Tag: مسجد اقصیٰ

یروشلم : اسرائیلی وزیر برائے قومی سلامتی اتامر بین گویر ایک بار پھر مسجد اقصٰی کے احاطے میں گھس گئے، فلسطینیوں اور ترکیہ نے اسرائیلی وزیر کے اس اقدام کی شدید مذمت کی۔

تفصیلات کے مطابق اسرائیلی وزیر برائے قومی سلامتی اتامر بن گویر ایک بار پھر مسجد اقصی کا تقدس پامال کرتے ہوئے مسجد اقصی کا دورہ کیا۔

فلسطینیوں نے اسرائیلی وزیر کے مسجد اقصٰی کے دورے کی شدید مذمت کرتے ہوئے کہا کہ یہ دورہ غیر معمولی اشتعال انگیزی اور تنازع میں خطرناک اضافہ ہے۔

ترکیہ اور سعودی عرب نے بھی ایک انتہا پسند اسرائیلی وزیر کے مسجد اقصیٰ کے احاطے کے دورے کی شدید الفاظ میں مذمت کی ہے۔

اس سے قبل رواں سال جنوری میں اسرائیلی وزیر مسجد اقصی کے احاطے میں گھس چکے ہیں، انھوں نے صیہونی فورسز کے مسلح جتھے کی بھاری نفری کیساتھ مسجد اقصی کا دورہ کیا تھا۔

فلسطینی قیادت نے بین گویر کے مسجدِ اقصی کے دورے کو اشتعال انگیزی قرار دیا تھا جبکہ سعودی عرب، اردن، مصر ،متحدہ عرب امارات ، ترکیہ اور قطر نے بین گویر کی مسجدِ اقصی کے دورے کی شدید مذمت کرتے ہوئے اسے مسجد اقصیٰ پردھاوا قرار دیا تھا۔

واضح رہے جہاں اسرائیل وزیر نے مسجدِ اقصی کے جس حصے کا دورہ کیا تھا، یہ مسجدِ اقسی کا وہ حصہ ہے جو صرف مسلمانوں کے لیے مختص ہے اور یہاں یہودیوں کے داخلے پر مکمل پابندی ہے۔

اس پابندی پر اسرائیل اور فلسطین کے رہنماؤں کے بھی دستخط ہیں، یہی وجہ ہے کہ اسرائیل کے قومی سلامتی کے وزیر اتمار بن گویر کے پروٹوکول کے ساتھ مسجد اقصیٰ کے صحن میں داخل ہونے پر فلسطینیوں نے شدید احتجاج کیا تھا۔

واشنگٹن : امریکا نے مسجد اقصیٰ پر اسرائیلی فوج کے حملے پر ردعمل دیتے ہوئے کہا مقدس مقامات کے تقدس کا خیال رکھا جائے ، اسٹیٹیس کو کو خطرے میں ڈالنے والا کوئی یکطرفہ اقدام قبول نہیں۔

تفصیلات کے مطابق امریکی محکمہ خارجہ کے نائب ترجمان ویدانت پٹیل بریفنگ کے دوران بیت المقدس میں اسرائیلی فورسز کی پُر تشددکارروائیوں پرتشویش کا اظہار کرتے ہوئے کہا کہ تاریخی مقامات کےتقدس کاخیال کیاجائے۔

ویدانت پٹیل کا کہنا تھا کہ اسٹیٹس کوکوخطرےمیں ڈالنےوالاکوئی بھی یکطرفہ اقدام امریکاکوقبول نہیں، امریکا سمجھتا ہے کہ تاریخی اسٹیٹس کو برقرار رکھنا ہی بہتر ہوگا۔

نائب ترجمان امریکی محکمہ خارجہ نے بتایا کہ اس حوالے سے اسرائیل اورفلسطین دونوں سےرابطےمیں ہیں۔

اس سے قبل امریکا نے سلامتی کونسل کو اسرائیل کیخلاف مذمتی اعلامیہ جاری کرنے سے روک دیا تھا ، مسجد اقصیٰ پر اسرائیلی حملے کے بعد سلامتی کونسل کا بند کمرہ اجلاس بلایا گیا تھا، مجوزہ مذمتی اعلامیے میں مسجد اقصیٰ پر اسرئیلی پولیس کے چھاپوں کی مذمت کی جانی تھی تاہم سلامتی کونسل کا اعلامیہ جاری کرنے کے لیے تمام ارکان کا متفق ہونا ضروری ہوتا ہے۔

خیال رہے صیہونی فوج نے مسجدِ اقصیٰ میں نمازیوں پر حملہ کر کے اسے میدان جنگ بنادیا تھا،اسرائیلی فوجی دندناتے ہوئے مسجد کے اندر داخل ہوئے اور عبادت میں مصروف لوگوں کو تشدد کا نشانہ بنایا۔

قابض اسرائیلی فوج کےساتھ جھڑپوں میں درجنوں فلسطینی زخمی ہوئے جبکہ تین سو سے زائد افراد کو حراست میں لیا گیا تھا ، اسرائیل نےغزہ،مغربی کنارے ،نابلوس اور ہیبرون میں فائرنگ کی اور زہریلے گیس بم بھی پھینکے تھے۔

مقبوضہ بیت المقدس : قابض اسرائیلی فوج نے علی الصبح مسجد اقصیٰ پر حملہ کردیا، حملے میں خواتین اور بچوں سمیت بارہ فلسطینی زخمی ہوگئے۔

تفصیلات کے مطابق صیہونی فورسز کی جارحیت عروج پر ہے ، قابض اسرائیلی فوج نے ماہ رمضان میں تقدس کو پامال کرتے ہوئے مسجد اقصی پر دھاوا بول دیا، اسرائیلی فوجی دندناتے ہوئے مسجد کے اندر داخل ہوئے اور عبادت میں مصروف لوگوں کو تشدد کا نشانہ بنایا۔

عرب میڈیا نے بتایا کہ مسجد اقصیٰ میں گرینیڈ اور گیس بم پھینکے گئے اور نمازیوں کو وحشیانہ تشدد کا نشانہ بنایا گیا، حملے میں خواتین اور بچوں سمیت بارہ فلسطینی زخمی ہوئے۔۔

حملے کی موبائل فون سے بنی ویڈیوز سامنے آگئی ہے ، جس میں اسرائیلی فوج کی سفاکیت صاف نظر آرہی ہے کہ کس طرح رمضان المبارک میں عبادت کیلئے جمع فلسطینی نمازیوں کو تشدد کرکے مسجد سے نکالا جارہا ہے۔

دوسری جانب غزہ سے متعدد راکٹ اسرائیلی کی جانب فائر کیے گئے ہیں، اسرائیل نے فلسطینی علاقوں سے ملحقہ مقامات پر ہائی الرٹ بھی جاری کردیا۔

حماس نے فلسطینی عوام کو فوری مسجد اقصیٰ پہنچنے کی ہدایت کردی جبکہ سعودی عرب، مصر اور اردن کی جانب سے مسجد اقصیٰ پر حملے اور نمازیوں پر تشدد کی شدید مذمت کی۔

فلسطینی اتھارٹی کے صدرمحمود عباس کے ترجمان نے بیان میں کہا ہے کہ اسرائیل مقدس مقامات میں داخل ہو کر خانہ جنگی کو دعوت دے رہا ہے۔