ARYNews.tv | Urdu – Har Lamha Bakhabar

Tag: مسجد

  • مسجد میں بھگدڑ مچ گئی، 8 سالہ بچی جاں بحق

    مسجد میں بھگدڑ مچ گئی، 8 سالہ بچی جاں بحق

    مصر کی ایک مسجد میں نماز تہجد کے دوران اچانک بھگدڑ مچ گئی 8 سالہ بچی جاں بحق جب کہ کئی خواتین زخمی ہو گئیں۔

    عرب میڈیا کے مطابق یہ افسوسناک واقعہ مصر کے صوبے اقصر کے علاقے العوامیہ میں منگل کو علی الصبح مسجد العتیق میں پیش آیا جہاں تہجد کی نماز کے دوران اچانک بھگدڑ مچ گئی۔

    عینی شاہدین کے حوالے سے رپورٹ کیا گیا ہے کہ نماز تہجد کے دوران مسجد کے قریب آنگن سے دھواں اٹھنے کی وجہ سے خواتین یہ سمجھیں کہ مسجد میں آگ لگ گئی ہے۔

    آتشزدگی کے خوف سے خواتین کے درمیان بھگدڑ مچ گئی اور وہ جلد از جلد مسجد سے باہر نکلنے کی کوشش کرنے لگیں۔

    اسی بھگدڑ کے دوران 8 سالہ بچی کچل کا جاں بحق ہوگئی جب کہ کئی خواتین زخمی ہوئیں جب کہ درجنوں دم گھٹنے کے باعث بے ہوش ہو گئیں۔

    واقعے کی اطلاع ملتے ہیں ریسکیو ادارے جائے وقوعہ پر پہنچ گئے اور زخمیوں کو علاج کے لیے قریبی اسپتال منتقل کیا۔

    سیکیورٹی حکام نے واقعے کی تحقیقات کا آغاز کر دیا ہے جب کہ حکام نے مسجد اور اطراف کا جائزہ لینے کے بعد تصدیق کی کہ مسجد کے اندر کوئی آگ نہیں لگی تھی بلکہ نظر آنے دھواں قریب لگائے گئے کچرا جلائے جانے سے اٹھا تھا۔

  • صرف تین دن میں ’’10 لاکھ‘‘ بھیک جمع کرنے والا گداگر مسجد کے باہر سے گرفتار

    صرف تین دن میں ’’10 لاکھ‘‘ بھیک جمع کرنے والا گداگر مسجد کے باہر سے گرفتار

    مسجد کے باہر سے ایک ایسے گداگر کو گرفتار کیا گیا ہے جس نے صرف تین روز میں 10 لاکھ روپے سے زائد بھیک جمع کی۔

    رمضان المبارک میں عبادات کے ساتھ خیرات، زکوٰۃ اور عطیات کا رجحان بھی عام دنوں کی نسبت زیادہ ہوتی ہے۔ یہی وجہ ہے کہ یہ ماہ مقدس پیشہ ور بھکاریوں کا سیزن بن گیا ہے اور وہ لاکھوں روپے اس مہینے سادہ لوح عوام کی جیبوں سے اپنی جعلی مجبوریاں بیان کر کے بٹور لیتے ہیں۔

    متحدہ عرب امارات میں شارجہ پولیس نے مسجد کے باہر سے ایک ایسے گداگر کو گرفتار کیا ہے جس نے صرف تین روز میں 14 ہزار درہم (پاکستانی کرنسی میں 10 لاکھ 67 ہزار روپے سے زائد) بھیک میں حاصل کیے۔

    خلیج ٹائمز کے مطابق قانون نافذ کرنے والے حکام رمضان کے آغاز سے انسداد گداگری کے لیے کریک ڈاون کر رہے ہیں۔

    رپورٹ کے مطابق شارجہ پولیس نے مہم کے دوران ایک عرب شہری کو گرفتار کیا جو مسجد کے قریب بھیک مانگ رہا تھا۔

    پولیس نے گداگر کو گرفتار کرنے کے بعد اس سے 14 ہزار درہم (پاکستانی 10 لاکھ روپے سے زائد) بھی برآمد کیے جس کے بارے میں ملزم نے بتایا کہ وہ اس نے تین روز میں بھیک مانگ کر جمع کیے ہیں۔

