مری : موسم کی صورتحال کے پیش نظر مری میں بھی تعلیمی اداروں کو دو روز کے لیے بند کردیا گیا۔

تفصیلات کے مطابق مری میں شدید بارشوں اور لینڈ سلائیڈنگ کے خدشے کے پیش نظر مری میں آئندہ دو روز کے لیے تمام تعلیمی ادارے بند رکھنے کا اعلان کر دیا گیا۔

ڈی جی پی ڈی ایم اے عرفان کاٹھیا نے بتایا کہ وزیر اعلیٰ پنجاب کی ہدایات کے مطابق شہریوں کے تحفظ کے لیے ہنگامی اقدامات کیے جا رہے ہیں۔

ان کا کہنا تھا کہ مری میں صبح سے اب تک تقریباً 74 ملی میٹر بارش ریکارڈ کی جا چکی ہے، جبکہ لینڈ سلائیڈنگ اور طوفانی بارشوں کے خدشات موجود ہیں۔

پی ڈی ایم اے پنجاب کا کہنا ہے کہ راولپنڈی، مری، جہلم، چکوال اور اٹک میں مزید بارشوں کی پیشگوئی کی گئی ہے ، ممکنہ طوفانی بارشوں سے نمٹنے کے لیے تمام دستیاب وسائل بروئے کار لائے جا رہے ہیں تاکہ کسی بھی ہنگامی صورتحال سے شہریوں کو محفوظ رکھا جا سکے۔

مزید پڑھیں : سیاحوں کو دو دن کیلیے خصوصی ہدایات جاری

یاد رہے پی ڈی ایم اے پنجاب نے مری اور گلیات میں 17 سے 19 اگست تک سیاحوں کی نقل و حمل محدود کرنے کے احکامات جاری کیے تھے۔

مراسلے کے مطابق طوفانی بارشوں کے باعث لینڈ سلائیڈنگ کا خدشہ ہے، سیاح ممکنہ کلاؤڈ برسٹنگ کے پیش نظر محفوظ مقامات پر رہیں۔

اس کے علاوہ مری میں بھی سیاحوں کی آمد پر کڑی نظر رکھنے کی ہدایت جاری کرتے ہوئے ضلعی انتظامیہ مری کو ہائی الرٹ کر دیا گیا ہے۔

مری : مسلم لیگ ن کے تین بڑوں نواز شریف ،شہبازشریف اور مریم نواز کے درمیان اہم امور پر مشاورت کی گئی۔

تفصیلات کے مطابق مری میں مسلم لیگ (ن) کے قائد نواز شریف، وزیراعظم شہباز شریف اور چیف آرگنائزر مریم نواز کے درمیان اہم ملاقات ہوئی۔

ذرائع نے بتایا کہ ملاقات میں ملک کی مجموعی سیاسی و معاشی صورتحال، پارٹی امور اور مجوزہ قانون سازی پر تفصیلی مشاورت کی گئی۔

ذرائع کا کہنا ہے کہ ملاقات میں وزیر دفاع خواجہ آصف اور ایم پی اے نعیم اعجاز کے معاملے پر بھی گفتگو ہوئی اور ملک سے کرپشن کے خاتمے کے لیے حالیہ اقدامات کے نتائج پر بات چیت کی گئی۔

تینوں رہنماؤں نے اپوزیشن جماعتوں کی احتجاجی حکمت عملی سے نمٹنے پر بھی تبادلہ خیال کیا جبکہ مجوزہ قانون سازی اور ادارہ جاتی ہم آہنگی پر بھی گفتگو کی گئی۔

خیال رہے جشن آزادی کے موقع پر امن وامان برقرار رکھنے کے لیے تفریحی مقام مری میں 12 سے 14 اگست تک دفعہ 144 نافذ کرنے کا فیصلہ کیا گیا ہے۔

تاہم 14 اگست کو اس پابندی سے فیملیز کو استثنیٰ حاصل ہوگا اور انہیں مال روڈ پر داخلے کی اجازت ہوگی۔

جشن آزادی کے موقع پر امن وامان برقرار رکھنے کے لیے تفریحی مقام مری میں 12 سے 14 اگست تک دفعہ 144 نافذ کرنے کا فیصلہ کیا گیا ہے۔

اے آر وائی نیوز کے مطابق پاکستان کا جشن آزادی ہر سال کی طرح 14 اگست کو پورے ملک میں جوش وخروش سے منایا جائے گا۔ جشن آزادی کے موقع پر لوگوں کی بڑی تعداد تفریحی مقامات کا بھی رخ کرتی ہے۔

