ARYNews.tv | Urdu – Har Lamha Bakhabar

Tag: مسجد الاقصیٰ

  • مسجد الاقصیٰ پر یہودی آبادکار جلد دھاوا بول سکتے ہیں، اسرائیلی میڈیا

    مسجد الاقصیٰ پر یہودی آبادکار جلد دھاوا بول سکتے ہیں، اسرائیلی میڈیا

    اسرائیلی میڈیا کا کہنا ہے کہ یہودی قابضین (آبادکار) آنے والے ہفتوں کے دوران مسجدِ الاقصیٰ پر غیر قانونی دھاوا بول سکتے ہیں۔

    اسرائیلی میڈیا کی رپورٹس کے مطابق یہودی آبادکاروں کی مدد کیلیے اسرائیلی وزارتِ میراث پانچ لاکھ 45 ہزار امریکی ڈالر مختض کرے گی جبکہ اسرائیلی حکومت مسجد الاقصیٰ پر یہودی قابضین کے غیر قانونی دھاوے کو مالی معاونت کرے گی۔

    یہودی قابضین کے غیر قانونی دھاوے کے سلسلے میں اسرائیلی وزارتِ میراث پولیس اجازت کیلیے قومی سلامتی کی وزارت سے رابطے میں ہے۔

    اسرائیلی وزیر قومی سلامتی بین گویر نے اسرائیلی آرمی ریڈیو کو انٹرویو کے دوران مسجدِ اقصیٰ کے اندر یہودی عبادت گاہ تعمیر کرنے کا اعلان کیا۔

    بھارت: لیڈی ڈاکٹر پر حملے کی ویڈیو سامنے آگئی

    بدنام زمانہ اسرائیلی وزیر قومی سلامتی بین گویر نے مزید کہا کہ مسجد الاقصیٰ کے اندر یہودیوں کو عبادت کی اجازت دینا ہمیشہ سے میری پالیسی رہی ہے اور وزیراعظم نیتن یاہو کو اس حوالے سے معلوم ہے۔

  • مسجد اقصیٰ کے تقدس کی پامالی فلسطین میں حالات خراب کرنے کی کوشش ہے، پاکستان کی اسرائیلی وزیر کے دورے کی شدید مذمت

    اسلام آباد: پاکستان نے مسجد الاقصیٰ کے تقدس کی پامالی فلسطین میں حالات خراب کرنے کی کوشش قرار دے دی، پاکستان کی جانب سے اسرائیلی وزیر کے دورے کی شدید مذمت کی گئی ہے۔

    ترجمان دفتر خارجہ نے انتہا پسند اسرائیلی وزیر بِن گویر کے مسجد اقصیٰ کے دورے پر رد عمل میں کہا ہے کہ پاکستان مسجد اقصیٰ کے احاطے کے اس اشتعال انگیز دورے کی شدید مذمت کرتا ہے۔

    ترجمان نے کہا مسجد الاقصیٰ ایک مقدس مقام ہے، دنیا بھر کے مسلمان مسجد الاقصی سے عقیدت رکھتے ہیں، مسجد الاقصی کے تقدس کی پامالی مسلمانوں کے جذبات کو مجروح کرتی ہے۔

    ترجمان نے کہا مسجد الاقصی کے تقدس کی پامالی فلسطین میں حالات خراب کرنے کی کوشش ہے، اسرائیل فلسطین میں غیر قانونی اقدمات بند کرے، اور مقبوضہ فلسطین میں مسلمانوں کے مذہبی مقامات کے تقدس کا احترام کیا جائے۔

    دفتر خارجہ کے ترجمان کا کہنا تھا کہ پاکستان فلسطین کی جدوجہد آزادی کو سپورٹ کرتا ہے، اور اقوام متحدہ، او آئی سی قراردادوں، اور 1966 کی سرحدوں کے مطابق فلسطین کی حمایت کرتا ہے۔

    اسرائیل کے انتہا پسند وزیر مسجدِ اقصی میں داخل ، عالمی برادری سخت برہم

    ترجمان نے کہا پاکستان 1967 سے پہلے کی سرحدوں کے مطابق خود مختار فلسطینی ریاست کا مطالبہ دہراتا ہے، پاکستان ایسی آزاد فلسطینی ریاست چاہتا ہے جس کا دارالحکومت القدس الشریف ہو۔

    وزیر خارجہ پاکستان بلاول بھٹو نے بھی ایک ٹوئٹ میں لکھا: ’’پاکستان اسرائیلی وزیر کے مسجد اقصیٰ کے احاطے میں اشتعال انگیز دورے کی مذمت کرتا ہے۔‘‘

  • مسجد الاقصیٰ میں آگ بھڑک اٹھی

    مسجد الاقصیٰ میں آگ بھڑک اٹھی

    مقبوضہ بیت المقدس: مسجد اقصی کے ایک حصے المصلی المروانی میں اچانک آگ بھڑک اٹھی جس پر فائر بریگیڈ نے 2 گھنٹے کی شدید جدوجہد کے بعد قابو پالیا۔ حادثے میں کوئی جانی نقصان نہیں ہوا۔

    میڈیارپورٹس کے مطابق مسجد اقصی کے ایک حصے مصلی مروانی کی چھت پر واقع محافظوں کے کمرے میں آگ بھڑک اٹھی۔ حادثے میں کسی قسم کا جانی نقصان کی اطلاع نہیں ملی تاہم عمارت کے کچھ حصے کو نقصان پہنچا ہے۔ عمارت کے اس حصے کو آمد و رفت کے لیے بند کردیا گیا ہے۔ آگ لگنے کی وجوہات کا تعین تاحال نہیں کیا جا سکا ہے۔

    مصلی مروانی مسلم عبادت گاہ ہے جسے سلومنز سٹیبل بھی کہا جاتا ہے اور جو زیر زمین حرم قدسی کے نیچے جانے والی سیڑھیوں پر واقع ہے۔

    آتشزدگی کی اطلاع ملتے ہی اسلامی وقف کے فائر بریگیڈ کے عملے نے آگ پر قابو پا لیا، حادثے میں کسی قسم کا جانی نقصان نہیں ہوا تاہم عمارت کے کچھ حصے کو نقصان پہنچا ہے۔

    فلسطین اتھارٹی نے اپنے بیان میں کہا کہ مسجد اقصی کے مصلی مروانی کا حصہ محفوظ ہے اور کوئی تشویش کی بات نہیں ہے۔ آتشزدگی کی اطلاع ملتے ہی لوگوں کی بڑی تعداد مسجد اقصی پہنچ گئی تھی۔

    پیرس کے تاریخی نوتخ دیم چرچ میں آگ بھڑک اُٹھی

    یاد رہے کہ گزشتہ روز فرانس کے دارالحکومت پیرس کے 850 سال پرانے نوتخ دیم چرچ میں آگ لگ گئی تھی ، جس نے دیکھتے ہی دیکھتے پورے چرچ کو اپنی لپیٹ میں لے لیا تھا ۔

    نوتخ دیم میں لگنے والی آگ سے جہاں چرچ کی تاریخی لاٹ کو نقصان پہنچا ہے ، وہی کئی اہم نوادرات بھی خاکستر ہوگئے، یہ ایک تاریخی چرچ ہے جہاں ہرسال دنیا بھرسے لاکھوں سیاحوں کی آمد ہوتی ہے، واضح رہے کہ چرچ کی عمارت میں تعمیراتی کام جاری تھا۔