Tag: مریم نواز

وزیر اعلیٰ پنجاب مریم نواز یوتھ کی رٹ لگانے والی سیاسی جماعت نے نوجوانوں کو کیا دیا، میں نارووال وعدے اور اعلانات کرکے نہیں آئی وعدے وفا کرکے آئی ہوں۔

اے آر وائی نیوز کے مطابق وزیر اعلیٰ پنجاب مریم نواز نے میڈیا سے گفتگو کرتے ہوئے کہا کہ ان سیاست دانوں کے بچے لندن میں قوم کے بچے جیلوں میں ہیں، اپنے بچوں کے ہاتھ میں لندن کے ٹکٹ اور قوم کے بچوں کو پیٹرول بم، ڈنڈے دیے۔

انہوں نے کہا کہ اپنے بچے لندن میں پڑھ رہے ہیں قوم کے بچے عدالتوں میں دھکے کھارہے ہیں، عمران کو بھی سمجھ آگئی کہ قوم کو سمجھ آگئی ہے، جھوٹے وعدوں، نعروں، گالم گلوچ سے قوم کے بچوں کا پیٹ نہیں بھرتا۔

مریم نواز کا کہنا تھا کہ نواز شریف کہتا تھا کہ ان کے جھانسے میں مت آنا، آج ان کی حکومت ہوتی تو آج دھرنے ہورہے ہوتے، نارروال وعدے اور اعلانات لے کر نہیں آئی وعدے وفا کرکے آئی ہوں۔

وزیر اعلیٰ نے کہا کہ پورے پنجاب میں 700 سڑکیں بن رہی ہیں، اپنا گھر اسکیم میں لوگوں کو 15 لاکھ تک کا قرضہ دے رہی ہے، آپ نے وہ قرضہ 9 سال میں ادا کرنا ہے، 10 ہزار سے زائد گھر تعمیر ہورہے ہیں 300 گھر صرف نارروال میں تعمیر ہورہے ہیں۔

انہوں نے کہا کہ 5 لاکھ کسان کارڈ دیے جس سے 50 ارب روپے کی خریداری ہوچکی ہے، ڈائریکٹ کسانوں کو قرضے ددیے ہیں، کہاں معیشت ڈوبنے کی باتیں ہوتی تھیں آج ٹیک آف کررہی ہے۔

مریم نواز نے کہا کہ نارووال کے لیے دو سڑکیں بنادی ہیں، نارووال شکر گڑھ 36 کلو میٹر روڈ بنادی، مریدکے نارووال 75 کلومیٹر کی سڑک ہے، آئندہ 28 ارب روپے میں 400 کلو میٹر کی سڑکی ننارووال میں بن رہی ہے، سرکلر روڈ ایک ارب روپے کی لاگت سے 7 کلو میٹر کی روڈ بن رہی ہے۔

لاہور : مسلم لیگ ن کے صدر نواز شریف کا کہنا ہے کہ ڈی ریل نہ کیا جاتا تو آج پاکستان کہیں آگے ہوتا، اللہ کرے ہم ایک بار پھر ٹیک آف کرسکیں۔

تفصیلات کے مطابق مسلم لیگ ن کے صدر نواز شریف اور وزیراعلیٰ پنجاب مریم نواز سے پنجاب اسمبلی ارکان کی ملاقات ہوئی۔

نواز شریف نے ارکان اسمبلی سے گفتگو کرتے ہوئے کہا کہ اللہ کرے ہم ایک بار پھر ٹیک آف کرسکیں، شہباز شریف بہت محنت کر رہے ہیں، لاہور اور پنجاب میں بہت عرصے بعد عوام میں اطمینان نظر آ رہا ہے، اللہ کا شکر ادا کرتے ہوئے محنت سے عوام کی خدمت کا سفر جاری رکھنا ہے۔

ن لیگی صدر کا کہنا تھا کہ اللہ تعالیٰ نے برکت ڈالی ہے اور بھی ڈالے گا، انشااللہ، اللہ تعالیٰ نے تیزی سے گڑھے میں گرتے ملک اور قوم کو بچا لیا۔

