Tag: مریم نواز

واجد ضیا کا بیان توڑ مروڑ کر پیش کیا جارہا ہے: فواد چوہدری

لاہور: ترجمان پاکستان تحریک انصاف فواد چوہدری کا کہنا ہے کہ جان بوجھ یہ تاثر دیا جارہا ہے کہ واجد ضیا نے شریف خاندان کو کلین چٹ دے دی۔

ان خیالات کا اظہار انھوں‌ نے لاہور میں‌ پریس کانفرنس کرتے ہوئے کیا. ان کا کہنا تھا کہ پراپرٹی کے لئے پیسہ کہاں سے آیا، نوازشریف اب تک یہ واضح نہیں کرسکے۔

[bs-quote quote=”وزیراعظم کو چیف جسٹس سے ملاقات کی درخواست نہیں کرنی چاہیے تھی، اٹارنی جنرل کووزیراعظم کومشورہ دینا تھا کہ ملاقات کی درخواست نہ دیں” style=”style-2″ align=”right” author_name=”فواد چوہدری”][/bs-quote]

فواد چوہدری نے کہا کہ واجد ضیا کا بیان توڑ مروڑ کر پیش کیا جارہا ہے، نوازشریف کی منی ٹریل مکمل طور پرجعلی ثابت ہوئی، حسین اور حسن نواز مقدمے میں پیش نہیں ہورہے، دونوں‌ کو نیب قوانین کے مطابق تین سال کی سزامتوقع ہے.

انھوں نے مزید کہا کہ شریف خاندان کے خلاف مقدمہ ثابت ہوچکا ہے، یہ سوال ہی بے تکا ہے کہ پراپرٹی نوازشریف کی ہے یا نہیں، پراپرٹی نیلسن اور نیسکول کی ہے، جس کی بینفشل اونرمریم نواز ہیں، بچوں کے پاس اتنا پیسہ کہاں سے آیا، یہ نوازشریف نے اب تک نہیں‌ بتایا.

انھوں نے کہا کہ مریم نوازکا موقف ہے کہ میں پراپرٹی کی بینفشل آنر نہیں، حالاں‌ کہ برطانیہ سے آنے والی دستاویزات میں لکھا ہے، مریم بینفشل آنرہیں، اندازہ لگائیں کہ مریم نواز کس حیثیت میں لیڈر بننے کی کوشش کررہی ہیں، شریف خاندان کی 16 کمپنیاں منی لانڈرنگ کررہی تھیں۔

[bs-quote quote=”نوازشریف کی منی ٹریل مکمل طور پر جعلی ثابت ہوئی، حسین اور حسن نواز مقدمے میں پیش نہیں ہورہے، دونوں‌ کو نیب قوانین کے مطابق تین سال کی سزامتوقع ہے” style=”style-2″ align=”left” author_name=”فواد چوہدری”][/bs-quote]

ان کا کہنا تھا کہ نوازشریف ابھی تک نہیں بتا سکے کہ 300 ارب بیرون ملک کیسے بھیجے، پاپا بچوں کے نام پر یہاں پیسے بنا کر باہر بھجواتے تھے، یہ لوگ اب ملک سے باہر بھی نہیں جا سکیں گے، سیدھا اڈیالہ جیل جائیں گے.

فواد چوہدری کا کہنا تھا کہ وزیراعظم کو چیف جسٹس سے ملاقات کی درخواست نہیں کرنی چاہیے تھی، آئین کے مطابق اداروں کی حدود متعین ہیں، اٹارنی جنرل کووزیراعظم کو مشورہ دینا تھا کہ ملاقات کی درخواست نہ دیں.

انھوں نے مزید کہا کہ الیکشن کمیشن اتنا خود مختار ہونا چاہیے، نگراں حکومت کی ضرورت نہ پڑے، نگراں حکومت کے معاملے پرشاہ محمود، خورشید شاہ سے رابطے میں ہیں، حلقہ بندیوں کے معاملے پر الیکشن کمیشن نےاچھا کام کیا ہے۔

بجلی پیداوار سے متعلق وزیر اعظم کے دعوے حقیقت کے برعکس ہیں: فواد چوہدری

اصل چابی والا کھلونا تو خود نواز شریف ہیں: فواد چوہدری اور شیخ رشید کا ردعمل

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 30, 2018
مریم نواز کی زبان پارٹی کو بند گلی میں لے جا رہی ہے: چوہدری نثار

اسلام آباد: چوہدری نثار کا کہنا ہے کہ مریم نواز کی تندو تیز زبان پارٹی کو بند گلی میں لے جارہی ہے. لطیفے، طنزیہ جملوں سے میری ذات کو مسلسل نشانہ بنایا گیا.

