Tag: مستعفی

لاہور : مسلم لیگ ق کے مرکزی رہنما چودھری پرویزالٰہی نے کہا ہے کہ  الیکشن کمیشن کے چاروں ارکان کےاستعفوں کے بغیر شفاف الیکشن ممکن نہیں۔

جماعتوں کا متفقہ مطالبہ ہے کہ الیکشن کمیشن کے ارکان فوری طور پر مستعفی ہو جائیں ۔نئے ارکان کا انتخاب بھی تمام سیاسی جماعتوں کی مشاورت سے ہونا چاہیئے۔

ان کا کہنا تھا کہ ان ارکان کے ہوتے ہوئے الیکشن شفاف نہیں ہو سکتے، اس لئے ان کی جماعت الیکشن میں حصہ نہیں لے گی۔

مسلم لیگ قائد اعظم کی قیادت کا کہنا ہے کہ جوڈیشل کمیشن کی رپورٹ میں بھی الیکشن کمیشن کی بے ضابطگیوں کی چالیس بار نشاندہی کی گئی۔

الیکشن کمیشن نے دھاندلی کا جو کھیل کھیلا وہ سب بے نقاب ہو چکا ہے۔ اس لئے دوسری جماعتیں بھی ضمنی انتخاب میں حصہ لینے کے فیصلے پر نظر ثانی کریں۔

انہوں نے کہا کہ جن لوگوں نے دوہزار تیرہ کے عام انتخابات میں دھاندلی کرائی وہ اب بھی صاف ستھرے الیکشن نہیں کرائیں گے۔