Tag: مریم نفیس

اکثر و بیشتر یہ کہا جاتا ہے کہ شوہر اپنی بیویوں سے ڈرتے ہیں، اس کی خاص وجہ کیا ہے، اداکارہ مریم نفیس نے اس پر لب کشائی کی ہے۔

پاکستانی ڈرامہ انڈسٹری کی معروف ایکٹرس مریم نفیس نے نجی چینل کے شو میں شرکت کے دوران اس راز سے پردہ اٹھایا کہ کوئی بھی مرد کیوں اپنی بیوی سے ڈرتا ہے، اداکارہ کا کہنا تھا کہ انھوں نے اس حوالے سے اپنے دوستوں سے گفتگو کی تھی جس سے انھیں سمجھ آئی۔

شو کے دوران مریم نفیس سے سوال کیا گیا کہ وہ اپنے شوہر سے ڈرتی ہیں یا ان کے شوہر ان سے ڈرتے ہیں، اس پر اداکارہ کا برملا کہنا تھا کہ وہ ڈرتے ہیں۔

میزبان نے پوچھا کہ وہ کیوں ڈرتے ہیں، جس پر مریم نفیس کا کہنا تھا کہ ڈرتے ہی ہونگے، ہر آدمی کو اپنی بیوی سے ڈرنا چاہیے۔

اپنی بات کو مزید آگے بڑھاتتے ہوئے اداکارہ کا کہنا تھا کہ میرے خیال میں بیوی سے ڈرنے کی کوئی وجہ تو نہیں ہوتی مگر میں نے اپنے دوستوں سے یہ سوال کیا تھا کہ آدمی اپنی بیویوں سے کیوں ڈرتے ہیں۔

مریم کے مطابق ان کے دوستوں نے بتایا کہ جب بہت زیادہ ڈرامہ ہوتا ہے اور عورتیں چیختی چلاتی ہیں شور مچاتی ہیں تو اس سے بچنے کے لیے شوہر ان سے ڈرتے ہیں۔

شوبز انڈسٹری کی معروف اداکارہ مریم نفیس اور امان احمد کے ہاں ننھے مہمان کی آمد متوقع ہے۔

فوٹو اور ویڈیو شیئرنگ ایپ انسٹاگرام پر اداکارہ مریم نفیس نے شوہر امان احمد کے ساتھ چند تصاویر شیئر کیں جس میں انہیں چھوٹے بچے کے جوتے پکڑے خوشگوار موڈ میں دیکھا جاسکتا ہے۔

انہوں نے پوسٹ شیئر کرتے ہوئے کیپشن میں لکھا کہ ’اوہ بے بی، ہمارے ہاں بچے کی پیدائش جلد متوقع ہے۔‘

مریم نفیس نے لکھا کہ ’بے بی ’امیم‘ جلد آرہی ہے، انشا اللہ۔‘ اداکارہ نے مداحوں سے دعاؤں میں یاد رکھنے کی اپیل بھی کی ہے۔

اداکارہ نے چند گھنٹوں قبل یہ پوسٹ شیئر کی ہے جسے ہزاروں کی تعداد میں مداح دیکھ چکے ہیں اور ان کے لیے نیک خواہشات کا اظہار کررہے ہیں۔

View this post on Instagram

A post shared by Mariyam Nafees Amaan (@mariyam.nafees)

اداکارہ کنزا ہاشمی نے بھی انہیں مبارک باد پیش کی ہے۔

واضح رہے کہ مریم نفیس نے ہدایت کاراور دیرینہ دوست امان احمد سے اکتوبر 2022 میں شادی کی تھی۔

ماضی میں ایک انٹرویو میں مریم کا کہنا تھا کہ شوہر کی عمر میں 13 سال کا فرق ہے لیکن اس کے باوجود میں شوہر کو بچہ سمجھ کر ان کا خیال رکھتی ہیں۔

انہو نے بتایا تھا کہ مجھے گھر والوں نے جلدی شادی کرنے کا نہیں کہا اس لیے میں نے 30 سال ہونے پر اپنی پسند کا لڑکا ملنے کے بعد شادی کی۔

مریم نفیس کا کہنا تھا کہ میرے اور شوہر کی عمر میں 13 سال کا فرق ہے جو کہ اچھا خاصا فرق ہے، لیکن پھر بھی میرے شوہر ہمیشہ ہر جگہ ہر کسی کو یہی بولتے ہیں کہ مریم نفیس بڑی اور میچور ہیں۔

View this post on Instagram

A post shared by Mariyam Nafees Amaan (@mariyam.nafees)

اداکارہ کا کہنا تھا کہ جب شوہر کہتے ہیں کہ میں بڑی ہوں تو میں بھی ہر جگہ بولتی ہوں کہ ہاں میرے شوہر صحیح کہ رہے ہیں، کیوں کہ میں ایک بچے کو پال رہی ہوں، میں اپنے شوہر کا بچے کی طرح خیال رکھتی ہوں۔

ان کا مزید کہنا تھا کہ یہ اچھی بات ہے کہ میاں اور بیوی میں مذاق اور نوک جھوک ہوتی رہتی ہے اور ان کی زندگی ہنسی و مذاق میں گزر جاتی ہے۔