Tag: مزمت

متحدہ قومی موومنٹ کے قائد الطاف حسین نے مسلم لیگ (ن) کے رہنما امیر مقام کے قافلے پر حملے کی سخت ترین الفاظ میں مذمت کی ہے۔

 الطاف حسین نے کہاکہ دہشتگرد ملکی سالمیت کے درپے ہیں اور مسلح افواج ، سیکورٹی فورسز اور عوام کوکھلی دہشت گردی کا نشانہ بنا رہے ہیں ایسی سنگین صورتحال تمام سیاسی ومذہبی جماعتوں اور ان کے رہنماؤں کو متحد و منظم ہوکر دہشت گردی کے خلاف نبرد آزما ہونے کا عندیہ دے رہی ہے ۔

انہو ں نے بم دھماکوں میں شہید پولیس اہلکاروں کے سوگوار لواحقین سے دلی تعزیت وہمدردی کااظہارکیا۔ا لطاف حسین نے صدر مملکت ممنون حسین ، وزیراعظم نواز شریف اور وفاقی وزیر داخلہ چوہدری نثار علی خان سے مطالبہ کیا کہ مسلم لیگ ن کے رہنما امیر مقام کے قافلے پر بم دھماکوں کا سختی سے نوٹس لیاجائے اور اس میں ملوث سفاک دہشت گردوں کو گرفتار کرکے قرار واقعی سزا دی جائے ۔
   

اپنے ایک بیان میں انہوں نے کہاکہ ایس ایس پی سی آئی ڈی چوہدری اسلم پاکستان میں دہشت گردی کابازارگرم کرنے والے کالعدم تنظیموں کے دہشت گردوں کے خلاف سرگرم تھے اورانہوں نے کالعدم تنظیموں کے دہشت گردوں اور دیگرجرائم پیشہ عناصرکے خلاف بڑ ی جرات و بہادری سے کارروائیاں کیں۔

الطاف حسین نے کہاکہ چوہدری اسلم کی شہادت سے کراچی پولیس ہی نہیں بلکہ پاکستان ایک انتہائی بہادر ، نڈراور جرات مند افسرسے محروم ہوگیا ہے اوریہ پاکستان کانقصان ہے۔ یہ ایک بڑاسانحہ ہے اورکراچی کے امن پسند باسی اس المناک سانحہ پرافسردہ اوراشکبار ہیں۔

الطاف حسین نے چوہدری اسلم کی شہادت پر ان کے تمام ساتھیوں،شہید کی بیوہ اورتمام لواحقین سے دلی تعزیت کااظہارکرتے ہوئے اس المناک سانحہ پر مجھ سمیت کراچی کے تمام شہری آپکے غم میں برابرکے شریک ہیں۔

الطاف حسین نے حکومت سے مطالبہ کیاکہ چوہدری اسلم کی شہادت کے المناک سانحہ میں ملوث دہشت گردوں کوفی الفور گرفتارکیاجائے اور جوسفاک دہشت گردپولیس وسیکوریٹی فورسز اورپاکستان کے معصوم شہریوں کے خون سے ہولی کھیل رہے ہیں ان دہشت گردوں کاقلع قمع کیاجائے ۔

متحدہ قومی موومنٹ کے قائد الطاف حسین نے مری میں دو بسوں کی کھائی میں گرنے سے متعدد افراد کے جاں بحق و زخمی ہونے پر گہرے دکھ اور افسوس کا اظہار کیا ہے اور حکومت سے مطالبہ کیاہے کہ کھائی میں پھنسے ہوئے لوگوں کو نکالنے کے لئے فوری امدادی کاررائیاں کی جائے۔

ایک بیان میں الطاف حسین نے جاں بحق ہونے والے افراد کے سو گوار لواحقین سے دلی تعزیت و ہمدردی اظہار کر تے ہوئے انہیں صبر کی تلقین اوردعا کی الطاف حسین نے حادثے میں زخمی ہونے والے افرادکے لئے جلد و مکمل صحت یابی کیلئے دعا کی۔

متحدہ قومی موومنٹ کے قائد الطاف حسین نے کوئٹہ میں زائرین کی بسوں کو دھماکہ سے تباہ کرنے کی شدیدالفاظ میں مذمت کی ہے اوردہشت گردی کے اس بدترین واقعہ میں عورتوں اوربچوں سمیت متعددافراد کے جاں بحق اورزخمی ہونے پر دلی افسوس کا اظہار کیا ہے ۔

اپنے بیان میں الطا ف حسین نے کہاکہ اپنے مقدس مذہبی مقامات کی زیارت کوجانے والے معصوم وبے گناہ اورنہتے زائرین کونشانہ بناناکھلی بربریت اورسفاکی اورظلم ہے جس کی جتنی بھی مذمت کی جائے کم ہے۔انہوں نے کہاکہ آخران معصوم اورنہتے زائرین نے کسی کاکیابگاڑاتھا، آخران کاکیاقصورتھاجوان معصوموں کو دہشت گردی کانشانہ بنایاگیا۔

