کراچی : سعودی عرب سے کراچی پہنچنے والے 5 مسافر کورونا مثبت نکلے ، مسافر سعودی ایئر کی پرواز کے ذریعے پہنچے تھے۔
تفصیلات کے مطابق سعودی عرب سے کراچی پہنچنے والے 5 مسافروں کے کورونا ٹیسٹ مثبت آگئے۔
ایئرپورٹ ذرائع نے بتایا کہ مسافروں میں کورونا کی موجودگی ریپڈ انٹیجن ٹیسٹ کے ذریعے ہوئے۔
ذرائع کا کہنا تھا کہ کورونا مسافر سعودی ایئر کی پرواز نمبر 700 کے ذریعے کراچی ائر پورٹ پہنچے تھے۔
جنوری میں بھی بیرون ملک سے آنے والے 18 مسافوں میں کورونا موجودگی کی نشاندہی ہوئی تھی۔
قرنطینہ سینٹرزکے خاتمے کے باعث کورونا مثبت مسافروں کو گھر پر قرنطینہ کا کہا جا رہا ہے تاہم مسافروں کے گھروں پر قرنطینہ کرنے یا نہ کرنے کے حوالے سے مانیٹرنگ سیٹ اپ موجود نہیں۔
