ARYNews.tv | Urdu – Har Lamha Bakhabar

Tag: مریم نواز

  • احتساب عدالت میں نواز شریف کی حاضری سے استثنیٰ کی درخواست خارج

    احتساب عدالت میں نواز شریف کی حاضری سے استثنیٰ کی درخواست خارج

    اسلام آباد: سابق وزیر اعظم نواز شریف، ان کی دختر مریم نواز اور داماد کیپٹن ریٹائرڈ صفدر احتساب عدالت پہنچے جہاں کیس میں 4 گواہوں کے بیانات قلمبند کر لیے گئے۔ احتساب عدالت نے نواز شریف کی حاضری سے استثنیٰ کی درخواست خارج کردی۔

    تفصیلات کے مطابق سابق وزیر اعظم نواز شریف، مریم نواز اور کیپٹن ریٹائرڈ صفدر احتساب عدالت پہنچے جہاں شریف خاندان کے خلاف ریفرنسز کی سماعت ہوئی۔ گزشتہ روز نیب کی جانب سے دائر ضمنی ریفرنسز پر بھی سماعت ہوئی۔

    سماعت میں آج طلب کیے گئے چاروں گواہان کے بیانات قلمبند کرلیے گئے۔ وزارت اطلاعات کے افسر گواہ مبشر توقیر شاہ پر جرح بھی مکمل کر لی گئی۔

    گواہ مبشر توقیر کا اپنے بیان میں کہنا تھا کہ والیم 5 کی سی ڈی 5 فروری کو نیب افسر کے حوالے کی۔ تفتیشی افسر کو حسن نواز کے بی بی سی کو انٹرویو کی سی ڈی اور 12 صفحات پر مشتمل انٹرویو ٹرانسکرپٹ بھی تفتیشی افسر کو دیا۔

    مریم نواز کے وکیل امجد پرویز نے دریافت کیا کہ کیا تفتیشی افسر نے آپ کا بیان ریکارڈ کیا تھا جس پر گواہ نے جواب دیا کہ میمو پر دستخط لیے گئے بیان ریکارڈ نہیں کیا گیا۔

    وکیل نے پوچھا کہ کیا یہ درست ہے کہ نیب کے خط کو محلول سے مٹا کر درست کیا گیا، جس پر گواہ کا کہنا تھا کہ اصل خط کو فلوئڈ لگا کر ترمیم کی گئی۔

    مبشر توقیر کے علاوہ استغاثہ کے بقیہ گواہوں وقاص احمد، زاور منظور اور سلطان نذیر کا بیان بھی قلمبند کرلیا گیا۔

    گواہ سلطان نذیر کا کہنا تھا کہ تفتیشی افسر کو 10 صفحات پر مشتمل انٹرویو، اسمبلی خطاب کا ٹرانسکرپٹ دیا۔ 22 صفحات پر مشتمل نواز شریف کے انٹرویوز کا ٹرانسکرپٹ بھی حوالے کیا جبکہ تفتیشی افسر کو بیان بھی ریکارڈ کروایا۔

    آج کی سماعت پر نواز شریف کی حاضری سے استثنیٰ کی درخواست پر بھی سماعت ہوئی جسے بعد ازاں خارج کردیا گیا۔

    سماعت کے موقع پر نواز شریف کے وکیل کا کہنا تھا کہ نواز شریف کی اہلیہ لندن میں بیمار ہیں ان کے ٹیسٹ ہونے ہیں۔ ہم ہمیشہ عدالت میں پیش ہوتے رہے ہیں، نواز شریف کی لندن میں موجودگی ضروری ہے، نواز شریف کو لندن جانے کی اجازت دی جائے۔

    تاہم عدالت نے استدعا مسترد کرتے ہوئے درخواست خارج کردی۔ کیس کی مزید سماعت  22 فروری تک ملتوی کردی گئی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ن لیگ میں‌ بھی ایم کیو ایم کی طرح دھڑے بن جائیں گے: فواد چوہدری

    ن لیگ میں‌ بھی ایم کیو ایم کی طرح دھڑے بن جائیں گے: فواد چوہدری

    پی ٹی آئی کے مرکزی ترجمان فواد چوہدری کا کہنا ہے کہ نیب جوکام کررہا ہے، وہ قابل تعریف ہے، مگر چیئرمین نیب کے احکامات پرعمل در آمد میں حکومت رکاوٹ ہے.

