Tag: مسافر

لندن: برطانوی دارالحکومت لندن سے آسٹریلیا جانے والی ریان ایئر کی پرواز میں نشے میں دھت مسافروں نے کیبن کریو اور ایئرہوسٹس کے ساتھ بدتمیزی کی۔

تفصیلات کے مطابق مسافر ثاقب احمد نے سوشل میڈیا کی ویب سائٹ ٹویٹر پر ویڈیو شیئر کی جس میں انہوں نے 7 فروری کی ریان ایئر کی پرواز کا تجربہ بیان کیا۔ مسافر ثاقب احمد نے ٹویٹر پر اپنے پیغام میں لکھا کہ وہ کبھی دوبارہ ریان ایئر کی پرواز میں سفر نہیں کریں گے۔

ٹویٹر پر شیئر کی جانے والی ویڈیو میں دیکھا جا سکتا ہے کہ لندن سے آسٹریلیا جانے والی ریان ایئر کی پرواز میں نشے میں دھت مسافروں نے جہاز میں نہ صرف ہنگامہ آرائی کی بلکہ کیبن کریو اور ایئرہوسٹس کے ساتھ بدتمیزی بھی کی۔

Man I’m acc never going on a ryanair flight again I cba pic.twitter.com/geQY7dvvA9

— S (@mertesakib) February 16, 2020

نشے میں دھت مسافروں سے دوسرے مسافر نہ صرف پریشان ہوگئے بلکہ انہیں اپنی جان بھی خطرے میں نظر آ رہی تھی۔

یاد رہے کہ گزشتہ سال اگست میں غیرملکی ایئرلائن کی پرواز میں مسافر نے خاتون سے کسی بات پر بحث شروع کی اور چیخنے چلانے لگا جس پر دیگر مسافر بھی بحث میں شامل ہوگئے اور دیکھتے ہی دیکھتے جہاز اکھاڑے کا منظر پیش کرنے لگا۔

پولیس نے لڑائی میں ملوث 3 مسافروں کو گرفتار کر لیا تھا جن میں ایک خاتون بھی شامل تھی۔

لندن: برطانوی ایئرپورٹ پر کروناوائرس کے خطرے کے پیش نظر یکے بعد دیگرے 8 جہازوں کے سیکڑوں مسافروں کو لینڈنگ کے بعد طیارے میں ہی بند رکھا گیا۔

غیرملکی خبررساں ادارے کی رپورٹ کے مطابق برطانیہ میں ہیتھرو ایئرپورٹ پر لاک ڈاؤن کیے جانے والے جہازوں میں ایک اماراتی ایئرلائن کا طیارہ بھی شامل تھا جو امریکی ریاست کیلی فورنیا سے لندن پہنچا تھا۔

انڈے ویسٹ نامی باشندے نے غیرملکی میڈیا سے گفتگو کے دوران بتایا کہ طیارے کو لینڈنگ کے بعدلاک ڈاؤن کردیا گیا اور کسی بھی مسافر کو باہر جانے کی اجازت نہیں دی جارہی تھی۔

اس کا کہنا تھا کہ کیپٹن نے تمام مسافروں کو خبردار کیا کہ کروناوائرس کے پیش نظر یہ اقدامات کیے جارہے ہیں اور اس سے پہلے بھی اسی طرح 7 جہازوں کا معائنہ کیا گیا ہے۔

مسافر کا مزید کہنا تھا کہ تھوڑی دیر بعد ایئرپورٹ عملہ آیا اور جہاز میں سے ایک مسافر کو نکال کر لے گیا جس کے بعد تمام مسافروں کو مطلع کیا گیا کہ انہیں ایک یا آدھے گھنٹے میں چھوڑ دیا جائے گا۔

رکن اسمبلی میں کرونا وائرس کی تشخیص

خیال رہے کہ چین کے شہر ووہان سے پھیلنے والے مہلک وائرس کی وجہ سے اب تک تقریباً 1500 افراد ہلاک اور 40 ہزار سے زائد متاثر ہوچکے ہیں، ایک روز قبل جاپان میں بھی کرونا کا مریض زندگی کی بازی ہار گیا۔

عالمی ادارہ صحت نے ناول کرونا وائرس کو COVID19 کا باقاعدہ نام دے دیا جبکہ دنیا بھر کے ماہرین اس وائرس کو کنٹرول کرنے کے حوالے سے تجربات بھی کررہے ہیں، امکان ظاہر کیا جارہا ہے کہ جلد ہی کوئی بڑی پیش رفت سامنے آئے گی۔

