ایبٹ آباد: خیبر پختونخوا حکومت کے مشیراطلاعات بیرسٹر سیف نے کہا ہے کہ خود کو سب کی ماں کہنے والی جاپان میں سیر سپاٹے کر رہی ہے۔

تفصیلات کے مطابق ڈاکٹر بیرسٹر سیف کا کہنا تھا کہ سیلاب سب سے زیادہ وسائل رکھنے والے صوبے پنجاب کی طرف بڑھ رہا ہے، کراچی بھی ڈوبا ہے، ذمہ داری کا مظاہرہ کرنا چاہیے، وفاقی حکومت کو مدد کےلیے کہنے کی ضرورت نہیں ہونی چاہیے۔

انھوں نے کہا کہ صوبے میں بدترین سیلاب آیا، انسانی جانیں ضائع ہوئیں، متاثرہ علاقوں میں سڑکیں، پل، عمارتیں بھی تباہ ہوئی ہیں، وفاقی حکومت اس وقت ستو پی کر سورہی ہے۔

بیرسٹرسیف کا کہنا تھا کہ کےپی کو پیسوں کی ضرورت نہیں، اپنے سرمائے سے شہریوں کی مدد کررہے ہیں، سیلاب متاثرہ علاقوں میں وفاقی حکومت کی ذمہ داری بھی ہے۔

صوبائی حکومت کی کوشش ہے صوبے میں بین الاقوامی سرمایہ کاری آئے، صوبے کے ہر شعبے میں سرمایہ کاری کی بے پناہ مواقع ہیں۔

رہنما پاکستان تحریک انصاف بیرسٹر سیف کا مزید کہنا تھا کہ سرمایہ کار تجارت، مائننگ، انڈسٹری اور سیاحتی شعبے میں سرمایہ کاری کریں، سرمایہ کاروں اور ان کے سرمائے کو تحفظ فراہم کریں گے۔

https://urdu.arynews.tv/barrister-saif-today-oath-taken-corpse-of-democracy-governors-house/

لاہور : مریم نواز سرکاری طور پر جاپان کا دورہ کرنے والی پہلی وزیراعلی ٰ بن گئیں ، وہ جاپانی حکومت کی خصوصی دعوت پرسرکاری دورہ کررہی ہے۔

تفصیلات کے مطابق وزیراعلیٰ پنجاب مریم نواز وفد کے ہمراہ جاپان کے 5 روزہ سرکاری دورے پر روانہ ہوگئیں ، وہ جاپانی حکومت کی خصوصی دعوت پرسرکاری دورہ کررہی ہے۔

لاہور ایئرپورٹ پر اعلیٰ حکام نے وزیراعلیٰ اور وفد کو رخصت کیا ، جس کے بعد وہ سرکاری طور پر جاپان کا دورہ کرنے والی پنجاب کی پہلی وزیراعلیٰ بن گئی ہیں۔

دورے کے دوران وہ ٹوکیو، اوساکا اور یا کوہوما جائیں گی، جبکہ اوساکا میں ہونے والے ورلڈ ایکسپو میں بھی شرکت کریں گی۔

وزیراعلیٰ جاپان کے اعلیٰ حکام سے ملاقاتیں کریں گی اور مختلف جاپانی اداروں کا دورہ بھی کریں گی۔

وفد میں سینئر وزیر مریم اورنگزیب، وزیر اطلاعات و ثقافت عظمیٰ زاہد بخاری، ملک صہیب بھرت، ذیشان رفیق، ثانیہ عاشق اور اعلیٰ سرکاری افسران شامل ہیں۔

لاہور : وزیراعلیٰ پنجاب مریم نواز  نے لاہور میں پاکستان کی پہلی اربن الیکٹرک ٹرین میں تجرباتی سفرکیا اور ’سپر اٹانومس ریپڈ ٹرانزٹ‘ سے شہریوں کو جدید اور ماحول دوست سفری سہولیات میسر آ سکیں گی۔

تفصیلات کے مطابق وزیراعلیٰ پنجاب مریم نواز شریف نے پاکستان کی پہلی اربن الیکٹرک ٹرین "سپر اٹانومس ریپڈ ٹرانزٹ (SRT)” میں تجرباتی سفر کیا اور خود روڈ ٹیسٹ مانیٹر کیا۔

تجرباتی سفر علی ٹاؤن سے مسلم ٹاؤن تک کیا گیا، جہاں وزیراعلیٰ نے عام ٹریفک کے درمیان ٹرین کی کارکردگی کا جائزہ لیا۔

وزیر ٹرانسپورٹ بلال اکبر خان نے ایس آر ٹی کے تکنیکی پہلوؤں، سہولیات اور روڈ ٹیسٹ سے متعلق وزیراعلیٰ کو تفصیلی بریفنگ دی۔

وزیراعلیٰ نے ٹرین میں موجود سہولیات، نشستوں، وینٹیلیشن اور دیگر انتظامات کا معائنہ بھی کیا، اس موقع پر انھوں کہا کہ "پنجاب کے عوام کے لیے اب ہر روز خوشی کی خبر منتظر ہوتی ہے، سپر اٹانومس ریپڈ ٹرانزٹ نہ صرف لاہور کی خوبصورتی میں اضافہ کرے گی بلکہ ماحولیاتی آلودگی میں کمی اور ٹریفک نظام میں بہتری بھی لائے گی۔”

وزیراعلیٰ کا کہنا تھا کہ گوجرانوالہ اور فیصل آباد میں بھی جلد ایس آر ٹی منصوبے شروع کیے جائیں گے، تاکہ شہریوں کو جدید اور ماحول دوست سفری سہولیات میسر آ سکیں۔