تفصیلات کے مطابق چوہدری نثار نے نواز شریف اور مریم نواز کے بیانات پر شدید ردعمل دیتے ہوئے کہا کہ میاں صاحب، احسان کوئی انسان نہیں کرتا، اللہ انسانوں پرکرتا ہے.

[bs-quote quote=”ایک سال سے صبر کے ساتھ حالات برداشت کر رہا ہوں، کوشش یہی تھی کہ کسی معاملے پر اس حد تک ردعمل نہ دوں، جس سے پارٹی کو نقصان پہنچے” style=”style-2″ align=”left” author_name=”چوہدری نثار” author_job=”سینئر رہنما، مسلم لیگ ن” author_avatar=”https://arynewsudweb.wpengine.com/wp-content/uploads/2018/03/Nisar60x60.jpg”][/bs-quote]

انھوں نے کہا کہ میں‌ ایک سال سے صبر کے ساتھ حالات برداشت کر رہا ہوں، کوشش یہی تھی کہ کسی معاملے پر اس حد تک ردعمل نہ دوں، جس سے پارٹی کو نقصان پہنچے، اس لیے خود کو قومی سیاست سے الگ کر لیا تھا، اس کے باوجود میری ذات کو مسلسل نشانہ بنایا گیا.

ان کا کہنا تھا کہ نوازشریف کے شعر، کلمات اور ان کی بیٹی نے انھیں ردعمل دینے پر مجبورکردیا، کچھ نہ بنا تو منظور نظر صحافیوں سے طے شدہ سوالات کروا کر میری تضحیک کی گئی.

انھوں نے کہا کہ کٹھ پتلی کبھی اپنی طاقت پر نہیں ناچتی، اگر مہروں، کٹھ پتلیوں کے الزام جاری رہے، تو مجھے تفصیلی وضاحت کا حق ہے، مریم نوازکے بیانات سے پارٹی بندگلی میں جارہی ہے.

انھوں نے کہا کہ میاں صاحب آپ کو اس مقام پرلانےمیں لوگوں کا بھی احسان ہوگا، آپ کو ان لوگوں کا احسان مند ہونا چاہیے. میرے دل میں مریم نواز کے خاندان کا آج بھی احترام ہے، اپنے اوپر آج کے بیان کی حد تک پابندی لگائی ہے، اگر مہروں نےالزامات جاری رکھے، تو بھرپور جواب دینے کا حق رکھتا ہوں۔

واضح رہے کہ گذشتہ روز نواز شریف نے چوہدری نثار سے متعلق پوچھے جانے والے سوال کے جواب میں غالب کا ایک شعر سنایا تھا، جس کے جواب میں چوہدری نثار نے اپنے بیان میں منیر نیازی کا شعر کہا:

ادب کی بات ہے ورنہ منیر سوچو تو

جو شخص سنتا ہے وہ بول بھی تو سکتا ہے

یاد رہے کہ نواز شریف اور چوہدری نثار کے درمیان اختلافات شدت اختیار کر چکے ہیں، گذشتہ دنوں سابق وزیر داخلہ نے پریس کانفرنس کرتے ہوئے اعلان کیا تھا کہ وہ شہباز شریف کو پارٹی لیڈر مانتے ہیں، اگر مریم نواز پارٹی لیڈر بنیں، تو وہ ن لیگ سے الگ ہوجائیں گے۔

اگر مریم نواز پارٹی لیڈر بنیں، تو ن لیگ سے الگ ہوجاؤں گا: چوہدری نثار

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

مارچ 22, 2018
کلثوم نواز سے آمریت کے خلاف آواز بلند کرنے کا بدلہ لیا جارہا ہے: مریم اورنگزیب

اسلام آباد: وزیرمملکت برائے اطلاعات و نشریات مریم اورنگزیب نے کہا ہے کہ نواز شریف اور مریم نواز کا احتساب نہیں ہورہا، انتقام لیا جارہا ہے۔

تفصیلات کے مطابق نیب ریفرنسز میں نواز شریف اور مریم نواز کی حاضری سے استثنیٰ کی درخواست مسترد ہونے پر ردعمل دیتے ہوئے انھوں نے کہ آج کلثوم نواز سے آمریت کے خلاف آواز بلند کرنے کا بدلہ لیا جارہا ہے۔

[bs-quote quote=”نواز شریف اور مریم نواز کا احتساب نہیں ہورہا، انتقام لیا جارہا ہے، استثنیٰ کی درخواست کا مسترد ہونا بنیادی حقوق کی خلاف ورزی ہے
” style=”style-15″ align=”left” author_name=”مریم اورنگزیب” author_job=”وزیر مملکت برائے اطلاعات” author_avatar=”https://arynewsudweb.wpengine.com/wp-content/uploads/2018/03/maryamaurangzeb60x60.jpg”][/bs-quote]

