ARYNews.tv | Urdu – Har Lamha Bakhabar

Tag: مرغی

  • مرغی کی قیمت کو پَر لگ گئے، ملک بھر میں نرخ میں ہوشربا اضافہ

    مرغی کی قیمت کو پَر لگ گئے، ملک بھر میں نرخ میں ہوشربا اضافہ

    برائلر مرغی کی قیمتوں کو پَر لگ گئے، پنجاب، اسلام آباد، راولپنڈی سمیت ملک مختلف شہروں کی ہول سیل منڈیوں میں برائلر مرغی 19600 روپے من میں فروخت کی گئی۔

    تفصیلات کے مطابق برائلر مرغی کی قیمتوں میں پنجاب سمیت ملک بھر میں پھر اضافہ ہوا ہے، مرغی کا گوشت ہزار روپے فی کلو سے تجاوز کر گیا، راولپنڈی اسلام آباد سمیت پنجاب بھر میں برائلر مرغی کی قیمتی19600 روپے من آج ہول سیل منڈیوں میں فروخت کی گئی۔

    زندہ برائلر مرغی 590 روپے فی کلو میں فروخت ہورہی ہے، پولٹری فارم ایسوسی ایشنز کے گٹھ جوڑ رمضان المبارک میں فارمز مالکان نے غریب عوام کی جیبوں سے کروڑوں نکلوا لئے۔

    رمضان المبارک سے قبل مافیا نے 12 ہزار روپے فی من میں فروخت مرغی کو 19600 روپے تک پہنچا دیا، چینی مافیا کے بعد مرغی فارمز بڑا مافیا بن گیا اگر وفاقی اور صوبائی حکومتوں نے موجودگی قیمتوں کو کنکر کے کنٹرول کے اقدامات نہ کئے تو عید الفطر پر مرغی ڈبل ریٹ پر ملے گی۔

    بی ایف اے برائلر فارم ایسوسی ایشن نے عید پر مرغی مزید مہنگی کرنے کے پلان پر عملدرآمد شروع کر دیا، مرغی کی پیداوار کم کر دی گئی انڈے کی قیمتوں میں اضافے کے پلان پر بھی عملدرآمد شروع کر دیا گیا۔

  • مرغی کا گوشت کتنے روپے فی کلو فروخت ہو رہا ہے؟

    مرغی کا گوشت کتنے روپے فی کلو فروخت ہو رہا ہے؟

    راولپنڈی: مرغی کا گوشت جڑواں شہروں سمیت پنجاب اور ملک بھر میں 850 سے بڑھ کر 950 روپے فی کلو تک پہنچ گیا۔

    حکومتی اقدامات کے برعکس قیمتیں کم ہونے کی بجائے آج برائلر مرغی کی قیمتوں میں 1200 روپے فی من مزید اضافہ ہو گیا ہے، وفاقی اور پنجاب حکومت کے اقدامات بھی بے اثر ثابت ہو گئے، اور برائلر مافیا سر چڑھ کر بولنے لگا ہے۔

    مارکیٹ ذرائع کے مطابق برائلر مرغی ہول سیل منڈی میں آج 19000 روپے فی من میں فروخت کی جا رہی ہے، بازاروں اور مارکیٹوں میں زندہ برائلر فی کلو 505 سے تجاوز کر گئی۔

    پولٹری فارم ایسوسی ایشن کے باہمی گٹھ جوڑ کے باعث مصنوعی قلت پیدا کی گئی ہے، مصنوعی قلت کے باعث مرغی کی قیمتوں میں روزانہ کی بنیاد پر اضافہ جاری ہے۔

    رمضان المبارک : 200 روپے کلو ملنے والا لیموں 400 روپے کلو فروخت ہونے لگا

    رمضان المبارک سے قبل مرغی 14 ہزار روپے من تک فروخت ہو رہی تھی، تین ماہ قبل 9 ہزار سے 12 ہزار روپے فی من میں بھی فروخت ہوئی ہے، عام دنوں میں برائلر گوشت کا فی کلو 450 اور زندہ برائلر مرغی 270 سے 300 روپے کلو دستیاب رہتی تھی۔