    ان خیالات کا اظہار انھوں نے لاہور میں‌ میڈیا سے گفتگو کرتے ہوئے کیا. ان کا کہنا تھا کہ پاکستان کے عوام احتساب اداروں کے ساتھ کھڑےہیں. پنجاب میں ملزمان سرکاری پروٹوکول میں عدالت میں پیش ہورہے ہیں.

    انھوں نے کہا کہ پاکستان کا بنیادی مسئلہ کرپشن ہے. چیئرمین نیب نے آکراحتساب کےعمل کو تبدیل کرکے رکھ دیا۔ نیب نے نواز شریف اور مریم نواز کے نام  ای سی ایل میں ڈالنے کا احسن قدم اٹھایا۔

    فواد چوہدری نے کہا کہ نوازشریف کامؤقف کہ الیکشن جیت گیاکیس ختم کردیں، غلط ہے۔ جلد مسلم لیگ (ن) کے بھی ایم کیوایم کی طرح دھڑے بن جائیں گے۔

    ان کا کہنا تھا کہ اسحاق ڈار کو فرار کرانے والے جرم میں برابر کے شریک ہیں، وزیراعظم کے طیارے میں اسحاق ڈار کو فرار کروایا گیا، اسحاق ڈار کا نام ای سی ایل میں نہ ڈالنے پروزیرداخلہ کوگرفتارکرنا چاہیے، پاکستان کا بنیاد ی مسئلہ کرپشن ہے، گلی ٹھیک کرانی ہو، میٹرلگوانا ہو، تو بھی رشوت دینا پڑتی ہے۔اتنا سارا پیسہ لگانےکے باوجودبھی لاہورشہرقابل سفرنہیں، چار ارب ڈالرخرچ کرنے کے باوجود پورالاہور کھدا ہوا ہے۔

    فواد چوہدری کا کہنا تھا کہ عمران خان، پرویزخٹک ہو یا جہانگیر ترین کوئی احتساب سے بالاترنہیں، عمران خان نے تین دن سرکاری ہیلی کاپٹراستعمال کےاحتساب کو ویلکم کیا تھا۔

    نیب کی نوازشریف، مریم نوازاورکیپٹن صفدرکا نام ای سی ایل میں ڈالنےکی سفارش

    انھوں نے حریفوں کو آڑے ہاتھ لیتے ہوئے کہا کہ نوازشریف 1993 سےلند ن میں جائیداد رکھتے ہیں، مریم نوازمذکورہ جائیدادوں کی 2006 سے بینفشل آنرہیں، نوازشریف اور ان کی بیٹی دونوں دروغ گو ہیں، شاہدخاقان کاغذی وزیراعظم ہے،اصل وزیراعظم فواد حسن فواد ہیں.

    انتخابی فتح کو دلیل مان لیں تو مجرموں کو کبھی سزائیں نہیں ملے، فواد چوہدری

    انھوں‌ نے لودھراں الیکشن پر کہا کہ لودھراں کا نتیجہ توقعات کے برعکس لیکن ٹرینڈ کے مطابق ہے، عموماً پیپلزپارٹی سندھ ، پی ٹی آئی  کے پی اور ن لیگ پنجاب سے جیتتی ہے، البتہ ضمنی انتخاب سے طے ہوگیا کہ پنجاب میں مقابلہ ن لیگ اور پی ٹی آئی میں ہے.