مریم اورنگزیب کا کہنا تھا کہ پاکستان کے عوام نے نوازشریف کے خلاف فیصلے کو تسلیم نہیں کیا، استثنیٰ کی درخواست کا مسترد ہونا بنیادی حقوق کی خلاف ورزی ہے، انھیں کلثوم نواز کے حوصلے کا اندازہ نہیں، کلثوم نواز آمر کے جبر کے خلاف ڈٹ کر کھڑی ہوئی تھیں۔

مریم اورنگزیب کا کہنا تھا کہ نیب پراسیکیوٹر کہتے ہیں، میڈیکل رپورٹ میں ایسی کوئی بات نہیں کہ پورا خاندان لندن جائے، ایسے فیصلے تو صرف وہی کرسکتے ہیں، جن کا اپنا ضمیر مرجاتا ہے۔ ہم سے انتقام لیا جارہا ہے، کلثوم نواز کینسر جیسے موذی مرض میں مبتلا ہیں، ان سےآمریت کےخلاف آوازاٹھانےکابدلہ لیاجارہا ہے۔

ان کا کہنا تھا کہ کلثوم نواز کے ڈاکٹرز کو نوازشریف سے مشاورت کرنی ہے، قانون کے مطابق 7 دن کا استثنیٰ مانگا گیا تھا، جو آئین توڑتاہے اس کو کمر درد کے بہانے ملک سے باہر بھیج دیا جاتا ہے، کیا کلثوم نوازسےآمریت کےخلاف آواز اٹھانے کا بدلہ لیا جارہا ہے۔

ان کا کہنا تھا کہ پاکستان کے عوام نوازشریف کے ساتھ ہیں، نوازشریف عوام کے ووٹ کی جنگ لڑ رہے ہیں۔ چھ ماہ میں احتساب عدالت کو فیصلہ سنانے کا حکم دیا گیا تھا، مگر آج توسیع مانگی جارہی ہے، واجد ضیا اپنی جیب میں ایک چابی رکھ کر آتے ہیں، وہ چابی کہاں سے آتی ہے۔

انھوں نے کہا کہ منتخب وزیراعظم کو کرپشن پر نہیں اقامے پر گھر بھیج دیا جاتا ہے، یہ انتقام اس لئے لیاجارہا ہے کہ ملک کو ایٹمی طاقت بنایا۔اندھیرے دور کئے اور ملک سے دہشت گردی مٹائی۔

وقت ایک جیسا نہیں رہتانہ وقت بدلتے دیر نہیں لگتی ،مریم نوازکا ٹوئٹ

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 22, 2018
وقت ایک جیسا نہیں رہتانہ وقت بدلتے دیر نہیں لگتی ،مریم نوازکا ٹوئٹ

اسلام آباد : سابق وزیراعظم نواز شریف کی صاحبزادی مریم نواز کا کہنا ہے کہ وقت ایک جیسا نہیں رہتا نہ وقت بدلتے دیر نہیں لگتی ہے۔

تفصیلات کے مطابق سابق وزیراعظم نواز شریف کی مریم نواز سماجی رابطے کی ٹوئٹر پر اپنے بیان میں کہا کہ وقت ایک جیسا نہیں رہتا، مشکل وقت کے بعد آسانی آتی ہے۔

ٹویٹ میں انکا مزید کہنا تھا کہ لوہا آگ میں تپ کرمضبوط بنتا ہے، پاکستان کے لئے لڑنا اہم ہے، کسی نہ کسی کو تو پاکستان کے لئے لڑنا تھا۔

Hard times lead to greatest moments. Strongest steel is forged in the hottest fires. It’s worth fighting for. Someone had to,for Pakistan🇵🇰 https://t.co/e875qpyq7Y

— Maryam Nawaz Sharif (@MaryamNSharif) March 22, 2018

اس سے قبل مریم نواز نے ایک ٹوئٹ میں کہا تھا کہ نواز شریف، ہمیں آپ پر فخر ہے! آج جب عدالت سے والدہ کی عیادت کے لیے اپنے اور اپنے والد کے لیے استثیٰ مانگا تو نیب نے کہا کہ پورے خاندان کاوہاں ہونا ضروری نہیں۔

نواز شریف، ہمیں آپ پر فخر ہے! https://t.co/Wxh1aEGc3M

— Maryam Nawaz Sharif (@MaryamNSharif) March 22, 2018

آج جب عدالت سے والدہ کی عیادت کے لیے اپنے اور اپنے والد کے لیےایک ہفتہ کے استسنا مانگی تو نیب نے کہا کہ پورے خاندان کاوہاں ہونا ضروری نہیں! pic.twitter.com/XMlljr6BzH

— Maryam Nawaz Sharif (@MaryamNSharif) March 22, 2018

احتساب عدالت کے باہر میڈیا سے بات کرتے ہوئے مریم نواز کا کہنا تھا کہ بیرون ملک جانے کی درخواست دی،اب عدالت نےفیصلہ کرنا ہے، بیماری کسی کوبھی ہوسکتی ہے،کسی پر بھی ایسا وقت آسکتا ہے۔

