Tag: مسئلہ کشمیر

اسلام آباد: وفاقی وزیر برائے انسانی حقوق شیریں مزاری کا کہنا ہے کہ مسئلہ کشمیر کے حوالے سے سفارت کاری میں تبدیلی کی ضرورت ہے۔

تفصیلات کے مطابق وفاقی وزیر برائے انسانی حقوق شیریں مزاری نے تقریب سے خطاب کرتے ہوئے کہا کہ ثقافت کشمیریوں پر مظالم کو اجاگر کرنے کا ذریعہ ہے۔

شیریں مزاری کا کہنا تھا کہ بھارتی جبرکو اجاگر کرنے میں انسانی حقوق کی تنظیموں کا اہم کردار ہے،کشمیریوں کی جدوجہد انصاف پرمبنی ہے۔وفاقی وزیر برائے انسانی حقوق نے کہا کہ بھارتی قابض فوج خواتین کی بےحرمتی کو بطور ہتھیار استعمال کر رہی ہے۔

انہوں نے مزید کہا کہ مسئلہ کشمیر کے حوالے سے سفارت کاری میں تبدیلی کی ضرورت ہے۔ وفاقی وزیر نے خطاب کے دوران فلسطینیوں کا ذکر کرتے ہوئے کہا کہ ان کی کاز انصاف کی کاز ہے۔

شیریں مزاری کا اقوام متحدہ کے ہائی کمشنر برائے انسانی حقوق کو خط

یاد رہے کہ گزشتہ ماہ شیریں مزاری نے اقوام متحدہ کے ہائی کمشنر برائے انسانی حقوق کو خط لکھا تھا جس میں انہوں نے مقبوضہ کشمیر کی آبادی کا تناسب بدلنے کے عمل کو رکوانے کا مطالبہ کیا تھا۔

خط میں کہا گیا تھا کہ بھارت کا 5 اگست 2019 کا اقدام غیر قانونی ہے،انسانی حقوق کا ادارہ بھارتی اقدام غیر قانونی قرار دے چکا ہے، اقوام متحدہ کا ادارہ مقبوضہ کشمیر پر 2 رپورٹس جاری کرچکا ہے۔

اسلام آباد: وزیراعظم عمران خان نے سلامتی کونسل میں مسئلہ کشمیر اٹھانے پر خیرمقدم کرتے ہوئے کہا کہ کشمیریوں کو ان کاحق ملنے تک مکمل حمایت جاری رکھیں گے۔

تفصیلات کے مطابق وزیراعظم عمران خان نے سلامتی کونسل میں مسئلہ کشمیر اٹھانے پر خیرمقدم کرتے ہوئے کہا کہ جموں وکشمیر کا تنازع 70سال سے سلامتی کونسل ایجنڈے پر ہے، سلامتی کونسل عالمی امن اور قراردادوں پر عملدرآمد کی ذمہ دار ہے۔

انہوں نے انسانی حقوق کی پامالی زیر بحث لانے پر ممبران کا شکریہ ادا کرتے ہوئے کہا کہ سلامتی کونسل کے ارکان نے مقبوضہ کشمیر کے حالات پر آواز اٹھائی۔

عمران خان کا کہنا تھا کہ کونسل ارکان نے مقبوضہ کشمیرکے حالات خراب نہ کرنے پر زور دیا،کونسل نے عالمی قوانین کی پاسداری،تنازع کے پرامن حل پر زور دیا۔

وزیراعظم پاکستان نے کہا کہ مقبوضہ کشمیر پر پاکستان کا مؤقف واضح اور دوٹوک ہے،مسئلہ کشمیراقوام متحدہ کی قراردادوں کے مطابق حل کیا جائے اور کشمیریوں کو استصواب رائے کاحق دیں۔انہوں نے مزید کہا کہ کشمیریوں کو ان کاحق ملنے تک مکمل حمایت جاری رکھیں گے۔

سیکیورٹی کونسل اراکین مسئلہ کشمیر کو حل ہوتے دیکھنا چاہتے ہیں، منیر اکرم

دوسری جانب اقوام متحدہ میں پاکستانی مندوب منیراکرم نے کہا ہے کہ سیکیورٹی کونسل اراکین مسئلہ کشمیر کو حل ہوتے دیکھنا چاہتے ہیں، سیکیورٹی کونسل رکنیت کے لیے بھارت کی حمایت کا فیصلہ غلط تھا۔

اسلام آباد: وزیر خارجہ شاہ محمود قریشی کا کہنا ہے کہ مسئلہ کشمیر پاکستان کی خارجہ پالیسی کا بنیادی جزو ہے۔