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شریف خاندان کے خلاف نیب ریفرنسز کی سماعت جمعرات تک ملتوی

    شریف خاندان کے خلاف نیب ریفرنسز کی سماعت جمعرات تک ملتوی

    اسلام آباد : احتساب عدالت نے نا اہل وزیراعظم نوازشریف کے وکیل خواجہ حارث کی عدم پیشی کے باعث نیب ریفرنسز کی سماعت جمعرات تک ملتوی کردی۔

    تفصیلات کے مطابق وفاقی دارالحکومت اسلام آباد میں احتساب عدالت کے جج محمد بشیرنے شریف خاندان کے خلاف نیب ریفرنسز کی سماعت کی۔

    سابق وزیراعظم نوازشریف ، مریم نواز اور کیپٹن ریٹائرڈ صفدر احتساب عدالت میں پیش ہوئے۔

    نا اہل وزیراعظم نوازشریف کے وکیل خواجہ حارث مصروفیات کے باعث عدالت میں پیش نہ ہوسکے۔

    دوسری جانب عدالت میں مسلم لیگ ن کے صدر نوازشریف، ان کی صاحبزادی مریم نواز اور کیپٹن ریٹائرڈ صفدر کی جانب سے حاضری سے استثنیٰ کی درخواست دائر کی گئی ہے۔

    استثنیٰ کی درخواست 19 فروری سے 2 ہفتے کے لیے کی گئی ہے جس میں موقف اختیار کیا گیا ہے کہ کلثوم نوازکا علاج آخری مراحل میں ہے، علاج کے لیے خاندان کا ہونا ضروری ہے۔

    عدالت نے شریف خاندان کے خلاف نیب ریفرنسز کی سماعت جمعرات تک ملتوی کرتے ہوئے غیرملکی گواہوں کے بیانات ریکارڈ کرانے کی تاریخ 22 فروری مقرر کردی۔

    احتساب عدالت نے آج استغاثہ کے 4 گواہان کو طلب کررکھا تھا جن کے بیانات قلمبند کیے جانے تھے۔

    خیال رہے کہ گزشتہ سماعت پر نوازشریف کی تقریروں اور قوم سے خطاب کا ریکارڈ عدالت میں پیش کیا گیا تھا۔

    واضح رہے کہ گزشتہ ہفتے 7 فروری کو نااہل وزیراعظم نواز شریف کی صاحبزادی مریم نواز نے احتساب عدالت کے حکم نامے کو ہائی کورٹ میں چیلنج کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • مریم نواز کی احتساب عدالت کے 2 فروری کے حکم کوچیلنج کرنےکی درخواست سماعت کےلیےمقرر

    مریم نواز کی احتساب عدالت کے 2 فروری کے حکم کوچیلنج کرنےکی درخواست سماعت کےلیےمقرر

    اسلام آباد : سابق وزیر اعظم نواز شریف کی صاحبزادی مریم نواز کی احتساب عدالت کے 2فروری کےحکم کوچیلنج کرنے کی درخواست سماعت کے لیے مقرر کردی گئی۔

    تفصیلات کے مطابق اسلام آباد ہائیکورٹ میں نواز شریف کی صاحبزادی مریم نواز کی احتساب عدالت کے 2فروری کےحکم کوچیلنج کرنے کی درخواست سماعت کے لیے مقرر کردی گئی۔

    اسلام آبادہائیکورٹ کاڈویژن بینچ آج12بجے کیس کی سماعت کریگا، ڈویژن بینچ میں جسٹس اطہرمن اللہ اورجسٹس گل حسن اورنگزیب شامل ہیں۔

    گذشتہ روز مریم نواز نے احتساب عدالت کے2فروری کاحکم کوچیلنج کیا تھا، درخواست میں مؤقف اختیار کیا گیا تھا کہ احتساب عدالت نے2فروری کوویڈیولنک پرلندن سےبیان ریکارڈکرانے کاحکم دیا تھا، احتساب عدالت کے فیصلے کو ہائی کورٹ کالعدم قراردے اور 2فروری کے فیصلے میں ترمیم کا حکم بھی دے۔