انھوں نے مزید کہا تھا کہ ڈاکٹرز نوازشریف کا انتظار کر رہےہیں، بیگم کلثوم نواز کی سرجری یا تھراپی کافیصلہ ہوناہے، ڈاکٹر اسی حوالے سے میاں صاحب سے ملاقات کرنا چاہتے ہیں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 22, 2018
نوازشریف اورمریم نواز کی حاضری سےاستثنیٰ کی درخواست پرفیصلہ محفوظ

اسلام آباد : سابق وزیراعظم نوازشریف، ان کی صاحبزادی مریم نواز اور داماد کیپٹن ریٹائرڈ صفدر کے خلاف ایون فیلڈ ریفرنس کی سماعت 27 مارچ تک ملتوی ہوگئی۔

تفصیلات کے مطابق وفاقی دارالحکومت اسلام آباد میں شریف خاندان کے خلاف ایون فیلڈ ریفرنس کی سماعت احتساب عدالت کے جج محمد بشیرنے کی۔

مسلم لیگ ن کے قائد نوازشریف، ان کی بیٹی مریم نواز اور داماد کیپٹن ریٹائرڈ صفدر احتساب عدالت میں موجود تھے۔

نوازشریف اور مریم نواز کی حاضری سے استثنیٰ کی درخواستیں

سابق وزیراعظم نوازشریف اور مریم نواز نے نیب ریفرنسز میں 7 دن حاضری سے استثنیٰ کی درخواست عدالت میں جمع کرادی، درخواست کے ساتھ بیگم کلثوم نواز کی میڈیکل رپورٹ بھی لگائی گئی ہے۔

درخواست میں کہا گیا ہے کہ 26 مارچ سے ایک ہفتےکے لیے حاضری سے استثنیٰ دیا جائے اوراس دوران نوازشریف کی جگہ ان کے نمائندے علی ایمل عدالت میں پیش ہوں گے جبکہ مریم نواز کی جگہ ان کے نمائندے جہانگیرجدون پیش ہوں گے۔

نیب پراسیکیوٹر نے نوازشریف کی حاضری سے استثنیٰ کی درخواست کی مخالفت کرتے ہوئے کہا کہ نواز شریف کا نام ای سی ایل میں ڈالنے کی سفارش کررکھی ہے۔

انہوں نے کہا کہ میڈیکل رپورٹ میں نہیں لکھا خاندان کولندن میں ہونا چاہیے، حسن اورحسین نواز پہلے ہی لندن میں موجود ہیں اور علاج کے معاملات دیکھ رہے ہیں۔

واجد ضیاء کا بیان

جے آئی ٹی سربراہ واجد ضیاء نے عدالت کو بتایا کہ 14اپریل 1989 کوایک معاہدہ ہوا، 12 ملین درہم کی رقم طارق شفیع نے قطری شہزادے کودی تھی، رقم معاہدےکے نقد دی گئی، رقم ایون فیلڈ پراپرٹیزسمیت العزیزیہ کے لیے بھی دی گئی۔

استغاثہ کے گواہ واجد ضیاء نے کہا کہ یو اے ای نے جوابی خط میں ہالی اسٹیل مل کا ریکارڈ نہ ہونے کا جواب دیا، ان کے ریکارڈ کے مطابق 25 فیصدشیئرزکا ریکارڈ موجود نہیں ہے۔

جے آئی ٹی سربراہ نے بتایا کہ کوئی ایسا ریکارڈ بھی نہیں ملا جو دبئی نوٹری پبلک سے تصدیق شدہ ہو، نوازشریف کے وکیل نے اعتراض کرتے ہوئے کہا کہ گواہ دستاویزات کو دیکھ کرپڑھ رہا ہے۔

احتساب عدالت کے جج محمد بشیر نے گواہ واجد ضیاء کو ہدایت کی کہ وہ دیکھ نہ پڑھیں، جے آئی ٹی سربراہ نے عدالت کو بتایا کہ ظاہرہوتا ہے 14اپریل 1980 کا معاہدہ جعلی اورخود ساختہ ہے، جےآئی ٹی کے مطابق اس حوالے سےغلط بیانی کی گئی۔

استغاثہ کے گواہ واجد ضیاء نے عدالت کو بتایا کہ ریکارڈ سے اخذ کیا گیا لندن فلیٹس سے قطری خاندان کا تعلق نہیں ہے جبکہ التوفیق سیٹلمنٹ میں قطری خاندان کا ذکر نہیں ملتا، سیٹلمنٹ کے مطابق 1999میں فلیٹس شریف فیملی کے تھے۔