  • مرغی کے ٹرک کو حادثہ، شہری تمام مرغیاں لے اُڑے

    مرغی کے ٹرک کو حادثہ، شہری تمام مرغیاں لے اُڑے

    بھارتی ریاست اتر پردیش کے شہر آگرہ میں دھند کے باعث مرغیاں لے جانے والے ٹرک کو حادثہ پیش آگیا، بس پھر کیا تھا، شہریوں نے موقع غنیمت جانتے ہوئے مرغیوں پر ہاتھ صاف کردیا۔

    بین الاقوامی خبر رساں ادارے کی رپورٹ کے مطابق اس حادثے کے بعد کئی گاڑیاں بھی آپس میں ٹکرائیں جس کے نتیجے میں ایک شخص ہلاک اور متعدد افراد زخمی بھی ہوئے۔

    بھارتی میڈیا کا اس حوالے سے کہنا ہے کہ جائے حادثہ سے گاڑیوں کو ہٹانے کے لیے کرین کو طلب کیا گیا تاہم ایسے میں وہاں موجود افراد مرغیوں کی لوٹ مار میں مصروف ہوگئے۔

    کچھ لوگ بوریاں لے کر بھی آگئے تاکہ زیادہ سے زیادہ مرغیاں لے جاسکیں، جس کے ہاتھ جتنی مرغیاں لگیں وہ لے گیا۔

    بھارتی میڈیا کا اس حوالے سے کہنا ہے کہ جائے حادثہ سے مرغیاں لے جانے کے لیے کچھ افراد موٹرسائیکلوں پر بھی پہنچے جبکہ کچھ افراد پیدل ہی مرغیاں لے کر چلتے بنے۔

    فرانس نے بھارتی طیارہ واپس روانہ کردیا

    بھارتی میڈیا اس حوالے سے کہنا ہے کہ حادثے کے وقت ٹرک میں تقریباً 500 کے لگ بھگ مرغیاں موجود تھیں، جن کی مالیت کی اگر بات کی جائے تو وہ ڈیڑھ لاکھ بھارتی روپے ہے۔

  • بجٹ 24-2023: مرغیاں اور کٹے پالنے کے پروگرام بند کرنے کا فیصلہ

    بجٹ 24-2023: مرغیاں اور کٹے پالنے کے پروگرام بند کرنے کا فیصلہ

    اسلام آباد: وفاقی حکومت نے بجٹ 24-2023 میں کٹا بچاؤ پروگرام اور مرغ بانی پروگرام کے لیے فنڈز ختم کر کے پروگرامز بند کرنے کا فیصلہ کیا ہے۔

    تفصیلات کے مطابق حکومت بجٹ 2023 میں سابق حکومت میں شروع کیے گئے متعدد منصوبے بند کرنے کا فیصلہ کیا ہے۔

    وفاقی بجٹ میں کٹا بچاؤ پروگرام کے لیے فنڈز نہیں رکھے گئے، 23-2022 کے بجٹ میں کٹا بچاؤ پروگرام کے لیے 20 کروڑ روپے رکھے گئے تھے۔

    نئے مالی سال میں کٹے کو فربہ کرنے کے پروگرام کے لیے بھی فنڈز نہ رکھنے کا فیصلہ کیا گیا ہے، گزشتہ مالی سال کٹے کو موٹا کرنے کے پروگرام کے لیے 12 کروڑ روپے رکھے گئے تھے۔

    ذرائع کا کہنا ہے کہ پسماندہ علاقوں میں مرغ بانی پروگرام بھی بند کرنے کا فیصلہ کیا گیا ہے، گزشتہ مالی سال پسماندہ علاقوں میں مرغ بانی پروگرام کے لیے 5 کروڑ روپے مختص کیے گئے تھے۔

  • مرغی کی فی کلو گوشت قیمت 579 روپے مقرر، مرغی فروشوں کا ہڑتال پر جانے کا اعلان

    لاہور: پنجاب حکومت نے مرغی کے فی کلو گوشت کی قیمت 579 روپے مقرر کر دی، مرغی فروشوں نے احتجاج کرتے ہوئے ہڑتال پر جانے کا اعلان کر دیا۔