    مریم نوازکی درخواست میں احتساب عدالت ،چیئرمین نیب،وفاق کو فریق بنایا گیا ہے۔

    مزید پڑھیں : ایون فیلڈریفرنس، غیرملکی گواہوں کے بیانات ویڈیولنک پر ریکارڈ کرنے کی درخواست منظور

    یاد رہے کہ شریف خاندان کیخلاف ایون فیلڈریفرنس پر احتساب عدالت نے غیرملکی گواہوں کے بیانات ویڈیولنک پر ریکارڈ کرنے کی درخواست منظور کرلی تھی اور کہا تھا کہ گواہ پاکستانی ہائی کمیشن میں بیٹھ کربیان ریکارڈکرائیں گے۔

    خیال رہے کہ نیب کی جانب سے بیرون ملک 2گواہان رابرٹ ریڈلی اور اختر راجہ کے ویڈیولنک کے ذریعے بیانات ریکارڈکرانےکی درخواست دی گئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • مریم نواز نے احتساب عدالت کے حکم نامے کو ہائیکورٹ میں چیلنج کر دیا

    مریم نواز نے احتساب عدالت کے حکم نامے کو ہائیکورٹ میں چیلنج کر دیا

    اسلام آباد : نااہل وزیر اعظم نواز شریف کی صاحبزادی مریم نواز نے احتساب عدالت کے حکم نامے کو ہائیکورٹ میں چیلنج کر دیا ، جس میں کہا گیا ہے کہ ہائیکورٹ 2فروری کے فیصلے میں ترمیم کا حکم دے۔

    تفصیلات کے مطابق نااہل وزیر اعظم نواز شریف کی صاحبزادی مریم نواز نے احتساب عدالت کے حکم نامے کو اسلام آباد ہائیکورٹ میں چیلنج کر دیا، احتساب عدالت کے 2فروری کے حکم نامے کیخلاف درخواست دائر کی گئی ہے، مریم نواز نے وکیل امجد پرویز کے ذریعے درخواست دائر کی۔

    رجسٹرار ہائیکورٹ نےمریم نوازکی جانب سے درخواست وصول کرلی۔

    درخواست میں مؤقف اختیار کیا گیا ہے کہ احتساب عدالت نے2فروری کوویڈیولنک پرلندن سےبیان ریکارڈکرانے کاحکم دیا تھا، احتساب عدالت کے فیصلے کو ہائی کورٹ کالعدم قراردے اور 2فروری کے فیصلے میں ترمیم کا حکم بھی دے۔

    مریم نوازکی درخواست میں احتساب عدالت ،چیئرمین نیب،وفاق کو فریق بنایا گیا ہے۔

    مزید پڑھیں : ایون فیلڈریفرنس، غیرملکی گواہوں کے بیانات ویڈیولنک پر ریکارڈ کرنے کی درخواست منظور

    یاد رہے کہ شریف خاندان کیخلاف ایون فیلڈریفرنس پر احتساب عدالت نے غیرملکی گواہوں کے بیانات ویڈیولنک پر ریکارڈ کرنے کی درخواست منظور کرلی تھی اور کہا تھا کہ گواہ پاکستانی ہائی کمیشن میں بیٹھ کربیان ریکارڈکرائیں گے۔

    خیال رہے کہ نیب کی جانب سے بیرون ملک 2گواہان رابرٹ ریڈلی اور اختر راجہ کے ویڈیولنک کے ذریعے بیانات ریکارڈکرانےکی درخواست دی گئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • نواز شریف کا منطقی انجام قریب سے قریب تر ہو تا جا رہا ہے، فواد چوہدری

    نواز شریف کا منطقی انجام قریب سے قریب تر ہو تا جا رہا ہے، فواد چوہدری

    اسلام آباد : ترجمان پاکستان تحریک انصاف فواد چوہدری نے کہا ہے کہ برطانیہ کی جانب سے نواز شریف کے اثاثہ جات کے خلاف تحقیقات کا آغاز کرنا خوش آئند ہیں کرپٹ لوگوں کو کہیں جائے پناہ نہیں ملنی چاہیے.

