Tag: مسئلہ کشمیر

اسلام اباد: وزیراعظم عمران خان کا کہنا ہے کہ امریکی صدر کو مسئلہ کشمیر کی حساسیت سے آگاہ کیا، دنیا جتنا آسان سمجھ رہی ہے کشمیر اس سے بڑا مسئلہ ہے۔

تفصیلات کے مطابق وزیراعظم عمران خان نے انٹرویو میں کہا کہ مسئلہ کشمیر کے پر امن حل کے لیے ہرممکن کوشش کر رہا ہوں، نتائج کیا ہوں گے میں نہیں جانتا۔

وزیراعظم کا کہنا تھا کہ امریکی صدر ڈونلڈ ٹرمپ کو مسئلہ کشمیر کی حساسیت سے آگاہ کیا، دنیا جتنا آسان سمجھ رہی ہے کشمیر اس سے بڑا مسئلہ ہے۔

وزیراعظم پاکستان کہا کہ پاکستان اور بھارت دونوں ایٹمی طاقتیں ہیں، بھارتی آرمی چیف کا آزاد کشمیرسے متعلق بیان غیرمناسب ہے، ایسے ماحول میں امن ممکن نہیں ہوسکتا۔ انہوں نے مزید کہا کہ دنیا کو سمجھ لینا چاہیے آر ایس ایس نازی آئیڈیالوجی سے متاثر ہے۔

5 فروری کوعوام 80 لاکھ کشمیریوں کی حمایت میں نکلیں، وزیراعظم

خیال رہے کہ گزشتہ روز وزیراعظم عمران خان نے اپنے پیغام میں کہا تھا کہ مودی کی فاشسٹ حکومت نے 6 ماہ سے کشمیر کا محاصرہ کر رکھا ہے۔

وزیراعظم پاکستان کا کہنا تھا کہ 5 فروری کوعوام 80 لاکھ کشمیریوں کی حمایت میں نکلیں، دنیا بھرمیں مقیم پاکستانی کشمیریوں سے اظہار یکجہتی کے لیے نکلیں۔

امریکی صدر نے ایک بار پھر مسئلہ کشمیر پر ثالثی کی پیشکش کر دی

یاد رہے کہ 21 جنوری کو ڈونلڈ ٹرمپ نے مسئلہ کشمیر پر ایک بار پھر ثالثی کی پیشکش کرتے ہوئے کہا تھا کہ پاکستان اور بھارت کے درمیان ثالثی کے لیے کردار ادا کر سکتا ہوں۔

ملتان: چیئرمین کشمیر کمیٹی فخر امام نے کہا ہے کہ پہلی بارعالمی میڈیانےمسئلہ کشمیرکوصحیح معنوں میں اجاگرکیا، مسئلہ کشمیرکوعالمی توجہ ملنے کے باعث بھارت کو پیچھے ہٹنا پڑا۔

تفصیلات کے مطابق چیئرمین کشمیر کمیٹی فخر امام نے ملتان میں میڈیا سے گفتگو کرتے کہا کہ پہلی بارعالمی میڈیا نے مسئلہ کشمیر کو صحیح معنوں میں اجاگر کیا، مسئلہ کشمیرکو پہلی مرتبہ عالمی میڈیا نے بہت اہمیت دی۔

فخر امام نے کہا ہے کہ مسئلہ کشمیرکوعالمی توجہ ملنے کے باعث بھارت کو پیچھے ہٹنا پڑا، مسئلہ کشمیر پربھارت بیک فٹ پرچلا گیا۔

چیئرمین کشمیر کمیٹی نے کہا کہ ایک لاکھ سے زائد کشمیری شہید،13 ہزار خواتین کی عصمت دری کی گئی، کشمیری لاک ڈاؤن سے خوفزدہ ہیں، انسانی حقوق پامال ہو رہے ہیں۔

انہوں نے کہا کہ عالمی میڈیا اورسفارت کاروں کو آزاد حیثیت میں جانے کی اجازت نہیں دی گئی، بھارت کشمیرمیں کسی کو داخلے کی اجازت نہیں دے رہا۔

فخر امام نے مزید کہا کہ کشمیرکا مسئلہ 72سال سے چل رہا ہے، کشمیرمتنازع علاقہ ہے 5 اگست کو مودی نےغلط اقدام کیا۔

مقبوضہ کشمیر میں 91 ویں روز بھی کرفیو برقرار

واضح رہے کہ بھارتی ظلم و بربریت کا سلسلہ تھم نہ سکا، 91 ویں روز بھی مقبوضہ کشمیر میں کرفیو برقرار ہے، کشمیری روز مرہ کی ضروری اشیا خریدنے سے بھی قاصر ہیں، دودھ بچوں کی خوراک، ادویات سب ختم ہو چکا ہے۔

اسلام آباد: معاون خصوصی برائے اطلاعات فردوس عاشق اعوان نے کہا کہ حکومت کا ون پوائنٹ ایجنڈا ہے ملک میں انتشار نہ ہو، غیر یقینی صورت حال کا دشمن فائدہ اٹھا سکتے ہیں۔

تفصیلات کے مطابق معاون خصوصی برائے اطلاعات ونشریات فردوس عاشق اعوان کا کہنا ہے کہ جمہوریت میں پرامن احتجاج ہر شہری کا حق ہے، ریاست کو چیلنج اور ڈنڈا بردار فورس کسی صورت قبول نہیں ہے۔

