Tag: مسجد الحرام

سعودی عرب میں حرمین شریفین کے نگراں اعلیٰ ادارے کے جاری کردہ بیان میں کہا گیا ہے کہ مسجد الحرام مکہ مکرمہ اور مسجد نبوی صلی اللہ علیہ وآلہ وسلم مدینہ منورہ میں زائرین ماسک کی پابندی کریں۔

بین الاقوامی خبر رساں ادارے کی رپورٹ کے مطابق ایکس اکاؤنٹ پر جاری بیان میں نگراں ادارے نے زائرین سے اپیل کی کہ اگر وہ تنفس کے مرض کی علامتیں محسوس کریں تو ایسی صورت میں دوسروں کی خاطر ماسک پابندی سے استعمال کریں۔

زائرین کو نگراں ادارے نے ہدایت کی کہ وہ مشروبات زیادہ سے زیادہ استعمال کریں۔ اپنے آرام کا حد درجہ خیال کریں اور ڈاکٹر کے مشورے کے بغیر اینٹی بائیوٹک ہرگز استعمال نہ کریں۔

دوسری جانب سعودی وزیر حج و عمرہ ڈاکٹر توفیق الربیعہ نے عمرہ و حج پر آنے والے زائرین کو خوشخبری سناتے ہوئے نئی سہولتیں متعارف کرانے کی ترغیب دی ہے۔

بین الاقوامی خبر رساں ادارے کی رپورٹ کے مطابق جدہ میں حج و عمرہ کانفرنس و نمائش کے ایک مباحثے کے دوران اُن کا کہنا تھا کہ بعض زائرین مکہ یا مدینہ میں نکاح پڑھانے کی خواہش رکھتے ہیں۔

انہوں نے کہا کہ خدمات فراہم کرنے والے ادارے انہیں یہ سہولت فراہم کر سکتے ہیں۔ نجی فوٹو گرافرکا بندوبست کیا جاسکتا ہے۔ مکہ مکرمہ، مدینہ منورہ سمیت مملکت کے کسی بھی علاقے کے لیے سیاحتی پروگرام منظم کیے جاسکتے ہیں۔

مکہ اور مدینہ میں درجنوں ہوٹل اور فرنشڈ اپارٹمنٹ بند کرادیئے گئے

زائرین کو سہولتوں کی فراہمی میں انفرادیت کی حوصلہ افزائی کے لیے ڈاکٹر توفیق الربیعہ نے تین ایوارڈز کا بھی اعلان کیا۔ انہوں نے کہا کہ منفرد خدمات کی حوصلہ افزائی کے لیے ترغیبات اہمیت رکھتی ہیں۔ ’نسک اعمال‘ ایوارڈ دینے کا فیصلہ کیا گیا ہے۔

سعودی عرب میں مسجد الحرام کے تمام مقامات کی یومیہ بنیاد پر صفائی اور سینیٹائزنگ کا کام صفائی اور انتظامی امور کی کمیٹی کی جانب سے سر انجام دیا جاتا ہے۔

غیر ملکی ذرائع ابلاغ کے مطابق کمیٹی کی انتظامیہ حرمین شریفین کی دیکھ بھال اور صفائی کے لیے اس امر کا خاص خیال رکھتی ہے کہ عبادات کے لئے آنے والے زائرین حرم کو کسی قسم کی پریشانی نہ اُٹھانی پڑے۔

مسجد الحرام کی صفائی اور سینیٹائزنگ کیلیے 4 ہزار سے زائد کارکن متعین ہیں جبکہ ان کی نگرانی کیلیے 200 سعودی سپروائزر موجود ہوتے ہیں۔

ساؤنڈ سسٹم اور دیگر الیکٹریکل امور کی نگرانی کے لیے 120 افراد پرمشتمل فنی عملہ موجود ہوتا ہے، صفائی اور سینیٹائزنگ کا کام 24 گھنٹے کی بنیاد پرکیا جاتا ہے۔

مسجد الحرام میں اس وقت 16 لاکھ نمازیوں کی گنجائش موجود ہے، اتھارٹی کی کوشش ہے کہ زائرین کو ہر ممکن سہولت فراہم کی جائے جس کیلیے ترقیاتی کاموں کو تیزی سے کیا جاتا ہے۔

مسجد الحرام میں 8 ہزار سپیکرز نصب ہیں جن کی دیکھ بھال مستقل بنیادوں پر کی جاتی ہے خاص کر ہر نماز سے قبل ان کا معائنہ کیا جاتا ہے۔

مسجد الحرام کی صفائی اور سینیٹائزنگ کا عمل مستقل بنیادوں پرکیا جاتا ہے جس کیلیے خصوصی عملہ مختلف شفٹوں میں امور انجام دیتا ہے۔

پاک حج موبائل ایپ کا اجرا، حج آپریشن کو ڈیجیٹلائزڈ کر دیا گیا

حرم شریف میں 9 ہزار 155 واٹر کولرز ہیں جبکہ مسجد الحرام اوراس کے صحنوں کیلیے 35 ہزار نئے قالین فراہم کئے گئے ہیں۔

مسجد الحرام اور مسجد نبوی میں عربی زبان کی خوبصورتی اور دلکشی کے نمونے موجود ہیں۔جو دیکھنے کی توجہ اپنی جانب مبذول کرالیتے ہیں۔

غیر ملکی ذرائع ابلاغ کے مطابق حرمین شریفین میں مختلف مقامات پرعربی خطاطی کے جمالیاتی مناظر بھی دیکھنے والوں کو حیرانی میں مبتلا کردیتے ہیں، جبکہ خانہ کعبہ کے غلاف پر آیات ربانی کی خوبصورت کڑھائی کا کام کیا گیا ہے۔

