میلان : ایک چھوٹا مسافر بردار طیارہ دو منزلہ عمارت سے ٹکرا گیا ، جس کے نتیجے میں طیارے میں سوار تمام آٹھ افراد ہلاک ہوگئے۔
تفصیلات کے مطابق اٹلی کے شہر میلان میں مسافر بردار طیارہ حادثے کا شکار ہوگیا ، خبر رساں ادارے کا کہنا ہے کہ ٹلی کے شمالی شہر میلان میں ایک چھوٹے طیارے نے لناٹ سٹی ہوائی اڈے سے جزیرے سرڈینیا کے لیے اُڑان بھری تھی تاہم کچھ ہی دیر بعد طیارہ ایک خالی عمارت سے ٹکرا گیا۔
جس کے نتیجے میں جہاز میں آگ بھڑک اُٹھی اور تمام آٹھ افراد ہلاک ہوگئے ، حادثے سے عمارت اور قریب کھڑی گاڑیوں میں بھی آگ لگ گئی تاہم فائر فائٹرز کے عملے نے طیارے میں لگی آگ پر ایک گھنٹے کی مشقت کے بعد قابو پالیا گیا۔
عینی شاہدین کا کہنا تھا کہ طیارے کے عمارت سے ٹکرانے کے بعد گلی میں کھڑی کئی گاڑیوں میں آگ لگ گئی لیکن مزید کوئی جانی نقصان نہیں ہوا
نیروبی : ایتھوپین ایئر لائن کا طیارہ بوئنگ 737 کینیا جاتے ہوئے گر کر تباہ ہوگیا، متاثرہ طیارے میں سوار تمام 157 مسافر ہلاک ہوگئے۔
تفصیلات کے مطابق ایتھوپیا کے دارالحکومت اددیس آبابا کے ہوائی اڈے سے اڑان بھرنے والا ایتھوپین ایئر لائن کا مسافر بردار طیارہ نامعلوم وجوہات کے باعث ہوائی اڈے سے اڑان بھرنے کے کچھ دیر بعد اچانک ایتھوپین ٹاؤن بِس ہوفتو میں گر کر تباہ ہوگیا۔
غیر ملکی خبر رساں ادارے کا کہنا تھا کہ ایتھوپین ایئر لائن کا مسافر بردار طیارہ ’ای ٹی 302‘ 149 مسافروں عملے کے آٹھ افراد کو دارالحکومت سے کینیا کے دارالحکومت نیروبی لے جار ہا تھا۔
ایتھوپین حکومت کے ترجمان کا کہنا ہے کہ حادثہ صبح 8 بج کر 44 منٹ پر پیش آیا تھا، ریسکیو ٹیموں نے جائے حادثہ پر پہنچ کر ریسکیو آپریشن کیا اور تمام لاشوں کو اسپتال منتقل کیا۔
طیارے میں ایئرلائن کے 8 عملے سمیت کل 157مسافر سوار تھے، طیارے میں کینیا کے سب سے زیادہ مسافرجبکہ سات مسافر برطانوی اور چار بھارتی مسافروں سمیت دیگر ممالک کے مسافر بھی سوار تھے۔ ترجمان ایئرلائن نے بتایا کہ طیارے میں 35 ممالک کے مسافر سفر کر رہے تھے۔
ایتھوپیا کے وزیر اعظم ابھی احمد نے سماجی احمد نے سماجی رابطے کی ویب سائٹ پر ٹویٹ کیا کہ ’حادثے کا شکار ہونے افراد کے اہلخانہ کے دکھ میں برابر کے شریک ہیں جنہوں نے اپنے پیاروں کو کھویا ہے‘۔
جکارتہ : انڈونیشیا کی نجی ایئر لائن کا طیارہ جی ٹی 610 سمندر میں گر کر تباہ ہوگیا، ریسکیوں ٹیموں نے 6 مسافروں کی لاشیں برآمد کرلی جبکہ باقی کی تلاش جاری ہے۔
تفصیلات کے مطابق انڈونیشیا کے دارالحکومت جکارتہ کے ہوائی اڈے سے اڑان بھرنے والا نجی ایئر لائن کا مسافر بردار طیارہ نامعلوم وجوہات کے باعث ہوائی اڈے سے اڑان بھرنے کے کچھ دیر بعد اچانک سمندر میں گر کر تباہ ہوگیا۔
غیر ملکی خبر رساں ادارے کا کہنا تھا کہ انڈونیشیا کی نجی ایئر لائن ’لاوئن ایئر‘ کا مسافر بردار طیارہ ’جی ٹی 610‘ 189 مسافروں کو دارالحکومت جکارتہ سے جزیرہ سماٹرا کے شہر پنگ کل پنانگ لے جار ہا تھا۔
غیر ملکی میڈیا کا کہنا تھا کہ حادثے کا شکار ہونے والے طیارے بوئنگ 737 میں 210 مسافروں کے سوار ہونے کی گنجائش ہے جبکہ حادثے کے وقت جہاز میں 178 مسافروں، 3 بچوں اور عملے کے 7 افراد سمیت 189 افراد سوار تھے۔
ریسکیو سرگرمیاں انجام دینے والے عملے کے ترجمان کا کہنا تھا کہ جہاز سمندر میں تقریباً 30 سے 40 میٹر گہرائی میں تباہ ہوا ہے، ہنگامی خدمات انجام دینے والا عملہ جہاز کا بلیک باکس اور مسافروں کو تلاش کررہا ہے۔
