Tag: مزمل اسلم

کے پی حکومت کے مشیر خزانہ مزمل اسلم نے وفاقی حکومت کے اڑان پاکستان پروگرام پر تنقید کرتے ہوئے اسے صرف سیاسی بیانیہ قرار دیا ہے۔

خیبر پختونخوا حکومت کے مشیر خزانہ مزمل اسلم نے اے آر وائی نیوز سے گفتگو کرتے ہوئے وفاقی حکومت کے سال نو پر اعلان کردہ ’’اڑان پاکستان پروگرام‘‘ پر کڑی تنقید کرتے ہوئے اسے صرف ن لیگ کی وفاقی حکومت کا سیاسی بیانیہ قرار دیا ہے اور کہا ہے کہ اڑان پاکستان ایک بیانیہ کا اڑان تھا اور وفاقی حکومت کے اڑان میں اس کے اتحادی بھی شامل نہیں تھے۔

مزمل اسلم نے کہا کہ شہباز شریف نے اڑان پاکستان پروگرام اس دن پیش کیا، جس دن خود حکومت نے 0.92 ترقی کا نمبر جاری کیا۔ اب حکومت کہہ رہی ہے کہ 6 اور 9 فیصد ترقی کریں گے جب کہ پاکستان کی تاریخ میں کسی سال بھی 9 فیصد ترقی نہیں ہوئی۔ تحریک انصاف کی وفاقی حکومت میں سب سے زیادہ ترقی 6.5 فیصد تھی۔

ان کا کہنا تھا کہ پاکستان کی معیشت آج 400 ارب ڈالرز سے بھی کم ہے اور یہ بس ایک بیانیہ کی اڑان ہے۔ حکومت کو کچھ مل نہیں رہا تو زبردستی کی ایک امید عوام میں جگانے کی کوشش کر رہی ہے۔ وفاق نے آئی ایم ایف کا کونسا ٹارگٹ پورا کیا ہے؟

مشیر خزانہ کے پی نے مزید کہا کہ وفاقی حکومت مہنگائی کم کرنے کا دعویٰ اس بنیاد پر کر رہی ہے کہ قیمتیں اب مزید اوپر نہیں جا سکتیں۔ ملک میں ترقی ہوتی ہے تو روزگار بڑھتا ہے، اور مہنگائی کم ہوتی ہے۔

مزمل اسلم نے کہا کہ حقیقت یہ ہے کہ 2022 میں غربت کی شرح 35 فیصد تھی جو 2023 میں بڑھ کر 45 فیصد ہوئی اور 2024 میں ملک کے مزید ایک کروڑ 30 لاکھ لوگ غریب ہو گئے۔ ن لیگ کی حکومت نے 2 سال میں 75 فیصد مہنگائی کی۔ پہلے سال اس کی شرح 29 اور دوسرے سال 38 فیصد رہی۔

https://urdu.arynews.tv/uraan-pakistan-5-year-targets-thousands-of-dollars-per-capita-income-set-by-2029/

ماہرِ معیشت مزمل اسلم نے کہا ہے کہ پی ٹی آئی نے ساڑھے 3 سالوں میں پیٹرولیم لیوی صفر کر دی تھی، پاکستان میں تیل کی قیمتوں میں اضافے کی ایک وجہ عالمی مارکیٹ بھی ہے۔

اے آر وائی نیوز کے مطابق ماہرِ معیشت مزمل اسلم کا کہنا تھا کہ تاثر دیا گیا کہ پی ٹی آئی کے آئی ایم ایف معاہدے کی وجہ سے قیمتیں بڑھائی گئیں۔ پیٹرولیم مصنوعات کی قیمتوں پر سیلز ٹیکس پی ٹی آئی نے صفر کر دی تھی۔ پی ٹی آئی کے جانے کے بعد سب سے پہلے مفتاح اسماعیل نے 30 روپے پی ڈی ایل لگائی۔

مزمل اسلم نے کہا کہ ہم نے آئی ایم ایف سے منظوری لی تھی کہ تیل کی قیمتوں پر سیلز ٹیکس صفر رہے گا۔ روپے کی قدرکی وجہ سے تیل کی قیمتوں میں اضافہ ہوا ہے۔

ماہرمعیشت نے کہا کہ عالمی مارکیٹ میں تیل کی قیمتیں 93 ڈالر فی بیرل کے آس پاس ہیں۔ پی ٹی آئی دورمیں عالمی مارکیٹ میں تیل کی قیمت 100 ڈالر سے اوپر رہیں۔ اس وقت تیل کی قیمتوں میں فی لیٹر 100 روپے حکومتی جیب میں جا رہے ہیں،

انھوں نے کہا کہ ٹیکس ٹارگٹ کو مکمل کرنے کیلئے پی ڈی ایل گزشتہ سال 50 روپے کی گئی، اس کے باوجود ٹیکس ٹارگٹ حاصل نہیں کیا گیا۔

مزمل اسلم کا کہنا تھا کہ ٹیکس کلیکشن نہ ہونے کی وجہ سے پی ڈی ایل کو 60 روپے تک لے گئے۔ اس وقت بھی تیل کی قیمتوں کے ذریعے ٹیکس ٹارگٹ حاصل کیا جا رہا ہے۔

اسلام آباد : ماہر معاشیات مزمل اسلم نے وزیراعظم شہبازشریف کو آئی ایم ایف پروگرام کی پیشگی مبارکباد دیتے ہوئے کہا پاکستان کو آج شام آئی ایم ایف پروگرام مل جائے گا۔

تفصیلات کے مطابق ماہر معاشیات مزمل اسلم نے اے آر وائی نیوز سے خصوصی گفتگو کرتے ہوئے کہا کہ وزیراعظم کوآئی ایم ایف پروگرام مکمل ہونے پر مبارکباد دیتا ہوں لیکن آئی ایم ایف کے اسٹینڈ بائی پروگرام سے معاشی مسائل حل نہیں ہوں گے۔

جب بورڈ آف ڈائریکٹرز ملتے ہیں تو سمجھیں کام ہوگیا، وزیراعظم شہبازشریف کو پیشگی مبارکباد دیتا ہوں، پاکستان کو آج شام آئی ایم ایف پروگرام مل جائے گا۔

وزیراعظم شہباز شریف نے دعا کیلئے کہا ہے، ہم سب کو دعا کرنی چاہیے لیکن دعائیں قبول ہوچکی ہیں آج کی میٹنگ صرف رسمی ہے، پاکستان کو آئی ایم ایف سے 3قسطوں میں پیسے ملیں گے۔

آئی ایم ایف صرف اس وقت رکاوٹ ڈالے گا جب حکومت معاشی ہدف حاصل کرنے میں ناکام ہوگا یا پھر الیکشن میں تاخیر ہوگی۔