    وہ دارالحکومت میں پریس کانفرنس سے خطاب کرتے ہوئے سابق وزیراعظم نواز شریف کی پشاور میں کی گئی تقریر پر ردعمل دے رہے تھے، فواد چوہدری کا کہنا تھا کہ شریف خاندان کی جائیداد ملکی خزانے کو لُوٹ کر بنائی گئی ہے جو دراصل عوام کا پیسا ہے.

    انہوں نے کہا کہ نوازشریف اپنے منطقی انجام کی جانب بڑھ رہے ہیں چنانچہ اب اپنے جلسے لاہور اور پشاورکے بجائے لندن میں کریں کیوں کہ وہاں بھی ان کو کرپشن کے مقدمات کا سامنا ہوگا اور شاید وہاں بھی جلسے کرکے مجھے کیوں نکالا کے نعرے لگانے پڑیں.

    فواد چوہدری نے سابق وزیر اعظم نواز شریف کی صاحبزادی کو تنقید کا نشانہ بناتے ہوئے کہا کہ مریم نواز جعل سازی کے مقدمات کا سامنا کر رہی ہیں ایسے میں کسی اور پر الزام تراشی کرنے سے پہلے سوچ لینا چاہیے، یہی وجہ ہے کہ مریم نواز کی سیاست شروع ہونے سے پہلے ہی خاتمے کی جانب رواں ہے.

    انہوں نے کہا کہ پاکستان میں عدلیہ آزاد عدلیہ ہے جو نااہل کیے گئے نوازشریف کی تنقید کو اہمیت نہیں دینگی، عدلیہ کو اور بڑے اہم کرنے ہیں جو وہ بہت احسن طریقے سے ادا کر رہی ہے اور مقدمات کا فیصلہ بغیر کسی کے دباؤ میں آئے خالص میرٹ پر کر رہی ہے.

    فواد چوہدری نے کہا کہ تحریک انصاف کی گزشتہ روز ہونے والی کور کمیٹی میٹنگ میں نیب کی جانب سے چیئرمین پی ٹی آئی کی جانب سے خیبر پختونخواہ ہیلی کاپٹر کے استعمال سے متعلق نوٹس کا خیرمقدم کیا گیا اور آئین و قانون کے ساتھ مکمل تعاون کا فیصلہ کیا گیا.

    انہوں نے نوٹس سے متعلق مزید بتایا کہ نیب کے نوٹس میں عمران خان کے ہیلی کاپٹر میں 74 گھنٹے سفر کا حساب مانگا ہے لیکن کیا صرف عمران خان کے 74 گھنٹے ہیلی کاپٹرسفر کی تحقیقات ہونی چاہیے؟ جب کہ ملکی خزانے سے رائے ونڈ محلوں کیلئے صرف25 کروڑ روپے مالیت کی دیواربنادی گئی ہے.

     اسی سے متعلق : عوامی عدالت نے طلال اور دانیال کے حق میں فیصلہ سنا دیا، نوازشریف 

    فواد چوہدری نے کہا کہ رائے ونڈ سیکیورٹی اور شریف فیملی کے سفری اخراجات پرکروڑوں روپے خرچ ہوئے، اسی طرح حمزہ شہباز تمام حلقوں میں انتخابی مہم چلاتے ہیں جس کے لیے پنجاب حکومت کا ہیلی کاپٹر استعمال کرتے ہیں‌ لیکن اس پر نوٹس نہیں لیا جاتا.

