازاں یکم دسمبر کو سپریم کورٹ آف پاکستان نے2 ماہ میں مردم شماری مکمل کرنے کا حکم دیتے ہوئے حکومت سے کہا تھا کہ وہ تحریری طورپر یقین دہانی کرائے کہ مردم شماری 15 مارچ سے شروع ہوکر 15 مئی کو ختم ہوگی۔

واضح رہے کہ اقوام متحدہ کی نسلی امتیاز کے خاتمے سے متعلق کمیٹی نےگذشتہ دنوں پاکستان میں مردم شماری میں تاخیر پر تشویش کا اظہار کیاتھا

اسلام آباد: سپریم کورٹ آف پاکستان کا کہناہے کہ پورا ملک ایک قیاس پر چل رہا ہے اگرمردم شماری نہیں کروانی توشماریات کاادارہ ہی بندکردیں۔

تفصیلات کےمطابق چیف جسٹس انور ظہیر جمالی کی سربراہی میں قائم فل بینچ نے مردم شماری میں تاخیراز خود نوٹس کیس کی سماعت کی۔

اٹارنی جنرل نے عدالت کو بتایا فوج کی عدم دستیابی کی وجہ سے مردم شماری نہیں کرائی جاسکی تاہم اگر فوج دستاب ہوئی تو مارچ یا اپریل 2017ءتک مردم شماری کا آغاز کر دیا جائے گا۔

چیف جسٹس انور ظہیر جمالی نے ریمارکس دیے کہ حکومتی تحریر محض دکھاوا ہیں،حکومت واضح اور ایک تاریخ بتائے ۔انہوں نے ریمارکس دیے کہ سارے کام فوج نے کرنے ہیں تو اداروں کی کیا ضرورت ہے؟۔

سپریم کورٹ نے حکومت کی جانب سے مارچ اور اپریل 2017ءکی دی گئی مشروط حکومتی تاریخ مسترد کر دی۔

دوران سماعت چیف جسٹس امیر ہانی نے ریمارکس دیے کہ ترمیم کریں اور مردم شماری کی شق ہی ختم کردیں۔بینچ نے ریمارکس دیے کہ مردم شماری کانہ ہونا گزشتہ حکومتوں کے ساتھ موجودہ حکومت کی بھی ناکامی ہے۔

واضح رہے کہ سپریم کورٹ کے فل بینچ نے مردم شماری کیس کی سماعت دسمبر کے پہلے ہفتے تک ملتوی کر دی ۔