Tag: مریم اورنگزیب

سیاسی جماعتوں کے ترجمانوں کے ضمیر نوکریوں کی زنجیروں سے بندھے ہوئے ہیں: زرتاج گل

اسلام آباد: وزیر مملکت زرتاج گل نے کہا ہے کہ سیاسی جماعتوں کے ترجمانوں کے ضمیر نوکریوں کی زنجیروں سے بندھے ہوئے ہیں۔

تفصیلات کے مطابق مسلم لیگ ن کی ترجمان مریم اورنگ زیب کے بیان پر وزیرِ مملکت زرتاج گل نے سخت رد عمل ظاہر کیا ہے، انھوں نے کہا کہ ان کے ضمیر نوکریوں کی زنجیروں سے بندھے ہوئے ہیں۔

زرتاج گل کا کہنا تھا کہ عوام کو دلاسے دینے والے کرپشن کنگز ہیں، کرپشن کنگز لوٹ مار نہ کرتے تو آج یہ حالات نہ ہوتے۔

وزیر مملکت نے سیاسی جماعتوں پر کڑی تنقید کی، کہا یہ سیاسی جماعتیں نہیں بلکہ پرائیویٹ لمیٹڈ کمپنیاں ہیں جنھوں نے ملک لوٹا، سیاسی جماعتوں کی آڑ میں پرائیویٹ لمیٹڈ کمپنیوں کے ترجمان لگائے جا رہے ہیں۔

یہ بھی پڑھیں: مریم اورنگزیب کی نیا پاکستان ہاؤسنگ اسکیم اور وزیر اعظم پر الزامات کی بارش

زرتاج گل نے کہا ’ان کے ضمیر نوکریوں کی زنجیروں سے بندھے ہوئے ہیں، عمران خان اور فواد چوہدری سچ بولتے ہیں تو کرپشن کنگز کو تکلیف ہوتی ہے، لیکن ہم سچ بول کر قوم کا پیسا لوٹنے والوں کی چیخیں سنتے رہیں گے۔‘

خیال رہے کہ مسلم لیگ ن کی ترجمان مریم اورنگ زیب نے نیا پاکستان ہاؤسنگ اسکیم پر کڑی تنقید کرتے ہوئے اسکیم کو وزیر اعظم ہاؤس یونی ورسٹی کا ایکشن ری پلے قرار دیا تھا۔

مریم اورنگ زیب نے کہا ’میں وزیر اعظم کو شہباز شریف کے منصوبے کی نقل پر مبارک باد دیتی ہوں، شہباز شریف نے 2011 میں آشیانہ اقبال، آشیانہ قائد کی بنیاد رکھی تھی، لیکن یہ نہ تو گھر بنا سکتے ہیں، نہ ہی بس سروس بنا سکتے ہیں۔‘

اپریل 17, 2019
مریم اورنگزیب کی نیا پاکستان ہاؤسنگ اسکیم اور وزیر اعظم پر الزامات کی بارش

لاہور:‌ مسلم لیگ ن کی ترجمان مریم اورنگزیب نے ہاؤسنگ اسکیم پر کڑی تنقید کرتے ہوئے کہا ہے کہ یہ وزیراعظم ہاؤس یونیورسٹی کا ایکشن ری پلے ہے.

ان خیالات کا اظہار انھوں نے میڈیا سے گفتگو کرتے ہوئے کیا، انھوں نے کہا کہ میں وزیر اعظم کو شہبازشریف کے منصوبے کی نقل پرمبارک باد دیتی ہوں، شہباز شریف نے 2011 میں آشیانہ اقبال، آشیانہ قائدکی بنیادرکھی تھی.

مریم اورنگزیب نے کہا کہ نئےدعوے وہ کر رہے ہیں، جن کے پرانے دعوے نشان عبرت بن چکے، یہ نہ تو گھر بنا سکتے ہیں، نہ ہی بس سروس بنا سکتے ہیں.