جے آئی ٹی سربراہ نے کہا کہ لندن فلیٹس شریف خاندان کے 2 افراد کی ملکیت تھے جس پر نوازشریف کے وکیل خواجہ حارث نے اعتراض کرتے ہوئے کہا کہ یہ جے آئی ٹی کی رائے ہے اس کے ثبوت نہیں ہیں۔

خواجہ حارث نے کہا کہ واجد ضیاء جے آئی ٹی رپورٹ کا سہارا لے رہے ہیں، واجد ضیاء نے کہا کہ والیم 5 کے صفحہ 19 پرعدالت کے سوالوں کے جواب دیے۔

جے آئی ٹی سربراہ نے عدالت کو بتایا کہ بیئررشیئرزحماد بن جاسم نے حسین نوازکومنتقل کیے، قطری شہزادے سے خط وکتابت ثبوت ہے ممکنہ کوششیں کیں، قطری شہزادے نے جواب میں پہلے تاخیری حربے آزمائے۔

نگراں حکومت کے لیے اپوزیشن کومل بیٹھ کربات کرنی چاہیے‘ نوازشریف

واجد ضیاء نے کہا کہ قطری شہزادے نے بعد میں پیش نہ ہونے کے جوازبنائے، قطری شہزادے نے کہا تھا پیش ہونے کا نہیں بولا جائے گا، جےآئی ٹی نے اس کے باوجود کافی شواہد اکٹھے کیے۔

استغاثہ کے گواہ نے بتایا کہ یواےای حکومت، بی وی آئی کا جواب، ریڈلے رپورٹ موجود ہے، شواہد سے ثابت ہےکہ فلیٹس پرقطری شہزادے کے مؤقف کی حیثیت نہیں ہے۔

احتساب عدالت نے سابق وزیراعظم نوازشریف اور ان کی صاحبزادی مریم نواز کی جانب سے نیب ریفرنسز میں 7 دن کے لیے حاضری سے استثنیٰ کی درخواست پرفیصلہ محفوظ کرلیا۔

ایون فیلڈ ریفرنس، نواز شریف کی متفرق درخواست پر تحریری فیصلہ جاری

خیال رہے کہ گزشتہ روز احتساب عدالت کے جج محمد بشیر نے ایون فیلڈ ریفرنس میں نواز شریف کی متفرق درخواست پر تحریری فیصلہ جاری کیا تھا جس میں کہا گیا تھا کہ واجد ضیاء ملزمان کے گناہ گار یا بے گناہ قرار دینے پر رائے نہیں دے سکتے، وہ بطور گواہ بیان ریکارڈ کرائیں۔

تحریری حکم نامے میں کہا گیا تھا کہ قانونی شہادت کے مطابق متعلقہ شعبے کے ماہرین کی آرا قبول ہوگی، وکیل صفائی کو اعتراض کا حق حاصل ہے۔

یاد رہے کہ 16 مارچ کو جے آئی ٹی سربراہ واجد ضیاء کی جانب سے اصل قطری خط عدالت میں پیش کیا گیا تھا جبکہ لفافے پرقطری خط اصل ہونے کی سپریم کورٹ کے رجسٹرارکی تصدیق تھی۔

احتساب عدالت نے پاناما جے آئی ٹی سربراہ سے استفسار کیا تھا کہ یہ وہ خط نہیں ہے جس کی نقل کل عدالت میں پیش کی گئی تھی جس پر واجد ضیاء نے جواب دیا تھا کہ اصل خط سربمہرلفافے میں تھا، میراخیال تھا یہ کل والے خط کا اصل ہے۔

مریم نواز کے وکیل امجد پرویز کی جانب سے واجد ضیاء کے پیش کیے گئے خط پراعتراض کرتے ہوئے کہا تھا کہ پہلے کہا گیا تھا یہ کل والے خط کی اصل ہے اور اب کہا جا رہا ہے یہ کل والے خط کی اصل نہیں ہے۔

واضح رہے کہ گزشتہ ہفتے احتساب عدالت نے جے آئی ٹی کی مکمل رپورٹ کو بطور شواہد عدالتی ریکارڈ کا حصہ نہ بنانے کی مریم نواز کی درخواست جزوی طور پرمنظورکرلی تھی۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 22, 2018
پاناماکیس میں جوناانصافی ہوئی اس کی زدمیں بہت لوگ آئیں گے،مریم نواز

اسلام آباد: سابق وزیراعظم نواز شریف کی صاحبزادی مریم نواز کا کہنا ہے کہ پاناما کیس میں جو ناانصافی ہوئی اس کی زد میں بہت لوگ آئیں گے۔

تفصیلات کے مطابق سابق وزیراعظم نواز شریف کی بیٹی مریم نواز نے اسلام آباد احتساب عدالت کے باہر میڈیا سے گفتگو کرتے ہوئے کہا پاناما سے اقامہ والے فیصلے میں منتخب وزیراعظم سے ناانصافی ہوئی، پاناما کیس میں جو ناانصافی ہوئی، اس کی زد میں بہت لوگ آئیں گے۔