انھوں نے کہا کہ زندگی میں بہت اتار چڑھاؤ دیکھے ہیں، مسلم لیگ (ن) آتی ہے تو ملک میں ترقی آتی ہے، ڈی ریل نہ کیا جاتا تو آج پاکستان کہیں آگے ہوتا۔

مسلم لیگ ن کے صدر کا مزید کہنا تھا کہ 1990کا سفر جاری رہتا تو پاکستان ترقی میں آج کہیں آگے کھڑا ہوتا، مہنگائی میں کمی سے عوام کو سکھ کا کچھ سانس آیا ہے، پالیسی ریٹ 22سے کم ہو کر 12 فیصد پرآنامعاشی بہتری کی علامت ہے۔

جس پر ارکان اسمبلی نے کہا کہ شہباز شریف اور مریم نواز نے ترقی ،عوام کی خدمت کی نئی روشن مثال قائم کی، ہمیشہ مسلم لیگ (ن) کے دور میں ہی ثقافت کو ترقی ملتی ہے،آپ جب جب آتے ہیں ن لیگ آتی ہے،ملک کوترقی، روشی، خوشیاں ملتی ہیں۔

ارکان کا کہنا تھا کہ نظام کی اصلاح جو مریم نواز نے کی اس کی اور مثال نہیں ملتی،ای ٹینڈرنگ کاشفاف نظام شروع کیاگیا،میرٹ پر معیاری ترقی کاسفرآگے بڑھ رہا ہے، واہگہ ٹورازم کوریڈورکی تعمیر بےمثال ہے، پنجاب کی خوشیاں واپس آ رہی ہیں۔

اس موقع پر شرکا نے پنجاب میں ترقیاتی کاموں ،عوامی منصوبوں پر بھی مریم نواز کو خراج تحسین پیش کرتے ہوئے کہا کہ ایک سال میں پنجاب کا ہر شعبہ ترقی پرگامزن ہے۔

مریم نواز نے کہا کہ نواز شریف اور شہباز شریف کا نام آئے تو عوام کی خدمت کی مثال بنناہی پڑتا ہے، نواز شریف پاکستان کی ترقی کا نام ہے، اور ہم سب اِن کے سپاہی ہیں۔

پنجاب کی وزیر اطلاعات عظمیٰ بخاری نے کہا ہے کہ مذاکرات کا بخار تو پی ٹی آئی کو چڑھا تھا مریم نواز کو عوام کی خدمت سے ہی فرصت نہیں ہے۔

پنجاب کی وزیر اطلاعات عظمیٰ بخاری نے مشیر کے پی بیرسٹر سیف کے بیان پر ردعمل دیتے ہوئے کہا ہے کہ آپ کا لیڈر اور اس کا خاندان سرٹیفائیڈ کرپٹ ہے، نواز شریف کا قصور نہیں۔ مذاکرات کا بخار بھی پی ٹی آئی کو ہی چڑھا تھا، مریم نواز کو تو عوام کی خدمت سے ہی فرصت نہیں ہے۔ حقیقت یہ ہے کہ نواز شریف اور مریم نواز کا ذکر کیے بغیر آج بھی آپ کی سیاست نا مکمل ہے۔

عظمیٰ بخاری نے کہا کہ اڈیالہ کے قیدی کو نواز شریف نے نہیں کہا تھا کہ 9 مئی اور 26 نومبر کی بغاوت کرو۔ اس کو ڈیل کی کوئی امید نظر نہیں آئی، اس لیے ہی مذاکرات ختم کرنے کا اعلان کیا۔

انہوں نے مزید کہا کہ چور دروازے اور امپائر کی انگلی پر چلنے والا شخص بات چیت پر یقین نہیں رکھتا۔ جس کی پوری زندگی بیساکھیوں کے سہارے گزری ہو، وہ کبھی لیڈر نہیں بن سکتا۔ کوچ کی ڈائریکشن پر چلنے والا فراڈیا کوچ کے پکڑے جانے کے بعد سیاسی یتیم ہو چکا ہے۔

