کسی کو دل کا دورہ پڑے تو جان کے لالے پڑ جاتے ہیں اور اسپتال جانے کی فکر کرتا ہے لیکن ایک مریض کو وقت پر دفتر پہنچنے کی فکر نے گھیر لیا۔
انسانی بیماریوں میں دل کی بیماری باعث تشویش ہوتی ہے اور مریض کو پڑنے والا دل کا دورہ انتہائی خطرناک اور جان لیوا بھی ثابت ہو سکتا ہے۔ اگر کسی کو دل کا دورہ پڑے یا ایسی علامات کا شکار ہو تو وہ پہلے اسپتال جانے کی فکر کرتا ہے۔
تاہم ہم آپ کو ایسے فرض شناس شخص کے بارے بتا رہے ہیں جس کو دل کا دورہ پڑا تو اسپتال کے بجائے اسے بروقت دفتر پہنچنے کی فکر ستانے لگی۔
غیر ملکی میڈیا کے مطابق یہ منفرد اور دلچسپ واقعہ چین کے صوبہ ہونان میں 40 سالہ شخص کو دفتر جاتے ہوئے ریلوے اسٹیشن پر اس وقت پیش آیا جب وہ ٹرین میں سوار ہونے کے لیے قطار میں کھڑا تھا۔
مذکورہ شہری کو اچانک دل کا دورہ پڑا اور وہ فوری طور پر زمین پر گر کر بے ہوش ہو گیا۔ یہ صورتحال دیکھ کر مقامی صحت مرکز کے ڈاکٹر اور ریلوے اسٹیشن کا عملہ فوری وہاں پہنچا اور مریض کو ابتدائی طبی امداد دی۔
تاہم 20 منٹ بعد جب مذکورہ شخص کو ہوش آیا تو ڈاکٹرز اور وہاں موجود افراد یہ دیکھ کر حیران رہ گئے کہ اس کو اسپتال جانے کے بجائے بروقت دفتر پہنچنے کی فکر تھی۔
ہوش میں آتے ہی متاثرہ شخص نے جو پہلے الفاظ ادا کیے وہ یہ تھے کہ ’’مجھے کام پر جلدی جانا ہے اور اس کے لیاے مجھے تیز رفتار ٹرین کی ضرورت ہے۔‘‘
https://urdu.arynews.tv/viral-video-bride-and-groom-goes-to-police-station-for-marriage/