مریم نواز کا کہنا تھا کہ نہیں چاہتے مخالفین میں کسی کے ساتھ ایسی ناانصافی ہو۔

گذشتہ روز پیشی پر مریم نواز کا کہنا تھا کہ ہمارے خلاف مقدموں میں کوئی جان نہیں، پہلے6 ماہ میں کیا ثابت ہوا جواب نئی چیزیں مل گئی ہیں، پہلے کہا گیا کہ فلیٹس مریم کے ہیں، بعد میں ملکیت نوازشریف پرڈال دی۔

مزید پڑھیں : جمہوریت کی آستین میں چھپے سانپ آہستہ آہستہ باہر آگئے، مریم نواز

یاد رہے شانگلہ ہل میں جلسے سے خطاب میں مریم نواز کا کہنا تھا کہ جمہوریت کی آستین میں چھپے سانپ آہستہ آہستہ باہر آگئے، شیر کے خوف سے عمران اور زرداری کو ہاتھ ملانا پڑ گئے یہ دونوں اندر سے ملے ہوئے ہیں۔

انکا کہنا تھا کہ آپ کو نوازشریف کے ساتھ ہونے والی ناانصافی پر آواز اٹھانے پرسلام پیش کرتی ہوں، نوازشریف کا ووٹ کے تقدس کا بیانیہ آپ کےدلوں اور گھر تک پہنچ گیا ہے۔

مریم نواز نے مزید کہا تھا کہ نوازشریف کو سزا پہلے سنا دی اور مقدمہ بعد میں چلا رہے ہیں، دنیا کی عدالتی تاریخ کا پہلا مقدمہ ہے، سزا اس الزام پر دی گئی جو درخواست گزار نے لگایا ہی نہیں، نواز شریف کو بیٹے سے تنخواہ نہ لینے پر نااہل کردیا گیا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 21, 2018
بابراعوان کا نوازشریف اورمریم نوازکی تقریروں پرپابندی کامطالبہ

اسلام آباد : پاکستان تحریک انصاف کے رہنما بابراعوان کا کہنا ہے کہ نوازشریف کہتےتھے فیصلے سڑکوں پرنہیں عدالتوں میں ہونے چاہئیں، عدالت نے نا اہل کردیا توکہتے ہیں فیصلے اب سڑکوں پرہوں گے۔

تفصیلات کے مطابق پی ٹی آئی کے رہنما بابراعوان نے میڈیا سے گفتگو کرتے ہوئے سابق وزیراعظم نوازشریف اور ان کی صاحبزادی مریم نواز کی تقریروں پر پابندی کا مطالبہ کردیا۔

بابراعوان نے کہا کہ دھرنےکے ملزم کی گرفتاری کے حکم کے باوجود گرفتارنہیں کیا گیا جبکہ جعلی اکاؤنٹ بنانے والا مفرورسینیٹربن گیا، اسے گرفتارکیا جائے۔

اسٹیل مل اور پی آئی اے کی لنڈا بازار میں سیل نہیں ہونے دیں گے‘ بابراعوان

خیال رہے کہ گزشتہ روز پاکستان تحریک انصاف کے رہنما بابراعوان کا کہنا تھا کہ حکومتی اداروں کو بیچنے کی کوشش کی گئی تو پی ٹی آئی راستہ روکے گی، اسٹیل مل اور پی آئی اے کی لنڈا بازار میں سیل نہیں ہونے دیں گے۔

بابراعوان کا کہنا تھا کہ اداروں کوایک شہر کے حکمران فروخت کرنے جارہے ہیں، ایک حکمران تو نا اہل ہوگیا، شہباز شریف بھی جلد نا اہل ہوگا۔

پاکستان تحریک انصاف کے رہنما بابراعوان کا کہنا تھا کہ خیبرپختونخوا میں کرپشن میں ملوث وزراکو سزائیں ملیں، سانحہ ماڈل ٹاؤن میں ملوث وزیر کو دوبارہ وزارت دے دی گئی۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 20, 2018
جمہوریت کی آستین میں چھپے سانپ آہستہ آہستہ باہر آگئے، مریم نواز

سانگلہ ہل : نواز لیگ کی رہنما اور سابق وزیر اعظم کی صاحبزادی مریم نواز نے کہا ہے کہ جمہوریت کی آستین میں چھپے سانپ آہستہ آہستہ باہر آگئے، شیر کے خوف سے عمران اور زرداری کو ہاتھ ملانا پڑ گئے یہ دونوں اندر سے ملے ہوئے ہیں۔

ان خیالات کا اظہارانہوں نے سانگلہ ہل میں ایک بڑے جلسہ عام سے خطاب کرتے ہوئے کیا، مریم نواز نے کہا کہ فیصلے کی گھڑی میں چند ہفتے رہ گئے ہیں اور سازشیوں کے چہروں سے نقاب اٹھ گئے۔