مزید پڑھیں: وزیر اعظم کا نیا پاکستان ہاؤسنگ اسکیم کا افتتاح، ملک بھر میں ہاؤسنگ اسکیمیں شروع کرنے کا اعلان

انھوں نے کہا کہ شاید 50 لاکھ گھر سیاروں پربنیں گے،عوام دوربین سےانھیں دیکھیں گے، شہبازشریف کی آشیانہ ہاؤسنگ اسکیم حرام اورآپ کی اسکیم حلال ہے، بتایا جائے کہ خواب دکھا کرغریب عوام سے کتنا پیسہ اکٹھا گیا، بتایا جائے کہ کتنی مدت میں کتنےگھر تعمیر ہوں گے.

انھوں نے پراجیکٹ‌ پر سنگین الزامات عائدکرتے ہوئے کہا کہ عوام جاگتے رہیں اور اس منصوبے سے دور رہیں.

انھوں نے سوال کیا کہ 2010 سیلاب میں عمران خان فاؤنڈیشن کےتحت جمع ساڑھے3 ارب کہاں ہیں؟ سیلاب زدگان 8 سال گزرنے کے باوجود یہ ماڈل گھر ابھی تک تلاش کر رہے ہیں.

اپریل 17, 2019
آج قانون کی فتح ہوئی، اللہ کا شکر ادا کرتے ہیں:‌مریم اورنگزیب

لاہور: مسلم لیگ کی ترجمان مریم اورنگزیب نے کہا ہے کہ آج قانون کی فتح ہوئی، اللہ کا شکر ادا کرتے ہیں.

ان خیالات کا اظہار انھوں نے ہائی کورٹ کی جانب سے حمزہ شہباز کی گرفتاری روکنے کے احکامات کے بعد میڈیا سے گفتگو کرتے ہوئے کیا.

[bs-quote quote=”حکومتی ترجمان نیب کے ترجمان بنے ہوئے ہیں” style=”style-8″ align=”left” author_name=”مریم اورنگزیب”][/bs-quote]

ان کا کہنا تھا کہ نیب اور حکومت کا گٹھ جوڑ ہے، نیب نے ریاستی دہشت گردی کی کوشش کی، وزیراعظم عوام کو گمراہ کر رہے ہیں، نیب کوحمزہ شہبازکی گرفتاری سےروکا گیا ہے، آج قانون کی فتح ہوئی.

ن لیگ کی ترجمان مریم اورنگزیب نے کہا کہ شہبازگل نیب کے ترجمان بنے ہوئے ہیں، شہباز گل کے موبائل کا فرانزک معائنہ کرایا جائے، گزشتہ روزبھی نیب کو آگاہ کیا تھا کہ حمزہ حفاظتی ضمانت پر ہیں.

مزید پڑھیں: لاہور ہائیکورٹ نے پیر تک حمزہ شہباز کی گرفتاری روک دی

انھوں نے کہا کہ حکومتی ترجمان نیب کے ترجمان بنے ہوئے ہیں، ن لیگ کارکنان پرتشدد کیا گیا، اس کا جوابدہ کون ہے، شہبازگل کس حیثیت سےحمزہ کی گرفتاری کی نگرانی کر رہے ہیں، مگر لاہورہائیکورٹ نے نیب کی درخواست کو مسترد کردیا.

یاد رہے کہ آج نیب حکام سیکیورٹی اہل کاروں‌کے ساتھ حمزہ شہباز کو گرفتار کرنے پہنچنے تھے، البتہ لاہور ہائی کورٹ نے پیر تک حمزہ شہباز کی گرفتاری کو روک دیا.

اپریل 6, 2019
نیب کو آج بھی خالی ہاتھ ہی واپس جانا پڑے گا ، مریم اورنگزیب

لاہور : مسلم لیگ ن کی رہنما مریم اورنگزیب کا کہنا ہے گرفتاری سےکوئی نہیں ڈرتالیکن غیرقانونی اقدام قبول نہیں گرفتاری کا ڈر ہوتا تو حمزہ اپنے گھر میں نہ ہوتے ، نیب کو آج بھی خالی ہاتھ ہی واپس جانا پڑےگا۔

تفصیلات کے مطابق مسلم لیگ ن کی رہنما مریم اورنگزیب نے میڈیا سے گفتگو کرتے ہوئے کہ نیب نےکل سےغیرقانونی اقدام شروع کررکھاہے، جس پاس وارنٹ ہوتے ہیں غیرقانونی اقدام نہیں اٹھاتے، نیب کےغیرقانونی اقدام کے پیچھےحکومت کاہاتھ ہے، وزیراعظم نےکل جلسےمیں کہاتھااپوزیشن کوجیل میں ڈالوں گا۔

