Tag: مسجد نبویؐ

ادارہ حرمین شریفین کی جنرل اتھارٹی کا کہنا ہے کہ مسجد نبوی صلی اللہ علیہ وآلہ وسلم روضہ شریفہ میں زائرین کیلیے مقررہ وقت دس منٹ ہے جبکہ پرمٹ سال میں صرف ایک مرتبہ جاری کیا جائے گا۔

سعودی خبر رساں ادارے کی رپورٹ کے مطابق اتھارٹی نے کہا ہے کہ اگرگوئی پرمٹ ہولڈر مقررہ وقت پر روضہ شریفہ کے لیے جاری پرمٹ سے فائدہ اٹھانے کی پوزیشن میں نہیں تو اسے چاہئے کہ اپنا پرمٹ منسوخ کرادے، تاکہ دوسرے افراد استفادہ حاصل کرسکیں۔

’اجازت نامہ منسوخ نہ کیے جانے کی صورت میں وہ ایک سال بعد ہی دوبارہ پرمٹ جاری کراسکیں گے‘۔

جاری ہدایات میں کہا گیا ہے کہ روضہ شریفہ کے اندر نماز کا وقت صرف دس منٹ مقرر ہے تاکہ دوسروں کو موقع مل سکے۔ پرمٹ کے اجرا پر وقت کی تصدیق کرنا اور مقررہ وقت سے پندرہ منٹ پہلے پہنچنا ضروری ہے۔

اتھارٹی کے مطابق زائرین کے لیے ضروری ہے کہ وہ نسک ایپلی کیشن کے ذریعے پرمٹ کے اجرا سے پہلے روضہ شریفہ میں داخلے کی ہدایات پر اتفاق کرے۔

ہدایات کے مطابق بارکوڈ صرف ایک مرتبہ اپائنمٹٹ کیلیے استعمال کیا جا سکتا ہے اور مقررہ وقت پر گیٹ میں داخلے پر بار کوڈ دکھانا ہوگا کیونکہ اسے دکھائے بغیر داخلہ ممکن نہیں۔

سورج کب خانہ کعبہ کے عین اوپر ہوگا؟

اس کے علاوہ پرمٹ ہولڈر کو مقررہ وقت سے آدھا گھنٹہ قبل مسجد نبوی صلی اللہ علیہ وآلہ وسلم کے احاطے میں پہنچنا بھی ضروری ہے۔

سعودی عرب میں حج کے سلسلے میں دنیا بھر سے عازمین کی آمد کا سلسلہ جاری ہے، ایسے میں سعودی حکومت کی جانب سے زائرین کو ہر ممکن سہولیات فراہم کرنے کے لئے بھرپور اقدامات کئے گئے ہیں۔

سعودی خبر رساں ادارے اخبار 24کی رپورٹ کے مطابق مسجد نبوی صلی اللہ علیہ وآلہ وسلم میں سعودی ہلال احمر نے ایک اور زائر کی جان بچالی، سعودی ہلال احمر نے مسجد نبویؐ کے بیرونی صحن میں بروقت طبی امداد فراہم کرکے ایک زائر کی قیمتی جان بچالی۔

منگل کو 14 بجکر 37 منٹ پر ہلال احمر اتھارٹی کے کمانڈ اینڈ کنٹرول روم کو اطلاع ملی کہ مسجد نبوی صلی اللہ علیہ وآلہ وسلم کے بیرونی صحن میں ایک شخص کی حالت نازک ہے۔

اطلاع ملتے ہی ’قریبی موجود ٹیم موقع پر پہنچ گئی، ابتدائی معائنے سے معلوم ہوا کہ 60 سالہ زائر دل کا دورہ پڑنے کے بعد بے ہوشی کی حالت میں ہے اور دل کی دھڑکن بھی بند ہوچکی ہے۔

ایسے میں ہلال احمر کے کارکنوں نے ’مریض کو فوری طور پر ہنگامی طبی امداد فراہم کی کارڈیو پلمونری ریسیسیٹیشن کی کارروائی اور بجلی کے جھٹکے دیے گئے۔جس سے مریض کی دل کی دھڑکن بحال ہوگئی اور مریض کو علاج کیلیے الصافیہ صحت مرکز منتقل کردیا گیا۔

خاتون عازم حج کا دوران سفر انتقال

واضح رہے کہ مسجد الحرام اور مسجد نبوی صلی اللہ علیہ وآلہ وسلم امراض قلب میں مبتلا افراد کو ضرورت پڑنے پر ہنگامی طبی امداد کی فوری فراہمی کو یقینی بنانے کے لیے ’کارڈیک الیکڑک شاک ڈیوائس‘نصب بھی موجود ہوتی ہیں۔