Tag: مسجد الحرام

سعودی عرب میں دنیا کے مختلف ممالک سے عازمین حج کی آمد کا سلسلہ جاری ہے جبکہ مکہ مکرمہ کی سڑکوں پر موجود کبوتر بھی آنے والے زائرین کا اپنے پروں کو پھیلا کر استقبال کرتے نظر آرہے ہیں۔

سعودی خبر رساں ادارے اخبار 24 کے مطابق عازمین حج اور زائرین مکہ مکرمہ کے کبوتروں سے خاص انسیت رکھتے ہیں۔ یہ مکہ کی سڑکوں پر جھنڈ کی صورت میں اڑتے ہیں اور نہایت ہی حسین منظر پیش کرتے ہیں۔

دنیا کے مختلف ممالک سے آنے والے زائرین ان کبوتروں کو دانہ ڈالتے اور ان کے ساتھ یادگاری تصاویر بنواتے نظر آتے ہیں۔

رپورٹ کے مطابق مکہ مکرمہ کے تمام علاقوں میں یہ کبوتر کثرت سے پائے جاتے ہیں جو اپنی لمبی گردن اور نمایاں رنگ کی وجہ سے خاص شہرت رکھتے ہیں۔

مکہ مکرمہ کی سڑکوں پر موجود یہ کبوتر نہ صرف اہل مکہ بلکہ دیگر ممالک سے آنے والوں کیلیے بھی خاص اہمیت رکھتے ہیں، ان کبوتروں کا شکار شرعی طور پر منع ہے۔

ان کبوتروں کی نشو و نما میں سالانہ بنیادوں پر غیرمعمولی اضافہ ہوتا رہتا ہے۔خاص طور پر مسجد الحرام کے اطراف میں پائے جانے والے کبوتر جنہوں نے قریبی عمارتوں پر اپنے گھونسلے بنائے ہوئے ہیں۔

مسجد نبویؐ میں ہلال احمر نے زائر کی زندگی بچالی

مکہ مکرمہ میں مختلف اقسام کے کبوتر پائے جاتے ہیں جبکہ ان کے نام بھی مختلف ہیں جو ان کی نسل کی پہچان کیلیے رکھے گئے ہیں۔

مسجد الحرام مکہ مکرمہ اور مسجد نبوی صلی اللہ علیہ وآلہ وسلم میں ختم قرآن اور دعا میں لاکھوں فرزندان اسلام شریک ہوئے، اس موقع پر رقت آمیز مناظر دیکھنے کو ملے۔

ایس پی اے کی رپورٹ کے مطابق مغرب سے قبل ہی لوگوں کی بڑی تعداد مسجد الحرام اور مسجد نبوی پہنچ گئی تھی اور وہیں انہوں نے روزہ افطار کیا۔

مملکت اور دیگر ممالک سے آنے والے زائرین نے مغرب اور اس کے بعد عشا و تراویح کی نمازیں بھی حرمین میں ادا کیں۔

سامنے آنے والی دلکش تصاویر میں دیکھا جاسکتا ہے کہ مسجد الحرام کی بیسمنٹ، زمینی منزل، پہلی منزل، چھتیں،راہداریاں اور اطراف کی سڑکیں عبادت گزاروں سے بھر گئی تھیں۔

سرکاری اداروں کی جانب سے اس موقع پر نمازیوں اور زائرین کی سلامتی کیلیے خصوصی انتظامات عمل میں لائے گئے تھے۔