Tag: مرکزی وائس چیئرمین

لاہور: تحریک انصاف کے رہنما شاہ محمود قریشی کا کہنا ہے کہ عمران کے سپاہی تیس نومبر تک مذاکرات کے لئے تیار ہیں۔

لاہور میں تحریک انصاف کے آزادی رضا کاروں سے خطاب کرتے ہوئے شاہ محمود قریشی کا کہنا تھا کہ تیس نومبر تک مذاکرات کے دروازے کھلے ہیں۔

انہوں نے اسحاق ڈار کو یاد دلایا کہ کیا کہ مذاکرات میں وہ اس بات پر متفق نہیں تھے جوائنٹ انویسٹی گیشن ٹیم میں ایم آئی اور آئی ایس آئی کی بھی نمائندگی ہوگی،ان کا کہنا تھا کہ جمہوریت کی بنیاد صاف شفاف الیکشن کمیشن سے ہوتی ہے۔

شاہ محمود قریشی کا کہنا ہے حکومت عدالتی کمیشن کے حوالے سےبوکھلاہٹ کا شکار ہے،پی ٹی آئی دھرنوں کا مسلہ نیک نیتی سے حل کرنا چاہتی ہے۔

اسلام آباد: پی ٹی آئی کی کورکمیٹی کےاجلاس سے قبل تحریک انصاف کے وائس چئیرمین شاہ محمودقریشی نے میڈیا سے گفتگو کر تے ہو ئے کہا کہ استعفوں کے حوالے سے پی ٹی آئی کا موقف واضح ہے۔

شاہ محمود قریشی ان کا کہنا تھا کہ محرم الحرام میں بھی دھرناجاری رہیگا لیکن دھرنے میں گانے نہیں بجائے جا ئیں گے، مذاکرت کی ناکامی کا ذمہ دار انہوں نے حکومت کو ٹہرایا۔

شاہ محمو د قریشی پی ٹی آئی کور کمیٹی کے اجلاس کے متعلق ذرائع کا یہ بھی کہنا ہے کہ پا رٹی میں صدر کے عہدے کے متعلق فیصلہ کیا جائے گا۔

سرگودھا:  شاہ محمود قریشی نے پیشگوئی کی ہے کہ اٹھارہ اکتوبر کو بلاول بھٹوزرداری کے جلسے میں بھی گونواز گو کی صدائیں بلند ہونگی۔

سرگودھا میں تحریک انصاف کے جلسے سے خطاب کرتے ہوئے شاہ محمود قریشی نے کہا کہ عمران خان نے ایک گیند سے دو وکٹیں گرانے کی بات کی تھی اور کل ملتان کے الیکشن میں نواز شریف اور آصف زرداری کی وکٹ ایک ساتھ گرا د، ایک طرف اس حلقے سے ذوالفقار علی بھٹو نے الیکشن جیتا تھا اور کل کے الیکشن میں پیپلز پارٹی کی ضمات ضبط ہونا اس بات کی نشاندہی کرتی ہے کہ تبدیلی آ گئی ہے۔

انہوں نے کہا کہ  مک مکا ختم ہونا ہے، نواز شریف کو جانا ہوگا، بلاول بھٹو زرداری کو بھی ‘‘گو نواز گو’’ کہنا ہوگا، جنون پاکستانی سیاست میں بھونچال لے آیا ہے، جنون کا طوفان پرانی سوچ اور نظام کو بہالے جائے گا، عمران خان نوجوانوں کو ستاروں پر کمند ڈالنا سکھا رہے ہیں، جسے سیاست کی سوئنگ سیکھنی ہے تو ہمارے پاس آئے، سیاسی پختگی کیلئے ہم سے فری ٹیوشن لے۔

شاہ محمود نے کہا کہ قوم پنجاب میں طوفان اٹھتا دیکھ رہی ہے، اب طوفان کا رخ سندھ کی طرف مڑنے والا ہے، عمران خان 21 نومبر کو لاڑکانہ پہنچ رہے ہیں۔اگر کسی نے سیاست کی ٹیوشن پڑھنی ہو تو عمران خان سے مفت ٹیوشن پڑھ لیں، اب عوام جاگ گئی ہے اور آپ سب کی باتوں میں نہیں آئے گی، اب بلے پر مہر لگے گی تو بلے بلے ہو جائے گی۔

ملتان: جاوید ہاشمی نے کہا کہ کچھ قوتیں پورے نظام کو تلپٹ کرنا چاہتی تھی اور اس کے بعد جو نظام آتا اس میں عمران خان کی کوئی جگہ نہ ہوتی۔

