Tag: مسافر گرفتار

کراچی: ایف آئی اے نے جعلی ریزیڈنٹ کارڈ پر یونان جانے کی کوشش کرنے والے  2 مسافروں کو ایئرپورٹ سے گرفتار کرلیا۔

ایف آئی اے امیگریشن نے سیالکوٹ ایئرپورٹ پر کارروائی کرتے ہوئے جعلی ریزیڈنٹ کارڈ پریونان جانے والے مسافروں کو گرفتار کرلیا، گرفتار ملزمان میں ارسلان عظمت اور ایاز حسین شامل ہے جس کا تعلق منڈی بہاؤالدین سے ہے۔

ترجمان نے بتایا کہ ملزمان کی جانب سے پیش کئے جانے والے یونان کی ریزیڈنٹ کارڈ جعلی نکلے ہیں، ملزمان سے یونان کے جعلی وی وی او سی کارڈ بھی برآمد کر لئے گئے۔

ایف آئی اے ترجمان کے مطابق ملزمان کے پاسپورٹس پر یونان کی جعلی امیگریشن اسٹیمپس لگی ہوئی تھیں، ملزمان نے ایجنٹ سے فی کس 8 لاکھ روپے دیکر جعلی ریزیڈنٹ کارڈ حاصل کئے تھے۔

ترجمان ایف آئی اے نے بتایا کہ ملزمان کو مزید قانونی کارروائی کے لئے اینٹی ہیومن ٹریفکنگ سرکل گوجرانوالہ منتقل کر دیا گیا۔

کراچی: وفاقی تحقیقاتی ادارے (ایف آئی اے) نے نائیجیریا اور سعودی عرب سے واپس آنے والے مسافر کو کراچی امیگریشن پر گرفتار کر لیا۔

تفصیلات کے مطابق ایف آئی اے کے ترجمان کا کہنا ہے کہ حافظ آباد سے تعلق رکھنے والے ملزم نعیم اختر کے پاسپورٹ کے ویزا صفحات ٹمپرڈ شدہ تھے، ملزم پاکستانی پاسپورٹ اور اصلی ویزے پر نائیجیریا گیا تھا۔

ترجمان کا بتانا ہے کہ ابتدائی تفتیش کے مطابق ملزم نے نائجیریا میں ایجنٹ سے اٹلی کا ویزا لیکر اٹلی جانے کی کوشش کی، ملزم نے 22 لاکھ روپے کے عوض اٹلی کا ویزا حاصل کیا تھا۔

ترجمان کا کہنا ہے کہ جعلی ویزا ہونے پر ملزم نائجیریا سے سعودی عرب اور پھر پاکستان آیا، سعودی عرب پہنچنے پر ملزم نے اپنے پاسپورٹ پر لگا جعلی ویزا پھاڑ دیا۔

ایف آئی اے کے ترجمان کا یہ بھی کہنا ہے کہ ملزم کو مزید قانونی کارروائی کے لیے اینٹی ہیومن ٹریفکنگ سرکل کراچی منتقل کر دیا گیا ہے۔