ARYNews.tv | Urdu – Har Lamha Bakhabar

Tag: مریم نواز

  • مریم نوازکے اثاثے کیوں چھپائے، کیپٹن صفدرالیکشن کمیشن میں طلب

    مریم نوازکے اثاثے کیوں چھپائے، کیپٹن صفدرالیکشن کمیشن میں طلب

    اسلام آباد : پاکستان تحریک انصاف نے وزیراعظم نواز شریف کی نااہلی کیلئےالیکشن کمیشن سےرجوع کرنےکافیصلہ کرلیا، دوسری طرف وزیر اعظم کے داماد کیپٹن صفدرکو الیکشن کمیشن نے طلب کرلیا، ان پراثاثوں کی تفصیلات میں غلط بیانی کاالزام ہے۔

    تفصیلات کے مطابق مریم نوازکی آف شورکمپنیاں کیپٹن صفدرکوبھاری پڑگئیں۔اپنی اہلیہ مریم صفدر کےاثاثے چھپانےکےالزام میں کیپٹن صفدر کیخلاف الیکشن کمیشن نے ایکشن لیتے ہوئے وزیراعظم کےداماد کیپٹن صفدر کو طلب کرلیا ہے۔

    تحریک انصاف کی درخواست پرالیکشن کمیشن نے لیگی رکن اسمبلی کیپٹن صفدرکو یکم جون کوطلب کرلیا، پی ٹی آئی کےنوابزادہ صلاح الدین نےاپنی درخواست میں مؤقف اپنایا کہ کیپٹن صفدر نے الیکشن کمیشن کے قواعد و ضوابط کی خلاف ورزی کی ہے۔

    انہوں نے عام انتخابات کےدوران اثاثوں کے بارےمیں غلط گوشوارےجمع کرائے۔ کیپٹن صفدر نے اپنی اہلیہ کی آف شورکمپنیاں ظاہرنہیں کیں ذرائع کا کہنا ہےکہ الزامات درست ثابت ہوئےتو کیپٹن صفدر کی اسمبلی رکنیت معطل کی جاسکتی ہے۔

     

  • مری ہاؤس کی تزئین و آرائش کا حکم

    مری ہاؤس کی تزئین و آرائش کا حکم

    اسلام آباد: وزیراعظم پاکستان نے مری ہاؤس کی تزئین و آرائش کا حکم دیتے ہوئے تینتالیس کروڑ روپے کے بجٹ کی منظوری دے دی۔

    تفصیلات کے مطابق سارک کانفرنس کی تیاریوں کے سلسلہ میں وزیر اعظم پاکستان میاں محمد نواز شریف نے مری ہاؤس کی تزئین و آرائش کی منظوری دیتے ہوئے 43 ارب روپے کے بجٹ کی منظوری دے دی۔

    مری ہاؤس میں قیمتی پتھر اور نیا فرینچر خریدا جائے گا، اس کام کی ذمہ داری نیشنل کالج آف آرٹس کے سپرد کرتے ہوئے سارے کام مکمل کرنے کے لئے آٹھ ماہ کا وقت دیا گیا ہے۔

    دوسری جانب تحریک انصاف کے سربراہ عمران خان نے سماجی رابطے کی ویب سائٹ پر ٹوئٹ کیا ہے کہ سارک سمٹ کے نام پر وزیر اعظم اپنا گھر سجا رہے ہیں، ذاتی گھر کی تزئین و آرائش کے لئے سرکاری خزانے سے پیسے لینا شرمناک عمل ہے۔

    انہوں نے مزید کہا کہ پہلے ہی راولپنڈی اسٹیٹ کے نام پرعوام کے گیارہ ارب روپے خرچ کئے جاچکے ہیں، جب لیڈرعوام کے پیسے کا بے دریغ استعمال کریں گے تو عوام پھر ٹیکس کیوں دیں؟

    وزیر اعظم کی صاحبزادی نے جوابی ٹوئٹ میں تحریک انصاف کے سربراہ کو تنقید کا نشانہ بناتے ہوئے کہا کہ عمران خان ابھی عمرہ ادا کر کے واپس آئے ہیں جھوٹ بولنے سے پرہیز کریں،اب سرکاری گھر بھی شریف فیملی کی ملکیت ہوگیا۔