وزیراعظم نےکل جلسےمیں کہاتھااپوزیشن کوجیل میں ڈالوں گا

مریم اورنگزیب کا کہنا تھا ہائی کورٹ کافیصلہ ہےگرفتاری سے10دن پہلےنوٹس دیناہوگا، نیب ہائی کورٹ کےفیصلے کے خلاف سپریم کورٹ جاچکی ہے، سپریم کورٹ نے ہائی کورٹ کے فیصلے سے متعلق کچھ نہیں کہا، شہبازشریف کیخلاف بھی ڈی جی نیب نےدعوےکیےتھے لیکن کوئی ثبوت پیش نہ کر سکے۔

ن لیگی رہنما نے کہا ہائی کورٹ کافیصلہ ہے، حمزہ شہبازکی گرفتاری غیرقانونی ہے، نیب نےکہاکل حمزہ شہباز کےگھر کے باہر تشدد کیاگیا، فوٹیج موجود ہیں کیا کسی اہلکار پر تشدد ہوا ہے؟ نیب اہلکارگھر کے اندرگئے اور باعزت واپس بھی گئے، ڈرائیور نے اپنی شرٹ خود پھاڑی اور کہامجھ پر تشددہوا۔

ہائی کورٹ کافیصلہ ہے، حمزہ شہبازکی گرفتاری غیرقانونی ہے

ان کا کہنا تھا کمپیوٹر سے بنائےگئے وارنٹ کی کوئی حیثیت نہیں ہوتی، نیب اہلکاروں نے کہا حمزہ بھائی سے ملنےگئے تھے، نیب کی جانب سےغیرقانونی اقدامات کیے جارہے ہیں، جب بھی نوٹس بھیجا حمزہ شہباز پیش ہوتے رہے۔

مریم اورنگزیب نے کہا یہ کون سے ثبوت ہیں جو فوادچوہدری کو مل جاتے ہیں، یہ ثبوت شہبازشریف اور حمزہ شہباز کو نہیں ملتے، وزیراعظم نے کل فیصلہ سنادیا ہے، مہنگائی مزید بڑھےگی، جو مناظر آج اسکرین پر ہیں یہ حکم کی تعمیل ہوگی۔

مسلم لیگ ن کا کہنا تھا شہبازگل نے کہا ڈی جی نیب گاڑی میں کیوں بیٹھے ہیں، شہبازگل کون ہوتے ہیں، جو نیب کوگائیڈ کریں یا ترجمان بنیں، ریاستی دہشت گردی اورغنڈہ گردی یہ ہوتی ہے، جو اسکرین پر ہے، کارکنان نعرے لگا رہے ہیں اوران پر ڈنڈے برسائے جارہے ہیں۔

انھوں نے مزید کہا ہائی کورٹ کےآرڈرکی موجودگی میں گرفتاری غیرقانونی ہے، کچھ دیر میں قانونی ٹیم عدالت کا نیا آرڈر نیب حکام کو دےگی ، آمر کے بنائے گئے قانون کوموجودہ وزیراعظم استعمال کررہے ہیں۔

مریم اورنگزیب کا کہنا تھا نیب ذرائع کیاہوتےہیں،جن پرالزام ہوتاہے ان کو شواہد نہیں دیئے جاتے، ہماری وکلا کی ٹیم لاہورہائی کورٹ پہنچ چکی ہے ، کچھ دیر میں فیصلہ آجائے گا، وکلا کی ٹیم لاہورہائی کورٹ پہنچ چکی ہے، کچھ دیر میں فیصلہ آجائے گا، نیب کے طریقہ کار کو ہم نے بھی چیلنج کر رکھاہے۔

گرفتاری کا ڈر ہوتا تو حمزہ اپنے گھر میں نہ ہوتے ، ٹھوس ثبوت رکھیں پھر گرفتاری کریں

لیگی رہنما نے کہا مشرف ایک روپےکی کرپشن ثابت نہ کرسکاتویہ کیاکریں گے، گرفتاری سےکوئی نہیں ڈرتالیکن غیرقانونی اقدام قبول نہیں، نیب کوآج بھی خالی ہاتھ ہی واپس جاناپڑےگا۔