    انہوں نے اپنی گفتگو میں سابق وزیر خزانہ کو تنقید کا نشانہ بناتے ہوئے کہا کہ اسحاق ڈار نے پورے پانچ سال قوم کو ناجائز چونا لگا کر مفرور ہیں کیوں کہ انہیں نوازشریف کا سمدھی ہونے کا اعزاز حاصل تھا اور اشتہاری ملزم ہونے کے باوجود سینیٹ کے ٹکٹ کے لیے اپلائی کر رہے ہیں.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نوازشریف آج پشاورمیں جلسہ عام سےخطاب کریں گے

    نوازشریف آج پشاورمیں جلسہ عام سےخطاب کریں گے

    پشاور: صوبہ خیبرپختونخوا کے دارالحکومت پشاور میں مسلم لیگ سیاسی قوت کا مظاہرہ کرے گی، نا اہل وزیراعظم نوازشریف جلسہ عام سے خطاب کریں گے۔

    تفصیلات کے مطابق مسلم لیگ ن کے صدر نا اہل وزیراعظم نواشریف آج خیبرپختونخواہ کے دارالحکومت پشاور میں جلسہ عام سے خطاب کریں گے۔

    جلسہ عام سے میاں نوازشریف، مریم نواز اور دیگر مرکزی قائدین خطاب کریں گے۔

    مسلم لیگ ن کی مقامی انتظامیہ نے جلسے کے لیے 24 فٹ اونچا اور تقریباََ 80 فٹ طویل اسٹیج بنایا ہے جبکہ چار واک تھرو گیٹ بنائے گئے ہیں اور 150 سے زائد لاؤڈ اسپیکر اور ہزاروں کرسیاں لگائی گئی ہیں۔

    جلسہ گاہ کو مسلم لیگ ن کے جھنڈوں سے سجایا گیا ہے جبکہ شہر بھر میں جلسے کے لیے بینرز اور سائن بورڈز لگائے گئے ہیں۔

    عدالت نے آمرکو اُس کام کی اجازت دی جس کا اُسے خود بھی اختیارنہیں، نوازشریف

    یاد رہے کہ دو روز قبل کراچی میں سابق نا اہل وزیر اعظم نواز شریف نے کہا تھا کہ عدالتوں نے آمر کو اس کام کی اجازت بھی دی جس کا اختیار خود عدلیہ کے پاس بھی نہیں ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • کس کس کو نااہل کروگے، جیلیں بھرجائیں گی، نوازشریف کے وفادارختم نہیں ہوں گے: مریم نواز

    کس کس کو نااہل کروگے، جیلیں بھرجائیں گی، نوازشریف کے وفادارختم نہیں ہوں گے: مریم نواز

    گوجرانوالہ: مسلم لیگ ن کی رہنما مریم نواز نے کہا ہے کہ جیسے جیسے سینیٹ اورعام انتخابات قریب آرہے ہیں، رونے کی آوازیں بڑھ رہی ہیں.

    ان خیالات کا اظہار مریم نواز نے گوجرانوالہ میں ن لیگ سوشل میڈیا کنونشن سے خطاب کرتے ہوئے کیا.

    انھوں نے عدالتوں پر کڑی تنقید کرتے ہوئے کہا، یہ کیسی نااہلی ہے کہ عدالت کو نوازشریف کے خلاف گواہ نہیں مل رہے، نوازشریف جہاں جاتے ہیں، پھولوں کی پتیاں نچھاورہوتی ہیں.

    انھوں‌ نے کہا کہ توہین عدالت کےنوٹسز کا سلسلہ شروع کر دیا گیا ہے، وہ نہیں جانتے کہ نوازشریف اکیلا نہیں، ہرکارکن نوازشریف ہے، کس کس کو نااہل کروگے، جیلیں بھرجائیں گی نوازشریف کے وفادارختم نہیں ہوں گے.