ملتان میں میڈیا سے بات کرتے ہوئے جاوید ہاشمی نے دعوی کیا کہ اُنہوں پی ٹی آئی کو بچایا ہے، جاوید ہاشمی نے کہا کہ اگر عمران خان اور اور طاہر القادری کچھ کرتے ہیں تو ملک میں خانہ جنگی کا خدشہ ہے، موجودہ حکومت نے برداشت کا مظاہرہ کیا نہ ہی لاٹھی چلائی اور نہ گولی، دھرنا دینے والی دونوں جماعتوں سے درخواست ہے کہ ملک کی خاطر دھرنے ختم کر دیں۔

اُن کامزید کہنا تھا کہ دھرنا جب لاہور سے چلا تھاکہ تو منزل کا تعین کہیں اور سے ہو رہا تھا، دھرنوں کا مقصد پورے نظام کو درہم برہم کرنا تھا، منصوبہ تھا کہ 10 بندے مروائیں گے اور حکومت چلی جائے گی۔

انہوں نے کہا کہ میں نے عمران خان کو جانچنے میں غلطی کی، عمران خان اب کبھی استعفے کا نام نہیں لیں گے، عمران نے جن افراد کو انتخابات میں امیدوار بنایا وہ لوگوں سے پیسا بٹورنے والے تھے۔،

ملتان: پی ٹی آئی کےوائس چیئرمین شاہ محمود قریشی نے کہاہے اُن کی جی چاہتا ہے کہ وہ جاوید ہاشمی کے پاس جائیں اور کہیں ہمیں چھوڑ کرنہ جائیں، اُنہوں نے جاوید ہاشمی کے مناظرے کا چیلنج قبول کرنے کا بھی اعلان کیا۔

پاکستان تحریک انصاف کے وائس چیئرمین کہا ہے کہ پی ٹی آئی آگ اور خون کی لڑائی لڑ رہی ہے ، شاہ محمود قریشی نے میڈیا سے بات کرتے ہوئے کہا کہ اُن کا جی چاہتا ہے کہ جاوید ہاشمی کے پا س جائیں اور اُن سے کہوں کے ہمیں چھوڑ کر نہ جائیں، اُنہوں نے جاویدہاشمی کے مناظرے کا چیلنج بھی قبول کرنے کا اعلان کیا ۔

شاہ محمود مناظرہ چند رو ز قبل جاوید ہاشمی نے شاہ محمود قریشی کو ان الفاظ میں مناظرے کا چیلنج دیا تھا ،شاہ محمود قریشی کا کہنا تھا جاوید ہاشمی گواہ ہیں کہ ہمارے درمیان چار اصول طے پائے تھے پہلا اصول یہ کہ جدودجہد ضروری ہوگی،دوسرا،آئین کے دائرے میں ہوگی،تیسرا،عدم تشددکی ہوگی، اور چوتھااصول یہ کہ فوج نے ملک میں مارشل لاء لگانے کی کوشش ہوئی تومذمت بھی کرینگے اور مخالفت بھی۔

کراچی : تحریکِ انصاف کے مرکزی وائس چیئرمین مخدوم شاہ محمد قریشی نے اندرون سندھ میں تحریکِ انصاف کے سربراہ عمران خان کے جلسے کیلئے تیاریاں شروع کردی ہیں۔

مخدوم شاہ محمد قریشی نے سندھ کے مختلف علاقوں سے آئے ہوئے مریدوں سے ملاقات کی ہے اور کہا ہے کہ کل سیہون پہنچ کر لعل شہباز قلندر کے مزار پر حاضری کے بعد اپنی سرگرمیوں کا آغاز کریں گے۔

کراچی ایئرپورٹ پر میڈیا سے گفتگوکرتے ہوئے انھوں نے کہا کہ حکومت اور اپوزیشن کے درمیان پارلیمنٹ میں مک مکا ہوچکا ہے، کل لعل شہباز قلندر کے مزار پرحاضری دیکر سندھ میں داخلے کی اجازت لوں گا، این اے149پردھاندلی ہورہی ہے، پی پی امیدوار کو دستبردار کرایا جارہا ہے۔

 شاہ محمد قریشی  نے کہا ہے کہ سندھ میں جلسوں کا آغاز گھوٹکی سے کریں گے، پارٹی کے انٹرا الیکشن میں غلطیاں ہوئی ہیں لیکن اس کی وضاحت جسٹس وجیہہ الدین کرچکے ہیں۔

انہوں نے کہا کہ تمام اراکین کو مشترکہ طور پر استعفے دینے کی اجازت کیوں نہیں، اسمبلیوں میں استعفے کے حوالے سے ہمارے سارے اراکین ساتھ جائیں گے، حکومت ہارس ٹریننگ کر رہی ہے، اس لئے سب کو الگ الگ بلایا جارہا ہے۔