ان کا کہنا تھا رونا دھونا سیاسی لیڈر نہیں کرتے، گرفتاری کا ڈر ہوتا تو حمزہ اپنے گھر میں نہ ہوتے ، ٹھوس ثبوت رکھیں پھر گرفتاری کریں۔

اپریل 6, 2019
حکومت کی معاشی پالیسی اور وژن کہاں ہے، مریم اورنگزیب کا ٹویٹ

لاہور : سابق وزیر اطلاعات مریم اورنگزیب نے کہا ہے کہ وزیر اعظم عمران خان آل پارٹی کانفرنس بلالیں، معاشی بحران کے خاتمے کےلیے مسلم لیگ نواز حکومت کی مدد کرے گی۔

تفصیلات کے مطابق مسلم لیگ نواز کی مرکزی ترجمان مریم اورنگزیب نے وزیر اعظم خان کے ٹویٹ پر رد عمل دیتے ہوئے کہا کہ عمران خان کچھ اپنی حکومت کے عوام پر مظالم پر بھی ٹویٹ کریں۔

1/3 عمران صاحب کُچھ اپنی حکومت کے عوام پر مظالم اور عذاب پہ بھی ٹویٹ کریں .ملکی قرضہ ۲۶ ارب اور غیر ملکی قرضہ ۱۰۰ ارب تک پہنچ گیا ہے.کدھر ہے معاشی پولیسی اور معاشی ویژن -جب ملکی معملات ہوں تو تکبر اور ذاتی انّا کو پسِ پشت ڈال دینا چاہئے . @pmln_org

— Marriyum Aurangzeb (@Marriyum_A) February 3, 2019

ملکی کا قرضہ 26 ارب جبکہ غیر ملکی قرضہ 100 ارب تک پہنچ گیا ہے، معاشی پالیسی اور معاشی وژن کدھر ہے، صورتحال ٹویٹ کرکے ٹھیک نہیں ہوگی۔

مریم اورنگزیب کا کہنا تھا کہ ملکی معاملات ہوں تو تکبر اور ذاتی انا کو پس پشت ڈال دینا چاہیے، معاشی بحران ختم کرنے کےلیے مسلم لیگ نواز حکومت کی مدد کرے گی۔

ترجمان مسلم لیگ نواز کا کہنا تھا کہ صورتحال پر قابو پانا اس حکومت کے بس کی بات نہیں، اسحاق ڈار، شاہد خاقان عباسی، احسن اقبال اور مفتاح اسماعیل کو بلالیں آپ کی مدد کریں گے۔

سابق وزیر اطلاعات مریم اورنگزیب کا مزید کہنا تھا کہ حکومت کی ناتجربہ کاری سے عوام مشکلات اور مایوسی کا شکار ہیں، پارلیمان کا اجلاس بلالیں شہباز شریف سے نہ ڈریں۔

مزید پڑھیں : پاکستان میں برف باری اللہ کا انعام ہے: وزیرِ اعظم عمران خان

خیال رہے کہ گزستہ روز وزیرِ اعظم عمران خان نے سماجی رابطوں کی ویب سائٹ ٹویٹر پر اپنے پیغام میں کہا تھا کہ پاکستان میں برف باری اور بارشیں اللہ کی رحمت بن کر برسی ہیں۔

وزیرِ اعظم کا کہنا تھا کہ بارشوں کے باعث پانی کے ذخائر میں بھی اضافہ ہوگا، انھوں نے لکھا ’ان بارشوں سے زیرِ زمین پانی کی سطح ہی بلند نہیں ہو گی بلکہ برف پگھل کر دریاؤں کا حصہ بھی بنے گی۔‘

فروری 3, 2019
نیب کی مریم اورنگزیب کیخلاف 8الزامات کے تحت تحقیقات

اسلام آباد : نیب کی مسلم لیگ ن کی رہنما مریم اورنگزیب کیخلاف 8 الزامات پر تحقیقات جاری ہے ، جن میں ریاستی اداروں کےفنڈز اور سرکاری گاڑیوں کے غلط استعمال جبکہ اثاثے خریدنے اور پی ٹی وی میں لیگی ورکرز کی بھرتیوں کے الزامات شامل ہیں۔

