بہاولپور: آنکھوں کے انجیکشن سے ایک درجن سے زائد مریض بینائی سے محروم ہوگئے، سرجن نے لینز میں بلاکیج کی بنا پر انجیکشن لگانے کا فیصلہ کیا تھا۔
تفصیلات کے مطابق معروف سرجن کی جانب سے لینز میں بلاکیج کی بنا پر انجیکشن لگائے گئے تاہم انجیکشن لگنے کے چند گھنٹے بعد ہی مریض بینائی سے محروم ہوگئے۔ محکمہ ہیلتھ کی ٹیمیں متاثرہ مریضوں کا ڈیٹا اکھٹا کرنے میں مصروف ہیں۔
مریضوں کی بینائی سے محرومی کی خبروں کے حوالے سے سی ای او ہیلتھ کا کہنا ہے کہ غیرمعیاری انجیکشن لگانے والے ڈاکٹرز کے خلاف کارروائی کی جائے گی۔
سی ای او ہیلتھ کا کہنا ہے کہ غیرمعیاری انجیکشن سے بینائی متاثر ہونے کی ایک درجن شکایات ملی ہیں۔ متاثرہونے والے مریضوں اور متعلقہ ڈاکٹرز کا ڈیٹا اکٹھا کیا جا رہا ہے۔
ریٹائرڈ پولیس انسپکٹر رانا حاکم بھی متاثر ہونے والوں میں شامل ہیں۔ دیگر متاثر ہونے والے مریضوں کا تعلق رحیم یار خان اور بہاولنگر سے ہے۔ انجیکشن لگانے والے ڈاکٹرز کے خلاف قانونی کارروائی کی جائے گی۔