سعودی خبررساں ایجنسی کا اس حوالے سے کہنا ہے کہ حرمین شریفین میں بھی عربی زبان کی خطاطی موجود ہے جو اس زبان کی اہمیت کو اجاگر کرتی ہے۔

جماليات اللغة العربية وروائعها في أرجاء المسجد الحرام.https://t.co/FZx6lqfjGT#واس_عام pic.twitter.com/sf1ZYUQb7s

— واس العام (@SPAregions) December 19, 2023

مسجد الحرام میں اس حوالے سے مختلف گروپس کی صورت میں قرآنی حلقے تشکیل دیے جاتے ہیں جہاں تجوید اوردرست تلفظ کی ادائیگی کے ساتھ تلاوت قرآن کریم کی تعلیم دی جاتی ہے،جس سے اہل اسلام فیضیاب ہوتے ہیں۔

عربی زبان قرآن کریم اورسنت نبوی کی تعلیم کا ایک اہم ذریعہ ہے، جبکہ حرمین شریفین میں عربی زبان اور اس کی تعلیم کے فروغ کے لیے بہت توجہ دی جاتی ہے۔

دوسری جانب گزشتہ برس مسجد نبوی کے کتب خانے سے ایک لاکھ 10 ہزار زائرین مستفیض ہوئے۔ کتب خانے میں قرآن کریم کے 250 قدیم ترین نسخوں کے علاوہ دیگر نادر کتب کا شاندار ذخیرہ بھی آنے والے زائرین کی توجہ کا مرکز بن گیا۔

رپورٹ کے مطابق مسجد نبوی کے کتب خانے میں 2 لاکھ 60 ہزار سے زائد ڈیجیٹل طریقے سے محفوظ کیے گئے نادر نسخے بھی رکھے گئے ہیں جن سے کتب خانے میں آنے والا ہر شخص استفادہ حاصل کرسکتا ہے، اس کے علاوہ 4052 نادر قلمی نسخے بھی موجود ہیں۔

7 ہزار سے زائد نادر کتابیں اور 4 ہزار 600 کے قریب تصویری مخطوطات بھی کتب خانے میں آنے والوں کی توجہ حاصل کررہے ہیں، جنہیں مختلف ادوار میں تیار کیا گیا تھا۔

مسجد نبویؐ میں گزشتہ ہفتے لاکھوں زائرین کی آمد

مسجد نبوی کا کتب خانہ 1352 ھ مطابق 1933 میں قائم ہوا تھا۔ کتب خانے کے مختلف شعبے ہیں جن میں مطالعے کے لیے لائبریری بھی شامل ہے۔ کتب خانے میں مرد و خواتین کے لیے الگ الگ جگہیں مختص کی گئی ہیں، اس کے علاوہ بچوں کے لیے بھی اہم معلوماتی کتب فراہم کی گئی ہیں۔

سعودی عرب میں حرمین شریفین کی دیکھ بھال کی ذمہ دار تنظیم کے سیکرٹری برائے امن و سلامتی فیاض الحارثی کا اپنے جاری کردہ بیان میں کہنا ہے کہ مملکت میں ہونے والی موسلا دھار بارش کے دوران ممکنہ خطرات سے طے شدہ طریقہ کار کے مطابق نمٹا جا رہا ہے۔

بین الاقوامی خبر رساں ادارے کی رپورٹ کے مطابق بارش کے دوران سیکورٹی کے وسائل فراہم کیے جا رہے ہیں۔رین کوٹ، اینٹی سلپ چپل اور پانی کی نکاسی کا سامان فراہم کردیا گیا ہے۔

اپنے بیان میں اُن کا مزید کہنا تھا کہ زائرین کی حفاظت کے لیے بارش کے دوران کسی کو راہداری میں بیٹھنے یا کھڑے ہونے کی اجازت نہیں ہے۔

یاد رہے کہ حرمین شریفین انتظامیہ نے مسجد حرام کی خدمت کرنے والے مختلف سرکاری اداروں کے تعاون سے مسجد حرام میں بارش کے مسائل سے نمٹنے کے لیے ہنگامی اسکیموں پر عمل درآمد شروع کردیا ہے۔

تیز بارشوں کے دوران مطاف، جائے نماز، داخلی راستوں پر پانی کی فوری نکاسی اور فرش خشک کرنے کو یقینی بنایا جا رہا ہے، حرمین شریفین انتظامیہ کی جانب سے کوشش کی جارہی ہے کہ عبادات کے دوران زائرین کی حفاظت کومکمل طورپر یقینی بنایا جائے۔

دوسری جانب مسجد الحرام میں معذور افراد کی سہولت کیلئے غیر معمولی اقدامات اٹھائے جا رہے ہیں، جس کے سبب معذور افراد کو بڑی سہولیات میسر آرہی ہیں۔

صدارت عامہ برائے امور حرمین شریفین نے مسجد حرام میں معذور زائرین، بزرگوں، خواتین اور بچوں کی سہولت کے لئے غیر معمولی اقدامات اٹھائے ہیں۔

مسجد الحرام میں معذور افراد کی نقل وحرکت، ان کی صحت اور عبادات کی ادائی کے لیے انہیں بہترین خدمات فراہم کی گئی ہیں۔

معذور افراد کے لیے مختص ہالوں میں صحت وصفائی کا خصوصی اہتمام کیا جاتا ہے، سہولیات کی فراہمی کے نتیجے میں مسجد حرام کے صحنوں اور نماز کے ہالوں میں معذور زائرین سہولت کے ساتھ عبادت میں مصروف رہتے ہیں۔