تفصیلات کے مطانق نیب کی مسلم لیگ ن کی رہنما مریم اورنگزیب کیخلاف الزامات اور سرکاری فنڈز سے پارٹی مہم چلانےسےمتعلق تحقیقات جاری ہے۔

سرکاری رقم سےمسلم لیگ ن کی مہم چلانا

دستاویز میں کہا گیا ہے ن لیگ دور میں سائنٹفک طریقےسےمیڈیامہم سوشل میڈیاکودی گئی، سرکاری رقم سےمسلم لیگ ن کی مہم چلائی گئی، مریم اورنگزیب اور مریم نواز کے زبانی احکامات پرکمپنیوں کومہم جاری کی گئی، رپورٹس ہیں مریم اورنگزیب اشتہاری کمپنیوں سے مالی مفادحاصل کرتی رہیں۔

ریاستی اداروں کےفنڈزکےغلط استعمال

مریم اورنگزیب ریاستی اداروں کےفنڈزکےغلط استعمال میں ملوث رہیں، دستاویز کے مطابق مریم اورنگزیب پرسرکاری رہائشگاہ کی غیرضروری تزئین وآرائش کابھی الزام ہے ، بنگلہ نمبر32 کی تزئین وآرائش پر 40 لاکھ روپےخرچ کیےگئے، اخراجات کی وزارت خزانہ سےغیرقانونی منظوری لی گئی۔

غیرضروری لائف ٹائم اچیومنٹ ایوارڈکےانعقادکابھی الزام

مریم اورنگزیب پر غیرضروری لائف ٹائم اچیومنٹ ایوارڈکےانعقادکابھی الزام ہے ، دستاویز میں کہا گیا ہے مریم اورنگزیب اورجمال شاہ نےملکرایوارڈ منعقدکرایا، تقریب کاٹھیکہ ایک غیر تجربہ کارکمپنی کو60ملین میں دیاگیا، ماڈلزاداکاروں اورگلوکاروں کےسفری،رہائشی اخراجات پر20 ملین خرچ ہوئے، مالی مفادات، کک بیکس کی خاطران اخراجات کااضافی تخمینہ لگایاگیا۔

اثاثے خریدنے کا الزام

مریم اورنگزیب پر چوتھا الزام اثاثے خریدنا ہے، دستاویز میں کہا گیا مریم اورنگزیب نےسیکٹرای11اورایف7میں 2مکانات خریدے، مکانات کی تزئین وآرائش پی آئی ڈی فنڈزدیگرکمپنیوں کی ملی بھگت سےہوئی۔

پی ٹی وی میں لیگی ورکرز کی بھرتیوں کا الزام

مریم اورنگزیب پر پانچواں الزام پی ٹی وی میں لیگی ورکرز کی بھرتیاں ہیں، دستاویز کے مطابق مریم اورنگزیب دورمیں پی ٹی وی کےمالی معاملات ابتری کا شکار ہوئے، ن لیگ سوشل میڈیاورکرزکونوازنےکیلئے کی جانےوالی بھرتیاں تھیں، مریم اورنگزیب نےظہوربرلاس کوڈی ایم ڈی پی ٹی وی لگایا جبکہ ظہور برلاس پی آئی ڈی کے ملازم تھے، ظہور برلاس نے بھی لیگی ورکرز کو پی ٹی وی میں نوکریاں دیں اور مریم اورنگزیب کی ہدایت پرپی ٹی وی میں خوردبرد کی۔

سرکاری گاڑیوں کا غلط استعمال

مریم اورنگزیب پرچھٹاالزام سرکاری گاڑیوں کا غلط استعمال ہے ،دستاویز میں بتایا گی ہے کہ مریم اورنگزیب نےکئی سرکاری گاڑیاں اپنےخاندان کو دلوائیں ، 2 ہنڈاسوک اورایک پراڈواپنی والدہ،خالہ اوربھائی کودلوائیں۔

سرکاری فنڈزسے پارٹی ترانےکی تیاری

مریم اورنگزیب پر ساتواں الزام سرکاری فنڈز سے پارٹی ترانے کی تیاری ہے، مریم اورنگزیب نے پی ٹی وی فنڈز سے پارٹی ترانہ تیار کرایا۔

