Tag: مریم اورنگزیب

لاہور: پنجاب کی سینئروزیر مریم اورنگزیب نے انکشاف کیا بشریٰ بی بی کی شکایتوں پر علی امین گنڈاپور کو عہدے سے ہٹایا گیا ہے۔

تفصیلات کے مطابق مسلم لیگ (ن) کی ترجمان اور پنجاب کی سینئروزیر مریم اورنگزیب نے علی امین گنڈا پور کو عہدے سے ہٹانے پر ردعمل دیتے ہوئے کہا کہ صوبائی صدارت سے ہٹاکرعلی امین کووفاق کی اکائیوں کو کمزور کرنے کی وفاداری کا انعام دیا گیا ہے۔

ن لیگی ترجمان کا کہنا تھا کہ بانی پی ٹی آئی کی فطرت میں کسی کے ساتھ وفاداری ہے ہی نہیں، ایک صوبے کے وزیراعلیٰ کو دوسرے صوبے پر چڑھائی کاحکم دیکر استعمال کر کے فارغ کردیا۔

انھوں نے کہا کہ بانی پی ٹی آئی ہر دوست ، کارکن اور ساتھی کو استعمال کر کے ٹشو پیپر کی طرح پھینک دیتا ہے، لوگوں کو ملک کے خلاف سازش کیلئے استعمال کر کے بے یارو مددگار چھوڑ دیتا ہے۔

صوبائی وزیر کا کہنا تھا کہ بانی پی ٹی آئی نے وفاداری کرنے والوں کی کمر میں چھرا گھونپنے کی روایت پھر دہرائی ہے، بشریٰ بی بی کی شکایتوں پر علی امین گنڈاپورکو عہدے سے ہٹا دیا گیا۔

انھوں نے مزید کہا کہ جس نے جتنی بڑی قربانی دی بانی پی ٹی آئی نے اس سے اتنی ہی بڑی احسان فراموشی کی۔

سینئیر صوبائی وزیر کا کہنا تھا کہ علی مین گنڈاپور نے بانی پی ٹی آئی کیلئےہر انتشاری مہم میں بڑھ چڑھ کر حصہ لیا، آج کوئی پُرانا دوست ، عہدے دار، ساتھی کارکن بانی پی ٹی آئی ساتھ کھڑا نہیں ہے۔

پنجاب کی سینئر صوبائی وزیرمریم اورنگزیب نے کہا ہے کہ لاسٹ کال ’’لاسٹ فال‘‘ میں تبدیل ہوگئی، پنجاب اور لاہورکے عوام کا شکریہ۔

مریم اورنگزیب کا کہنا تھا کہ فرنچائز پی ٹی آئی کا آج دیوالیہ ہوگیا، عوام نے مسترد کردیا، کہا تھا گھر کا معاملہ گھر میں ہی طے کرلیں، پنجاب کی عوام پاکستان اور صوبے کی ترقی کے ساتھ ہیں، الجہاد فساد اور فتنہ کی نذر ہوگیا۔

سینئر صوبائی وزیر کا کہنا تھا کہ بشریٰ بی بی، علیمہ باجی دونوں غائب ہیں، جلد علی امین کے غائب ہونے کی خبرآئیگی، بشریٰ بی بی اورعلیمہ دونوں نے بانی پی ٹی آئی کو بھی فارغ کردیا۔

انھوں نے کہا کہ فتنہ جیل میں بند ہے پہلے ملک لوٹنے پر لگا ہوا تھا اب فساد پھیلانے پر لگا ہوا ہے، ہمیشہ ملک بند کرنے کی بات کی اور ہمیشہ ملک بند کیا۔

آدھا انقلاب انقلاب سے پہلے گرفتار اور آدھا انقلاب سے پہلے بھاگ گیا، نہ انقلاب آیا نہ بانی چھُوٹا لیکن ایک بات ثابت ہوگئی عوام نے فتنہ، فساد کو چھوڑ دیا۔

سینئر صوبائی وزیر مریم اورنگزیب نے کہا کہ ایک بار پھر حکومت کے صحت، ریلیف پر خرچ ہونے والے وسائل ریاست مخالف دہشتگردی کی نظر ہوگئے، شکر ہے آج کے بعد انقلاب کا تماشہ تو بند ہوگا لیکن ہیں بڑے بےشرم اِن کا کوئی پتہ نہیں۔

لاہور : سینیئر وزیر مریم اورنگزیب کا کہنا ہے کہ 24 نومبر کا احتجاج نند اور بھاوج کی لڑائی ہے، نند نے احتجاج کرنا ہے تو لاہور میں کرلے، بھابی نے احتجاج کرنا ہے تو خیبر پختونخوا میں کرلے۔

تفصیلات کے مطابق سینیئر وزیر مریم اورنگزیب نے پریس کانفرنس میں کرتے ہوئے کہا کہ 2014 میں ایک شخص ڈی چوک پر حملہ آور ہوا، ترقی کےعمل کو سبوتاژ کیا گیا لیکن سابق پی ڈی ایم حکومت نے ملک کو دلوالیہ ہونے سے بچایا تھا۔