فردوس عاشق اعوان نے کہا کہ اس وقت مسئلہ کشمیر پرعالمی برادری کی توجہ ہے، ایسے وقت میں فضل الرحمان کا احتجاج مسئلہ کشمیرسے توجہ ہٹائے گا۔

معاون خصوصی برائے اطلاعات نے کہا کہ حکومت کا ون پوائنٹ ایجنڈا ہے ملک میں انتشار نہ ہو، غیر یقینی صورت حال کا دشمن فائدہ اٹھا سکتے ہیں۔

مولانا فضل الرحمان ذاتی مفادات کے لیے احتجاج کررہے ہیں، فیصل واوڈا

اس سے قبل وفاقی وزیر آبی وسائل فیصل واوڈا نے میڈیا سے گفتگو کرتے ہوئے کہا تھا کہ مولانا فضل الرحمان ذاتی مفادات کے لیے احتجاج کر رہے ہیں، آنے والے وقت میں بتاؤں گا کہ احتجاج اوراس کے پیچھے اصل مقاصد کیا ہیں۔

فیصل واوڈا کا کہنا تھا کہ پرامن احتجاج سب کاحق ہے لیکن اس احتجاج کا مقصد کیا ہے وہ تو بتائیں، ریاست کے اندر ریاست نہیں بننے دیں گے، ڈنڈا بردار فورس کسی صورت قبول نہیں کریں گے۔

لندن : صدر آزاد کشمیر مسعود خان کا کہنا ہے کہ مسئلہ کشمیر علاقائی امن کے لیے خطرہ ہے، عالمی برادری کشمیر مسئلہ کشمیر کو اقوام متحدہ کی قراردادوں کے مطابق حل کرائے۔

تفصیلات کے مطابق صدر آزاد کشمیر مسعود خان نے پاکستانی ہائی کمیشن لندن میں پریس کانفرنس سے خطاب کرتے ہوئے کہا کہ مسئلہ کشمیر علاقائی امن کے لیے مستقل خطرہ ہے۔

سردار مسعود خان نے کہا کہ برطانیہ اور اقوام متحدہ کی سلامتی کونسل سمیت عالمی برادری کی ذمہ داری ہے کہ کشمیر کے تنازعے کو عالمی قراردادوں کے مطابق حل کرائے۔

صدر آزاد کشمیر نے کہ عالمی ذرائع ابلاغ مقبوضہ کشمیر میں انسانی حقوق کی سنگین خلاف ورزیوں کو اجاگر کر رہے ہیں۔ انہوں نے کہا کہ مقبوضہ کشمیر میں لاک ڈاؤن اور کرفیو کے باوجود کشمیریوں نے بھارتی آئین کے آرٹیکل 370 اور 35-A کی یکطرفہ منسوخی کو مسترد کرتے ہوئے سول نافرمانی کی تحریک شروع کردی ہے۔

واضح رہے کہ مقبوضہ وادی میں بھارتی ظلم وجبر کا آج 77واں روز ہے،ذرائع نقل وحمل اور ہر طرح کے مواصلاتی رابطے منقطع ہیں، کشمیری گھروں میں محصور ہو کر رہ گئے ہیں۔

قابض بھارتی فوج نے کشمیریوں کے لیے سانس لینا بھی مشکل کردیا ہے، وادی میں کھانے پینے کی چیزوں، ادویات اور دیگر ضرورت کی اشیاء کی شدید قلت پیدا ہوگئی ہے۔

بیجنگ: مسئلہ کشمیر پر چین نے پاکستان کے دو ٹوک مؤقف کی کھل کر حمایت کر دی ہے، چینی قیادت کا کہنا ہے کہ مسئلہ کشمیر تاریخ کا ادھورا چھوڑا ہوا تنازع ہے، اسے یو این چارٹر اور سلامتی کونسل کی قراردادوں کے مطابق حل ہونا چاہیے۔

تفصیلات کے مطابق وزیر اعظم کا دورۂ چین اختتام کو پہنچ گیا ہے، وزیر اعظم واپس ملک کے لیے روانہ ہو گئے ہیں، وزیر اعظم عمران خان نے کہا مقبوضہ کشمیر میں انسانی بحران جنم لے رہا ہے، بھارت فوری کرفیو اٹھائے۔

چینی صدر شی جن پنگ نے کہا کہ چین کی حالات پر گہری نظر ہے، مقبوضہ کشمیر کی صورت حال مزید پیچیدہ بنانے والے یک طرفہ اقدامات قبول نہیں۔

وزیر اعظم عمران خان سے ملاقات میں چینی صدر نے پاکستان کی خود مختاری اور علاقائی سالمیت کی غیر متزلزل حمایت کا اعادہ کیا۔

چین نے افغان امن عمل میں پاکستان کے کردار کی تعریف کی، پاک چین قیادت اس بات پر متفق تھی کہ افغان تنازع کا کوئی فوجی حل نہیں، چین نے کہا دنیا دہشت گردی کے خلاف پاکستان کے اقدامات تسلیم کرے۔

پاکستان اور چین نے سی پیک کی جلد سے جلد تکمیل کے عزم کا بھی اعادہ کیا، چین نے اس حوالے سے کہا کہ سی پیک سے پاکستان میں صنعتی اور معاشی ترقی ہوگی، گوادر پورٹ بہتر سہولتوں کے بعد جلد خطے کا تجارتی مرکز بنے گا۔

دونوں ملکوں نے ایک دوسرے کے مفادات پر مکمل تعاون کا عزم بھی کیا،وزیر اعظم عمران خان چین کا دورہ مکمل کر کے وطن روانہ ہو گئے ہیں۔