ARYNews.tv | Urdu – Har Lamha Bakhabar

Tag: مساج سینٹر

  • سعودی عرب میں 4 غیر ملکی گرفتار، وجہ سامنے آگئی

    سعودی عرب میں 4 غیر ملکی گرفتار، وجہ سامنے آگئی

    سعودی عرب کے ریاض ریجن پولیس نے مساج سینٹر میں غیر اخلاقی سرگرمیوں میں ملوث 4 غیر ملکیوں کو حراست میں لے لیا۔

    سعودی خبر رساں ادارے کی رپورٹ کے مطابق ریاض پولیس نے کہا ہے کہ ’کارروائی سماجی تحفظ اور انسانی سمگلنگ کے انسداد کے لیے قائم محکمے کے تعاون کی گئی ہے‘۔

    رپورٹس کے مطابق ’مذکورہ مساج سینٹر کے خلاف شکایت کا اندراج ہوا ہے جس پر کارروائی کی گئی ہے‘۔

    متعلقہ بلدیاتی اتھارٹی کی جانب سے مساج سینٹر پر عائد سزاؤں اور جرمانوں کے ضوابط نافذ کئے گئے ہیں جبکہ گرفتار شدگان کو ضابطے کی کارروائی کے بعد پبلک پراسیکیوشن کے حوالے کردیا جائے گا۔

    قبل ازیں سعودی عرب میں ریاض ریجن کی پولیس نے جنرل ڈیپارٹمنٹ آف کمیونٹی سیکیورٹی اینڈ کامبیٹنگ ہیومن ٹریفکنگ کرائمز کے ساتھ مل کر انسداد انسانی سمگلنگ کے جرائم کے قانون کی خلاف ورزی کرنے پر 2 غیر ملکیوں کو حراست میں لے لیا تھا۔

    رپورٹ کے مطابق ریاض پولیس کا اس حوالے سے کہنا ہے کہ گرفتار ہونے والے غیرملکی یمن سے تعلق رکھتے ہیں، انہوں نے اپنے ہم وطن 8 یمنی بچوں کو پبلک مقامات اور سڑکوں پر گداگری کے لیے بھی استعمال کیا تھا۔

    ریاض پولیس کے مطابق ان بھکاریوں کی نگرانی کی گئی اور اصل کارندوں تک پہنچنے کے لیے نشاندہی کے بعد فلیٹ پر چھاپہ مارا گیا اور وہاں سے دونوں غیرملکیوں کو حراست میں لے لیا گیا، بچوں سے گداگری کرانے سے حاصل ہونے والی رقم کو بھی ضبط کرلیا گیا۔

    سعودی عرب: رمضان کے اوقاتِ کار اور عید الفطرکی تعطیلات کا اعلان

    ریاض پولیس کا کہنا ہے کہ دونوں غیرملکیوں کے خلاف کارروائی کے بعد غیر ملکیوں کو پبلک پراسیکیوشن کے حوالے کردیا گیا ہے۔ امن عامہ فورس نے اس حوالے سے اپنے آفیشل اکاؤنٹ ایکس (ٹوئٹر) پر وڈیو بھی جاری کی ہے۔

  • اب ایس ایچ اوز کو شیشہ کیفے، مساج سینٹرز سے متعلق سرٹیفکیٹ دینا ہوگا

    اب ایس ایچ اوز کو شیشہ کیفے، مساج سینٹرز سے متعلق سرٹیفکیٹ دینا ہوگا

    کراچی: شہر قائد کے ضلع جنوبی میں اب ایس ایچ اوز کو شیشہ کیفے، مساج سینٹرز اور گیسٹ ہاؤسز سے متعلق سرٹیفکیٹ دینا ہوگا۔

    تفصیلات کے مطابق ڈسٹرکٹ ساؤتھ میں شیشہ کیفے، مساج سینٹرز اور گیسٹ ہاؤسز کا منظم غیر قانونی کاروبار چل رہا ہے، جس پر ڈی آئی جی ساؤتھ اسد رضا نے ایس ایس پی کو خط لکھ کر غیر قانونی دھندے فوری بند کرانے کی ہدایت کر دی ہے۔

    یہ ایکشن نگراں وزیر داخلہ سندھ کے احکامات کے بعد لیا جا رہا ہے، خط میں کہا گیا ہے کہ مصدقہ ذرائع سے غیر قانونی کام چلنے کی اطلاع ملی ہے، کئی شیشہ کیفے، مساج سینٹر اور گیسٹ ہاؤسز چل رہے ہیں جہاں منشیات اور شراب نوشی کی جاتی ہے، اور نوجوانوں میں منشیات کی لت لگ رہی ہے۔

    ڈی آئی جی ساؤتھ نے ایس ایس پی کو ہدایت کی ہے کہ غیر قانونی شیشہ کیفے، مساج سینٹرز اور گیسٹ ہاؤس بند کرائیں، اور اس سلسلے میں متعلقہ ایس ایچ اوز سے سرٹیفکیٹ حاصل کریں، ایس ایچ او سند دے کہ ایسا کوئی غیر قانونی کاروبار نہیں چل رہا، اور تمام ایس ایچ اوز 7 روز میں سرٹیفکیٹ جمع کروائیں گے۔

    ادھر پولیس ذرائع کا کہنا ہے کہ بااثر ایس ایچ او ہر شیشہ کیفے سے 40 ہزار ہفتہ لیتا ہے، گلستان جوہر میں کئی سال سے ڈیپوٹیشن پر تعینات افسر شیشہ چلاتا ہے، اور شارع فیصل پر چلنے والا شیشہ کیفے آج تک کراچی پولیس بند نہ کرا سکی۔