    پولیس کی تحقیقات کے مطابق گرفتار ملزم غیر قانونی طور پر یو اے ای میں مقیم تھا۔

    امارات پولیس کا کہنا ہے کہ یو اے ای میں گداگری ایک جرم ہے۔ اس جرم کے ارتکاب پر پانچ ہزار جرمانہ اور تین ماہ تک قید کی سزا ہے۔

    گداگروں کو منظم کرنے یا امارات سے باہر بھرتی میں ملوث افراد کو چھ ماہ قید اور ایک لاکھ درہم جرمانے کا سامنا کرنا پڑ سکتا ہے۔ اس کے علاوہ اجازت نامے کے بغیر فنڈ جمع کرنے پر پانچ لاکھ درہم تک جرمانہ ہو سکتا ہے۔

    واضح رہے کہ انسداد بھکاری مہم کے دوران دبئی پولیس رمضان کے وسط تک 127 گداگروں کو گرفتار کر کے ان کے قبضے سے 50 ہزار درہم برآمد کر چکی ہے۔ اس مہم کے دوران مختلف قومیتوں سے تعلق رکھنے والے افراد کو حراست میں لیا گیا۔

    اس کے علاوہ یو اے ای پولیس نے پیشہ ور گداگروں کی ریا کاری کو عیاں کرنے کے لیے ایک آگہی ویڈیو بھی جاری کی تھی۔

    https://urdu.arynews.tv/beggars-earn-28-thousands-in-an-hour/

  • وائرل ویڈیو: مسجد میں پیش امام بچوں کے ساتھ بچہ بن گئے، چُھپن چُھپائی کھیلی

    وائرل ویڈیو: مسجد میں پیش امام بچوں کے ساتھ بچہ بن گئے، چُھپن چُھپائی کھیلی

    بچے قوم کا مستقبل اور مسجد جانے والے بچے مستقبل کے نمازی کہے جاتے ہیں ان بچوں کے ساتھ ایک امام مسجد بچہ بن گئے۔

    بچے کسی بھی قوم کا مستقبل ہوتے ہیں۔ ابتدا ہی سے دین سے لگاؤ رکھنے والے مساجد جانے والے بچے مستقبل کے نمازی کہے جاتے ہیں اور ترکیہ میں تو مستقبل کے ان نمازیوں (بچوں) کی مساجد میں خوب آؤ بھگت کی جاتی ہے۔

    سوشل میڈیا پر ترکی کی ایک مسجد کی ویڈیو تیزی سے وائرل ہو رہی ہے۔ اس ویڈیو میں امام مسجد کو بچوں کے ساتھ کھیل کھیلتے دیکھا جا سکتا ہے۔

    ویڈیو دیکھ کر لگتا ہے کہ امام مسجد خود بچہ بن گئے اور انہوں نے بچوں کے ساتھ چھپن چھپائی اور چور پکڑائی جیسے کھیل کھیل کر ان کا دل بہلایا۔

    ویڈیو میں دیکھا جا سکتا ہے کہ پہلے امام مسجد ستون کے ساتھ آنکھیں بند کرکے کھڑے ہوتے ہیں بچے چھپتے ہیں تو یہ انہیں تلاش کرتے ہیں۔

    کچھ دیر بعد گیم کا موڈ تبدیل ہوتا ہے اور چور پکڑائی کھیل میں آگے دوڑتے پیش امام کو پکڑنے کے لیے بچے انکے پیچھے بھاگتے ہیں۔

    کھیل کے دوران مسرور بچوں کی کلکاریاں گونج رہی ہیں اور پیش امام بھی بچوں کی خوشی میں خوش دیکھے جا رہے ہیں۔

     

    اس خوبصورت ویڈیو کو اب تک ہزاروں صارفین دیکھ چکے ہیں اور پسندیدگی کا اظہار کرتے ہوئے بچوں میں مسجد سے محبت پیدا کرنے کے لیے امام مسجد کے بچوں سے گھل مل کر کھیلنے کو سراہ رہے اور دلچسپ تبصرے کر رہے ہیں۔