ان کا کہنا تھا کہ جمہوریت کی آستین میں چھپے سانپ آہستہ آہستہ باہر آگئےہیں، شیر کے خوف سے عمران اور زرداری کو ہاتھ ملانا پڑ گئے ہیں۔

انہوں نے کہا کہ مخالفین2018میں عوام سے ووٹ لینے آئے تو کیا منہ لے کر آئیں گے، لاڈلہ کہے گا میں آپ کے ووٹوں کا سودا کرکے آگیا ہوں اور چہیتا کہے گا کہ میں آپ کے ووٹوں کو خرید کرآگیا ہوں، جو ووٹ تم عمران خان کو دو گے وہ زرداری کو جائے گا اور جو زرداری کو ووٹ دے گا اس کا ووٹ عمران کو جائے گا۔

یہ دونوں آپس میں اتحادی ہیں اور اندر سے ملے ہوئے ہیں، اگر یہ لوگ تم سے ووٹ مانگنے آئیں تو نعرہ لگانا کہ زرداری عمران خان بھائی بھائی۔

مریم نواز کا مزید کہنا تھا کہ آپ کو نوازشریف کے ساتھ ہونے والی ناانصافی پر آواز اٹھانے پرسلام پیش کرتی ہوں، نوازشریف کا ووٹ کے تقدس کا بیانیہ آپ کےدلوں اور گھر تک پہنچ گیا ہے۔

انہوں نے کہا کہ نوازشریف کو سزا پہلے سنا دی اور مقدمہ بعد میں چلا رہے ہیں، دنیا کی عدالتی تاریخ کا پہلا مقدمہ ہے سزا اس الزام پر دی گئی جو درخواست گزار نے لگایا ہی نہیں، نواز شریف کو بیٹے سے تنخواہ نہ لینے پر نااہل کردیا گیا۔

باتیں کھربوں کی کرپشن کی ہوتی رہیں اور ذاتی کاروبار کی کھنگال رہےہیں، کیا یہ لوگ نوازشریف کیخلاف 10روپے کی بھی کرپشن ثابت کرپائے؟ احتساب صرف نواز شریف کا نہیں احتساب سب کا ہونا چاہئے، حساب لو مگر انتقام نہ لو۔

مریم نواز نے جلسہ کے شرکاء سے کہا کہ وعدہ کرو2018کےالیکشن میں سازشیوں اورکٹھ پتلیوں کو ووٹ نہیں دو گے اور یہ بھی وعدہ کرو کہ ووٹ کی حرمت کی جنگ میں نوازشریف کا ساتھ دو گے۔

مارچ 18, 2018
نوازشریف سانگلہ ہل میں جلسہ عام سے خطاب کریں گے

سانگلہ ہل: صوبہ پنجاب کی تحصیل سانگلہ ہل میں مسلم لیگ ن آج عوامی طاقت کا مظاہرہ کرے گی، سابق وزیراعظم نوازشریف جلسہ عام سے خطاب کریں گے۔

تفصیلات کے مطابق ننکانہ صاحب کی تحصیل سانگلہ ہل میں مسلم لیگ ن کے قائد نوازشریف اور ان کی صاحبزادی مریم نواز ‌جلسے سے خطاب کریں گی۔

مسلم لیگ ن کے کارکنوں نے جلسہ گاہ کو پارٹی پرچموں اور بڑے بڑے بینروں اور پارٹی قائدین کی تصاویر سے سجا دیا ہے، جلسے کے لیے 120 فٹ لمبا اور 40 فٹ چوڑا اسٹیج بنایا گیا ہے اور 20 ہزار کے قریب کرسیاں لگائیں گئیں ہیں۔

مسلم لیگ ن کے قائد نوازشریف اپنی بیٹی کے ہمراہ ہیلی کاپٹر کے ذریعے سانگلہ ہل پہنچے گے جہاں وفاقی وزیرامور کشمیر چوہدری برجیش طاہر سمیت دیگر پارٹی رہنما ان کا استقبال کریں گے۔

مسلم لیگ ن کے رہنما میاں اعجاز حسین بھٹی کی جانب سے نوازشریف کی صاحبزادی مریم نواز کو سونے کا تاج بھی پہنایا جائے گا۔ اس موقع پر جلسے کی سیکورٹی کے لیے 5 ہزار پولیس اہلکار تعینات ہوں گے جبکہ جلسہ گاہ کے اندر اور باہر کیمرے بھی نصب کیے گئے ہیں۔