ملک کے مشہور تفریحی مقام مری میں اس بار امن وامان برقرار رکھنے کے لیے 12 سے 14 اگست تک دفعہ 144 نافذ کرنے کا فیصلہ کیا گیا ہے۔ تاہم کچھ کو استثنیٰ حاصل ہوگا۔

ضلع انتظامیہ کے مطابق مری میں دفعہ 144 کے نفاذ کا فیصلہ امن وامان کی صورتحال کے پیش نظر کیا گیا ہے۔ تاہم 14 اگست کو اس پابندی سے فیملیز کو استثنیٰ حاصل ہوگا اور انہیں مال روڈ پر داخلے کی اجازت ہوگی۔

مری، مارگلہ کی پہاڑیوں میں بسا ہوا ایک خوبصورت پہاڑی اسٹیشن، طویل عرصے سے گرم میدانی علاقوں سے نجات چاہنے والے سیاحوں کی پسندیدہ منزل رہا ہے۔ اس کے دلکش مناظر، ٹھنڈا موسم اور پرسکون ماحول دور دراز سے زائرین کو اپنی طرف متوجہ کرتے ہیں۔ تاہم، حالیہ برسوں میں ایک پریشان کن رجحان سامنے آیا ہے: سیاحوں کے ساتھ بدسلوکی اور ہراساں کرنے کے واقعات نے مری کی بے داغ شبیہ کو داغدار کیا ہے۔

اس بدقسمتی کی وجوہات کثیر الجہت ہیں۔ کچھ مقامی لوگوں میں شعور اور حساسیت کی کمی، ناکافی بنیادی ڈھانچے اور قانون نافذ کرنے والے اداروں کی کمی نے ایسا ماحول پیدا کیا ہے جو اس طرح کے رویے کے لیے سازگار ہے۔ چوٹی کے سیزنوں میں بھیڑ مسئلے کو مزید بڑھاتی ہے، جس سے کشیدگی اور جھگڑے بڑھ جاتے ہیں۔ اس کے علاوہ، مؤثر نظارتی نظام کی عدم موجودگی اور جوابدہی کی کمی نے بے ضمیر افراد کو سیاحوں کا استحصال کرنے کی ہمت دی ہے۔

ان واقعات کے نتائج دور رس ہیں۔ یہ نہ صرف سیاحوں کی تعداد میں کمی لاتے ہیں بلکہ پاکستان کی مجموعی سیاحت کو بھی نقصان پہنچاتے ہیں۔ معاشی اثرات بھی نمایاں ہیں کیونکہ سیاحت کی صنعت مقامی معیشت میں کافی حصہ ڈالتی ہے۔ مزید برآں، متاثرین پر نفسیاتی اثرات کو نظرانداز نہیں کیا جا سکتا۔ ایسے تجربات سے پیدا ہونے والا صدمہ اور تکلیف دہ اثرات طویل مدتی ہو سکتے ہیں۔

اس مسئلے سے نمٹنے کے لیے ایک کثیر الجہتی نقطہ نظر ضروری ہے۔ سب سے پہلے، مقامی آبادی میں سیاحت کی اہمیت اور اس سے ملنے والے اقتصادی فوائد کے بارے میں شعور اجاگر کرنے کی فوری ضرورت ہے۔ تعلیمی مہمات زائرین کے ساتھ مہمان نوازی اور احترام والے رویے کی اہمیت کو اجاگر کر سکتی ہیں۔ دوسرا، حکومت کو بنیادی ڈھانچے کو بہتر بنانے میں سرمایہ کاری کرنی چاہیے، جس میں کافی صفائی کے انتظامات، پارکنگ کی جگہیں اور عوامی نقل و حمل شامل ہیں۔ یہ نہ صرف سیاحوں کے مجموعی تجربے کو بہتر بنائے گا بلکہ بھیڑ اور جام کو بھی کم کرے گا۔

تیسرا، ہراساں کرنے یا بدسلوکی میں ملوث افراد کو روکنے اور سزا دینے کے لیے ایک مضبوط قانون نافذ کرنے والی موجودگی ضروری ہے۔ اس طرح کے رویے کو روکنے کے لیے سخت قوانین اور سزائیں عائد کی جانی چاہئیں۔ اس کے علاوہ، سیاحوں کی سلامتی اور تحفظ سے متعلق مسائل سے خاص طور پر نمٹنے کے لیے ایک مخصوص سیاحتی پولیس فورس قائم کی جا سکتی ہے۔