پی ٹی وی کے350 ملازمین کی پنشن،مراعات روکنا

آٹھواں الزام پی ٹی وی کے350 ملازمین کی پنشن،مراعات روکناہے، مریم اورنگزیب نےپی ٹی وی ملازمین کوبقایا جات ادانہیں کیے۔

مزید پڑھیں : آمدن سے زائد اثاثے بنانے کا الزام ، مریم اورنگزیب کے خلاف نیب انکوائری شروع

یاد رہے 3 روز قبل مسلم لیگ ن رہنما مریم اورنگزیب کے گرد گھیرا تنگ کرتے ہوئے قومی احتساب بیورو (نیب ) نے مریم اورنگزیب کے خلاف انکوائری کا باقاعدہ آغاز کیا تھا۔

واضح رہے رواں سال جولائی میں سابق وزیر اطلاعات مریم اورنگزیب کے خلاف قومی احتساب بیورو (نیب) کو درخواست جمع کروائی گئی تھی، درخواست میں اختیارات کے غلط استعمال اور اثاثے بنانے کا الزام عائد کیا گیا تھا۔

دسمبر 13, 2018
آمدن سے زائد اثاثے بنانے کا الزام ، مریم اورنگزیب کے خلاف نیب انکوائری شروع ، ذرائع

اسلام آباد :نیب نے مسلم لیگ ن رہنما مریم اورنگزیب کے خلاف انکوائری شروع کردی ، مریم اورنگزیب پر آمدن سے زائد اثاثے بنانے اور سرکاری فنڈ سے ن لیگ کی اشتہاری مہم چلانے کا الزام ہے۔

تفصیلات کے مطابق مسلم لیگ ن رہنما مریم اورنگزیب کے گرد نیب نے گھیرا تنگ کردیا ہے، قومی احتساب بیورو (نیب ) نے مریم اورنگزیب کے خلاف انکوائری کا باقاعدہ آغاز کردیا ہے۔

نیب ذرائع کا کہنا ہے کہ مریم اورنگزیب پر آمدن سے زائد اثاثے بنانے اور سرکاری فنڈ سے ن لیگ کی اشتہاری مہم چلانے کا الزام ہے۔

نیب نے مریم اورنگزیب کے اثاثوں سے متعلق مختلف محکموں سے ریکارڈ طلب کرلیا گیا ہے۔

خیال رہے اس سے قبل مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت کی درخواست خارج ہونے پر قومی احتساب بیورو (نیب) نے دونوں بھائیوں کو حراست میں لے لیا تھا ۔

یاد رہے رواں سال جولائی میں سابق وزیر اطلاعات مریم اورنگزیب کے خلاف قومی احتساب بیورو (نیب) کو درخواست جمع کروائی گئی تھی، درخواست میں اختیارات کے غلط استعمال اور اثاثے بنانے کا الزام عائد کیا گیا تھا۔

مزید پڑھیں : سابق وزیر مریم اورنگزیب پر اثاثے بنانے کا الزام عائد، نیب کو درخواست

درخواست میں کہا گیا تھا کہ مریم اورنگزیب نے سرکاری رہائش گاہ پر بجٹ سے 4 ملین زیادہ خرچ کیے۔ مریم اورنگزیب نے ایف 7 اور ای 11 میں جائیدادیں خریدیں اور پاکستان ٹیلی ویژن میں مسلم لیگ ن کے سوشل میڈیا کے کئی ارکان کو بھرتی کروایا گیا۔ ن لیگ سوشل میڈیا ٹیم کے سرگرم رکن عمار مسعود کی تعیناتی شامل تھی۔

نیب میں دائر درخواست کے مطابق ن لیگ سوشل میڈیا کے 21 لوگوں کو پیمرا میں لگانے کی کوشش کی گئی تھی۔ ن لیگ کے خصوصی نغموں کے لیے پی ٹی وی کے وسائل استعمال کیے گئے۔

درخواست میں کہا گیا تھا مریم اورنگزیب نے اشتہاری مہم میں کمپنیوں سے ذاتی مالی فوائد حاصل کیےاور لائف ٹائم اچیومنٹ ایوارڈ کی تقریب کی مد میں 15 ملین کک بیکس لینے کا بھی الزام لگایا گیا۔

