Tag: مرکزی صدر

جمیعت علماء پاکستان کے مرکزی صدر صاحبزادہ ابولخیرمحمد زبیر نے کہا ہے کہ طالبان سے مذاکرات کرکے جلد سے جلد مسئلہ حل کیا جائے۔

حیدرآباد میں میلاد کانفرنس سے خطاب اور میڈیا سے بات کرتے ہوئے انہوں نے کہا امن کے لئے دو ہی چیزیں اہمیت رکھتی ہیں ایک طاقت کا استعمال اور دوسرے مذاکرات ہم طاقت کا استعمال کرکے دیکھ چکے ہیں لہذا اب امن کے لئے مذاکرات ضروری ہیں، حکومت نے اس سلسلے میں اب تک کوئی سنجیدہ کوشش نہیں کی۔

ان کا کہنا تھا ایک کو راضی اور ایک کو نارض کرنے سے کام نہیں چلے گا غیر سیاسی قوتوں اور مختلف مدارس کے علماء جن کے پاس طالبان پڑھ کر جا چکے ہیں، وہ غیر سیاسی ہیں، مدرس ہیں، اس طرح کے لوگوں شامل کرکے ایک کمیٹی بنائی جائے، جو مذاکرات کرے اور پھر بھی مذاکرات نہ ہوں تو پھر سمجھا جاسکتا ہے کہ طالبان کا قصور ہے۔