پنجاب کی وزیر اطلاعات کا یہ بھی کہنا تھا کہ جو اپنے علاوہ کسی کو اہمیت نہیں دیتا، ایسے شخص سے بات چیت کرنا بھی وقت کا ضیاع ہے۔ یہ خود ہی کہتا تھا کہ چوروں، ڈاکوؤں اور دہشت گردوں کی جگہ جیل میں ہوتی ہے۔ آج 9 مئی کے دہشتگرد اور توشہ خانہ کے چور این آر او کیلیے چور دروازے تلاش کر رہے ہیں۔

واضح رہے کہ خیبر پختونخوا حکومت کے مشیر بیرسٹر محمد سیف نے پی ٹی آئی اور حکومت کے مذاکرات میں ناکامی پر جاری بیان میں کہا ہے کہ نواز شریف اور مریم اپنے مشن میں کامیاب ہو گئے اور ان کا گروپ مذاکرات کی ناکامی پر خوشی سے پھولے نہیں سما رہا۔

https://urdu.arynews.tv/pti-barrister-saif-dialogue-failed-claimed-nawaz-sharif/

کراچی : کراچی کے تاجر رہنما عتیق میر نے یوٹرن لیتے ہوئے کہا مریم نواز اور مرادعلی شاہ سے متعلق بیان مذاق تھا۔

تفصیلات کے مطابق کراچی کے تاجر رہنما عتیق میر نے مریم ہمیں دے دیں کے بیان پر وضاحت دیتے ہوئے کہا کہ مریم نواز اور مرادعلی شاہ سے متعلق بیان مذاق تھا۔

تاجر رہنما کا کہنا تھا کہ مریم نواز نے پنجاب میں کون سے ایسے جھنڈے گاڑ دیے جو ہم انہیں مانگیں گے۔

دوسری جانب سندھ حکومت کی ترجمان سعدیہ جاوید نے ردعمل دیتے ہوئے کہا عتیق میر نے یوٹرن لے لیا، پاکستان میں لوگوں کو یوٹرن لینے کی عادت پڑگئی ہے اور مخصوص تاجر ٹولہ سندھ کے مینڈیٹ کی توہین کررہا ہے۔

سعدیہ جاوید کا کہنا تھا کہ پنجاب میں صحت کے شعبے کا حال سب کے سامنے ہے، مریم نواز چاہیں تو سندھ آکر سیکھ سکتی ہیں۔

خیال رہے وفاقی وزیراحسن اقبال کراچی آئے توتاجروں کےساتھ بیٹھک لگائی، جس میں تاجروں نے اپنے اپنے مسائل بتائے۔۔ شہر قائد کے دُکھڑے سنائے۔

تاجر رہنما عتیق میر نے احسن اقبال سے مکالمے میں کہا کہ مریم نواز سندھ کو دے دیں۔۔ مراد علی شاہ آپ لے لیں، جس کے بعد ایک نیا محاذ کھل گیا۔

کراچی : کراچی کے تاجروں نے وفاقی وزیر احسن اقبال سے مطالبہ کیا کہ کہ کہ کچھ عرصے کے لیے وزیراعلیٰ پنجاب مریم نواز ہمیں دے دیں اور مراد علی شاہ آپ رکھ لیں۔

تفصیلات کے مطابق پیپلز پارٹی اور مسلم لیگ ن کے درمیان اختلافات نہ صرف واضح نظر آرہے ہیں بلکہ ایوان سمیت ہر سطح پر کھل کر اظہار بھی کیا جارہا ہے۔

انہی تلخیوں کے درمیان دونوں جماعتوں کے درمیان وفاقی وزیر احسن اقبال کے دورہ کراچی نے ایک اور محاذ کھول دیا۔