پی پی اورپی ٹی آئی کی سیاست کامقصد صرف عوام کودھوکہ دینا ہے‘ نواز شریف

خیال رہے کہ دو روز قبل مسلم لیگ ن کے قائد نوازشریف کا احتساب عدالت میں غیررسمی گفتگو کرتے ہوئے کہنا تھا کہ عدالتی اصلاحات ہمارے آئندہ الیکشن کے منشورکا حصہ ہوں گی، اصلاحات وقت اورقوم کی ضرورت ہیں۔

سابق وزیراعظم کا کہنا تھا کہ پی پی اورپی ٹی آئی کی سیاست کا مقصد صرف عوام کو دھوکہ دینا ہے، یہ ہروقت امپائرکی انگلی کی طرف دیکھتے ہیں اور ہمیشہ سے چوردروازے سے آنے کے خواہشمند ہیں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 18, 2018
نواز شریف،مریم نواز کےخلاف توہین عدالت کیس کی سماعت کیلئے لارجر بینچ تشکیل دینے کی سفارش

لاہور : لاہور ہائی کورٹ نے میاں نواز شریف اور مریم نواز کے خلاف توہین عدالت کیس کی سماعت کے لیے لارجر بنچ تشکیل دینے کی سفارش کر دی، جسٹس مظاہر علی اکبر نقوی نے قرار دیا معاملہ اہم نوعیت کا ہے سماعت کے لے بڑا بنچ تشکیل دیا جائے۔

تٖصیلات کے مطابق لاہور ہائیکورٹ نے نواز شریف، مریم نواز کے خلاف توہین عدالت درخواستوں کا تفصیلی فیصلہ جاری کردیا، جسٹس مظاہر علی اکبر نقوی نے توہین عدالت کیس کا تحریری فیصلہ جاری کیا اور کیس چیف جسٹس ہائیکورٹ کو بھجوادیا۔

عدالت نے چار صفحات پر مشتمل فیصلے میں قرار دیا ہے کہ عدلیہ کی توہین کا معاملہ انتہائی اہم اور سنگین ہے، جس کی سماعت کے لیے لارجر بنچ تشکیل دیا جائے۔

عدالت نے قرار دیا کہ میاں نواز شریف اور مریم نواز کے خلاف توہین عدالت کی متعدد درخواستیں مختلف عدالتوں میں زیر سماعت ہیں جنھیں یکجا کیا جائے۔

عدالت نے توہین آمیز بیانات نہ روکنے پر سیکرٹری پیمرا کو 29 مارچ کو ریکارڈ سمیت طلب کر لیا ہے۔

یاد رہے کہ درخواست گزار اظہر صادق نے موقف اختیار کیا کہ پانامہ کیس کے بعد میاں نواز شریف اور مریم نواز سمیت ن لیگی رہنماوں نے عدلیہ کے خلاف مہم شروع کر رکھی ہے اور وہ عدلیہ کو متنازعہ بنانا چاہتے ہیں۔

درخواست گزار کا کہنا تھا کہ نواز شریف،مریم نوازمسلسل عدلیہ کی توہین کر رہے، پیمرا نےعدالتی حکم کے باوجود کوئی کارروائی نہیں کیے، لہذا پیمرا کو میاں نواز شریف اور مریم نواز کے بیانات پر پابندی عائد کرنے کا حکم دیا جائے۔

مزید پڑھیں : آج 70 سال کی پالیسیوں کے خلاف اعلان بغاوت کرتا ہوں، نوازشریف

یاد رہے کہ بہاولپور میں‌ جلسہ عام سے خطاب کرتے ہوئے نواز شریف نے عدلیہ پر تنقید کرتے ہوئے کہا تھا کہ 70 سال میں ہم نے بہت ٹھوکریں کھائی ہیں، اب 70 سال کی پالیسیوں کے خلاف بغاوت کااعلان کرتا ہوں، ہم اپنا حق مانگیں، ملتا نہیں توچھینیں لیں گے۔

ان کا مزید کہنا تھا کہ کسی کو اجازت نہیں دیں گے کہ ہمیں اپنے پیروں تلے روندے، کسی کو اپنے ووٹ بینک پرڈاکا ڈالنے نہیں دیں گے۔

واضح رہے کہ مسلم لیگ ن کے رہنماؤں کیخلاف توہین عدالت کے کیسز زیر سماعت ہیں ، رہنماؤں میں وزیر داخلہ احسن اقبال، وزیر ریلوے سعد رفیق ، وزیر مملکت طلال چوہدری اور وزیر برائے نجکاری دانیال عزيز شامل ہیں۔

اس سے قبل مسلم لیگ ن کے رہنما نہال ہاشمی توہین عدالت کیس میں 1 ماہ قید اور پچاس ہزار روپے جرمانے کی سزا کاٹ چکے ہیں جبکہ ایک بار پھر نہال ہاشمی کیخلاف توہین عدالت کیس سپریم کورٹ میں زیر سماعت ہیں اور 26 مارچ کو ان پر دوبارہ فردِ جرم عائد کی جائے گی۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 16, 2018