لیہ : مسافر وین اور ٹرک میں خوفناک تصادم کے نتیجے میں ایک ہی خاندان کے 8 افراد جاں بحق ہوگئے، وین بھکر سے میاں چنوں جارہی تھی۔
جنوبی پنجاب میں ضلع لیہ کے چوبارہ میں اڈہ حافظ آباد کے قریب ہائی ایس اور ٹرک میں خوفناک تصادم ہوا، حادثے میں 8 افراد جاں بحق اور 6 افراد افراد زخمی ہوئے۔
ریسکیوذرائع نے بتایا کہ لاشوں اور زخمیوں کو ٹی ایچ کیو اسپتال منتقل کردیا گیا ہے ، جہاں متعدد زخمیوں کی حالت تشویشناک ہیں۔
ریسکیو ذرائع کا کہنا تھا کہ جاں بحق افراد کا تعلق ایک ہی خاندان سے ہے جو قل خوانی پر جا رہا تھا۔
ذرائع نے کہا کہ حادثہ مسافر وین کا ٹائی راڈ کھلنے کے باعث پیش آیا ، وین بھکر سے میاں چنوں جارہی تھی۔