ابوجا: نائیجیریا میں دہشت گردوں نے مسافروں سے بھری کئی گاڑیوں کو آگ لگا دی جس کے نتیجے میں 30 افراد جھلس کر ہلاک ہوگئے۔

غیرملکی خبررساں ادارے کی رپورٹ کے مطابق افریقی ملک نائیجیریا میں عینی شاہدین نے دعویٰ کیا ہے کہ مبینہ طور پر شدت پسند گروہ بوکوحرام کے دہشت گردوں نے مسافروں سمیت متعدد گاڑیوں کو آگ لگادی، جبکہ ملکی صدر محمدوبحاری نے واقعے کی تردید کردی۔

رپورٹ کے مطابق نائیجیریا کی ریاست بورنو میں یہ خونی واقعہ سامنے آیا۔ علاقہ مکینیوں اور عینی شاہدین نے دعویٰ کیا ہے کہ اس شدت پسندانہ حملے میں تیس افراد کو جلا کر مارا گیا۔ ملکی صدر نے حملے کی تردید کردی جبکہ نائیجیریا میں سرگرم دہشت گرد تنظیم بوکو حرام نے بھی تاحال حملے کی ذمے داری قبول نہیں کی۔

بونی علی نامی عینی شاہد کا کہنا ہے کہ شدت پسندوں نے تقریباً 18 سے زائد گاڑیاں جلائیں جس کے نتیجے میں درجنوں افراد مارے گئے، حملہ آور درجنوں عام شہریوں کو اغوا کرکے بھی لے گئے۔

نائیجیریا کے صدر محمدوبخاری کا کہنا ہے کہ بوکو حرام کے خلاف انٹیلی جنس بنیادوں پر کارروائیاں کررہے ہیں، جبکہ ملکی سیکیورٹی صورت حال پر شدید تشویش ہے جس پر قابو پانے کی بھی کوشش جاری ہے۔

نئی دہلی: چین سے خصوصی پرواز کے ذریعے 324 مسافر بھارت پہنچ گئے، مسافروں کو 7 دن کے لیے کروناوائرس سے متعلق قائم کیے گئے کیمپ میں رکھا گیا ہے۔

بھارتی میڈیا کی رپورٹ کے مطابق سینکڑوں مسافر چینی شہر ووہان سے خصوصی پرواز کے ذریعے دہلی پہنچے ہیں۔ مسافروں کو ایئرپورٹ پر اسکریننگ کے مراحل سے گزارنے کے بعد قائم کیے گئے مخصوص کیمپ میں رکھا گیا ہے، اس دوران انہیں اپنے عزیز واقارب سے بھی ملنے کی اجازت نہیں ہے۔

بھارت میں کروناوائرس کے پھیلاؤ کی روک تھام کے لیے یہ اقدامات کیے گئے، دہلی پہنچنے والے مسافروں میں 211 طالب علم اور 110 مزدور شامل ہیں۔ جبکہ طیارے میں کچھ بچے بھی تھے۔ تمام افراد کو خصوصی کیمپ میں رکھا گیا ہے۔

چین میں کرونا وائرس سے ہلاکتوں کی تعداد 250 سے تجاوز کرگئی

چین سے بھارت آنے والی خصوصی پرواز میں ڈاکٹروں کا پینل بھی مسافروں کے ساتھ موجود رہا۔

خیال رہے کہ چین میں کروناوائرس سے 259 افراد زندگی کی بازی ہار گئے جبکہ 12 ہزار افراد متاثر ہوئے، چین کے مختلف شہروں میں نظام زندگی مفلوج ہے ، چودہ صوبوں میں چھٹیاں اور لوگ گھروں میں محدود ہیں جبکہ چین کی معشیت کو اربوں ڈالر کے نقصان کا سامنا ہے۔

کروناوائرس سے دنیا بھر میں خوف وہراس پھیلا ہوا ہے، اب تک 23 ممالک میں کیسز رپورٹ ہوچکے ہیں ، امریکا اور اٹلی نے کرونا وائرس کے بعد ہیلتھ ایمرجنسی نافذ کردی اور ساتھ ہی چین کے ساتھ فلائٹ آپریشن بھی معطل کردیا ہے جبکہ سوئیڈن میں کرونا وائرس کاکیس سامنے آگیا ہے۔