    ترجمان وزیر اعظم کی جانب سے مؤقف اختیار کیا گیا ہے کہ مری ہاؤس کو محفوظ اور مزید خوبصورت بنانے کے لئے تزئین و آرائش کا کام کیا جارہا ہے۔

  • مریم نوازکی ٹوئٹر پروالد کیلئے تندرستی اوردرازی عمرکی دعا

    مریم نوازکی ٹوئٹر پروالد کیلئے تندرستی اوردرازی عمرکی دعا

    اسلام آباد: وزیراعظم لندن میں طبی معائنے کے بعد وطن واپس پہنچ گئے،مریم نواز والد کی لمبی عمر اوراچھی صحت کیلئے دعا گو ہیں۔

    وزیراعظم میاں نواز شریف لندن سے طبی معائنہ کروانے کے بعد وطن واپس پہنچ گئے، وزیراعظم کی صاحبزادی مریم نواز نے سماجی رابطے کی ویب سائٹ ٹوئٹر پر والد کیلئے تندرستی اوردرازی عمرکی دعا کی ۔

    انہوں نے لکھا اپنے والد کے ساتھ دوبارہ ملنے پر خوش ہوں، لاکھوں افراد کی دعاوں سے وہ صحت یاب ہیں، ہمارے لیے یہ شکرکےلمحات ہیں، وزیراعظم کے واپس نہ آنےکادعویٰ کرنیوالوں کو چپ لگ گئی۔

  • یوٹیوب پاکستان میں کھل گئی ، مریم نواز کا انکشاف

    یوٹیوب پاکستان میں کھل گئی ، مریم نواز کا انکشاف

    لاہور: مریم نواز کہتی ہیں یو ٹیوب اِز بیک جبکہ مختلف شہروں سے یوٹیوب کے کھلنے یا نہ کھلنے پر ملے جلے تاثرات ملے ہیں۔

     صارفین اب یوٹیوب کو براؤز کرسکتے ہیں، اس بات کا انکشاف مریم نواز نے خوشی کا اظہار کرتے ہوئےاپنے ٹویٹ میں کیا۔

     ملک کے مختلف شہروں میں لوگوں نے اس سائٹ کو کھولا تو کہیں اس پر گانے سن کر مزے لئے اور کہیں وہی پرانا پیغام ملا کہ ویب سائٹ پاکستان میں بند ہے۔

     یو ٹیوب کے کھلنے پر کسی کو اعتراض ہے اور کسی کو اطمینان ہے، کچھ کا شکوہ وہ اسکے جلوے سے ابھی تک محروم ہیں۔

    پہلے پابندی لگی پھر افواہوں کی گردش ہے کہ کبھی سائٹ کھلتی ہے کبھی نہیں کھلتی ہے، نوجوانوں کا ہے کہنا کوئی ایک فیصلہ ہوجائے ۔

  • میرے بچے اب اسکول نہیں جائیں گے: مریم نواز

    میرے بچے اب اسکول نہیں جائیں گے: مریم نواز

    لاہور:وزیراعظم نو از شریف کی صاحبزادی مریم نواز نے کہاہے کہ ان کے بچے پاکستان میں ہی رہیں گے اور گھر پر ہی تعلیم حاصل کریں گے ۔

    سماجی رابطوں کی ویب سائٹ پر اپنے ایک پیغام میں کہا کہ ہم اور ہمارے بچے پاکستان میں رہیں گے اوربچے اب اسکول نہیں گھر پڑھیں گے کیونکہ سیکیورٹی کو سنگین خدشات ہیں۔

    تفصیلات کے مطابق مریم نواز نے بچوں کو لندن بھیجنے کی خبر کی تردید کرتے ہوئے انہوں نے کہاکہ وہ ڈرنے والی خاتون نہیں ہیں بلکہ ان کی بیٹی کو دھمکی کے بعد ا سکول سے صرف اس لیے نکالا ہے کہ اس کی وجہ سے دوسرے بچوں کی زندگی خطرے میں نہ پڑ جائے، انہیں ملک کے سارے بچے اپنے بچوں کی طرح عزیز ہیں۔

  • لا ہور میں نا بینا افراد پر تشدد، مریم نواز کا ٹوئٹ

    لا ہور میں نا بینا افراد پر تشدد، مریم نواز کا ٹوئٹ

    لاہور: وزیر اعظم نواز شریف کی صاحبزادی مریم نواز نے نا بینا افراد پر پنجا ب پو لیس کے بے رحما نہ تشدد پر ٹو ئٹ کیا۔