دسمبر 11, 2018
مریم اورنگزیب جھوٹی خاتون ہیں، کسی سے مخلص نہیں ، عطاالحق قاسمی

اسلام آباد : سابق ایم ڈی پی ٹی وی عطا الحق قاسمی کا کہنا ہے کہ مریم اورنگزیب جھوٹی ہیں کسی سے مخلص نہیں، مریم اورنگزیب کو میرا پتا تھا نہ کسی صحافی کا، فیصلے پر اپیل کروں گا مسترد ہوئی توجیل جاؤں گا۔

تفصیلات کے مطابق سابق ایم ڈی پی ٹی وی عطا الحق قاسمی نے مریم اورنگزیب پر سنگین الزامات عائد کردیئے اور کہا مریم اورنگزیب جھوٹی ہیں کسی سے مخلص نہیں ، انھوں نے مریم اورنگزیب نےمیرےخلاف جھوٹا کیس بنایا، کچھ نہ ملا تو میرے خلاف پروگرام کے بجٹ کا کیس بنادیا۔

[bs-quote quote=”پرویزرشیدعظیم ہے،ساراملبہ خود پر لے کر نوازشریف کوبچالیا” style=”style-6″ align=”left”][/bs-quote]

عطاالحق قاسمی کا کہنا تھا کہ پروگرام کےپروموتک کاخرچہ میرے کھاتےمیں ڈالاگیا، استعفے میں بتایاتھاکہ ان لوگوں کی وجہ سےمستعفی ہورہاہوں، کچھ اور بھی پردہ نشین ہیں جنہوں نے گند اچھالا۔

سابق ایم ڈی پی ٹی وی نے کہا استعفےسےپہلےنوازشریف کولکھا،ٹولےنےرکاوٹیں ڈالیں، مریم اورنگزیب کو میرا پتا تھا نہ کسی صحافی کا، چیئرمین بننےسے انکار کیا ،پرویزرشید کے کہنے پر حامی بھری، پرویزرشیدعظیم ہے،ساراملبہ خود پر لے کر نوازشریف کوبچالیا۔

ان کا کہنا تھا کہ بطورچیئرمین میرےپاس کوئی انتظامی اختیارنہیں تھا، کچھ لوگ نوازشریف کو پھنسانا چاہتے تھے، فیصلےپراپیل کروں گامستردہوئی تو جیل جاؤں گا۔

مزید پڑھیں : سپریم کورٹ نےعطاالحق قاسمی کی تعیناتی کوغیرقانونی قرار دے دیا

عطاالحق قاسمی نے کہا 76 سال کےشخص کوکسی نےجیل میں ڈالناہےتوڈال دے، مر بھی گیا تو میری کتابیں گواہی دیں گی کہ میں کیا تھا۔

یاد رہے نومبر میں سپریم کورٹ آف پاکستان نے سابق ایم ڈی پاکستان ٹیلی ویژن کی تقرری کو غیرقانونی قرار دیا تھا،48 صفحات پر مشتمل فیصلہ چیف جسٹس آف پاکستان میاں ثاقب نثار نے تحریر کیا۔

واضح رہے کہ عطاالحق قاسمی کو 23 دسمبر2015 کو پاکستان ٹیلی ویژن کا چیئرمین تعینات کیا گیا تھا۔

دسمبر 5, 2018
مریم اورنگزیب نے ن لیگی حکومت کی خراب کارکردگی کا خود اعتراف کرلیا

اسلام آباد : نون لیگ کی ترجمان مریم اورنگزیب نے اپنی خراب کارکردگی کا اعتراف کرلیا، ان کا کہنا ہے کہ وزیر اعظم عمران خان جہاں جائیں گے، ہماری کارکردگی پر ہی بھیک مانگیں گے۔

سوال یہ اٹھتا ہے کون سی کارکردگی؟ وہ جو ملک کو بحرانوں میں چھوڑ کر گئی؟ یا وہ کارکردگی جو ہر پاکستانی کو قرض کے بھاری بوجھ تلے دبا گئی۔