    واضح رہے کہ ترکیہ میں چھوٹے بچوں کو مسجد کی طرف رغبت دلانے کے لیے اس طرح کی سرگرمیوں کا باقاعدگی سے انعقاد کیا جاتا ہے۔

    چند سال قبل ترکیہ کی ایک مسجد میں رمضان المبارک کے آخری عشرے میں ایک مسجد میں 5 سے 8 سال تک کی عمر کے بچوں کو اعتکاف کرایا گیا تھا اور اس ویڈیو نے بھی سوشل میڈیا پر وائرل ہو کر دھوم مچائی تھی۔

    اس اقدام کا مقصد بچوں میں اعتکاف کی اہمیت کو اجاگر کرنا اور ان میں عبادت کا ذوق وشوق پیدا کرنا تھا۔

    https://urdu.arynews.tv/children-aitekaf-in-turkey-masjid/

  • پاکستان کی یہ منفرد گلی کس شہر میں ہے؟ اس گلی کی دو عمارتوں نے لوگوں کو ہمیشہ حیران کیا، ویڈیو رپورٹ

    پاکستان کی یہ منفرد گلی کس شہر میں ہے؟ اس گلی کی دو عمارتوں نے لوگوں کو ہمیشہ حیران کیا، ویڈیو رپورٹ

    فیصل آباد کا ناظم آباد، جہاں ایک ہی گلی سے مسجد کی اذان اور چرچ کی گھنٹی سنائی دیتی ہے، مذہبی رواداری کی خوب صورت مثال ہے۔

    ایک طرف مسجد کی اذان دوسری طرف کلیسا کی گھنٹی کی آواز، دونوں ہی آوازیں ایک ہی گلی سے الگ الگ اوقات میں آتی ہیں۔ یہ فیصل آباد کا علاقہ ناظم آباد ہے۔ یہاں ایک ایسی گلی ہے جہاں کوئی پہلی بار آتا ہے تو یہ دیکھ کر حیران ہوتا ہے کہ مسجد اور گرجا گھر کی عمارت ایک ساتھ کیسے!

    اس گلی میں مذہبی رواداری کی کہانی دلچسپ ہے، 1962 میں سینٹ پال کیتھولک چرچ کی بنیاد رکھی گئی، اس وقت یہاں کی تقریباً سبھی آبادی مسیحی برادری کی تھی، بعد میں مسیحی برادری کے لوگوں زمینیں فروخت کیں تو کچھ مسلمان یہاں آ کر آباد ہو گئے، 1994 سے پہلے یہاں کوئی مسجد نہیں تھی۔ چرچ کےساتھ خالی پلاٹ فروخت ہوا تو مسیحی برادری سے اجازت کے بعد مسجد کی تعمیر کی گئی اور اس تعمیراتی کام میں مسیحی برادری نے بھی حصہ ڈالا۔

    یہ بے نام قبریں کس کی ہیں؟ دل دہلا دینے والی کہانی

    نائب موذن کا کہنا ہے کہ دل چسپ بات یہ ہے کہ دونوں عمارتوں کی دیوار بھی سانجھی ہے، دونوں کمیونٹی کے لوگ ضرورت پڑنے پر ایک دوسرے کے کام بھی آتے ہیں۔ ایک بزرگ نمازی نے کہا 30 سال سے مسجد اور چرچ ایک ساتھ ہیں اور اس دوران کبھی کوئی ناخوشگوار واقعہ پیش نہیں آیا، فیصل آباد کا یہ علاقہ تعصب سے بالاتر ماحول اور مذہبی رواداری کی بہترین مثال ہے۔

    ملٹی میڈیا – ویڈیو خبریں دیکھنے کے لیے کلک کریں

  • مصر میں چونکا دینے والے غیر معمولی واقعے نے شہریوں کو خوف زدہ کر دیا

    مصر میں چونکا دینے والے غیر معمولی واقعے نے شہریوں کو خوف زدہ کر دیا

    قاہرہ: مصر میں ایک مسجد سے صبح سویرے بچے کی کھوپڑی برآمد ہونے پر شہریوں میں خوف و ہراس پھیل گیا۔

    العربیہ کے مطابق مصر کے مشرقی علاقے السویس گورنری میں ایک مسجد سے انسانی کھوپڑی ملی، جس پر محلے کے لوگ خوف زدہ ہو گئے، کھوپڑی ایک بچے کی تھی۔