ایس آر ٹی میں فی الحال تین بوگیاں نصب کی گئی ہیں جن میں چار بوگیوں تک توسیع کی گنجائش موجود ہے۔ ایک ٹرین میں 320 مسافر سفر کرسکتے ہیں جبکہ ایک چارج پر 40 کلومیٹر تک فاصلہ طے کیا جا سکتا ہے۔

جدید سہولیات سے آراستہ یہ ٹرین ائرکنڈیشنڈ ہے اور شہریوں کو ایک نئی، پُرسکون اور محفوظ سفری سہولت فراہم کرے گی۔

حکام کے مطابق ایس آر ٹی منصوبہ لاہور میں ماحول دوست پبلک ٹرانسپورٹ نظام کی بنیاد ثابت ہوگا، جس سے نہ صرف سفری وقت کم ہوگا بلکہ ایندھن کے اخراجات اور ماحولیاتی آلودگی میں بھی نمایاں کمی آئے گی۔

پشاور : مشیراطلاعات خیبرپختونخوا بیرسٹر محمد علی سیف کا کہنا ہے کہ مریم نواز ترقیاتی کاموں کیلئے علی امین گنڈاپور سے ٹیوشن لیں۔

تفصیلات کے مطابق مشیراطلاعات خیبرپختونخوا بیرسٹرمحمد علی سیف نے پنجاب میں ہونے والی بارشوں کے حوالے سے کہا لاہور ایک بارپھر پانی میں ڈوبا ہوا ہے، وزیراعلیٰ پنجاب پر تنقید کرنا بھی اب جرم بن چکا ہے۔

بیرسٹر سیف نے مشورہ دیا کہ کہ زبردستی نعرے لگوانے کے بجائے اپنی کارکردگی پر توجہ دیں۔

صوبائی مشیر کا کہنا تھا کہ علی امین گنڈاپوراورکابینہ نے دورہ لاہور میں سڑکوں کی حالت زار دیکھی، تعفن اوربدبو کےباعث لاہور کی سڑکوں پر سانس لینا بھی دشوار ہو چکا ہے۔

انھوں نے کہا کہ چند گھنٹوں کی بارش نے مریم نواز کے پیرس کا پول کھول دیا ہے ، اقتدار میں کئی بار آنے کے باوجود لاہور کی حالت آج بھی ابتر ہے، مریم نواز ترقیاتی کاموں کیلئے علی امین گنڈاپور سے ٹیوشن لیں۔

مزید پڑھیں : ’مریم نواز کی ہدایات پر بشریٰ بی بی کی کڑی نگرانی کی جا رہی ہے‘ بیرسٹر سیف

خیال رہے پنجاب، خیبرپختونخوا اور آزاد کشمیر سمیت ملک کے مختلف حصوں میں مون سون کا تیز اسپیل جاری ہے۔

اگر پنجاب کی بات کی جائے تو پنجاب میں بارش زحمت بن گئی، بڑے شہر ڈوب گئے جبکہ دیہات زیرآب آگئے۔

فیصل آباد، اوکاڑہ، پاکپتن، بہاولنگر، منڈی بہاؤالدین، جڑانوالہ سمیت کئی شہروں میں گھٹنوں گھٹنوں پانی کھڑا ہے جبکہ اوکاڑہ میں شدید بارش نے شہر کا حلیہ بگاڑ دیا ہے۔

وزیراعظم کوآرڈینیٹر اطلاعات اختیار ولی خان نے کہا ہے کہ مریم نواز گرفتار ہوسکتی ہیں تو بانی کے بیٹوں کی گرفتاری کوئی بات نہیں۔

اے آر وائی نیوز کے پروگرام میں گفتگو کرتے ہوئے اختیار ولی خان نے کہا ہے کہ ہر جماعت کا حق ہے کہ پُرامن احتجاج کرے، اسلام آباد میں آکر کسی کو مارنا قبول نہیں ہوگا، رانا صاحب نے کہا کہ احتجاج پر تشدد ہوا تو گرفتاریاں ہوں گی

وزیراعظم کوآرڈینیٹر اطلاعات اختیار ولی خان نے مزید کہا کہ لشکر کشی کسی صورت قبول نہیں، دباؤقبول نہیں کیا جائےگا۔

’مریم نواز کی ہدایات پر بشریٰ بی بی کی کڑی نگرانی کی جا رہی ہے‘ بیرسٹر سیف

انھوں نے کہا کہ نواز شریف نے 126 دن کا دھرنا برداشت کیا، شہباز شریف نواز شریف کا پرومیکس اور اپ ڈیٹ ورژن ہے۔

دریں اثنا عامر ڈوگر کا کہنا تھا کہ تحریک کیلئے ہماری تیاریاں جاری ہے، کمیٹیوں کی میٹنگز ہورہی ہیں، گلی گلی، قریہ قریہ، گاؤں گاؤں احتجاج ہوگا، زیادہ امکان یہی ہے کہ ملک گیر احتجاج ہوگا، بڑاجلسہ بھی ہوسکتا ہے۔

عامر ڈوگر نے کہا کہ چاروں صوبائی دارالحکومت میں بھی ایکٹویٹی پلان کررہے ہیں، پی ٹی آئی کا 5 سے 6 اگست کو احتجاج عروج پر ہوگا۔

https://urdu.arynews.tv/maryam-nawaz-no-bird-zone-in-punjab-13-07-2025/