مریم اورنگزیب کی زبان پر سچ آہی گیا اور انہوں نے حقیقت بیان کر دی، اسلام آباد میں صحافیوں سے گفتگو میں کہا کہ وزیر اعظم جہاں جائیں گے ان سے ہماری کارکردگی پر ہی بھیک مانگیں گے۔

آج دوست ملکوں کی جانب مدد کے لیے دیکھا جارہا ہے تو اس کی وجہ کوئی اور انہیں یہی ن لیگی سرکار ہے اور اب یہ بات ن لیگ کی ترجمان بھی مان گئیں۔

جو روک سکو تو روک لو کے نعرے لگاتے رہے وہ معیشت کی کشتی کو بیچ منجدھار چھوڑ گئے، ان کی قیادت اربوں روپے کے کرپشن کے مقدمات میں عدالتوں کے چکر کاٹ رہی ہے۔

اورنج لائن اور میٹرو جیسے منصوبوں کے لیے اتنا قرضہ لیا کہ ملک آج دیوالیہ ہونے کے قریب تھا۔ شاید اسی کو کہتے ہیں آمدنی اٹھنی خرچہ روپیہ۔ پچھلی حکومت کے حکمران ملک کو تیس ہزار ارب قرضے کے بوجھ تلے چھوڑ کر گئے۔ سعودی پیکج نہ ملتا تو شاید ادائیگیوں کا توازن ملک کو کہیں کا کہیں لے جاتا۔

نومبر 7, 2018
فواد چوہدری نے بیان دیا نواز شریف 100فیصدجیل جائیں گے، عدالت سوموٹولے، مریم اورنگزیب

اسلام آباد : مسلم لیگ ن کی رہنما مریم اورنگزیب نے کہا فواد چوہدری نے بیان دیا نواز شریف 100فیصدجیل جائیں گے، عدالت سوموٹولے، ادارے ایسے بیانات پرایکشن نہیں لیں گے تو سوال اٹھیں گے۔

تفصیلات کے مطابق مسلم لیگ ن کی رہنما مریم اورنگزیب نے میڈیا سے گفتگو کرتے ہوئے کہا مسلم لیگ ن کے لوگوں پر خود ساختہ الزامات لگائے جارہے ہیں، فوادچوہدری نے بیان دیا نواز شریف 100فیصدجیل جائیں گے، اس بیان کا اداروں کو نوٹس لینا چاہیے۔

مریم اورنگزیب کا کہنا تھا کہ ٹی وی پروگرام میں نیب ریفرنس پر گفتگو کرنے پر فواد چوہدری کیخلاف عدالت از خود نوٹس لے، فوادچوہدری، فیاض چوہان اورپرویزالہیٰ خود ساختہ نیب ترجمان ہیں۔

ترجمان ن لیگ نے کہا نوازشریف کیس کافیصلہ آنے والا ہے، ایک عدالت نیب کی ہے دوسری فواد چوہدری نے لگائی ہوئی ہے، ادارےایسے بیانات پرایکشن نہیں لیں گے تو سوال اٹھیں گے۔

عمران خان کی ساری کابینہ ذہنی طورپرڈی چوک پربیٹھی ہے ، حکومت یوٹیلٹی اسٹورزملازمین کے مسائل حل کرے۔

گذشتہ روز مسلم لیگ ن کی رہنما مریم اورنگزیب نے احاطہ عدالت میں میڈیا سے گفتگو کرتے ہوئے کہا تھا کہ عمران خان کو قوم سے معافی مانگنی چاہیے، انھوں نے کہا تھا آئی ایم ایف کے پاس نہیں جائیں گے۔

مزید پڑھیں : این آر او کا کہا کس نے اور کون مانگ رہا ہے؟ مریم اورنگزیب

وزیراعظم کی تقریر کے حوالے سے ن لیگی رہنما کا کہنا تھا این آر او کا کہا کس نے اور کون مانگ رہا ہے؟نواز شریف اور شہباز شریف عدالتوں کا سامنا کر رہے ہیں۔

ان کا کہنا تھا کہ ملک کی معاشی حالت کی ذمے دار موجودہ حکومت ہے، حکومت کے خزانہ خالی ہونے کا بولنے سے سرمایہ کار نہیں آتا، معاشی بد حالی کے ذمے دار وزیراعظم خود ہیں۔

اکتوبر 26, 2018