    مسجد الاسراء کے امام مسجد کا کہنا تھا کہ جب انھوں نے فجر کی نماز کے لیے مسجد کھولی تو ایک کونے میں کھوپڑی پڑی دیکھ کر وہ اور دیگر نمازی حیران ہو گئے۔

    شارک کے ساتھ سیلفی لینے کی کوشش کا بھیانک انجام

    ابتدائی طور پر نمازیوں کا خیال تھا کہ یہ کوئی انسانی کھوپڑی نہیں ہے بلکہ کسی نے مذاق کے طور پر پلاسٹک کی کھوپڑی وہاں رکھ دی ہے، تاہم جب معلوم ہوا کہ یہ حقیقی انسانی کھوپڑی ہے تو لوگوں نے فوری طور پر پولیس کو مطلع کر دیا، جس پر اہلکاروں نے جائے وقوع پر پہنچ کر تحقیقات شروع کر دیں۔

    پبلک پراسیکیوشن کا کہنا تھا کہ واقعے کی تحقیقات کی جا رہی ہیں، اور لاش کی صحیح عمر کا تعین کرنے کے لیے کھوپڑی کو فرانزک کے لیے بھیجا گیا ہے۔

    دوسری طرف سیکیورٹی سروسز نے مذکورہ علاقے سے بچوں کے لاپتا ہونے کے بارے میں حال ہی میں موصول ہونے والی تمام رپورٹس کا جائزہ لینا بھی شروع کر دیا ہے۔

  • اسکاٹ لینڈ کی مسجد کو 40 سال بعد بڑا درجہ مل گیا

    اسکاٹ لینڈ کی مسجد کو 40 سال بعد بڑا درجہ مل گیا

    اسکاٹ لینڈ میں قائم 40 سال سے قائم گلاسگو سینٹرل مسجد کو کیٹیگری اے لسٹڈ بلڈنگ کا درجہ دے دیا گیا ہے۔

    برطانوی نشریاتی ادارے بی بی سی کی رپورٹ کے مطابق ایچ ای ایس اسکاٹ لینڈ کے اس تاریخی فیصلے کے بعد یہ اسکاٹ لینڈ کی پہلی مسجد بن گئی ہے جسے یہ اعزاز حاصل ہوا ہے۔

    مذکورہ مسجد 1984 میں تعمیر کی گئی تھی اور اسے اب اسکاٹ لینڈ کی تاریخی اور ثقافتی اہمیت کی حامل عمارتوں میں شامل کر لیا گیا ہے۔

    Glasgow

    اس اقدام کا مطلب ہے کہ اب اس عمارت کو خصوصی تحفظ حاصل ہوگا اور اس میں کسی قسم کی تبدیلیاں کرنے کے لیے سخت قواعد و ضوابط پر عمل کرنا ہوگا۔

    واضح رہے کہ گلاسگو سینٹرل مسجد شہر کے درمیان میں واقع ہے اور یہ نہ صرف مذہبی سرگرمیوں کا مرکز ہے بلکہ ثقافتی ہم آہنگی اور بین المذاہب مکالمے کا بھی ایک اہم مقام ہے۔

    رپورٹ کے مطابق چار ایکڑ (1.62 ہیکٹر) پر محیط جگہ 1984 میں عوام کے لیے کھولی گئی، جس پر 3 ملین یورو کی لاگت آئی تھی، یہ گلاسگو میں بنائی جانے والی پہلی خاص طور پر تعمیر شدہ مسجد تھی۔

    اس کا فن تعمیر اسلامی اور جدید طرز کا حسین امتزاج پیش کرتا ہے، جس کی وجہ سے یہ شہر کی پہچان بن چکی ہے۔

    Glasgow Central Mosque

    گلاسگو مسجد کے حالیہ فیصلے پر مسلمان برادری اور مقامی باشندوں نے خوشی کا اظہار کیا ہے۔ ان کا کہنا ہے کہ یہ قدم نہ صرف مسجد کی تاریخی اہمیت کو تسلیم کرتا ہے بلکہ اسکاٹ لینڈ میں مسلمانوں کے مثبت کردار کو بھی اجاگر کرتا ہے۔