    تفصیلات کے مطابق پنجاب حکومت کو آخر کار مرغی کی قیمتوں کو قابو کرنے کا خیال آ گیا، نئی ریٹ لسٹ جاری کرتے ہوئے حکومت نے مرغی کی فی کلو گوشت قیمت 579 روپے مقرر کر دی۔

    ذرائع کا کہنا ہے کہ مقررہ نرخ سے زائد قیمت پر بیچنے والے مقدمات کا سامنا کریں گے، اب نئی ریٹ لسٹ کے مطابق ہی مرغی کا گوشت فروخت ہو سکے گا۔

    تاہم دوسری طرف ٹولٹنٹن مارکیٹ ٹریڈرز نے ریٹ لسٹ مسترد کر دی ہے، صدر ٹریڈرز ایسوسی ایشن محمد طارق نے کہا ہے کہ 30 روپے فی کلو مہنگی مرغی لے کر سستی کیسے بیچیں؟

    تاجر رہنماؤں نے اعلان کیا ہے کہ کل سے ہڑتال پر جا رہے ہیں، حکومت خود سستی مرغی فروخت کر لے۔

  • فی کلو چکن کی قیمت 700 روپے سے بھی تجاوز، دکاندار بھی پریشان

    فی کلو چکن کی قیمت 700 روپے سے بھی تجاوز، دکاندار بھی پریشان

    کراچی / لاہور: ملک بھر میں مرغی کی قیمتیں آسمان پر جا پہنچی ہیں، کراچی میں فی کلو چکن کی قیمت 700 روپے سے بھی تجاوز کر گئی۔

    تفصیلات کے مطابق صوبہ سندھ کے دارالحکومت کراچی میں مرغی کے گوشت کی قیمت تاریخ کی بلند ترین سطح پر پہنچ گئی۔

    کراچی میں 3 روز کے دوران مرغی کے گوشت کی قیمت میں 100 روپے اضافہ ہوا جس کے بعد شہر میں مرغی کا گوشت 700 سے 720 روپے فی کلو میں فروخت ہورہا ہے۔

    زندہ مرغی 480 روپے فی کلو اور بون لیس گوشت 1 ہزار 50 روپے فی کلو ہوگیا۔

    صوبہ پنجاب کے دارالحکومت لاہور میں بھی مرغی کا گوشت 620 روپے فی کلو تک پہنچ گیا، زندہ مرغی کا گوشت 410 روپے فی کلو فروخت ہورہا ہے۔

    صوبہ بلوچستان کے دارالحکومت کوئٹہ میں بھی مرغی کے گوشت کی قیمتوں میں ایک ہفتے کے دوران 150 روپے اضافہ ہوا۔

    کوئٹہ میں مرغی کے گوشت کی فی کلو قیمت 700 روپے تک پہنچ گئی۔

    چکن کی قیمت بڑھنے سے شہریوں کو خریداری میں مشکلات کا سامنا ہے، لوگوں کا کہنا ہے کہ عام آدمی اب چکن بھی نہیں کھا سکتا، موجودہ حکومت مہنگائی کو کنٹرول کرنے میں ناکام ہو چکی ہے۔

    مرغی کے گوشت کی قیمت بڑھنے سے دکانوں پر بھی رش کم ہوگیا جس سے دکاندار پریشان ہیں۔

    دوسری جانب پولٹری فارمرز نے چکن فیڈ کی قیمت میں بے تحاشا اضافے اور پیداوار میں کمی کو قیمت بڑھنے کی وجہ قرار دیا ہے۔

  • مونگ پھلی اور لہسن کھانے کی شوقین مرغی نے ایک دن میں 31 انڈے دے دیے

    نئی دہلی: بھارتی ریاست اتراکھنڈ میں مونگ پھلی اور لہسن کھانے کی شوقین مرغی نے ایک دن میں 31 انڈے دے کر سب کو حیران کر دیا، مرغی مکمل طور پر صحت مند ہے۔

    بھارتی میڈیا کے مطابق مرغی کے مالک گریش چندر کا کہنا ہے کہ ان کے بچوں کو مرغیاں پالنے کی خواہش تھی اور وہ کہیں سے 2 چوزے خرید کر لائے تھے۔

