Tag: مریم اورنگزیب

اسلام آباد : وفاقی وزیر اطلاعات مریم اورنگزیب کا کہنا ہے کہ عمران خان نے پاکستان کے آئین اور قانون کو یرغمال بنا رکھا ہے، اسے معلوم ہے کہ وہ عدلیہ پر حملہ آور ہوگا تو اسے ضمانت مل جائے گی۔

تفصیلات کے مطابق وفاقی وزیر اطلاعات مریم اورنگزیب نے اپنے بیان میں عمران خان پر کڑی تنقید کرتے ہوئے کہا کہ جس دن یہ شخص پیش ہوگا پکڑاجائےگا، عمران خان کارکنوں کو ڈھال بناکر بچ جاتاہے۔

مریم اورنگزیب کا کہنا تھا کہ گھڑی چور جب پولیس کو دیکھتاہے تو بھاگ جاتاہے اور پولیس کےجاتے ہی عمران خان بڑھکیں مارنا شروع کردیتاہے

وفاقی وزیر اطلاعات نے عمران خان کو مخاطب کرتے ہوئے کہا کہ تم نےچوری نہیں کی توبھاگ کیوں رہےہوعدالت میں پیش ہو۔

ان کا کہنا تھا کہ اس شخص نےپاکستان کےقانون اورآئین کویرغمال بنارکھاہے، اسے معلوم ہےکہ یہ عدلیہ پر حملہ آور ہوگا تو اسے ضمانت مل جائے گی۔

مریم اورنگزیب نے کہا کہ اس شخص نے پاکستان کے عوام کو لوٹا ہے، مہنگائی کی چکی میں پیسا ہے،یہ شخص جانتا ہے کہ جس دن یہ عدالت میں پیش ہوگیا تو یہ پکڑا جائے گا۔

وزیر اطلاعات کا کہنا تھا کہ اسے جب پولیس پکڑنے آتی ہے تو یہ چیخیں مارنے لگتا ہے اور بل میں گھس جاتا ہے،یہ خود کو بچانے کے لئے عورتوں اور بچوں کو ڈھال بنا لیتا ہے، پورے کا پورا نظام اس کے ہاتھوں مجبور ہے۔

انھوں نے مزید کہا کہ عمران خان کوکوئی گرفتار نہیں کر سکتا اور عدالت اسے بلا نہیں سکتی، اگر اس نے جرم نہیں کیا تو عدالت میں پیش ہو۔

اسلام آباد : وفاقی وزیر اطلاعات مریم اورنگزیب نے عمران خان کو پیغام میں کہا کہ اگر تم نے عوام کو بچانا ہے تو خود کو نہ بچاؤ۔

تفصیلات کے مطابق وفاقی وزیر اطلاع عمران خان کو اپنے خلاف چارج شیٹ پر جواب دینا پڑے گاات مریم اورنگزیب نے پریس کانفرنس کرتے ہوئے کہا کہ گزشتہ 9ماہ سے ملک میں تماشا لگاہواہے، 4سال جھوٹے مقدمات بناکر مخالفین کو جیلوں میں ڈالاگیا،نااہل فارن فنڈنگ کرنیوالوں نے4سال حکمرانی کی ہے۔

مریم اورنگزیب کا کہنا تھا کہ جب کرپشن نہ ملی تو ہیروئن کے مقدمات بنا کربندکیاجاتارہا ، ن لیگ قیادت کے خلاف یہ لوگ ایک دھیلےکی کرپشن ثابت نہ کرسکے، موجودہ حکومت پی ٹی آئی کی معاشی تباہی سےنمٹ رہی ہے۔

وفاقی وزیر اطلاعات نے کہا کہ عمران خان ہر روز اپنے بیانیےکوخود دفن کرتےہیں، توشہ خانہ کیس سےفرار ہیں ،ایف آئی اے میں پیش نہیں ہوتے۔