    ان کا کہنا ہے کہ گلاسگو سینٹرل مسجد کو کیٹیگری اے لسٹڈ بلڈنگ کا درجہ ملنا اس بات کی عکاسی کرتا ہے کہ یہ عمارت نہ صرف مذہبی بلکہ ثقافتی اور تاریخی اعتبار سے بھی انتہائی اہمیت کی حامل ہے۔

  • مسجد کے سامنے پولیس چوکی بنانے پر اسدالدین اویسی کا جراتمندانہ اقدام

    مسجد کے سامنے پولیس چوکی بنانے پر اسدالدین اویسی کا جراتمندانہ اقدام

    بھارت میں مسجد کے سامنے موجود وقف زمین پر پولیس چوکی بنانے پر مسلم رہنما اسدالدین اویسی نے ایک جراتمندانہ اقدام کیا ہے۔

    سنبھل میں جامع مسجد کے سروے کے بعد تنازع شروع ہوا تھا جو طول پکڑ رہا ہے، اسدالدین اویسی نے اس زمین سے متعلق کاغذات پیش کیے اور اپنا موقف بڑے مضبوط انداز میں پیش کیا، اترپردیش حکومت نے تنازع کے بعد جامع مسجد کے قریب ایک پولیس اسٹیشن کی تعمیر کا فیصلہ کیا ہے۔

    کئی سیاسی لیڈران نے اس اقدام پر سخت ردعمل دیا ہے، آل انڈیا مجلس اتحادالمسلمین کے صدر اسد الدین اویسی نے اس پر ریاستی حکومت کو تنقید کا نشانہ بنایا ہے۔

    اسد الدین اویسی نے کہا کہ بھارتی وزیراعظم نریندر مودی اور یوگی سنبھل میں امن و امان قائم ہوتا نہیں دیکھنا چاہتے،یوگی اور مودی اس کے ذمہ دار ہیں۔

    شعلہ بیان مسلم رہنما نے سوشل میڈیا پلیٹ فارم ’ایکس‘ پر اپنی پوسٹ میں لکھا ہے کہ ’’سنبھل کی جامع مسجد کے قریب جو پولیس چوکی بنائی جا رہی ہے وہ وقف کی زمین پر ہے، جیسا کہ ریکارڈ میں درج ہے‘‘۔

    انھوں نے لکھا کہ ’اس کے علاوہ قدیم یادگاروں کے قانون کے تحت محفوظ یادگاروں کے قریب تعمیراتی کام ممنوع ہے، نریندر مودی اور یوگی آدتیہ ناتھ سنبھل میں خطرناک ماحول بنانے کے ذمہ دار ہیں‘۔

    ایک دوسرے پوسٹ میں اویسی نے کچھ دستاوایزات کی تصویر پوسٹ کرتے ہوئے لکھا کہ ’’یہ وقف نمبر 39-اے مراد آباد ہے، یہ اس زمین کا وقف نامہ ہے جس پر پولیس چوکی بنائی جا رہی ہے۔ اتر پردیش حکومت کو قانون کا کوئی احترام نہیں ہے۔‘‘

  • مسجد الحرام اور مسجد نبوی ؐ میں خطبہ جمعہ اور نماز سے متعلق بڑا فیصلہ

    مسجد الحرام اور مسجد نبوی ؐ میں خطبہ جمعہ اور نماز سے متعلق بڑا فیصلہ

    مکہ مکرمہ: سعودی عرب میں شدید گرمی کی وجہ سے مسجد الحرام اور مسجد نبوی صلی اللہ علیہ وآلہ وسلم میں جمعے کے خطاب اور نماز سے متعلق اہم فیصلہ کیا گیا ہے۔

    سعودی خبر رساں ادارے کی رپورٹ کے مطابق سربراہ برائے مسجد الحرام اور مسجد نبوی شیخ ڈاکٹر عبدالرحمان السدیس نے جمعہ کی نماز کے خطاب کا دورانیہ کم کرنے کی ہدایات جاری کر دیں۔

    نئے احکامات کے مطابق مسجد الحرام اور مسجد نبوی میں جمعہ کا خطاب اور نماز پندرہ منٹ کے اندر ادا کرنے کی ہدایات کی گئی ہے۔