    مریم نواز کا کہنا تھا کہ عوام نے منصوبہ سازوں کا پلان فیل کر دیا.منصوبہ سازوں کو امید تھی ن لیگ ٹوٹ جائے گی، شریف فیملی بکھرجائے گی، سینیٹ الیکشن نہیں ہوں گے، نوازشریف منہ چھپا کربیٹھ جائیں گے، مگر نوازشریف جیت چکا ہے.

    انھوں نے مخالفین پر کڑی تنقید کرتے ہوئے کہا کہ انھیں پانچ سال بعد یاد آیا کہ الیکشن ہونے والے ہیں، عوام میں جانا پڑےگا، انھیں اب پانچ سال کا حساب دینا پڑے گا.

    مریم نواز نے پرویز مشرف کو بھی آڑے ہاتھوں‌ لیا. ان کا کہنا تھا کہ مشرف نے کہا تھا، نوازشریف واپس نہیں آئے گا، تاریخ کاحصہ بن گیا،مجھےبتاؤآج وہ مشرف کہاں ہے؟ نوازشریف کوعمرقید کی سزا سنانے والے ججزآج کہاں ہیں؟

    سیاسی مخالفین کے پاس اپنی کارکردگی دکھانے کے لیے کچھ نہیں، مریم نواز

    انھوں‌ نے سوال کیا کہ توہین عدالت کی سزا ہے، توہین آئین کی کوئی سزانہیں، توہین عدالت کی سزا ہے، ووٹ پارلیمنٹ کی توہین کی کوئی سزا نہیں. نہال ہاشمی کےعدلیہ مخالف بیان پرمجھے بھی غصہ آیا تھا.

    انھوں‌ نے عوام کو مخاطب کرتے ہوئے کہا کہ وعدہ کرو، اس نظام کےخلاف آواز اٹھاؤ گے وزیراعظم کی توہین کا بدلہ ووٹ سے لو گے۔ لوگ کہتے ہیں، لاہور لاہور ہے، میں کہتی ہوں، گوجرانوالہ گوجرانوالہ ہے۔ گوجرانوالہ سے نوازشریف کے مخالف منہ چھپا کرگزرتے ہیں، 2014میں دھرنے والوں کو گوجرانوالہ نے بھگا دیا تھا، پھر بھگائیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

  • سیاسی مخالفین کے پاس اپنی کارکردگی دکھانے کے لیے کچھ نہیں، مریم نواز

    سیاسی مخالفین کے پاس اپنی کارکردگی دکھانے کے لیے کچھ نہیں، مریم نواز

    لاہور: سابق نااہل وزیر اعظم نواز شریف کی صاحبزادی مریم نواز نے کہا ہے کہ سیاسی مخالفین کے پاس اپنی کارکردگی دکھانے کے لیے کچھ نہیں، نواز شریف کی اس سے بڑی فتح کیا ہوگی۔

    تفصیلات کے مطابق سماجی وابطے کی ویب سائٹ ٹوئٹر پر مریم نواز نے سیاسی مخالفین پر تنقید کرتے ہوئے کہا کہ کوئی ساڑھے چار سال کے بعد بھی ناکامیوں کی شرمندگی کو الزامات میں چھپا رہا ہے، ان کی ہر بات نواز شریف سے شروع ہوکر انہیں پر ختم ہوتی ہے۔

    Nawaz shareef

    مریم نواز کا کہنا تھا کہ اگر آپ نے قوم کی خدمت کی ہوتی تو یون ہزیمت نہ اٹھانا پڑتی، وعدے پورے کرنے کے لیے آرام قربان کرنا پڑتا ہے، ہم نے دس ہزار میگاواٹ بجلی بنانے کا ناممکن کام کر کے دکھایا ہے۔