ان کا کہنا تھا کہ آپ مجرم ہیں چاہے وہ توشہ خانہ ہویا سائفر کی سازش ، یہ وہ کیس ہیں جس میں عمران خان کے پاس جواب نہیں، ہر روز کیس ملتوی ہوتا ہے نوٹس دیا جاتا ہے۔

مریم اورنگزیب نے تنقید کرتے ہوئے کہا کہ جو عدالتیں نواز شریف، شہباز شریف، حمزہ شہباز کو بلاتی تھیں اور وہ پیش ہوتے تھے، آج یہ عدالتیں اس شخص کو طلب کرتی ہیں تو یہ پیش نہیں ہوتا۔

انھوں نے بتایا کہ شاہد خاقان عباسی کل عدالت میں تاخیر سے پیش ہوئے تو ان کے ناقابل ضمانت وارنٹ گرفتاری جاری ہو گئے۔یہ شخص غنڈہ گردی اور بدمعاشی کرتا ہے اور اسے مہلت پر مہلت دے دی جاتی ہے۔

عمران خان کو کڑی تنقید کا نشانہ بناتے ہوئے وفاقی وزیر کا کہنا تھا کہ یہ اپنی گرفتاری کو سیاسی انتقام کہتا ہے، عمران خان کو اپنے خلاف چارج شیٹ پر جواب دینا پڑے گا،اس شخص کو عدالت، ایف آئی اور نیب طلب کر رہی ہے اور یہ جیل بھرو تحریک شروع کر رہا ہے جس کا آغاز ضمانت سے ہوتا ہے۔

بشری بی بی پر تنقید کرتے ہوئے انھوں نے کہا کہ گھریلو خاتون توشہ خانہ کی گھڑیاں بیچتی رہی ، بریف کیس آتے رہے اور گھریلو خاتون وصول کرتی رہیں، گھریلو خاتون نے کچھ نہیں کیا تو پیش ہوں اوربتائیں کچھ نہیں کیا۔

مریم اورنگزیب کا کہنا تھا کہ سیاسی تقریریاں ہوں یا زمان پارک بریف کیس آتے رہے ، بتائیں میں نے توشہ خانہ کے ہار نہیں چوری کئے،اگر یہ تماشا دکھائیں گے تو ملک کی جڑیں کمزور ہوں گی، جہاں کوئی ملک ہماری مدد کرنا چاہتا ہے یہ تماشالگا دیتےہیں۔

وفاقی وزیر نے سوال کیا کہ عوام کا درد تھا تو نوازشریف کی 52روپےوالی چینی 150پرکیوں پہنچائی، عوام کا درد تھا تو نوازدورمیں پٹرول کی قیمت کم تھی تم نےکیوں بڑھائی۔

مریم اورنگزیب نے الزام لگایا کہ جب عدالتیں بلاتی ہیں تو عوام کو کہتا ہے چلوعدالت پرحملہ کرو۔

انھوں نے کہا کہ عدم اعتماد تحریک کے ذریعے اٹھا کر باہر پھینکا تو آئینی شکنی کی، اب عمران خان کہتےہیں قمر جاوید باجوہ نے سازش کی تھی۔

وفاقی وزیر نے بتایا کہ یہ وہی آئی ایم ایف کی ڈیل ہے جو عمران خان نے کی تھی ، کیا اچھا ہوتا اسوقت سلیکٹڈ وزیراعظم آئی ایم ایف کو منع کرتا، ہم نے آئی ایم ایف سے نظرثانی کرکےعوام کوریلیف دلایاہے۔

مریم اورنگزیب نے عمران خان کو مخاطب کرتے ہوئے کہا کہ اگر تم نے عوام کو بچانا ہے تو خود کو نہ بچاؤ، گھڑی چوری کی، بریف کیس لئے تو اب عدالت بھی ساتھ جاؤ۔