الطاف حسین نے کہاکہ جو عناصر اس قسم کی دہشت گردی میں ملوث ہیں وہ کسی سے ڈھکے چھپے نہیں ہیں لیکن ان کے خلاف کارروائی کا نہ ہونااور دہشت گردی کے اس قسم کے واقعات کاتسلسل کے ساتھ جاری رہنا ریاست کی رٹ اورحاکمیت کے بارے میں سنجیدہ نوعیت کے سوالات کوجنم دیتاہے جن کاجواب ان واقعات میں ملوث دہشت گردوں کی گرفتاری سے ہی دیاجاسکتاہے۔

الطا ف حسین نے مطالبہ کیاکہ دہشت گردی کے اس بدترین واقعہ میں ملوث دہشت گردوں کوفی الفورگرفتارکیاجائے اور ان عناصر کے ساتھ سختی سے نمٹاجائے، الطاف حسین نے بم دھماکے میں جاں بحق ہونے والے افرادکے لواحقین سے دلی تعزیت کااظہارکیا، جاں بحق ہونے والوں کیلئے دعائے مغفرت کی اورزخمیوں کی صحتیابی کیلئے دعاکی۔

ترجمان دفتر خارجہ نےشمالی وزیرستان میں ڈرون حملے کی مذمت کرتے ہوئے،ایک بار پھرڈرون حملےبند کرنے کا مطالبہ کردیا ۔

ترجمان دفتر خارجہ تسنیم اسلم نے کہا ہے ڈرون حملےبین الاقوامی قوانین کی خلاف ورزی ہیں، پاکستان کا ڈرون حملوں پر مؤقف عالمی سطح پر مضبوط ہوا ہے، انھوں نےکہاکہ شمالی وزیرستان میں ڈرون حملےکی مذمت کرتےہیں یہ حملے بند کئے جائیں۔

ترجمان دفتر خادجہ کا کہنا تھا کہ بھارتی وزیرخارجہ کےمذاکرات جاری رکھنے کےبیان کاخیر مقدم کرتے ہیں جبکہ پاک بھارت قیدیوں کی رہائی پر کمیشن کام کررہاہے، وزیرمملکت برائے تجارت خرم دستگیرجنوری کے دوسرے ہفتےمیں بھارت کا دورہ کرینگے جہاں وہ سارک کانفرنس میں شرکت اور بھارتی وزیر تجارت سے ملاقات کرینگے۔
   

پاکستان عوامی تحریک کے سربراہ ڈاکٹر طاہر القادری نے کوئٹہ اور پشاور میں بم دھماکوں کی مذمت کرتے ہوئے کہا ہے کہ دہشت گردی پاکستان کے ماتھے کا داغ ہے، اس کا خاتمہ ناگزیر ہے۔

  لاہور سے جاری بیان میں ڈاکٹر طاہر القادری کی طرف سے کوئٹہ کے علاقے پشتون آباد اور پشاور بم دھماکے کی شدیدمذمت کرتے ہوئے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔

ڈاکٹڑ طاہر القادری کا کہنا تھا کہ دہشت گردی پاکستان کے ماتھے کا بد نما داغ ہے ، خاتمہ ناگزیر ہے ۔ ڈاکٹر طاہرالقادری کا کہنا تھا کہ حکومت دہشت گردی کی روک تھام میں مکمل طور پر ناکام دکھائی دیتی ہے، قومی شعور سے ہی دہشت گردی کے فتنے کا سر کچلا جا سکتا ہے۔ دہشت گردی کے ناسور کو ختم کرنے کے لیے قوم متحد ہوجائے۔

وزیراعظم نواز شریف نے راولپنڈی خود دھماکے کی مذمت کی ہے۔۔ دھماکے میں جاں بحق افراد کے لواحقین اور زخمیوں سے ہمدری کا اظہار کیا ہے۔

وزیراعلیٰ پنجاب شہباز شریف، وزیر اعلیٰ سندھ سید قائم علی شاہ، ایم کیو ایم کے قائد الطاف حسین ، جماعت اسلامی کے امیر سید منور حسن اور مجلس وحدت المسلمین نے راولپنڈی خود کش دھماکے کی شدید مذمت کی ہے۔

مجلس وحدت المسلمین کے رہنما علامہ ناصرعباس نے راولپنڈی خود کش دھماکے کی مذمت کرتے ہوئے کہا ہے کہ پنجاب حکومت امن وامان قائم کرنےمیں بری طرح ناکام ہوچکی ہے۔۔ چہلم امام حسین سے پہلے اس طرح کے واقعات حکومت کیلئے سوالیہ نشان ہیں۔

سنی اتحاد کونسل کے سربراہ صاحبزادہ حامد رضا کا کہنا ہے کہ حکومت حالات کنٹر ول کر نے میں ناکام ہو چکی، وزیر قانون پنجاب رانا ثنااللہ مستعفی ہو جائیں۔

جعفریہ الائنس نے بھی راولپنڈی دھماکے کی شدید الفاظ میں مذمت کی۔۔ متحدہ بین المسلمین فورم کے سربراہ مولانا تنویر الحق تھانوی بھی خود کش دھماکے کی شدید مذمت کی۔