    سماجی رابطے کی ویب سائٹ ٹوئٹر پر مسلم لیگ کی رہنماء مریم نواز کا اپنے ٹوئٹ میں کہنا ہے کہ کاش ان کے والد میاں نواز شریف اور چچا شہباز شریف بیرون ملک دورے پر نہ گئے ہو تے تو نا بینا افراد پر تشدد کر نے کے ذمہ دار لو گوں کو سزا دلواتے ، مریم نواز کے والد و وزیر اعظم نواز شریف لندن اور وزیر اعلیٰ پنجاب میں شہباز شریف قطر کے سرکا ری دورے پر گئے ہو ئے ہیں۔

  • تاجروں نے احتجاج کی کال مسترد کردی، مریم نواز کا ٹوئٹ

    تاجروں نے احتجاج کی کال مسترد کردی، مریم نواز کا ٹوئٹ

    لاہور: ن لیگ کی رہنما اور وزیراعظم میاں نواز شریف کی صاحبزادی مریم نواز کا کہنا ہے کہ تاجروں نے پی ٹی آئی کی احتجاج کی کال مسترد کردی،جس سے پی ٹی آئی کا پلان فیل ہوگیاہے۔

    سماجی رابطے کی ویب سائٹ ٹوئٹرپرپیغام دیتے ہوئے مریم نوازکا کہنا تھا کہ جب قیادت سوچے بغیر جلد بازی میں فیصلے کرتی ہے تواس کا انجام یہی ہوتا ہے۔

    تاجربرادری نے پی ٹی آئی کی کال پرلاہورمیں کاروبار بند کرنے سے انکارکردیا۔ دھرنا گروپ کواپنے مشیروں کو برطرف کردینا چاہئیے۔انہوں نے کہا کہ تحریک انصاف کے رہنما عمران خان نے پندرہ دسمبر کو لاہوربند کرنے کا اعلان کیا ہے لیکن تاجرتنطیموں نے ان کی کال کو مسترد کردیاہے۔

  • مریم نوازچیئرپرسن وزیراعظم یوتھ لون سےمستعفی

    مریم نوازچیئرپرسن وزیراعظم یوتھ لون سےمستعفی

    اسلام آباد: چیئرپرسن وزیراعظم یوتھ لون پروگرام مریم نواز نے اپنے عہدے سے مستعفیٰ ہونے کا فیصلہ کیا ہے، ذرائع کے مطابق مریم نواز نے اپنے استعفے کے سلسلے میں وزیراعظم سے مشاورت بھی کی تھی، مریم نواز کا استعفیٰ وزیراعظم ہائوس کو مل گیا ہے۔

    مریم نواز نے کہا کہ ان کیلئے عہدے معنی نہیں رکھتے، ہم عوام کی خدمت کرتے رہیں گے، میرے لئے یہی اعزاز کافی ہے کہ میں نواز شریف اور اس قوم کی بیٹی ہوں، ان کا کہنا تھا کہ اب احتجاج کا زمانہ گیا، ملک ترقی کی نئی منازل طے کرے گا۔

    واضح رہے کہ لاہور ہائيکورٹ میں مريم نواز کو یوتھ لون پروگرام کی سربراہی سے ہٹانے کیلئےدرخواست دائر کی گئی تھی، جس پر عدالت نے گزشتہ روز فیصلہ محفوظ کرتے ہوئے انہیں عہدہ چھوڑنے کیلئے جمعہ تک مہلت دی تھی۔

    سماعت کے دوران جسٹس منصور نے ریمارکس دیئے تھے کہ کیا عہدہ خاندانی افراد میں ہی رہنا ضروری ہے، کیا میں اپنے باورچی کو فوکل پرسن قرار دیکر عہدے پر لگا سکتا ہوں؟، کل وزیراعظم کسی ان پڑھ شخص کو اس عہدے پر تعینات کردیں تو کیا ہوگا؟۔

  • چیئرپرسن یوتھ لون اسکیم کیس، مریم نواز کا تعلیمی ریکارڈ طلب

    چیئرپرسن یوتھ لون اسکیم کیس، مریم نواز کا تعلیمی ریکارڈ طلب

    لاہور: چیئرپرسن یوتھ لون اسکیم کیس میں لاہور ہائی کورٹ نے مریم نواز کا تعلیمی ریکارڈ طلب کرلیا ہے۔