انڈونیشیا کی ڈزازسٹر ایجنسی کے سربراہ کی جانب سے شائع کی جانے والی تصاویر میں دکھا جاسکتا ہے کہ سمندر برد ہونے والے طیارے میں سوار مسافروں کا سامان سطح سمندر پر آگیا ہے جسے ریسکیو عملہ جمع کررہا ہے۔
لوئن ایئر لائن کے سی ای او ایڈورڈ کا کہنا تھا کہ ’میں اس غمگین صورتحال میں کوئی کمٹنس نہیں دینا چاہتا، ہم ابھی معلومات اور ڈیٹا جمع کررہے ہیں تاکہ حادثے کی وجوہات کا علم ہوسکے۔
مقامی خبر رساں ادارے کا کہنا تھا کہ متاثرہ طیارے کا پرواز کے کچھ دیر بعد ہی کنٹرول ٹاور سے رابطہ منقطع ہوگیا تھا۔
مقامی خبر رساں ادارے کے مطابق نجی ایئر لائن نے تصدیق کی کہ متاثرہ طیارہ صبح 6 بجے جکارتہ سے سماٹرا کے لیے روانہ ہوا تھا لیکن اڑان بھرنے کے 13 منٹ بعد ساڑھے تین ہزار فٹ کی بلندی ہر حادثے کا شکار ہوگیا۔
غیر ملکی خبر رساں ایجنسی کا کہنا تھا کہ سمندر میں کشتی رانی کرتے کچھ افراد نے متاثرہ مسافر بردار طیارے کو سمندر برد ہوتے دیکھا تھا جس کے بعد ملبے اور متاثرین کی تلاش کے لیے ریسکیو آپریشن کا آغاز کردیا گیا ہے۔
سنہ 2013 میں حادثے کا شکار ہونے والی لوئن ایئر لائن کی پرواز 904
یاد رہے کہ سنہ 2014 میں بھی لوئن ایئر لائن کا مسافر بردار طیارہ 904 حادثے کے باعث سمندر میں گرکر تباہ ہوگیا تھا، جس میں 108 افراد سوار تھے تاہم خوش قسمتی میں جہاز میں سوار تمام مسافر زندہ بچ گئے تھے۔
برطانوی خبر رساں ادارے کا کہنا تھا کہ سنہ 2004 میں بھی نجی ایئر لائن کا مسافر بردار طیارے 538 کو بھی فنی خرابی کے باعث حادثہ پیش آیا تھا جبکہ جہاز سولو سٹی میں زمین پر لینڈ کرنے کے بعد تباہ ہوا تھا اور حادثے کے نتیجے میں 25 مسافر ہلاک ہوئے تھے۔
ماسکو : روسی شہر سوچی کے ہوائی اڈے پر مسافر بردار طیارہ بوئنگ 800-737 میں آتشزدگی کے باعث تین بچوں سمیت 18 افراد زخمی ہوگئے۔
تفصیلات کے مطابق روس کے شہر سوچی میں یوٹیئر نامی فضائی کمپنی کا مسافر بردار طیارہ یو ٹی 579 رن وے پر لینڈنگ کرنے کے بعد خوفناک آتشزدگی کا شکار ہوگیا جس کے نتیجے میں 18 افراد زخمی ہوگئے۔
غیر ملکی خبر رساں ادارے کے مطابق حادثے کا شکار ہونے والے طیارے بوئنگ 800-737 میں 164 مسافروں سمیت 170 افراد سوار تھے، جائے حادثہ سے 18 زخمیوں کو اسپتال منتقل کر دیا گیا ہے۔
غیر ملکی خبر رساں ادارے کا کہنا ہے کہ متاثرہ طیارے میں لینڈنگ کی کوشش کے دوران ایئر پورٹ کے گرد لگی کوئی جالیوں سے ٹکرانے کے باعث آگ بھڑکی تھی، جبکہ طیارہ حادثے کے باعث رن وے اتر کر دریا میں جا گرا۔
یو ٹیئر ایئر لائن کے ترجمان کا کہنا ہے کہ حادثے کے نتیجے میں طیارے کا ویل اسٹینڈ اور بائیں پر کو نقصان پہنچا ہے اور آتشزدگی بھی بائیں انجن میں ہوئی تھی۔
روسی میڈیا کہنا ہے کہ تفتیش کاروں جہاز حادثے کے بعد مسافروں کو غیر مناسب سروس فراہم کرنے کے جرم میں کرمنل انوسٹی گیشن کا آغاز کردیا ہے۔
روسی وزارت صحت کے جانب سے جاری بیان میں کہا گیا ہے کہ طیارہ حادثے میں تین بچوں سمیت 18 افراد زخمی ہوئے ہیں، جن میں 6 افراد کاربن مونو آکسائیڈ گیس سے متاثر ہوئے تھے جبکہ 4 افراد آتشزدگی کے باعث جھلسے تھے۔
روسی نشریاتی اداروں کا کہنا ہے کہ طیارہ حادثے کے نتیجے میں کسی بھی مسافر کے ہلاک ہونے کی اطلاع موصول نہیں ہوئی تاہم سوچی ہوائی اڈے کا ایک ملازم حادثے کے شکار افراد کو ریسکیو کرنے کے دوران دل کا دورہ پڑنے سے ہلاک ہوا ہے۔
یاد رہے کہ رواں ماہ کے اوائل میں روسی شہر سائبیریا کے جنوب مغرب میں واقع گاؤں آئیگارکا میں روس کا مسافر بردار ہیلی کاپٹر حادثے کے باعث گر تباہ ہوگیا تھا، جس کے نتیجے میں 18 افراد ہلاک ہوئے تھے۔