    گریش چندر کا کہنا ہے کہ ان کے بچوں نے چوزوں کو بہت محبت سے پالا اور تمام گھر والے ان کی خوراک کا بھی بے حد خیال رکھتے ہیں کہ وہ بھوکے نہ رہیں۔

    انہوں نے بتایا کہ گزشتہ اتوار کو ان کے بچوں نے بتایا کہ ایک مرغی نے 5 انڈے دیے ہیں، یہ حیران کن بات تھی کہ ایک مرغی اتنے کم وقت میں ایک ساتھ 5 انڈے دے۔

    شام میں سب مزید حیران رہ گئے جب مرغی 10 سے 15 منٹ کے وقفے سے 10، 10 انڈے دینے لگی، رات 10 بجے تک اس نے پورے 31 انڈے دے ڈالے۔

    گریش کا کہنا تھا کہ انہیں شک ہوا کہ شاید مرغی بیمار ہوگئی ہے لیکن ڈاکٹر کو دکھانے پر علم ہوا کہ وہ مکمل طور پر صحت مند ہے۔

    ان کے مطابق مرغی کو مونگ پھلی کھانے کا بہت شوق ہے، وہ ایک دن میں تقریباً 200 گرام مونگ پھلی کھا جاتی ہے اور گھر والے خاص طور پر اس کے لیے مونگ پھلی منگواتے ہیں، علاوہ ازیں لہسن بھی اس کی روزانہ کی خوراک میں شامل ہے۔

    گریش کا کہنا ہے کہ اس کی حتمی وجہ تو کوئی ماہر ہی بتا سکتا ہے تاہم انہیں لگتا ہے کہ اس کی وجہ خاص خوراک اور سب گھر والوں کا پیار ہے۔

  • مرغی کی بندر کو ’قتل‘ کرنے کی کوشش، بندر نے تھپڑ دے مارا

    مرغی کی بندر کو ’قتل‘ کرنے کی کوشش، بندر نے تھپڑ دے مارا

    سوشل میڈیا پر اکثر اوقات دلچسپ ویڈیوز وائرل ہوتی ہیں جن میں جانوروں کو عجیب و غریب حرکات کرتے دیکھا جاسکتا ہے، حال ہی میں ایک اور ایسی ویڈیو وائرل ہورہی ہے جو بندر اور مرغی کی ہے۔

    مذکورہ وائرل ویڈیو بظاہر بھارت کی لگ رہی ہے۔

    ویڈیو میں دیکھا جاسکتا ہے کہ ایک بندر ایک پہاڑی کے کنارے پر سکون سے بیٹھا ہے اور قدرت کے نظاروں سے لطف اندوز ہورہا ہے کہ اچانک وہاں ایک مرغی آجاتی ہے۔

    مرغی سکون سے بیٹھے بندر پر اچانک حملہ کردیتی ہے اور اسے پہاڑی سے گرانے کی کوشش کرتی ہے، بندر اس سے بچتے ہوئے جواباً اسے تھپڑ مارتا ہے۔

    دونوں کی لڑائی کچھ دیر چلتی رہتی ہے، ویڈیو میں ایڈیٹنگ کے ذریعے بیک گراؤنڈ میں تھپڑ مارنے کی آواز بھی شامل کی گئی ہے۔

    سوشل میڈیا صارفین نے ویڈیو کو نہایت دلچسپ قرار دیا، بعض صارفین کا کہنا تھا کہ مرغی بلاوجہ بندر کی جان کے پیچھے پڑی ہے۔

  • انڈوں کو بچانے کے لیے مرغی خطرناک دشمن سے لڑ پڑی

    انڈوں کو بچانے کے لیے مرغی خطرناک دشمن سے لڑ پڑی

    ماں اور اولاد کا رشتہ دنیا کا سب سے انوکھا اور انمول رشتہ ہوتا ہے، بچے کو کوئی خطرہ ہو تو اسے بچانے کے لیے ماں اپنے سے کئی گنا طاقتور اور خطرناک آفت سے بھی لڑ جاتی ہے۔

    ایسی ہی ایک ویڈیو سوشل میڈیا پر وائرل ہورہی ہے جس میں ایک مرغی اپنے بچوں کو بچانے کے لیے کوبرا سے لڑ رہی ہے۔