    تفصیلات کے مطابق لاہورہائی کورٹ نے چیئرپرسن یوتھ لون اسکیم تعیناتی کیس کی سماعت  آج ہوئی جس میں عدالت نے مریم نواز کی تعلیمی قابلیت کا ریکارڈ طلب کر لیا ہے۔ جسٹس سید منصور علی شاہ نے کیس کی سماعت کی۔

    فاضل جج نے استفسار کیا کہ بتایا جائے حکومت مریم نواز کو تبدیل کرنے پر غور کر رہی ہے یا نہیں، اگر حکومت غور نہیں کر رہی تو عدالت خود فیصلہ کرے گی۔ عدالت کا ریمارکس میں مزید کہنا تھا کہ کیا حکومت کسی کو بھی کوئی عہدہ دے سکتی ہے، اور کیا وزیراعظم کسی ان پڑھ کو بھی بڑا عہدہ دے سکتے ہیں۔

    عدالتی سماعت کے موقع پر درخواست گزاروں نے موقف اختیار کیا کہ وفاقی حکومت نے سیاسی بنیادوں پر میرٹ کے برعکس مریم نواز کو اہم عہدے پر تعینات کر دیا۔ وفاقی حکومت نے مریم نواز کی تعیناتی کا نوٹیفیکشن جاری کیا مگر غیر قانونی طور پر مریم صفدر اس عہدے پر براجمان ہیں۔

    سرکاری وکیل نے دلائل دیتے ہوئے کہ وزیر اعظم نے اپنے صوابدیدی اختیار کے تحت اعزازی عہدے پر مریم نواز کی تعیناتی کی۔ سرکاری وکیل نے مزید کہا کہ اعزازی عہدے کے لئے قواعد کی ضرورت نہیں ہوتی جبکہ یوتھ لون سکیم فنڈز کی تقسیم مریم نواز کا اختیار نہیں۔ سرکاری وکیل نے انٹرنیٹ سے حاصل کی گئیں مریم نواز کی تعلیمی اسناد کی کاپیاں فراہم کیں۔ جس پر عدالت نے ریمارکس دیتے ہوئے کہا کہ صوابدیدی اختیار کا مطلب یہ نہیں کہ گھر کے باورچی کو بھی عہدہ دیا جاسکتا ہے۔

    عدالت نے قرار دیا کہ اگر حکومت تعیناتی پر نظر ثانی نہیں کرتی تو عدالت اپنا فیصلہ سنائے گی۔ عدالت نے مریم نواز کی تعلیمی اسناد کا ریکارڈ طلب کرتے ہوئے کیس کی مزید سماعت سہہ پہر تک ملتوی کر دی۔

  • یوتھ لون سکیم چئیرپرسن تعیناتی کیس کی سماعت

    یوتھ لون سکیم چئیرپرسن تعیناتی کیس کی سماعت

    لاہور: ہائیکورٹ نے مریم نواز کی بطور یوتھ لون سکیم چئیرپرسن تعیناتی کے خلاف دائر درخواست کی سماعت کرتے ہوئے استبسار کیا کہ عوامی ٹیکسوں سے حاصل ہونے والی رقم کس طرح سیاسی مقاصد کے لئے استعمال کی جا سکتی ہے۔

    جسٹس سید منصور علی شاہ نے کیس کی سماعت درخواست گزار نے موقف اختیار کیا کہ وزیر اعظم نے مریم نواز کو میرٹ اور قانون کے برعکس یوتھ لون سکیم کا چئیرپرسن تعینات کیا جس کے تحت ایک سو ارب روپے کے قرضے نوجوانوں کو فراہم کر کے سیاسی مقاصد حاصل کئے جا رہے ہیں۔

    سرکاری وکیل نے کہا کہ یوتھ لون سکیم نوجوانوں کو انکے قدموں پر کھڑا کرنے کے لئے شروع کی گئی۔جس پر عدالت نے ریمارکس دیتے ہوئے کہا کہ خاندان کے فرد کو کس حیثیت میں اس سکیم کا سربراہ مقرر کیا گیا اس حوالے سے وضاحت پیش کی جائے۔عدالت نے کیس کی سماعت 30اکتوبر تک ملتوی کرتے ہوئے یوتھ لون سکیم کے متعلقہ افسر کو تفصیلات سمیت طلب کر لیا۔