آخر میں، سوشل میڈیا کے کردار کو نظرانداز نہیں کیا جا سکتا۔ یہاں تک کہ یہ مسائل کو اجاگر کرنے کے لیے ایک طاقتور آلہ ہو سکتا ہے، اسے ذمہ داری کے ساتھ استعمال کرنا بھی ضروری ہے۔ مناسب تصدیق کے بغیر بدسلوکی کے واقعات کا اشتراک کرنا مسئلے کو بڑھا سکتا ہے اور مری کے امیج کو نقصان پہنچا سکتا ہے۔ مثبت تجربات کو فروغ دینا اور ذمہ دارانہ سیاحت کے طریقوں کو فروغ دینا ضروری ہے۔

ان اقدامات کو اپنانے سے مری اپنی خوش آمدید اور مہمان نواز منزل کی حیثیت کو دوبارہ حاصل کر سکتی ہے۔ سیاحوں کی سلامتی، آرام اور بہبود کو ترجیح دینا ضروری ہے، یہ یقینی بنانا کہ ان کے تجربات مثبت اور یادگار ہوں۔ احترام اور سمجھداری کی ثقافت کو فروغ دے کر، ہم ایک پائیدار سیاحت کی صنعت تشکیل دے سکتے ہیں جو مقامی کمیونٹی اور اس کی خوبصورتی سے لطف اندوز ہونے والے زائرین دونوں کو فائدہ پہنچائے۔

اسلام آباد : مسلم لیگ ن کے مری میں مشاورتی اجلاس ملتوی ہونے کی وجہ سامنے آگئی ، چند لیگی رہنما پارٹی اور حکومت کے سیاسی طرزعمل پر تحفظات رکھتے ہیں۔

تفصیلات کے مطابق مسلم لیگ ن کے مری میں مشاورتی اجلاس مؤخر ہونے کی اندرونی کہانی سامنے آگئی ، ذرائع ن لیگ نے بتایا کہ ن لیگ کی میٹنگ مؤخرہونےکی وجہ پارٹی میں اختلاف رائےتھا کیونکہ چندلیگی رہنماپارٹی اور حکومت کے سیاسی طرزعمل پر تحفظات رکھتےہیں۔

ذرائع کا کہنا تھا کہ مخصوص نشستوں اورپی ٹی آئی پر پابندی پرپارٹی میں اختلافات تھے، ایک سینئر لیگی نے کہا کہ ہم کسی بھی سیاسی جماعت پر پابندی کیخلاف ہیں لیکن پارٹی کے ساتھ ہیں۔

لیگی رہنما کا کہنا تھا کہ نوازشریف نے وزیراعظم اورمریم سےمشاورت کرلی ہوگی اس لیے ہمیں نہیں بلایا، ہم جیسے لوگ میٹنگ میں کچھ اور کہہ دیں گے تو معاملات بگڑ سکتے ہیں۔

گذشتہ روز سپریم کورٹ کے فیصلے کے بعد کی صورتحال پر صدر مسلم لیگ ن نواز شریف کی وزیر اعظم شہباز شریف اور وزیر اعلی پنجاب مریم نواز سے طویل مشاورت ہوئی، مشاورتی عمل میں نائب وزیراعظم اسحاق ڈار بھی موجود تھے، ملاقات مین مخصوص نشستوں پر عدالتی فیصلے کے تمام پہلوؤں کا جائزہ لیا گیا۔

اس دوران بعض رہنماوں سے ملاقات کی اور بعض سے ٹیلی فونک رابطے کئے گئے، جس میں نواز شریف نے مختلف آپشنز پر مشاورت کی۔

ن لیگ کی سینیر قیادت نے عدالتی فیصلے پر شدید تحفظات کا اظہارکیا جبکہ بعض رہنماوں نے کھل کر فیصلے پر تنقید کی اور پارلیمنٹ کے فورم سے بھرپور جواب دینے کا مطالبہ کیا۔

ذرائع کے مطابق نواز شریف کی ہدایات سے متعلق پارٹی رہنماوں کو جلد آگاہ کردیا جائے گا، مسلم لیگ ن کے مشاورتی اجلاس جلد لاہور میں بلائے جائیں گے اور وزیراعظم شہبازشریف پیپلز پارٹی اور دیگر اتحادیوں کو آئندہ کی حکمت عملی سے آگاہ کریں گے۔