وفاقی وزیر احسن اقبال کے دورہ کراچی کے موقع پر تاجروں نے احسن اقبال کو مخاطب کرکے کہا کہ کچھ عرصے کیلئے مریم ہمیں دے دیں، مراد علی شاہ آپ رکھ لیں۔

خیال رہے ویسے اس طرح کی خواہشات کا اظہار دونوں جماعتوں کی جانب سے بھی ایک دوسرے سے کیا جاچکا ہے۔

وزیراعظم شہباز شریف بلاول بھٹو سے نوید قمر کو ن لیگ میں بھیجنے کی درخواست کرچکے ہیں جبکہ بلاول بھٹو نے خود وزیراعظم شہباز شریف کو کہہ چکے ہیں کہ وہ پیپلز پارٹی میں آجائیں۔

بلاول تو یہ بھی کہہ چکے ہیں کہ کراچی کو شہباز اسپیڈ کی ضرورت ہے

دوسری جانب گورنر پنجاب سردارسلیم حیدر کا بھی کہنا ہے کہ مخالفت کےباوجود ن لیگ کاحکومت بنانےکیلئے ساتھ دیا۔۔ حکومت ختم ہوئی تو سب سے زیادہ نقصان ن لیگ کو ہوگا اسے سوچنا چاہیے۔

اس سے پہلے سینیٹ میں دریائے سندھ پر کمرشل کموڈٹی فارمنگ کیلئے بیراج ڈیمز کنال کی تعمیر کے معاملے پر بھی دونوں جماعتوں کے رہنماوں میں لفظی جنگ ہوئی تھی۔

وزیر اعلیٰ پنجاب مریم نواز کا کہنا ہے کہ القادر یونیورسٹٰ میرے پاس آگئی ہے اس کے بچوں کو جادو، تعویز نہیں سکھایا جائے گا۔

اے آر وائی نیوز کے مطابق اوکاڑہ میں تقریب سے خطاب کرتے ہوئے وزیر اعلیٰ پنجاب مریم نواز نے کہا کہ القادر یونیورسٹی کے بچوں کو بھی اسکالر شپ دوں گی، اس یونیورسٹی میں اب دینی اور دنیاوی دونوں تعلیم دی جائے گی آپ لوگوں کو جادو تعویز نہیں سکھایا جائے گا۔

انہوں نے کہا کہ چور چور کہنے والوں پر آج خود چوری ثابت ہوگئی، تاریخ کا پہلا وزیراعظم ہے جو رشوت لیتے ہوئے رنگے ہاتھوں پکڑا گیا ہے۔

وزیر اعلیٰ پنجاب کا کہنا تھا کہ آج کے فیصلے کے بعد پاکستان اسٹاک مارکیٹ میں تیزی دیکھی گئی، یہ شخص اسی اڈیالہ جیل میں قید ہیں جس میں نواز شریف اور میں قید تھے، میرے سیل میں کیمرے لگائے گئے تھے، جیل میں ایک وقت کا کھانا دیا جاتا تھا، اچھی بات ہے میرا وزن کم ہو گیا۔

ان کا کہنا تھا وقت ہمیشہ ایک جیسا نہیں رہتا، اس شخص کو جیل میں اچھا کھانا اور دیگرسہولیات مل رہی ہیں ہمیں کوئی اعتراض نہیں ہے۔

مریم نواز کا کہنا تھا القادر یونیورسٹی سرکاری تحویل میں دے دی گئی ہے، اب وہ یونیورسٹی میرے پاس آگئی ہے، القادر یونیورسٹی کے طلبا کو بھی اسکالرشپ دی جائے گی۔

یاد رہے کہ احتساب عدالت نے القادر یونیورسٹی ٹرسٹ کیس میں کرپٹ پریکٹس اور بدعنوانی پر 14 سال قید اور 10 لاکھ روپے جرمانے کی سزا سنائی ہے جبکہ جرم میں معاونت کرنے پر بشریٰ بی بی کو 7 سال قید اور 5 لاکھ روپے جرمانے کی سزا سنائی ہے۔