سینیئر وزیر کا کہنا تھا کہ آپ نے احتجاج کرنا یا دھرنا دینا ہے تو اپنے صوبےمیں دیں، آج معاشی ترقی کو ایک بار پھر سبوتاژ کرنے کی کوشش کی جارہی ہے۔

انھوں نے طنز کرتے ہوئے کہا کہ 24 نومبر کا احتجاج زمان پارک اور بنی گالہ کی لڑائی ہے، یہ احتجاج نند اور بھاوج کی لڑائی ہے ، نند نے احتجاج کرنا ہے تو لاہور میں کرلے، بھابی نے احتجاج کرنا ہے تو خیبر پختونخوا میں کر لے لیکن ریاست پرحملہ آور ہونا بغاوت ہوتی ہے، یہ سب پی ٹی آئی کا تماشہ ،ڈرامہ ، فریب اور دھوکا ہے۔

ن لیگی رہنما کا کہنا تھا کہ انھوں نے چلتے منصوبے بند کر کے ملک کو بھکاری بنا دیا، جہاد جہاد کے نعرے لگائے جا رہے ہیں، ایک قیدی اور مجرم کو چھڑانے کیلئے یلغار کرنے آرہے ہیں۔

لاہور: پنجاب کی سینیئر وزیر مریم اورنگزیب نے پاکستان تحریک انصاف (پی ٹی آئی) کی قیادت کو تنقید کا نشانہ بناتے ہوئے کہا ہے کہ 9 مئی کا ماسٹر مائنڈ ملک میں فساد چاہتا ہے۔

مریم اورنگزیب نے سماجی رابطوں کی سائٹ ایکس پر پی ٹی آئی کارکنوں اور پولیس میں تصادم کی تصاویر اور ویڈیوز شیئر کرتے ہوئے کہا کہ بانی پی ٹی آئی کے کہنے پر ہر ہفتے پنجاب پر لشکر کشی کی جاتی ہے۔

انہوں نے کہا کہ وزیر اعلیٰ خیبر پختونخوا علی امین گنڈاپور بانی پی ٹی آئی کے کہنے پر غنڈہ گردی کرتے ہیں لیکن احتجاج کے نام پر دہشتگردی کی اجازت نہیں دی جا سکتی۔

ان کا کہنا تھا کہ پنجاب پولیس پر پتھراؤ کیا جا رہا ہے، خیبر پختونخوا کے وسائل فساد کیلیے استعمال کیے جا رہے ہیں۔

مریم اورنگزیب نے مزید کہا کہ بانی پی ٹی آئی اور ان کی جماعت ملک میں امن اور ترقی کے دشمن ہیں لیکن عوام کا شکریہ جو روز اس فتنہ مائینڈ سیٹ کو مسترد کر رہی ہے اور اپنی ترقی کا ساتھ دے رہی ہے۔

سینیئر وزیر نے کہا کہ لاہور میں جلسہ لاہور کے لوگوں نے مسترد کر دیا جبکہ راولپنڈی کا جلسہ راولپنڈی کے لوگوں نے مسترد کر دیا۔

اسلام آباد : سینئروزیرمریم اورنگزیب نے بانی پی ٹی آئی کو پیغام دیا ہے کہ روئیں، چیخیں یاپٹیں این آراونہیں ملنا،کیس ختم نہیں ہوں گے اور جواب دینا پڑے گا۔

تفصیلات کے مطابق سینئر وزیر مریم اورنگزیب نے اپنے بیان میں کہا کہ بانی پی ٹی آئی اقتدارکےمنگتےہیں، وی اب خودغلط فہمی کاشکار ہیں سب ان کی اصلیت سمجھ چکے، انھوں نے جھوٹ بول کر4سال کوغلط فہمیوں کاشکاربنایا، انھوں نے سائفرلہرایا،امریکاکانام لےکرغلط فہمیوں کاشکار بنایا۔

سینئر وزیر کا کہنا تھا کہ بانی پی ٹی آئی این آراوکی بھیک مانگ رہا ہے جو نہیں ملنا، روئیں،چیخیں یاپٹیں این آراونہیں ملنا،کیس ختم نہیں ہونگےجواب دینا پڑے گا۔

انھوں نے سوالات کئے کہ 9 مئی کس فرد کے خلاف تھا؟،ایئر بیس پرحملہ کس فردکیخلاف تھا؟ کرنل شیر خان کا مجسمہ توڑنا کس فرد کے خلاف تھا؟ ریڈیو پاکستان اورفوجی تنصیبات پہ حملہ کس فرد کے خلاف تھا؟،مریم اورنگزیب

سینئر وزیر نے مزید کہا کہ قائداعظم ہاؤس ،جی ایچ کیو پرحملہ ادارے کیخلاف نہیں تو کس فرد کے خلاف تھا؟ ملک کے ڈیفالٹ، معیشت کی تباہی ،مہنگائی کا طوفان لانا کس فرد کے خلاف تھا؟