    مقامی سعودی میڈیا کے مطابق یہ فیصلہ سخت گرم موسمی حالات کے پیش نظر کیا گیا ہے، یہ تبدیلی سخت گرمیوں تک جاری رہے گی، جس کے بعد سابقہ روٹین پر عمل درآمد کیا جائے گا۔

    دوسری جانب مکہ مکرمہ میں رواں حج سیزن کے دوران شدید گرمی سے جاں بحق حاجیوں کی تعداد 1170 ہونے کا دعویٰ کیا گیا ہے۔

    امریکی اخبار وال اسٹریٹ جنرل کی رپورٹ کے مطابق حج سیزن کے دوران گرمی سے جاں بحق ہونے والے حاجیوں کی تعداد 1170 تک جا پہنچی ہے، جان بحق ہونے والے مصری شہریوں کی تعداد 600 سو تک ہے۔

    سعودی عرب، عمرہ ویزوں کا اجرا شروع

    رپورٹ کے مطابق متعدد حاجی اب بھی لاپتہ اور کئی اسپتالوں میں زیرِ علاج ہیں، جاں بحق دیگر حاجیوں کا تعلق اردن، انڈونیشیا، ایران، سینیگال، تیونس اور عراق سے ہے، اردن کے 20 لاپتا حاجیوں کی تلاش بھی جاری ہے۔

  • ویڈیو: جائیداد کے تنازعہ پر مسجد میں نماز کی ادائیگی کیلئے آئے بزرگ پر تشدد

    ویڈیو: جائیداد کے تنازعہ پر مسجد میں نماز کی ادائیگی کیلئے آئے بزرگ پر تشدد

    لاہور: جائیداد کے تنازعہ پر مسجد میں نماز کی ادائیگی کیلئے آئے بزرگ کو  تشدد کو نشانہ بنایا گیا جس کی ویڈیو سامنے آگئی۔

    تفصیلات کے مطابق لاہور کے  تھانہ گلشن اقبال کے حدود میں جائیداد کے تنازعہ پر مسجد میں نماز کی ادائیگی کیلئے آئے بزرگ کو  تشدد کو نشانہ بنایا گیا جس کی سی سی ٹی ویڈیو منظرعام پر آگئی۔

    پولیس کا کہنا ہے کہ مسجد میں تشدد کا واقعہ جائیداد کے تنازعہ پر پیش آیا، فوٹیج میں چوہدری گوہر اور فیصل نامی شخص کو بزرگ شہری پر تشدد کرتے دیکھا جاسکتا ہے۔

    فوٹیج میں دیکھا جاسکتا ہے کہ قریب موجود بیٹا ابرار والد کو بچانے آتا ہے تو حملہ آور کے 2 ساتھی مسجد میں آجاتے ہیں، تینوں ساتھی مل کر بزرگ شہری اعجاز اور اسکے بیٹے ابرار کو تشدد کا نشانہ بناتے ہیں۔

    پولیس حکام کا کہنا ہے کہ درخواست کے بعدکارروائی کا آغاز کردیا ہے، تشدد کرنے والے تینوں افرادکو جلد گرفتار کرلیا جائے گا۔

  • پشاور: پولیس لائن دھماکے میں زخمی ڈی ایس پی شہید ہوگئے

    پشاور: پولیس لائن دھماکے میں زخمی ڈی ایس پی شہید ہوگئے

    پشاور میں پولیس لائنز مسجد دھماکےمیں زخمی ڈی ایس پی فضل الرحمان انتقال کرگئے۔

    تفصیلات کے مطابق ڈی ایس پی فضل الرحمان لیڈی ریڈنگ اسپتال میں زیرعلاج تھے ان کا تعلق مردان کےعلاقہ منگا درگئی سے ہے۔

    ڈی ایس پی کے انتقال کے بعد پولیس لائنز مسجد کےدھماکے میں شہداء کی تعداد 86 ہوگئی۔

    واضح رہے کہ 30 جنوری کو پشاور  پولیس لائنز کی مسجد میں نماز ظہر کے دوران خودکش دھماکہ ہوا تھا  جس کے نتیجے میں امام مسجد اور پولیس اہلکاروں سمیت 87 افراد شہید ہوگئے تھے۔