    ویڈیو میں دیکھا جاسکتا ہے کہ مرغی گھونسلے میں انڈوں پر بیٹھی ہے اور اسی دوران وہاں سانپ نمودار ہوتا ہے۔

    سانپ کی نیت مرغی کے انڈے کھانے کی ہے لیکن مرغی اس کی یہ کوشش ناکام بنا دیتی ہے۔

     

    View this post on Instagram

     

    A post shared by hayatvahsh2019 (@hayatevahsh_2019)

    جب بھی سانپ آگے بڑھنے کی کوشش کرتا ہے مرغی نہایت خطرناک انداز میں اسے چونچ مار کے دور کردیتی ہے۔

    سانپ اپنی کوشش جاری رکھتا ہے اور بالآخر مرغی سے کئی ٹھونگیں کھانے کے بعد اپنا ارادہ بدل دیتا ہے اور وہاں سے چلا جاتا ہے۔

    سوشل میڈیا پر وائرل ہونے کے بعد صارفین نے مرغی کی ہمت کو سراہا جو اپنے انڈوں کے لیے اپنے سے بڑے اور خطرناک دشمن سے دیوانہ وار لڑ رہی ہے۔

  • فرانس میں برڈ فلو کے باعث لاکھوں مرغیاں تلف

    فرانس میں برڈ فلو کے باعث لاکھوں مرغیاں تلف

    پیرس: فرانس میں برڈ فلو کے باعث حکام لاکھوں مرغیاں تلف کرنے پر مجبور ہوگئے، بیلجیئم اور برطانیہ نے بھی برڈ فلو کی وبا پھیلنے کا اعلان کیا ہے۔

    فرانسیسی میڈیا کے مطابق حکام کا کہنا ہے کہ برڈ فلو وائرس پر قابو پانے کی کوششوں کے سلسلے میں گزشتہ مہینے 6 سے ساڑھے 6 لاکھ مرغیوں، بطخوں اور دیگر پرندوں کو تلف کیا گیا ہے۔

    حکام کا کہنا ہے کہ سنہ 2015 کے بعد سے ملک میں برڈ فلو کی چوتھی بڑی وبا کا خطرہ ہے۔

    وزارت زراعت کے مطابق فیکٹری فارموں میں وائرس کی موجودگی کی اطلاع دی گئی ہے اور جنگلی پرندوں میں بھی برڈ فلو کے 15 کیسز سامنے آئے ہیں۔

    اسی طرح کے وائرس سے پرندوں کی ہلاکت کے صرف ایک سال بعد بھی کئی یورپی ممالک اب ایک انتہائی متعدی فلو ایچ 5 این 1 کا مقابلہ کر رہے ہیں۔

    بیلجیئم اور برطانیہ نے وبا پھیلنے کا اعلان کیا ہے جبکہ چیک ری پبلک سے تعلق رکھنے والے جانوروں کے ڈاکٹروں نے بدھ کو کہا کہ 80 ہزار پرندوں کو ایک ہی فارم میں تلف کیا جائے گا جہاں گذشتہ ہفتے ایک لاکھ سے زائد جانور وائرس سے مر چکے ہیں۔

    فرانس میں حکومت نے نومبر میں کاشت کاروں کو حکم دیا تھا کہ وہ ہجرت کرنے والے پرندوں کے ذریعے وائرس کے پھیلاؤ کو روکنے کے لیے اپنے پرندوں کو گھر کے اندر رکھیں، حالانکہ پہلا کیس اسی مہینے کے آخر میں شمال میں ایک جگہ پر پایا گیا تھا۔

    وزارت نے بتایا کہ جنوب مغرب میں پہلا کیس، جہاں اب سب سے زیادہ وبا پھیلی ہوئی ہے 16 دسمبر کو سامنے آیا۔

    پچھلے موسم سرما میں 500 سے زیادہ فارموں میں بڑے پیمانے پر انفیکشن دیکھنے میں آیا جس کی وجہ سے تقریباً 35 لاکھ پرندے ہلاک ہوئے جن میں بطخیں بھی شامل تھیں، اس کی وجہ سے حکومت کو بطور معاوضہ لاکھوں یورو خرچ کرنے پر مجبور کیا گیا۔