ایبٹ آباد : مسافر جیپ گہری کھائی میں گرنے سے ایک ہی خاندان کے پانچ افراد جاں بحق اور پانچ زخمی ہوگئے۔
تفصیلات کے مطابق ایبٹ آباد میں مسافر جیپ ڈرائیورسے بے قابو ہو کر گہری کھائی میں جا گری، جس کے نتیجے میں پانچ افراد جاں بحق اور پانچ زخمی ہوگئے۔
جیپ سوار کلیاں بازارسےخریداری کرکے گھرواپس آرہےتھے کہ جیپ کھائی میں گرگئی اور ایک ہی گھرکی تین خواتین ایک بچی سمیت پانچ افراد زندگی کی بازی ہارگئے۔
زخمیوں کومقامی لوگوں نے ریسکیو کرکے مظفر آباد اسپتال منتقل کردیا ہے ، جن میں سے دو کی حالت تشویشناک ہیں۔
مانسہرہ: صوبہ خیبر پختونخوا کے شہر مانسہرہ میں مسافر جیپ کھائی میں جا گری، حادثے میں 7 افراد جاں بحق ہوگئے۔
حادثے کا شکار جیپ سنجاری سے گوگر بند جارہی تھی۔
عینی شاہدین کے مطابق جیپ موڑ کاٹتے ہوئے گہری کھائی میں جا گری جس کے نتیجے میں 2 خواتین سمیت 6 افراد موقع پر ہی جاں بحق ہوگئے جبکہ ایک شدید زخمی اسپتال لے جاتے ہوئے دم توڑ گیا۔
واقعے کی اطلاع ملتے ہی مقامی افراد نے اپنی مدد آپ کے تحت جاں بحق افراد کی لاشوں کو نکال کر قریبی اسپتال منتقل کیا۔
تاحال جاں بحق ہونے والے افراد کی شناخت نہیں ہوسکی ہے۔