تفصیلات کے مطابق بین الاقوامی سیکیورٹی ورکشاپ کے شرکا کی دفتر خارجہ آمد پر وزیر خارجہ شاہ محمود قریشی نے شرکا کو پاکستان کی خارجہ پالیسی سے متعلق بریفنگ دی شاہ۔ محمود قریشی نے شرکا کے ساتھ ملکی سلامتی کے امور اور خارجہ پالیسی پرتبادلہ خیال کیا۔

وزیرخارجہ نے شرکا کو بین الاقوامی سفارتی سطح پر پاکستان کی کامیابیوں، عالمی سطح پر چیلنجز اور دفترخارجہ کے اہم اقدامات سے آگاہ کیا۔ شاہ محمود قریشی نے کہا کہ حکومت میں آنے کے بعد عالمی برادری سےتعلقات کو نئے زاویے سے استوار کرنا تھا۔

انہوں نے کہا کہ پاکستان کو افغان امن کے لیے اہم جزو سمجھاجا رہا ہےجو سفارتی کامیابی ہے، پاکستان کی ٹیرر فنانسنگ کے خلاف کوششوں کو عالمی سطح پر سراہا گیا ہے۔

شاہ محمود قریشی کا کہنا تھا کہ پاکستان اور بھارت کے درمیان مسئلہ کشمیر سب سے اہم ایشو ہے، 5 اگست2019 کا بھارتی اقدام اقوام متحدہ کی قراردادوں کےمنافی تھا۔

وزیر خارجہ نے کہا کہ لاکھوں کشمیریوں کو بنیادی انسانی حقوق سے محروم رکھا جا رہا ہے، کشمیری عوام کا رابطہ بیرونی دنیا سے منقطع ہے۔ انہوں نے مزید کہا کہ مسئلہ کشمیر پاکستان کی خارجہ پالیسی کا بنیادی جزو ہے۔

اسلام آباد: وفاقی وزیر برائے انسانی حقوق شیریں مزاری نے کہا ہے کہ مشرقی تیمور اور مسئلہ کشمیر کا معاملہ ایک جیسا ہے تاہم یو این نے مشرقی تیمور کا مسئلہ حل کیا اور کشمیر کا نہیں۔

اے آر وائی نیوز کے مطابق اسمبلی میں خطاب کے دوران شیریں مزاری نے کہا کہ مسئلہ کشمیر پر ابھی بہت زیادہ جدوجہد کی ضرورت ہے، وزارت خارجہ اکیلا مسئلہ کشمیر اجاگر نہیں کر سکتا، پارلیمنٹیرینز کو بھی جانا چاہیے، اقوام متحدہ کو بار بار مسئلہ کشمیر یاد دلانا ہوگا۔

ان کا کہنا تھا کہ مسئلہ کشمیر پر حکومت نے کچھ نہیں کیا یہ کہنا عملی طور پر درست نہیں، مسئلہ کشمیر کو حکومت نے بہت کم وقت میں اجاگر کیا ہے، اس کے لیے پارلیمنٹیرینز کو بھی بیرون ملک بھیجنا ہوگا، تاہم بغیر تیاری کے پارلیمنٹیرینز کو باہر بھیجیں گے تو نتیجہ صفر آئے گا، کشمیر کا کیس لڑنے کے لیے کشمیر کی تاریخ جاننا ضروری ہے۔

شیریں مزاری نے کہا کہ یو این ہیومن رائٹس کمیشن کو بھی مسئلے پر خط لکھا گیا ہے، جب تک یو این میں قرارداد نہیں آئے گی تو کمیشن نہیں بن پائے گا، میری منسٹری نے خواتین اور بچوں کے حقوق پر 18 اسپیشل مینڈیٹ کو خط لکھا، کہ بھارت کی فوج خواتین پر تشدد کر رہی ہے، خواتین سے زیادتی کو بہ طور ہتھیار استعمال کیا گیا، اس جرم پر ان ملٹری فورسز کو سزا ملنی چاہیے۔

وفاقی وزیر کا کہنا تھا کہ مسئلہ کشمیر پر پہلی بار پاکستان کا مؤقف پوری دنیا نے قبول کیا، کشمیر ایشو پر یو این میں دو میٹنگز ہوئیں جن میں اس پر غور ہوا، یورپی یونین پارلیمنٹ میں بھی 2 بار کشمیر ایشو پر بات ہوئی، جہاں انسانی حقوق کی خلاف ورزیوں کی مذمت کی گئی، بھارت کی انسانی حقوق کی خلاف ورزیوں کی دنیا مذمت کر رہی ہے، بھارت کا اصل چہرہ سامنے لانا پاکستان کی سفارتی کامیابی ہے، مسئلہ کشمیر سے متعلق عالمی سطح پر بھارت کے مؤقف کو تسلیم نہیں کیا گیا۔