انھوں نے سوال کیا کہ عمران خان بتائیں5لاکھ گھر اور ایک کروڑ نوکریاں کدھر ہیں،پہلے کہتے تھے سازش ہوئی اب کہتے ہیں کوئی سازش نہیں ہوئی، عمران خان ملک میں لوٹ مار کا بازار گرم کر کے چلے گئے۔

چیئرمین نیب کے استعفے کے حوالے سے وفاقی وزیر نے بتایا کہ آفتاب سلطان نے ذاتی وجوہات پر استعفیٰ دیا ہے، کوئی اور وجوہات تھی تو استعفے میں درج کرنی چاہیے تھی۔

وفاقی وزیر اطلاعات مریم اورنگ زیب نے کہا ہے کہ محسن نقوی کے نگران وزیراعلیٰ بننے پر عمران خان کو تکلیف ہے کہ یہ تقرری جادو ٹونے سے نہیں بلکہ آئین و قانون کے مطابق ہوئی۔

ن لیگی رہنما اور وفاقی وزیر اطلاعات مریم اورنگ زیب نے سماجی رابطے کی ویب سائٹ ٹوئٹر پر جاری بیان میں کہا کہ فارن ایجنٹ اور شوکت خانم اسپتال کے چندے کے 30 لاکھ ڈالر سے کاروبار کرنے والے عمران خان کو محسن نقوی کے نگران وزیر اعظم بننے پر تکلیف ہے۔

محسن نقوی کے نگران وزیر اعلیٰ بننے پر فارن ایجنٹ اور شوکت خانم ہسپتال کے چندے کے 30 لاکھ ڈالر سے کاروبار کرنے والے عمران خان کو اصل تکلیف یہ ہے کہ یہ تقرری جادو ٹونے سے نہیں بلکہ آئین اور قانون کے مطابق ہوئی، بزدار مسلط نہیں ہوا؟ پنجاب لوٹنے والو ! اب الیکشن ہوں گے، سلیکشن نہیں

— Marriyum Aurangzeb (@Marriyum_A) January 23, 2023

ٹوئٹ میں انہوں نے مزید لکا کہ عمران خان کو اصل تکلیف یہ ہے کہ یہ تقرری جادو ٹونے سے نہیں بلکہ آئین اور قانون کے مطابق ہوئی، بزدار مسلط نہیں ہوا؟ پنجاب لوٹنے والو ! اب الیکشن ہوں گے، سلیکشن نہیں۔

اسلام آباد: وفاقی وزیر برائے اطلاعات مریم اورنگزیب کا کہنا ہے کہ مافیاز اور بڑے بڑے ڈاکوؤں سے ملک کو پاک کیا ہے۔

اے آر وائی نیوز کے مطابق وزیر اطلاعات مریم اورنگزیب نے عمران خان کے بیان پر ردعمل دیتے ہوئے کہا کہ 4 سال میں الزامات کیوں ثابت نہیں کیے چور کیوں ثابت نہ کرسکے؟

انہوں نے کہا کہ اب صرف چور کہنے سے بات نہیں بنے گی 4 سال تمام طاقت میں ہونے کے باوجود ایک الزام ثابت نہیں کرسکے۔

مریم اورنگزیب نے کہا کہ نیب چیئرمین کو بلیک میل کرکے سیاسی مخالفین کو جیلوں میں ڈالا گیا۔

وزیر اطلاعات نے کہا کہ نیب چیئرمین کو بلیک میل کرکے سیاسی مخالفین کو جیلوں میں ڈلاا گیا ہے پاکستان کی تمام عدالتوں نے آپ کے الزامات کو ردی کی ٹوکری میں پھینکا ہے۔

انہوں نے مزید کہا کہ انگلینڈ کی نیشنل کرائم ایجنسی اور عدالت نے آپ کے الزامات مسترد کردیے ہیں بنی گالا میں عدالت لگائیں اور خود وکیل اور جج بھی بن جائیں۔