Tag: مزدور

اسلام آباد: ورکرز ویلفیئر فنڈ نے مزدوروں کی بیٹیوں کے لیے شادی کی گرانٹ کو دگنا کرنے کا فیصلہ کر لیا ہے۔

تفصیلات کے مطابق ڈبلیو ڈبلیو ایف کی گورننگ باڈی نے مزدوروں کے لیے بڑا قدم اٹھاتے ہوئے ان کی بیٹیوں کے لیے شادی کی گرانٹ دگنی کر دی ہے۔

مزدوروں کی بیٹیوں کے لیے شادی کی گرانٹ پہلے ایک لاکھ روپے تھی جسے بڑھا کر 2 لاکھ روپے کر دیا گیا ہے، ڈیتھ گرانٹ میں بھی اضافہ کر دیا گیا ہے، جو اب 5 لاکھ سے بڑھ کر 6 لاکھ روپے ہو گئی ہے۔

اس سلسلے میں معاون خصوصی برائے اوورسیز پاکستانی زلفی بخاری نے کہا ہے کہ تمام محکموں کو متحرک اور منافع بخش اداروں میں تبدیل کرنے کے لیے ہم حکومتی سطح پر پُر عزم ہیں، اوورسیز پاکستانیز فاؤنڈیشن کو منافع کمانے والے شعبے میں تبدیل کر دیا ہے۔

زلفی بخاری نے پنشنرز کو بڑی خوشخبری سنادی

انھوں نے کہا کہ ای او بی آئی میں بھی بدعنوانی کو جڑ سے اکھاڑ پھینکنے کے لیے اقدامات کیے گئے۔

یاد رہے کہ ایک ہفتہ قبل کھیوڑہ، جہلم میں ای او بی آئی کے دفتر کا افتتاح کرتے ہوئے خوش خبری دی تھی کہ یکم ستمبر سے بزرگوں کو گھر پر پنشن پہنچائی جائے گی۔ انھوں نے کہا تھا کہ ای او بی آئی میں انفارمل ایمپلائمنٹ بھی لا رہے ہیں، بھٹے کے مزدور اور کھیتوں میں کام کرنے والی خواتین بھی اب حق دار ہوں گی۔

لاہور: خیبرپختونخوا حکومت نے صوبے کے تمام مزدوروں کا ڈیٹا کمپیوٹرائزڈ کرنے کا فیصلہ کر لیا۔

تفصیلات کے مطابق صوبائی وزیر محنت،ثقافت شوکت یوسفزئی نے ورکرز ویلفیئر بورڈ اجلاس سے خطاب کرتے ہوئے کہا کہ خیبرپختونخوا کے تمام مزدوروں کا ڈیٹاکمپیوٹرائزڈ کرنے کا فیصلہ کیا گیا ہے۔

صوبائی وزیر کا کہنا تھا کہ رجسٹرڈ ورکرز کو شادی،ڈیتھ گرانٹ،معذور پنشن دی جائےگی،لواحقین کو ڈیتھ پنشن اور بچوں کو اسکالرشپ دی جائےگی۔انہوں نے مزید کہا کہ ورکرز کی اکثریت مراعات سےمحروم ہیں۔

وزیراعلیٰ خیبرپختونخواہ نے دو ماہ کا کرایہ معاف کردیا

یاد رہے کہ گزشتہ روز وزیراعلیٰ خیبرپختونخوا نے کرونا وائرس کے بعد کی صورت حال کی روشنی میں پریشان حال لوگوں کے لیے بڑا اعلان کرتے ہوئے قابل تقلید مثال قائم کی۔

وزیر اعلیٰ خیبرپختونخواہ نے سوات کے عوام کے لیے اپنی ذاتی ملکیت والی دکانوں یا مکانوں میں رہنے والے کرایے داروں کے لیے دو ماہ کا کرایہ معاف کرنے کا اعلان کیا تھا۔

محمود خان کا کہنا تھا کہ پراپرٹی مالکان دکانوں اور مکانات کےکرائے میں رعایت کریں، مشکل وقت کامقابلہ ایک دوسرے کا ساتھ دے کر اور متحد رہ کر ہی کیا جاسکتا ہے۔

کراچی: وزیر تعلیم سندھ سعید غنی کا کہنا ہے کہ کاروباری مراکز کی بندش سے مزدوروں کو مشکلات کا سامنا کرنا پڑ رہا ہے۔

تفصیلات کے مطابق وزیر تعلیم ومحنت سندھ سعید غنی کی زیر صدارت اجلاس ہوا جس میں کرونا کے باعث مارکیٹیں، کاروبار کی بندش سے متعلق تبادلہ خیال کیا گیا۔ اجلاس میں ڈیلی ویجز پر کام کرنے والوں کو امداد کی فراہمی سے متعلق امور کا جائزہ لیا گیا۔

اجلاس میں پاک آرمی، کور فائیو، رینجرز، پولیس کے اعلیٰ افسران، ایدھی، چھیپا، سیلانی، عالمگیر ویلفیئر کے عہدیدار ان نے بھی شرکت کی۔

اس موقع پر صوبائی وزیر سعید غنی کا کہنا تھا کہ کوشش ہے روزانہ اجرت پر کام کرنے والوں کو معاشی مشکل نہ ہونے دی جائے،کاروباری مراکز کی بندش سے مزدوروں کو مشکلات کا سامنا کرنا پڑ رہا ہے۔

وزیر تعلیم سندھ نے کہا کہ وزیر اعلیٰ سندھ نے مزدوروں کے حوالے سے ایک کمیٹی فوری تشکیل دی ہے، 24 سے 48گھنٹے میں روزانہ اجرت والوں کی امداد کا کام شروع کردیں گے۔انہوں نے مزید کہا کہ ہمیں مل کر اس وبا سے نمٹنے کے لیے اقدامات کرنے ہوں گے۔

کرونا کا وار، پاکستان میں 2 اموات کی تصدیق، متاثرہ افراد کی تعداد 292 تک پہنچ گئی

واضح رہے کہ پاکستان بھر میں رپورٹ ہونے والے کیسز کی مجموعی تعداد اضافے کے بعد 326 تک پہنچ گئی۔ معاونِ خصوصی برائے صحت ڈاکٹر ظفر مرزا نے کرونا وائرس سے دو پاکستانیوں کی اموات کی تصدیق کر دی۔