    مخالفین کو نظرآرہا ہے نوازشریف2018میں پھرجیت جائیں گے، مریم نواز

    یاد رہے چند روز قبل مریم نواز نے جڑانوالہ جلسے میں معزز عدلیہ پر تیر برساتے ہوئے کہا تھا کہ سسلین مافیااورگاڈ فادر ہم نہیں تم ہو، یہاں‌ توہین عدالت کی تو سزا ہے، ووٹ کی توہین کرنے والوں کے لئے کوئی سزا نہیں، یہاں سزا پہلے اور مقدمہ بعد میں چلایا جاتا ہے۔

    دوسری جانب ہفتوں قبل سابق وزیر اعظم کی صاحبزادی کا ہری پور جلسے سے خطاب کرتے ہوئے کہنا تھا کہ نوازشریف کے مخالفین کا نام لو تو دھاندلی کا رونادھونا یاد آتاہے ، انتخابات میں ناکامی ہوگی تو دھاندلی کا رونا مت رونا، خالی کرسیاں ووٹ نہیں دیتیں، پے درپے شکست سے مخالفین کےمنہ پر12ایسےہی نہیں بجے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شریف خاندان کی سیاست کا تابوت نکلتا دیکھ رہاہوں: شیخ رشید

    شریف خاندان کی سیاست کا تابوت نکلتا دیکھ رہاہوں: شیخ رشید

    راولپنڈی: سربراہ عوامی مسلم لیگ شیخ رشید نے کہا ہے کہ سیاست میں وقت کی بہت اہمیت ہے، چوہدری نثار نے فیصلہ کرنے میں تاخیر کردی، اب وقت گزرگیا ہے.

    ان خیالات کا اظہار انھوں نے اپنڈکس آپریشن کے بعد اپنے پہلے ویڈیو بیان میں‌ کیا. ان کا کہنا تھا کہ ’میں‌ بیماری میں نیک تمناؤں کا اظہارکرنے والوں کا ممنون ہوں.‘

    عوامی مسلم لیگ کے سربراہ نے اپنے روایتی انداز میں‌ حکومت پر لفظوں کی گولا باری کرتے ہوئے کہا کہ شریف خاندان کی سیاست کا تابوت نکلتا دیکھ رہا ہوں، ان کا کیریر ختم ہوگیا ہے.

    انھوں‌ نے چوہدری نثار اور پرویز رشید کے اختلافات پر تبصرہ کرتے ہوئے کہا کہ پرویز رشید نے کسی کے کہنا پر چوہدری نثار کے خلاف بیانات دیے، ورنہ وہ تو خود اپنی گلی میں اپنی طرف سے کوئی بات نہیں‌ کرسکتے.

    شیخ رشید کی نا اہلی کیلئے لاہور ہائیکورٹ میں درخواست دائر

    شیخ رشید کا یہ بھی کہنا تھا کہ چوہدری نثار نےفیصلہ کرنے میں بڑی تاخیرکردی، وقت گزرگیا، انھیں پہلے ہی پارٹی سے اپنی وابستگی سے متعلق فیصلہ کر لینا چاہیے تھا.

    ان کا کہنا تھا کہ میں سن رہا ہوں مریم نواز پنڈی سے الیکشن لڑیں گی. اگر ن لیگ ایسا سوچ رہی ہے، تو شوق پورا کرلے.

    ویڈیو پیغام میں‌ شیخ رشید نے کہا کہ آپریشن کے بعد عمران خان سمیت اہم شخصیات نےعیادت کی اورخیریت دریافت کی، وہ ان تمام افراد کے تہ دل سے شکر گزار ہیں، جنھوں نے ان کے لیے نیک تمنائوں‌ کا اظہار کیا.

     یاد رہے کہ شیخ رشید نے لاہور میں ہونے والے طاہرالقادری کے جلسے میں پارلیمنٹ سے استعفے کا اعلان کیا تھا، تاہم اب انھوں نے یہ اعلان واپس لیتے ہوئے کہا ہے کہ استفعے کی ضرورت نہیں رہی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